ར་གན།
འདི་ཟངས་དང་ཏི་ཚ་བསྲེས་པའི་མིས་བཟོས་འདྲེས་སྦྱོར་ལྕགས་རིགས་ཏེ། ཏི་ཚ་འདྲེས་ཚད་ཆེ་བ་སེར་སྐྱ་ཁྲོབ་པ་ལུགས་མ་སོགས་ཕོ་རག་དང་། ཟངས་འདྲེས་ཚད་ཆེ་བ་སེར་ལ་མཉེན་པ་བརྡུང་མ་སོགས་མོ་རག་སྟེ་རིགས་གཉིས་འབྱུང་བ་ཞིག་ཡིན།
ཟི་ལ།
འདི་གཤའ་དཀར་ལ་ཟངས་དང་ཞ་ཉེ་ཕྲན་བུ་བསྲེས་པའི་འདྲེས་སྦྱོར་ལྕགས་རིགས་ཏེ། མཚན་ཉིད་ཕལ་ཆེར་གཤའ་དཀར་འདྲ་བ་དཀར་ཞིང་མཉེན་ལ་གཤའ་ལས་འཇུ་སླ་ཞིང་ཞ་ཉེ་ལས་སྲ་བ་ཞིག་ཡིན་ནོ།།
དངུལ་རྡོ།
དངུལ་བཞུ་བཏུབ་པའི་གཏེར་རྡོ་འགའ་ཞིག་སྣང་བ་ལས། འདི་དངུལ་རྡོ་དམར་སྨུག་ཅེས་ཁ་དོག་དམར་སྨུག་ལྕི་ལ་མཁྲེགས་ཤིང་འོད་དང་ལྡན་པ། རྡོ་ལ་རི་མོ་དམར་སྨུག་དོད་པ་ཞིག་ཡིན།
སྡུད་གཤིས་ལྕགས།
སྡུད་གཤིས་ལྕགས་ཞེས་པ་ནི་སྡུད་གཤིས་དྲག་པོ་ལྡན་པའི་ལྕགས་རིགས་གཏེར་ཁའི་ཁྲོད་ཀྱི་ལྕགས་ལ་ཟེར་ཞིང་། བསྡུས་འབྲི་བྱས་ནmFeཡིན། ས་གཤིས་རྩད་ཞིབ་ཁྲོད་ལྕགས་གཏེར་ཁྲོད་ཀྱི་ལྕགས་རིགས་ཡོངས་ལས་སྡུད་གཤིས་ལྕགས་ཀྱི་ཟིན་ཚད་ནི་ལྕགས་གཏེར་བཟོ་ལས་ཀྱི་རིན་ཐང་ལ་གདེང་འཇོག་དང་གཏེར་རྡོ་བཟོ་ལས་ཀྱི་རིགས་དབྱེ་འབྱེད་བྱེད་ཀྱི་ཚད་གཞི་ཡིན།
གསེར་རྡོ།
འདི་བོད་རང་སྐྱོང་ལྗོངས་ཀྱི་ས་གནས་ཁག་ཅིག་ནས་ཐར་ཐོར་ཐོན་པའི་ཟངས་རྡོ་ཡིན། ཁ་དོག་སྣ་ཚོགས་འདྲེས་པ་བཅག་ཁ་སེར་པོ་གསེར་མདངས་ཅན། ཕྱི་ནང་ཚང་མར་གསེར་འདྲེས་པ་འདྲ་བ་ཞིག་ཡིན་ནོ།།
དངུལ་རྡོ།
དངུལ་བཞུ་བཏུབ་པའི་གཏེར་རྡོ་འགའ་ཞིག་སྣང་བ་ལས། འདི་དངུལ་རྡོ་དམར་སྨུག་ཅེས་ཁ་དོག་དམར་སྨུག་ལྕི་ལ་མཁྲེགས་ཤིང་འོད་དང་ལྡན་པ། རྡོ་ལ་རི་མོ་དམར་སྨུག་དོད་པ་ཞིག་ཡིན།
