དགའ་ལྡན་ཁྲི་པ།
རི་བོ་དགེ་ལུགས་པའི་བསྟན་པའི་ཤིང་རྟ་ཆེན་པོ་རྗེ་ཙོང་ཁ་པའི་ཆོས་ཀྱི་རྒྱལ་ཚབ་ཀྱི་གོ་མིང་སྟེ། གདན་ས་ཆེན་པོ་སེ་འབྲས་དགའ་གསུམ་གྱི་གྲྭ་པའི་ནང་ནས་ལྷ་ལྡན་སྨོན་ལམ་ཆེན་མོའི་སྐབས་དགེ་བཤེས་ཀྱི་གོ་མིང་ཐོབ་རྗེས། གསང་ཆེན་རྒྱུད་གྲྭ་སྟོད་སྨད་གང་རུང་ཞིག་ལ་ཞུགས་ནས་དེའི་དགེ་བསྐོས་དང༌། དབུ་མཛད། མཁན་པོ་བཅས་རིམ་བཞིན་བྱས་ཤིང༌། དེ་ནས་དགའ་ལྡན་ཤར་རྩེའམ་བྱང་རྩེ་གང་རུང་གི་ཆོས་རྗེ་བྱས་མཚམས་དགའ་ལྡན་ཁྲི་པ་སྔོན་མ་འཕོ་འདས་བྱུང་ན་དེའི་གོ་ས་ཐོབ།
དབང་མཛད་བཅུ།
དབང་མཛད་ཐོག་མར་བྱུང་བ་ཞེས་པ་ནི་མིས་མི་ལ་དབང་སྒྱུར་བའི་དུས་རབས་ཀྱི་མགོ་ཚུགས་ཤིང་། དེ་ནི་བསྐལ་པ་ཡ་ཐོག་གི་སྤྱི་ཚོགས་མཇུག་རྫོགས་ནས་བྲན་གཡོག་ལམ་ལུགས་ཀྱི་མགོ་ཚུགས་པའི་དུས་རབས་ཤིག་ཡིན།
བསྐལ་པ་ཡ་ཐོག
གནའ་བོའི་ཡིག་ཚང་རྙིང་པ་རྣམས་སུ་དེ་ལྟར་འཁོད་ཡོད་དེ།《ཆོས་འབྱུང་མཁས་པའི་དགའ་སྟོན》ལས། མཚོ་དེ་འཁོལ་བ་ཞི་ཞིང་རབ་ཏུ་བསིལ།། ཀོང་གི་ཆུ་བརླག་ཅེས་བྱའི་ཟོམས་ཕྱེ་བས།། རུ་བཞི་ཆུ་ཡིས་གང་བ་དེ་རུ་ཐིམ།། བོད་ཁམས་ཡུལ་གྱི་རྣམ་པ་གསལ་པོར་དོད།། ཅེས་སོགས་བོད་ཡུལ་འདི་ཐོག་མར་རྒྱ་མཚོ་ཆེན་པོ་ཞིག་ཡིན་པ་ལ་རྗེས་སུ་རིམ་བཞིན་མཚོ་བྲི་ནས་སྐམ་ས་བྱུང་ཚུལ་གསུངས་ཡོད།
ཕག་གྲུའི་སྲིད་སྐྱོང་དུས་རབས།
ཕག་གྲུའི་བརྒྱུད་པ་ནི《རླངས་ཀྱི་པོ་ཏི་བསེ་རུ》ལས། རུས་ཆེན་བཅོ་བརྒྱད་དང༌། འབྲས་ལ་དཀར་ནག་ཁྲ་གསུམ་སོགས་དང༌། བོད་མིའི་གདུང་དྲུག་བྱུང་ཚུལ་ཤིན་ཏུ་རྒྱས་པར་གསུངས་ཤིང༌། དེ་དག་གི་རྒྱུད་ལས་རླངས་ཀྱི་གདུང་བརྒྱུད་བྱུང་ཞིང༌། དེ་དག་ལས་ཨ་མེས་བྱང་ཆུབ་འདྲེ་འཁོལ་ནས་བཟུང་རིགས་བརྒྱུད་ཟམ་མི་ཆད་པར་བྱོན་ཞིང་དེ་དག་གི་རྒྱུད་པས་གདན་ས་ཐིལ་དུ་མཛད་པས་ཕག་གྲུ་པ་ཞེས་དང༌། རྒྱལ་ས་སྣེ་གདོང་དུ་བྱས་པས་སྣེ་གདོང་པ་ཞེས་གྲགས་སོ།།
