གནས་ཉེར་བཞི། ནི་མིང་གཅིག་དོན་མང་ལ་འཇུག་སྟེ། དེར་དོན་གྱི་འཇུག་ཚུལ2ཡོད།

གནས་ཉེར་བཞི།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།
(དུང་དཀར་ཚིག་མཛོད་ཆེན་མོའི་འགྲེལ་བ།)

སངས་རྒྱས་ཆོས་ལུགས་ཀྱི་གསང་སྔགས་ཀྱི་གཞུང་མང་པོ་ནས་མིང་ཙམ་འབྱུང་ཞིང༌། བུ་སྟོན་རིན་པོ་ཆེའི་གསུང《བདེ་མཆོག་ཆོས་འབྱུང》དང་པཎ་ཆེན་ཨེར་ཏི་ནི་དཔལ་ལྡན་ཡེ་ཤེས་ཀྱི་གསུང《ཤམ་བྷ་ལའི་རྣམ་བཤད》ནས་རྒྱས་པར་བཤད་པ་གཉིས་གུང་བསྒྲིགས་ནས་དོན་བསྡུས་ཏེ་བཀོད་པར། 1.པཱུ་ལི་ར་མ་ལ་ཡ(རྒྱ་གར་ཤར་ཕྱོགས་བྷང་གྷ་ལ་ཡི་ལྷོ་ངོས་མ་ལ་ཡའི་ཆུ་ཀླུང་འབབ་པའི་གནས)2.ཛ་ལནྡྷ་ར(ཆུ་བོ་གངྒ་མཚོ་མ་ཕམ་ནས་མངའ་རིས་ཀྱི་ཡུལ་བརྒྱུད་ཉིན་འགའ་ཞིག་ལྷོ་ནུབ་ཕྱོགས་སུ་ཁ་གཏད་ནས་འབབ་ཅིང༌། ཊི་ལིའམ་ངྷི་ལིའི་བྱང་ཕྱོགས་ཧ་རི་དཱ་ཝར་ནས་ཤར་ཕྱོགས་སུ་འཁྱོགས་ནས་འབབ་པའི་བྱང་ངོས་ཛཱ་ལ་མུག་གམ་ཛ་ལ་མུ་ཁི་སྟེ་རྡོ་ལ་མེ་འབར་བའིགནས)3.ཨཽ་ཊི་ཡ་ན(འདི་ནི་ཨོ་རྒྱན་གྱི་ཡུལ་ཞེས་བཤད་པ་དེ་ཡིན)4.ཨ་རྦུ་ཏ(རྒྱ་གར་ལྷོ་ཕྱོགས་ཀྱི་རི་དབུས་མཐོ་ལ་མཐའ་དམའ་བ་འབྲང་རྒྱས་སམ་སྙིང་གི་གཟུགས་ཅན་ཞིག་གི་མིང) 5.གཽ་ད་ཝ་རི(བལ་པོའི་ཡུལ་གྱི་བྱང་ངོས་རང་རྒྱལ་གྱི་གཉའ་ནང་རྫོང་གི་ཉེ་འདབས་ལ་ཕྱི་གངས་ར་ཞེས་གངས་རི་ཆེན་པོ་ཞིག་ཡོད་པར་བཤད། འདི་རྗེ་བཙུན་མི་ལའི་རྣམ་ཐར་དུ། སྟོད་གཉའ་ནང་དུ་ཡོད་པའི་ལ་ཕྱི་གངས་ར་ཞེས་གསལ་ཞིང༌། ལ་ཕྱི་གངས་ར་ཞེས་པ་ཧི་མ་ལ་ཡའི་རི་ཡི་རྒྱུད་གཅིག་ཡིན་པས་ས་བཀྲའི་ནང་སྒོ་ས་ཡིན་ཐན་ཞེས་གསལ་བ་དེ་དེང་སང་ཡོངས་གྲགས་རྒྱ་སྐད་དུ་ཤི་ཤ་སྤང་མ་ཞེས་པ་དེ་ཡིན་ནམ། དེ་མིན་ལ་ཕྱི་གངས་ར་ཞེས་པ་ལོགས་སུ་ཡོད་མེད་བརྟག་དགོས)6.རྭ་མེ་ཤ་རི(རྒྱ་གར་གྱི་ས་དབྱིབས་གྲུ་གསུམ་དུ་ཆགས་པའི་རྩེ་མོ་རྣོ་ཤོས་ལྷོ་ཕྱོགས་སུ་གཏད་པའི་རྒྱ་མཚོའི་འགྲམ་གྱི་སྣེ་དེར་ཡོད། འདི་ནས་ཤར་ལྷོའི་ཕྱོགས་སུ་གྲུ་བཏང་ནས་སོང་ན་ལང་ཀའི་གྲོང་ཁྱེར་རམ་ལམ་ཀའི་གླིང་ཕྲན་ཞེས་རྒྱལ་པོ་ར་མཱ་ནས་སྲིན་ཡུལ་དུ་དམག་དྲངས་པར་བཤད་པའི་ཡུལ་དེ་ཡིན་པས་དེང་སང་སིང་ཀ་ལའང༌། ཤྲི་ལངྐའམ་སི་ལི་ལངྐ་ཟེར)7.