ལྕགས་རྡོ།
ལྕགས་རྡོ་ཞེས་པ་དབྱིབས་དང་ཆེ་ཆུང་ངེས་མེད། ཁ་དོག་ཁམ་ནག་སྲ་མཁྲེགས་བཅག་ཁར་ལྕགས་འོད་ཅུང་ཟད་ཡོད་པ་ཕྱི་རུ་དྲེག་པ་སེར་སྐྱ་ཐོགས་པ། གས་སྲུབ་དང་ཁུང་བུ་སོགས་ལ་བཙའ་དྲེག་ཁམ་སེར་ཡོད་པ་། རྡོ་ལ་རི་མོ་བྲིས་ན་དམར་ཁམ་དོད་པ་ཞིག་ཡིན།
ཟངས་རྡོ།
ཟངས་འབྱུང་བའི་གཏེར་རྡོ་འདྲ་མིན་མང་ཡང་འདི་ཟངས་རྡོ་སྨུག་པོ་སྟེ། དབྱིབས་དང་ཆེ་ཆུང་མ་ངེས་པ། ནག་སྨུག་ཞ་ཉེའི་རྡོ་འདྲ་བ། རྡོ་ལ་རི་མོ་སྨུག་ནག་དོད་པ། ལྕགས་འོད་འཕྲོ་བ་ཞིག་ཡིན།
གསེར།
གསེར་ནི་གསེར་གྱི་གཏེར་ཁ་ནས་རང་བྱུང་དུ་འབྱུང་བ་དང་། མཚོ་སྐམ་ཤུལ་དང་གཙང་ཆུའི་འགྲམ་གྱི་བྱེ་མ་དང་གྲམ་པ་ནས་འབྱུང་བ་སེར་སྐྱ་ཤིན་ཏུ་ལྕི་ལ་སྙི་བ་རྩིང་ཞིབ་ཅི་རིགས་འབྱུང་བ་བཅས་བཙོ་སྦྱངས་བྱས་ནས་བྱུང་བ་སྟེ། ངོ་བོ་ཤིན་ཏུ་ལྕི་ལ་མཉེན་ཞིང་སྙི་བ་སོས་ཐུབ་པ། རླན་གཤེར་དང་མཁའ་རླུང་ནང་ཡུན་རིང་བཞག་ཀྱང་གཡའ་མི་ཐོགས་པ། ལིའུ་སོན་སོགས་སྐྱུར་རིགས་དང་འཕྲད་ན་མི་འཇུ་ལ། ངོ་བོ་མི་འགྱུར་བ། རས་དཀར་པོར་ཕྱིས་པས་གཡའ་སྔོན་པོ་མི་འབྱུང་བ་ཞིག་གོ།
དངུལ།
གཏེར་ཁ་ལས་རང་བཞིན་གྱི་འབྱུང་བ་དང་། དངུལ་རྡོ་བཞུས་པ་ལས་བྱུང་བ་སྟེ། དེ་མིན་ཞ་ཉེ་དང་ཏི་ཚ། ཟངས་བཅས་ཀྱི་རྡོ་བཞུ་བའི་སྐབས་སུའང་ཞོར་ལ་འབྱུང་བ་ཡིན། དེ་ལ་བཟང་ངན་གྱི་དབྱེ་བ་ཡང་དངུལ་དག་མ་ནི་ཁ་དོག་དཀར་པོ་འོ་མའི་མདོག་འདྲ་བ། ངོ་བོ་མཉེན་ཞིང་བརྡུང་ན་སྙི་ལ་ཕལ་ཆེར་སོས་ཐུབ་པ། གཡའ་ཐོགས་དཀའ་བ། རས་དཀར་པོར་བརྡར་ན་གཡའ་སྔོན་པོ་མི་འབྱུང་བ་ཞིག་གོ།
དངུལ་ཆུ།