བོད་ཀྱི་གནའ་མིའི་རུས་ཚན།
གནའ་མི་རྣམས་ཀྱི་རྒྱུད་པ་རིམ་བཞིན་འཕེལ་བ་ལས་བོད་ཀྱི་མིའི་རིགས་བཞི་ཞེས་སེ་དང་། རྨུ་དང་། ལྡོང་དང་། སྟོང་སྟེ་རུས་ཚན་ཆེན་པོ་བཞི་ཆགས་པ་དང་། ཡང་དེའི་སྟེང་དབྲ་དང་འབྲུ་གཉིས་བསྣན་པས་མིའུ་རིགས་དྲུག་བྱུང་ཞེས་ཀྱང་གྲགས།
ཡང་སྲིད་ཁྲི་འདོན་ལམ་ལུགས།
བོད་རབ་བྱུང་ལྔ་པའི་ཤིང་སྤྲེལ(1284)ལོ་ཀརྨ་པ་རང་བྱུང་རྡོ་རྗེ་སྐུ་འཁྲུངས་ནས་དགུང་ལོ་ལྔ་ལ་ཕེབས་སྐབས་གྲུབ་ཐོབ་ཨུ་རྒྱན་པ་རིན་ཆེན་དཔལ་གྱིས་ཀརྨ་པཀྵི་ཡང་སྲིད་འཁྲུལ་བྲལ་དུ་ངོས་འཛིན་ཞུས། དེ་ནི་བོད་དུ་སྤྲུལ་སྐུའི་ཡང་སྲིད་ངོས་འཛིན་བྱེད་པའི་ལམ་སྲོལ་ཐོག་མ་དེ་ཡིན། དེ་ནས་རིམ་བཞིན་རྒྱལ་བ་སྐུ་ཕྲེང་རིམ་བྱོན་རྣམས་དང༌། པཎ་ཆེན་སྐུ་ཕྲེང་རིམ་བྱོན་སོགས་དགོན་སྡེ་སོ་སོའི་སྤྲུལ་སྐུ་ངོས་འཛིན་ཞུ་བའི་ལམ་སྲོལ་དར་ཁྱབ་བྱུང་ཡོད། བླ་མའི་སྐུ་སྐྱེ་ངོས་འཛིན་ཞུ་བའི་ལམ་སྲོལ་དེ་ནི་སངས་རྒྱས་ཆོས་ལུགས་ནང་གང་ཟག་ཁྱད་དུ་འཕགས་པ་རྣམས་འགྲོ་བའི་དོན་ཕྱིར་སྙིང་རྗེའི་དབང་གིས་འཁོར་བར་ཡང་སྲིད་པ་ལེན་པ་ཞེས་པའི་ལུང་ལ་བརྟེན་ནས་དར་བ་ཞིག་ཡིན།
ཞང་ཞུང་རྒྱལ་རབས།
ཞང་ཞུང་གི་གྲགས་ཆེ་བའི་རྒྱལ་རབས་བཅོ་བརྒྱད་ཀྱིས་རྒྱལ་སྲིད་བསྐྱངས་ཚུལ་བརྗོད་ཡོད།
འབྲི་གུང་གླིང་ལོག
སྤྱིར་འབྲི་གོང་གླིང་ལོག་ཅེས་གྲགས་པའི་དོན་རྐྱེན་འདི་ནི་ས་སྐྱ་བས་བོད་སྤྱི་ལ་དབང་བསྒྱུར་བའི་རིང་བྱུང་བའི་འཁྲུག་ལོང་ཆེ་ཤོས་ཤིག་ཡིན་པར་མ་ཟད། ལོ་རྒྱུས་ཐོག་ཅུང་གྲགས་ཆེ་བའི་དུས་ཟིང་ཞིག་ཀྱང་ཡིན།
རྡོ་རིང་ཡི་གེ།
