ཤིང་བརྐོས་སྒྱུ་རྩལ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཤིང་བརྐོས་སྒྱུ་རྩལ།
ཤིང་གི་སྟེང་དུ་བརྐོས་པའི་རི་མོ་སྣ་ཚོགས་ལས་གྲུབ་པའི་བརྩམས་ཆོས་དག་ལ་ཤིང་བརྐོས་སྒྱུ་རྩལ་ཟེར་ལ། ཁང་བའི་སྒོ་དང་སྒེའུ་ཁུང་གི་རྒྱན་རིས་སྣ་ཚོགས་དང་། དེའི་ཆ་ལག་ཏུ་གྱུར་བའི་མཆོད་སྒྲོམ་དང་མདུན་ཅོག བཞུགས་ཁྲི། ཕྱེ་མར་འབོག སྤོས་སྒམ་སོགས་ཏེ་བརྐོ་གཞི་གཙོ་བོ་ཤིང་སྦྱར་པ་དང་། མོ་འལ། གསོམ་དཀར། ཤུག་པ། སྟག་པ་སོགས་ལ་གཟུགས་བརྙན་བརྐོས་པ་ལྟ་བུའོ། །
གཞི་རྩའི་གནས་ཚུལ།

ཁོངས་གཏོགས།
སྒྱུ་རྩལ།
1 ​ངོ་སྤྲོད་མདོར་བསྡུས། 

ཤིང་གི་སྟེང་དུ་བརྐོས་པའི་རི་མོ་སྣ་ཚོགས་ལས་གྲུབ་པའི་བརྩམས་ཆོས་དག་ལ་ཤིང་བརྐོས་སྒྱུ་རྩལ་ཟེར། བོད་རང་ལ་ཡོད་པའི་ཤིང་ལ་བརྐོས་པ་རྒྱ་ཆེ་བ་ནི། ཁང་བའི་སྒོ་དང་སྒེའུ་ཁུང་གི་རྒྱན་རིས་སྣ་ཚོགས་དང་། དེའི་ཆ་ལག་ཏུ་གྱུར་བའི་མཆོད་སྒྲོམ་དང་མདུན་ཅོག བཞུགས་ཁྲི། ཕྱེ་མར་འབོག སྤོས་སྒམ་སོགས་ཏེ་བརྐོ་གཞི་གཙོ་བོ་ཤིང་སྦྱར་པ་དང་། མོ་འལ། གསོམ་དཀར། ཤུག་པ། སྟག་པ་སོགས་ལ་གཟུགས་བརྙན་བརྐོས་པ་རེ་འགའ་ཙམ་དེ། བརྐོ་གཞི་གཙོ་བོ་ནི་ལྕང་མ་དང་མོ་འལ་གཉིས་ཡིན་ལ། རྒྱུ་མཚན་ནི་ཤིང་དེ་གཉིས་རྒྱུ་སྙི་ཞིང་འབོལ་ལ། གས་སྐྱོན་མི་འབྱུང་བར་བཤད་ལ། ཤིང་གཅོད་དུས་ཤིང་སྡོང་ཆུང་དྲགས་ན་སྙི་ཞིང་སྣ་ཐུང་ལ། ཞེང་ཕྲ་བའི་སྐྱོན་དང་ཤིང་འཛེར་འཁོར་བཅས་ཀྱི་སྐྱོན་ཡོད་པས། ཤིང་སྡོང་རྒྱས་ལ་བབས་ཤིང་སྡོང་བོ་དྲང་ལ་ཤིང་སྡོང་གི་དཀྱིལ་དང་སྨད་དུ་འཛེར་བ་ཉུང་བ་དེ་བཅད་དེ། སྲབ་མཐུག་རན་པར་དྲས་པའི་ཐོག ས་རློན་དང་ལྕི་བ་རློན་པ་བྱུགས་པ། ཟུར་རྡོ་ཡིས་མནན་ནས་ག་ལེར་གྲིབ་སྐམ་བྱེད་དགོས། ལག་ལེན་ཤིན་ཏུ་ཞིབ་མོ་ལ་ནི་ཤིང་ལེབ་སྐམ་པོ་དེ་ཡང་བསྐྱར་ཆུར་བཙོ་བ་དང་ཡང་ན་ཆུར་ཡུན་དུ་སྦངས་བ། ཤིང་བརྐོས་ལ་ཚོན་བཀྱེ་ཡུལ་མ་ཡིན་པ་ལ་སྣུམ་བྱུགས་བྱེད་པ་སྟེ། སྣུམ་གྱི་རྒྱུ་རབ་སྟར་གའི་སྣུམ་སོགས་རྒྱུ་ཤིང་ལས་བྱུང་བའི་སྣུམ་གྱི་རིགས་བྱུགས་ནས་ཡུན་ཙམ་བཞག་པའི་སྟེང་བརྐོས་ན་ཤིང་གི་བཀྲ་ཐོན་ཞིང་མདངས་ལེགས་ཚུལ་དང་། ཡང་ན་ཤིང་བརྐོས་ལེགས་པར་འགྲུབ་པའི་སྟེང་སྣུམ་བྱུགས་བྱེད་པའང་ཡོད་པར་བཤད། 

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-12-12

གསར་སྤེལ་མཁན། :.ཉི་མ་འཚོ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།