རང་བྱུང་ཡོད་ཀྱང་རྙེད་པར་དཀའ། དངོས་ནི་ཅོག་ལ་སོགས་མཚལ་རིགས་ཀྱི་གཏེར་རྡོ་ལས་ཆེད་དུ་འདོན་གྱི་ཡོད། ངོ་བོ་ལྕི་ཞིང་གཡོ་བ། སར་བོ་ན་འཐོར་ཞིང་ས་དང་ཆུ་སོགས་ལ་མི་འདྲེས་པ། དྲོད་ཚད་རྒྱུན་ལྡན་གྱི་སྐབས་སུ་ཆུ་ལྟར་གཡོ་ཞིང་། དྲི་དང་ལྦུ་བ་སོགས་མེད་པ་དྭངས་པ་ཞིག་གོ།
ཟངས།
རང་བྱུང་གི་ཟངས་སམ་ཟངས་ས་ལེ་སྦྲམ་དུ་གྲགས་པ། རྒྱུན་དུ་ཟངས་རྡོ་གཞན་དང་མཉམ་དུ་གནས་པ་འདི་དཀོན་ཞིང་རིན་ཐང་ཆེ། ཕལ་པ་ནི་ཟངས་རྡོ་གང་རུང་བཞུས་ནས་བཏོན་པའི་ལྕགས་རིགས་ཏེ། ངོ་བོ་མཉེན་ལ་སྙི་བ། བཅད་ཁ་གསར་པ་མདངས་གསལ་བ་ཞིག་གོ།
ལྕགས།
ལྕགས་ནི་ལྕགས་རྡོ་གང་རིགས་བཞུས་པས་འབྱུང་བ་སྟེ། སྤྱིར་ལྕགས་ཕལ་ཆེར་ནི་ཁ་དོག་དཀར་པོ་ཕྱི་ནས་དབྱང་འགྱུར་གྱི་རྩི་སྔོན་ནག་ཐོགས་པ་དང་། བཅད་ཁ་གསར་པ་དཀར་ལ་འོད་འཕྲོ་བ། ས་ཆུའི་རླན་ལ་འཕྲད་ན་བཙའ་དྲེག་ཁམ་སེར་ཆགས་པ་ཞིག་གོ།
ལྕགས་སོལ།
ལྕགས་བཞུ་བའི་སྐབས་ཀྱི་ཐབས་སླེ་ཞུན་ཆགས་པ་སྟེ། གཡུ་ཐོག་དགོངས་རྒྱན་ལས། སོ་ཐོག་ཅེས་མགར་བའི་ཐབ་ནང་དུ་ལྕགས་ཀྱི་དྲེག་པ་དང་ཐབ་སའི་ཕྱེ་མ་གཉིས་འདྲེས་ཏེ་ཞུན་དུ་འཁོལ་ནས་གོང་བུར་གྱུར་ཅིང་འོད་དུ་འཚེར་བ་དེའི་མིང་ངོ་།། ཞེས་གསུངས་སོ།།
ཐོག་ལྕགས།
ཐོག་གི་ལྕགས་ས་འོག་ཏུ་བསྐལ་པར་ལུས་ཀྱང་བཙའ་དང་ཞུ་བ་སོགས་མ་བྱུང་བ་ཡིན་ཟེར་བའི་ལྕགས་དཀར་སེར་དམར་ནག་རིགས་བཞི་གང་ཡང་ལིའི་རྒྱུ་འདྲ་བར་གཟུགས་བརྙན་སྣ་ཚོགས་འབྱུང་བ་འདི་ཡིན་ནོ།།
འཁར་བ།
འདི་ཟངས་དང་གཤའ་དཀར་བསྲེས་པའི་འདྲེས་སྦྱོར་ལྕགས་རིགས་ཏེ། ངོ་བོ་ཟངས་ལས་མཁྲེགས་ཤིང་ཁྲོབ་པ། ཁ་དོག་འཁར་དཀར། འཁར་དམར། འཁར་སེར། འཁར་ནག་སོགས་འབྱུང་བའོ།།