རྡོ་རིང་ཡི་གེ་ནི་དུས་རབས་བརྒྱད་པ་ནས་དགུ་བའི་བར་བོད་ཡུལ་དུ་བཞེངས་ཤིང་ད་ལྟའི་བར་གནས་པའི་ལྷ་སའི་གཙུག་ལག་གི་རྡོ་རིང་སོགས་རྡོ་རིང་བཅུ་ལྷག་ལས་བྱུང་བའི་ཡི་གེ་རྣམས་ལ་བྱ་ཞིང་། དེ་དག་གི་ནང་དོན་ནི་རྒྱ་བོད་མི་རིགས་མཇལ་དུས་མཛད་པའི་མནའ་ཚིག་དང་། མཆོད་ཚིག སྨོན་ཚིག་སོགས་ཡིན།
མ་སངས།
《དུང་དཀར་ཚིག་མཛོད་ཆེན་མོ》ལས། མ་སངས་ནི་བོན་པོའི་གཞུང་དང་འདྲེ་སྒྲུང་སོགས་ཀྱི་ནང་ལྷ་འདྲེ་དང་མི་མཉམ་དུ་འདུས་ནས་བྱུང་བའི་བུ་ཕྲུག་ལ་མ་སངས་རུས་དགུ་བྱུང་བར་བཤད། 《བོན་གྱི་ཤེས་རིག་ཚིག་མཛོད》ལས། 1མ་སངས་ནི་མི་མ་ཡིན་གྱི་རིགས་ཤིག 2མ་སངས་ནི་རུས་རིགས་ཤིག་ཡིན།
སྤུ་རྒྱལ་གྱི་དུས་རབས།
སྤུ་བོའི་ཡུལ་དུ་སྐྱེས་པའི་ཨུ་བེ་ར་བྱ་བའི་མི་ཞིག་བྱུང་བ་དེ། གཤིས་རྒྱུད་གྱོང་ལ་དཔའ་རྩལ་དང་སྙིང་སྟོབས་གཞན་གྱིས་འགྲན་ཟླ་དང་བྲལ་བ་ཞིག་བྱུང་བ་དེ་ཉིད། ཡུལ་ཡར་ཀླུང་དུ་ཕེབས། སྐུ་མཁར་ཡུམ་བུ་བླ་སྒང་བརྩིགས། སྟོད་ཀྱི་མངའ་རིས་སྐོར་གསུམ་གྱི་རྒྱལ་ཕྲན་རྣམས་ཕུད་པའི་རྒྱལ་ཕྲན་ཕལ་ཆེར་དབང་དུ་བསྒྱུར་ཏེ་སྤུ་རྒྱལ་གཉའ་ཁྲི་བཙན་པོ་ཞེས་པའི་མཚན་སྙན་གྱི་ཅོད་པན་གསོལ་བ་ལ། བོད་དུ་རྒྱལ་པོའི་མཚན་ཅན་ཐོག་མར་བྱུང་བའི་རྒྱལ་རབས་དང་པོ་དེ་ཡིན། དེ་ནས་བཟུང་མདོ་དབུས་མཐོ་སྒང་གི་ཡུལ་གྲུ་འདིར་ཞང་བོད་ཡུལ་གྲུ་གཉིས་སུ་ཆགས།
ས་སྐྱ་པའི་སྲིད་སྐྱོང་དུས་རབས།
ས་སྐྱ་པའི་གདུང་རྒྱུད་བྱུང་ཚུལ་སྐོར་དང་། ས་སྐྱ་བས་ཧོར་གོང་མའི་རྒྱབ་སྐྱོར་ལ་བརྟེན་ནས་བོད་ཁམས་ཡོངས་རྫོགས་སླར་ཡང་གཅིག་གྱུར་བྱས་ཏེ་ཆོས་སྲིད་ལུགས་གཉིས་ཀྱིས་དབང་སྒྱུར་བྱས་ཚུལ་བཅས་བརྗོད་ཡོད།
ཕུན་སུམ་ཚོགས་པའི་བོན་རྒྱལ་བཞི།
ཕུན་སུམ་ཚོགས་པའི་བོན་རྒྱལ་བཞི་ནི་རྒྱལ་རབས་ཉེར་དགུ་པ་ཁྲི་གཉན་གཟུང་བཙན་ནས་རྒྱལ་རབས་སོ་གཉིས་པ་གནམ་རི་སྲོང་བཙན་གྱི་བར་ཡིན་ལ། སྤུར་རྒྱལ་དེ་དག་གིས་སྲིད་སྐྱོང་གི་ལོ་ཚིགས་ནི་སྤྱི་ལོ493ནས་སྤྱི་ལོ629བར་ཡིན།