དེ་ཝི་ཀོ་ཏྲི(འདི་བོད་སྐད་དུ་ལྷ་མོའི་མཁར་ཞེས་ཟེར་ཞིང༌། འདི་ལ་ངོས་འཛིན་ཚུལ་མི་འདྲ་བ་གཉིས་ཏེ། ཀོང་པོའི་ཡུལ་དང༌། དྭགས་པོ། ཀློ་ཡུལ་གསུམ་གྱི་མཚམས་སུ་ཡོད་པའི་རྩ་རི་ལ་ངོས་འཛིན་པ་གཅིག་དང༌། རྒྱ་གར་ཨ་སམ་གྱི་ཤར་ཕྱོགས་གང་ཚ་རངྒ་ཞེས་པའི་ནང་ཚན་ཏི་ར་ཕུར་ཞེས་པའི་རི་བོ་དེར་ངོས་འཛིན་པ་གཅིག་ཡོད། 8.མཱ་ལ་ཝ(རྒྱ་གར་ནུབ་ཕྱོགས་རྒྱ་མཚོའི་གླིང་ཕྲན་ཞིག་ཡིན་པར་བཤད)9.ཀཱ་མ་རུ་པ(བལ་ཡུལ་དང་ཐག་ཉེ་བའི་གངས་རྒྱལ་མོ་མཐོན་མཐིང་གི་འགྲམ་ནས་རྒྱ་གར་སྐད་དུ་ཆུ་བོ་ལོ་ཧི་ཏ་རྒྱ་སྐད་དུ་མཱ་ཆོན་ཧོ)བོད་སྐད་དུ་རྟ་མཆོག་ཁ་འབབ་ཏུ་གྲགས་པ་དེ་ཉིད་གཞིས་ཀ་རྩེ་ནས་མྱང་ཆུ་དང་འདྲེས། ལྷ་སའི་ལྷོ་ནུབ་ཆུ་ཤུལ་ནས་སྐྱིད་ཆུ་དང་འདྲེས་ནས་ཡར་ལུང་བརྒྱུད་དུ་འབབ་པ་ལ་ཡར་ལུང་གཙང་པོ་ཟེར། དེ་ཉིད་ཀོང་པོ་ཡུལ་ནས་ཁ་ལྷོར་བལྟས་ནས་རྒྱ་གར་ཤར་ཕྱོགས་སུ་ཐོན་པའི་ས་དེར་ངོས་འཛིན། དེ་ནས་རྒྱ་གར་ཤར་ཕྱོགས་ཨ་སམ་གྱི་ཡུལ་བརྒྱུད་ནས་ཤར་པ་ཀི་སི་ཐན་གྱི་བྱང་ནས་ཁ་ལྷོར་བལྟས་ནས་རྒྱ་མཚོ་ཆེན་པོར་འབབ་པས་གོང་གསལ་ཆུ་བོ་དེའི་དུམ་བུ་ལ་རྒྱ་གར་བ་རྣམས་ཀྱིས་བྷ་རམ་པུ་དྷ་ཟེར)10.ཨོ་ཏྲི(རྒྱ་གར་ལྷོ་ཕྱོགས་རྒྱལ་པོ་ཤིང་རྟ་བཅུ་པའི་ཡུལ་ལ་ངོས་འཛིན་པར་བཤད་ཀྱང་ས་གནས་ངོས་མ་ཟིན)11.ཏྲི་ཤ་ཀུ་ནེ(རྒྱ་གར་ནུབ་ཕྱོགས་ཆུ་བོ་གངྒ་དང༌། གན་ཏི་སུ་རུ་པ་གསུམ་གྱི་འདུས་མདོ་དེར་ཡོད) 12.ཀོ་ས་ལ(རྒྱ་གར་ཡུལ་དབུས་གཉན་ཡོད་ཅེས་པ་དེ་ཡིན)13.ཀ་ལིདྐ (རྒྱ་གར་ལྷོ་ཕྱོགས་རྒྱ་མཆོའི་འགྲམ་གྱི་ཡུལ་ལ་ཏྲི་ལིངྒ་ལ་སོགས་པའི་ལིངྒའི་མིང་ཅན་བརྒྱད་ཙམ་ཡོད་པར་བཤད་པའི་ནང་ནས་གཅིག་ཡིན)14.ལམ་པ་ཀ(ཨོ་རྒྱན་གྱི་ཡུལ་གྱི་ཤར་ཕྱོགས་སུ་ཡོད་པར་བཤད) 15.ཀཉྩི(རྒྱ་གར་ལྷོ་ཕྱོགས་ཀྱི་དཀྱིལ་ཏྲི་ལིང་ཀ་ཞེས་པ་དེ་ཡིན་པར་བཤད)16.