བོད་ཁམས་སིལ་བུར་འཐོར་བའི་དུས་སྐབས།
བཙན་པོ་བཀྲོངས་ཤིང་དབུ་གཡོ་འཁྲུག་པ། འབངས་གྱེན་ལོག་བྱས་པ། བཙན་པོའི་གདུང་རྒྱུད་གྱེས་བ་སོགས་རྐྱེན་མང་པོ་ཞིག་གི་དབང་གིས་བོད་ཁམས་སིལ་བུར་འཐོར་བ་ཡིན།
འོལ་མོ་ལུང་རིངས།
ད་ལྟའི་དུས་སུ་ཞང་ཞུང་ཟེར་བའི་མིང་གི་གདགས་གཞིའི་ལྟེ་བ་ནི་སྟོད་མངའ་རིས་ཀྱི་ཕྱོགས་སུ་ཡིན་ལ། དེའི་ནང་ནས་ཀྱང་བོན་བསྟན་ཐོག་མའི་འབྱུང་ཁུངས་འཁྲུལ་པ་དང་བྲལ་བ་ནི་རྒྱལ་སའི་ལྟེ་བ་འོལ་མོ་ལུང་རིངས་ཞེས་སུ་གྲགས།
དགའ་ལྡན་ཕོ་བྲང་གི་དུས་སྐབས།
དགའ་ལྡན་ཕོ་བྲང་ནི་རྒྱལ་མཆོག་ལྔ་པ་ཆེན་པོས་གསར་དུ་བཙུགས་ཤིང་། དེ་ནས་བཟུང་རྒྱལ་མཆོག་སྐུ་ཕྲེང་ན་རིམ་གྱིས་སྐྱོང་བའི་བོད་ཀྱི་སྲིད་གཞུང་གི་མིང་སྟེ། དེ་ཡང་སྣེའུ་གདོང་དཔོན་རིགས་རྣམས་འབྲས་སྤུངས་སུ་ཡོང་སྐབས་ཀྱི་གནས་ཁང་རྡོ་ཁང་སྔོན་མོ་དང་འབྲས་སྤུངས་དཔོན་ཁང་ཡང་ཟེར། དེ་ཕག་གྲུ་སྡེ་སྲིད་ཁྲི་རབས་བཅུ་གཅིག་པ་དབང་བཀྲ་ཤིས་གྲགས་པ་རྒྱལ་མཚན་གྱིས་སྲིད་དབང་བཟུང་རྗེས། ཏཱ་ལའི་བླ་མ་སྐུ་ཕྲེང་གཉིས་པ་དགེ་འདུན་རྒྱ་མཚོས་འབྲས་སྤུངས་མཁན་པོ་གནང་སྐབས་རབ་བྱུང་དགུ་པའི་ས་སྟག་སྤྱི་ལོ1518ལོར་བཞུགས་གནས་སུ་ཕུལ་ཞིང༌། མིང་དགའ་ལྡན་ཕོ་བྲང་ཞེས་འདོགས་པར་མཛད། ཏཱ་ལའི་བླ་མ་སྐུ་ཕྲེང་གསུམ་པ་བསོད་ནམས་རྒྱ་མཚོ་སོག་ཡུལ་དུ་ཕེབས་ཤུལ་ཕྱག་མཛོད་སྐུ་མདུན་རིན་པོ་ཆེ་ཆོས་བཟང་འཕྲིན་ལས་ཀྱིས་འགན་བླངས་ཤིང༌། སྐྱིད་ཤོད་སྡེ་པ་བཀྲ་ཤིས་རབ་བརྟན་གྱིས་འཆར་འགོད་ཐོག་འུལ་མི་རྡོ་ཤིང་བཅས་ཀྱི་ཞལ་འདེབས་ཕུལ་ཏེ་ཕོ་བྲང་འདི་རྒྱ་བསྐྱེད་གསར་བཞེངས་བྱས་པ་ནས་ཏཱ་ལའི་བླ་མ་སྐུ་ཕྲེང་རིམ་པའི་བཞུགས་གནས་གཙོ་ཆེ་བའི་གྲས་སུ་གྱུར། དེ་ནས་རབ་བྱུང་བཅུ་གཅིག་པའི་ཆུ་རྟ་ལོ་སྟེ་སྤྱི་ལོ1642ལོར་རྒྱལ་དབང་སྐུ་ཕྲེང་ལྔ་པས་བཙུགས་པའི་བོད་ཀྱི་གཞུང་གསར་པའི་མིང་ལ་དགའ་ལྡན་ཕོ་བྲང་ཞེས་འདོགས་པ་གནང་བའི་རྒྱུ་མཚན་དེ་ལྟར་ཡིན།
ཙོང་ཁའི་རྒྱལ་པོ།
མདོ་སྨད་ཙོང་ཁའི་ཡུལ་དུ། བོད་ཀྱི་རྒྱལ་རྒྱུད་ཙོང་ཁའི་རྒྱལ་བོ་ཟེར་བའི་རྒྱལ་པོ་སྟོབས་ལྡན་ཞིག་བྱུང་། ད་ལྟའི་ཟི་ལིང་མཁར་དུ་རྒྱལ་ས་བཟུང་སྟེ་མཐའ་མཚམས་བརྟན་པོར་སྲུང་། འདི་པ་བོད་ཀྱི་རྒྱལ་རྒྱུད་ཡིན་པ། མཚན་ལའང་ཇོ་སྲས་སམ་རྒྱལ་སྲས་ཞེས་ཟེར།
རྒྱལ་རོང་།
སྲོང་བཙན་དང་ཐང་འཁྲུགས་ཏེ་བོད་དམག་གིས་བཅོམ་པའི་མཁར་མོའི་དམུ་རྡོ་ཞེས་གྲགས་པའི་ལྷ་རི་མཐོ་ཞིང་བརྗིད་པ་དེའི་རི་རྒྱུད་དང་བཅས་ཡུལ་ལུང་ཆེན་པོ་དེར་རྒྱལ་མོ་རོང་ཞེས་གྲགས།
འ་ཞ།
འ་ཞ་ནི་མཚོ་སྔོན་དང་ཀན་སུའུ་ཡི་ས་མཚམས་ནས་ལྷོ་སྦད་ལན་ལ་ཐུག་གི་བར་དུ་བོད་ཀྱི་ཤར་མཐར་གཞུ་དབྱིབས་ལྟར་བསྐོར་ནས་ཡོད་པ་དང་། དེའི་རྒྱ་ཁྱོན་ལ་ལེ་དབར་སྟོང་ཕྲག་ཙམ་ཡོད་པས་དེ་དང་ཉེ་བའི་བོད་ཀྱི་ཁྱབ་ཁོངས་སུ་གནས་པའི་རྒྱལ་ཕྲན་ལ་བོད་རྣམས་ཀྱིས་འ་ཞ་ཞེས་འབོད་པ་དེ་འདྲ་ཞིག་ཡིན།
སྟག་ལོའི་སྡེ་གཟར།
སྟག་ལོའི་སྡེ་གཟར་ཞེས་པ་ནི་སྤྱི་ལོ1434ལོར་སྤྱན་སྔ་རིན་པོ་ཆེ་སྐུ་གཤེགས་རྗེས་ཡང་ཡབ་ཀྱི་རང་ཉིད་སྡེ་སྲིད་ཀྱི་ཁྲི་ཐོག་ཡོང་རྒྱུའི་རེ་བ་གནང་བའི་མཛད་སྒོ་མ་ལེགས་པའི་རྐྱེན་གྱིས་འཁྲུག་རྩོད་རྒྱ་ཆེན་པོ་ལངས་པ་ཡིན།
ཁང་ཞིའི་རྡོ་རིང་།
ཁང་ཞིའི་རྡོ་རིང་དེ་ལྷ་སའི་ཕོ་བྲང་པོ་ཏ་ལའི་མདུན་དུ་བཙུགས་ཡོད་ལ། སྟེང་དུ་སོག་ཡིག་ཡིག་ཕྲེང་བཅོ་ལྔ་དང་མན་ཇུའི་ཡི་གེ་ཡིག་ཕྲེང་བཅོ་ལྔ་ཡོད། དེའི་ནང་དོན་ནི་སྐབས་དེའི་བོད་ཀྱི་གནས་ཚུལ་རགས་བཤད་བྱས་ཡོད།
དབོན་ཞང་རྡོ་རིང་གི་ཆིངས་ཡིག་རྡོ་བརྐོས་མ།
རྒྱལ་བོ་ཁྲི་ལྡེ་སྲོང་བཙན་སད་ན་ལེགས་འཇིང་ཡོན་ལ་སྲས་གཙང་མ། དར་མ། རལ་བ་ཅན། ལྷ་རྗེ། ལྷུན་འགྲུབ་སྟེ་ལྔ་ལས་ཁྲི་གཙུག་ལྡེ་བཙན་རལ་བ་ཅན་རྒྱལ་སར་བཀོད། བཙུན་མོ་དཔལ་གྱི་ངང་ཚུལ་ཁབ་ཏུ་བཞེས། བྲན་ཁ་དཔལ་ཡོན་སོགས་ཀྱིས་བློན་པོ་བྱས་ཏེ། རྒྱལ་ཁམས་དབང་བསྒྱུར། འུ་ཤང་རྡོའི་དཔེ་མེད་བཀྲ་ཤིས་དགེ་འཕེལ་གྱི་གཙུག་ལག་ཁང་བཞེངས། པཎ་ཌི་ཏ་མང་བོ་སྤྱན་དྲངས་ཏེ་ལོ་པཎ་རྣམས་ཀྱིས་མདོ་རྒྱུད་བསྟན་བཅོས་མང་བོ་བསྒྱུར། ལོ་པཎ་རྣམས་ཀྱིས་སྔར་བསྒྱུར་པ་རྣམས་ལ་དག་བཅོས་དང་། སྐད་གསར་བཅད་ཀྱིས་གཏན་ལ་ཕབ་སྟེ། བྱེ་བྲག་རྟོགས་བྱེད་ཆེ་འབྲིང་ཆུང་གསུམ་མཛད། འབྲིང་བ་ལ་སྒྲ་སྦྱོར་བམ་གཉིས་ཟེར། འདིའི་དུས་སུ་ཡང་རྒྱ་དང་དབོན་ཞང་མ་མཐུན་པར། བོད་དམག་ཁྲི་ཚོ་མང་བོ་དྲངས་ཏེ། རྒྱ་ཡུལ་གྱི་མཁར་མང་བོ་བཅོམ་པའི་སྐབས། བོད་ཀྱི་དགེ་འདུན་པ་རྣམས་དང་། རྒྱའི་བཙུན་པ་རྣམས་ཀྱིས་བར་བྱས་ནས་བཀའ་མོལ་གྱི་མཚམས་སྦྱར་ཏེ་དབོན་ཞང་མཐུན་པར་མཛད། རྒྱའི་གུང་གུ་རྨེ་རུར་རྡོ་རིང་བཙུགས་ཏེ་རྒྱ་བོད་ཀྱི་ས་མཚམས་སུ་བཅད་ནས། ཕན་ཚུན་གཉིས་ཀས་ས་མཚམས་ལས་ཕྱི་རོལ་ཏུ་བརྒལ་ཏེ་དམག་གི་གཡུལ་བཤམས་པ་སོགས་མི་བྱེད་པའི་དཔང་དུ་ལྷ་ཀླུ་གཉན་པོ་བཞག་སྟེ་བྲོ་བོར་བའི་ཡི་གེ་ལྷ་ས་དང་། རྒྱ་རྗེའི་ཕོ་བྲང་། གུང་གུ་རྨེ་རུ་གསུམ་གྱི་རྡོ་རིང་ལ་བྲིས། དུས་དེར་རྒྱ་བོད་གཉིས་མཐུན་ཞིང་འབྲེལ་བ་བཟང་བས། གནམ་ལ་ཉི་ཟླ་ཟུང་གཅིག་དང་། ས་ལ་བཙན་པོ་དབོན་ཞང་ཞེས་གླེང་ངོ་།།
བཀའ་བློན།
རྒྱལ་པོའི་བཀའ་ལ་ཡོ་གལ་འཆོས་པའི་བློན་པོའི་དོན་ཏེ། བཀའ་བློན་ཞེས་པའི་ཐ་སྙད་འདི་སྔ་རབས་བོད་ཀྱི་ལོ་རྒྱུས་ཐོག་མར་གསལ་བ་ནི། བཙན་པོ་ཁྲི་སྲོང་ལྡེ་བཙན་གྱི་སྐབས་བྲིས་པར་གྲགས་པའི་ལོ་རྒྱུས་ཀྱི་ཡི་གེ་སྦ་བཞེད་ཀྱི་ནང༌། བཀའ་ཡོ་གལ་འཆོས་པ་ཞེས་འཁོད་པ་དེ་ཡིན་ཞིང་། དེའི་འགྲེལ་བཤད་སྐོར་མཁས་པ་ལྡེའུའི་ཆོས་འབྱུང་ནང་འཁོད་པ་ལྟར་དུས་རབས་བཅུ་དྲུག་པའི་དཀྱིལ་དུ་དཔའ་བོ་གཙུག་ལག་ཕྲེང་བས་བརྩམས་པའི་ཆོས་འབྱུང་མཁས་པའི་དགའ་སྟོན་ནང་བློན་པོ་ཆེ་དགུའི་གོ་གནས་དང་། ལས་འགན་གཟེངས་རྟགས་བཅས་ཀྱི་བཤད་པའི་སྐབས་སུ་བཀའ་ཡོ་གལ་འཆོས་པ་ཞེས་པ་ནི་བཀའ་བློན་ཡིན་པ་དང༌། དགུང་བློན་ཆེན་པོའི་འོག་གི་བློན་ཆེན་རིམ་པ་གཉིས་པའི་གྲས་བཀའ་བློན་ཆེ་འབྲིང་ཆུང་གསུམ་ཡོད་པ། བཀའ་བློན་གྱི་ལས་འགན་ནི་བཙན་པོ་དང་དགུང་བློན་ཆེན་པོས་བཀའ་ཕབ་པ་རྣམས་ལག་ལེན་བསྟར་འོས་དང་མི་འོས་ཀྱི་བསམ་འཆར་ཐད་ཀར་བཤད་ཆོག་པའི་དབང་ཆ་དང་བཤད་རྒྱུའི་ལས་འགན་ཡོད་པ། བཀའ་བློན་ཆེན་པོ་ལ་གསེར་ཡིག་ཆེན་པོའི་གཟེངས་རྟགས་དང༌། བཀའ་བློན་འབྲིང་བར་གསེར་ཡིག་ཆུང་བ། བཀའ་བློན་ཆུང་བར་ཕྲ་མེན་གྱི་ཡི་གེའི་གཟེངས་རྟགས་ཡོད་ཚུལ་བཅས་གསུངས། བཀའ་ཡོ་གལ་འཆོས་པས་ལེགས་ན་དགྲའི་བུས་ལེགས་ཀྱང་བྱ་དགའ་གསོལ། ཉེས་ན་རང་གི་བུས་ཉེས་ཀྱང་ཆད་པ་གཅོད་ཅེས་པའི་བཀའ་བློན་གྱི་ལས་འགན་ནི། བཀའ་ཁྲིམས་ལག་ལེན་བསྟར་མིན་ཡོ་བསྲང་བྱེད་པ་དང་། ཉེས་དོན་དྲང་པོའི་ལམ་ནས་ཐག་གཅོད་བྱེད་པའོ། །
ང་ལུམ་སྦྱར་གསུམ།
ང་ལམ་སྦྱར་གསུམ་ནི་ང་ཕོད་པ་རྡོ་རྗེ་རྒྱལ་པོ་དང་། གུང་ལུམ་པ་བ་བཀྲ་ཤིས་རྒྱལ་པོ། སྦྱར་ར་བ་བློ་གྲོས་རྒྱལ་པོ་བཅས་གསུམ་ལ་ཟེར།
སད་མི་བདུན།
བསམ་ཡས་གཙུག་ལག་ཁང་བཞེངས་གྲུབ་རྗེས་ཆོས་རྒྱལ་ཁྲི་སྲོང་ལྡེ་བཙན་གྱིས་སངས་རྒྱས་བསྟན་པ་གཏན་གནས་དང་དར་རྒྱས་ཡོང་ཆེད་མཁན་ཆེན་ཞི་བ་འཚོ་དང་སློབ་དཔོན་པདྨ་འབྱུང་གནས་དང་བཀའ་གྲོས་ལེགས་པར་གནང་སྟེ་བོད་ཡུལ་གྱི་རྗེ་འབངས་ཁྲོད་ནས་བློ་རིག་གསལ་ལ་སྤྱང་གྲུང་ལྡན་པའི་བུ་སློབ་བདུན་ཏེ། སྦ་གསལ་སྣང་། སྦ་ཁྲི་བཞེར། བཻ་རོ་ཙ་ན། རྒྱལ་བ་མཆོག་དབྱངས། འཁོན་ཀླུའི་དབང་པོ། རྨ་རིན་ཆེན་མཆོག གཙང་ལེགས་གྲུབ་བཅས་བདམས་ནས་མཁན་ཆེན་ཞི་བ་འཚོས་མཁན་པོ་དང་། ཨོ་རྒྱན་པདྨ་འབྱུང་གནས་ཀྱིས་སློབ་དཔོན་མཛད་དེ་བར་ཁང་གཡུ་ཤལ་ལམ་ཞལ་མཐིལ་དུ་ཐོག་མར་རབ་ཏུ་བྱུང་བས་ཁོང་རྣམས་ནི་བོད་ཀྱི་རབ་བྱུང་བའམ་དགེ་འདུན་དང་པོ་ཡིན་པས་ཀུན་གྱིས་སད་མི་བདུན་ཞེས་བསྔགས་བརྗོད་ཀྱི་མེ་ཏོག་དང་། དད་པའི་མེ་ཏོག་དུས་ད་ལྟའང་གཏོར་བཞིན་མཆིས་སོ།།
བཙན་པོའི་གདུང་ཁུངས།
འདིར་གནའ་བོའི་ཡིག་རྙིང་ཁྲོད་དུ་བོད་ཀྱི་རྒྱལ་བོ་ཐོག་མ་གཉའ་ཁྲི་བཙན་པོ་ཐོག་མར་ཡུལ་གང་ནས་བྱོན་པ་དང་། རིགས་རུས་གང་ལས་ཆད་པ། བོད་ཀྱི་རྒྱལ་བོ་ཐོག་མར་ཅི་ལྟར་གདན་དྲངས་ཚུལ། གདན་འདྲེན་མཁན་སུ་ཡིན་པ་སོགས་ཇི་བཞིན་དུ་བཀོད་ཡོད།
P.T.1287（1）
ཏུན་ཧོང་ཤོག་དྲིལ་ཨངP.T.1287ནང་དུ་བཙན་པོ་སློན་བཙན（གནམ་རི་སྲོང་བཙན）དང་སློན་ཀོལ་སྤུན་མཆེད་གཉིས་དང་། མྱང་ཙེ་སྐུ་དང་དབས་དབྱི་ཚབ། དབས་མྱེས་སྣང་། དབས་པུ་ཚབ། མནོན་འདྲོན་པོ། ཚེས་པོང་ནག་སེང་བཅས་རྗེ་བློན་བརྒྱད་ཀྱིས་ཕན་བར་ལ་བཞག་པའི་མནའ་ཚིག་དེ་ཇི་མ་ཇི་བཞིན་བཀོད་ཡོད།
P.T.1287（2）
ཏུན་ཧོང་ཤོག་དྲིལ་ཨངP.T.1287ནང་དུ་སྲོང་བཙན་སྒམ་པོས་ཡབ་ཀྱི་རིང་ནས་བཙན་པོ་ལ་བློ་དཀར་བའི་ཕངས་ཏོ་རེ་དབྱི་ཚབ་ཕ་ཚན་སྤུར་རྒྱལ་ལ་བློ་མ་ལོག་ན་དུས་ནམ་ཡང་དབྱི་ཚབ་ཀྱི་བུ་རབས་ཚ་རྒྱུད་ལ་ཉེས་ཁྲིམས་མི་གཅོད་པ་སོགས་མནའ་ཚིག་བོར་བའི་ཚུལ་བརྗོད་ཡོད།
P.T.1287（3）
ཏུན་ཧོང་ཤོག་དྲིལ་ཨངP.T.1287ནང་དུ་བོད་ཀྱི་བློན་པོ་མགར་ཁྲི་འབྲིང་བཙན་བྲོད་དང་། རྒྱའི་བློན་པོ་ཧྲང་ཧྲུའུ་ཝང་ཞའོ་ཅེ་ཞེས་པ་གཉིས་ཀྱིས་ཁ་ཤགས་རྩོད་པ་བརྒྱབ་པའི་ཚིག་རྣམས་རེ་རེ་བཞིན་བཀོད་ཡོད།
P.T•1083
ཡིག་ཆ་ཨངP.T•1083ནང་དུ་རང་མོས་སྒོས་གཉེན་སྒྲིག་བྱེད་པ་ལས་གང་འདོད་དུ་བུ་མོ་རྣམས་གཉེན་སློང་བྱས་མི་ཆོག་པའི་བཀའ་རྒྱ་བཀྲམ་ཡོད།