ཧི་མ་ལ་ཡ (བོད་སྐད་དུ་རི་བོ་གངས་ཅན་ཞེས་རྒྱ་གར་གྱི་བྱང་ཕྱོགས་སུ་ཡོད་པའི་རི་རྒྱུད་ཤིན་ཏུ་རིང་བ་ཞིག་གི་མིང) 17.པྲེ་ཏཱ(མངའ་རིས་གུ་གེའི་ཡུལ་དུ་ཡོད)18.གྲི་ཧ་དེ་ཝ་ཏ(ལི་ཡུལ་ལྕང་ར་སྨུག་པོའམ་དེང་སང་ཤིན་ཅང་དུ་འབོད་པའི་གནས་ཀྱི་ནུབ་ངོས་སུ་ཡོད་པར་བཤད) 19.སོ་ར་ཥྟྲྀ(འདི་བོད་སྐད་དུ་བཟང་པོ་ཅན་ཟེར་ཞིང་རྒྱ་གར་ནུབ་ཕྱོགས་ཀྱི་ཡུལ་ཞིག་ཡིན་པར་བཤད་པ་ལྟར་རང་རྒྱལ་ནས་དཔར་བསྐྲུན་བྱས་པའི་ས་བཀྲའི་ནང་དུ་རྒྱ་གར་ནུབ་ཕྱོགས་རྒྱ་མཚོའི་འགྲམ་གྱི་ཡུལ་ཞིག་ལ་སུ་ལ་ཐའོ་ཞེས་འཁོད་པ་དེ་ཡིན་སྙམ) 20.སུ་ཝརྣ་དཱི་པ(འདི་བོད་སྐད་དུ་གསེར་གླིང་ཟེར་ཞིང༌། དེང་སང་ཨིན་རྡུ་ཉི་ཤི་ཡའི་རྒྱལ་ས་ཡ་ཅ་ཏཱ་ཡི་ནུབ་བྱང་ངོས་ཀྱི་གླིང་ཕྲན་ཆེ་བ་སུ་མན་ཏ་ལ་ཟེར་བ་དེ་ཡིན་ཞེས་རྒྱ་རིགས་ཀྱི་མཁས་པའི་དབང་པོ་འགའ་ཞིག་གིས་གསུངས་པ་ཐོས) 21.ནཱ་ཀ་ར(རྒྱ་གར་བྱང་ཕྱོགས་བལ་ཡུལ་དང་ཁད་ཉེ་བར་ཆུ་བོ་གངྒའི་འགྲམ་དུ་གྲོང་ཁྱེར་པ་ཏྲ་ལི་བུ་ཏྲའམ་བོད་སྐད་དུ་སྐྱ་བོའི་བུ་ཟེར། པ་ཋ་ན་ཞེས་ནཱ་ག་རའི་ཡི་གེ་འབྱུང་བའི་ཡུལ་དེ་ཡིན་པར་བཤད)22.སིན་དྷུ་གངས་རི་ཏི་སེའི་བྱང་ངོས་ནས་འབབ་པའི་ཆུ་བོ་སིན་དྷུ་ཞེས་པ(བོད་སྐད་དུ་སེངྒ་ཁ་འབབ་ཟེར། དེ་མངའ་རིས་ཀྱི་ཡུལ་བརྒྱུད་དང་པོར་བྱང་དང༌། དེ་ནས་པ་ལི་ཅ་སིའི་ལྷོ་ངོས་ནས་རེ་ཞིག་བར་ནུབ་དྲང་པོ་དང་དེ་ནས་ཀརྨིརའམ། ཁ་ཧྲི་སྨིར་གྱི་ཤར་ངོས་ནས་ནུབ་བྱང་བར་འཁྱོགས་ནས་འབབ་ཅིང༌། མཐར་པ་ཀི་སི་ཐན་གྱི་བྱང་ཤར་ནས་དཀྱིལ་དྲང་པོ་བརྒྱུད་རྒྱལ་ས་ཁ་ར་ཏྲིའམ་སྔ་དུས་ཁ་ར་ཋར་འབོད་པའི་ཉེ་འདབས་ནས་ཨ་ར་པིའི་རྒྱ་མཚོར་འབབ་པས་རྒྱལ་སའི་ཉེ་འདབས་སུ་གོང་གི་གནས་དེ་ཡོད་པར་བཤད) 23.མ་རུ(ཀརྨིར་གྱི་བྱང་ཕྱོགས་ཛ་ལནྡྷ་རའི་ཉེ་འདབས་སུ་ཡོད་པར་བཤད) 24.ཀུ་ལུ་ཏ(ཀརྨིར་གྱི་བྱང་ཕྱོགས་ཀྱི་མཐའ་མཚམས་མངའ་རིས་ཀྱི་ཡུལ་དང་ཐག་ཉེ་བར་ཡོད་པ་དང༌། མངའ་རིས་པ་རྣམས་ཀྱིས་ཉུང་རྡའི་ཡུལ་ཞེསའབོད་པའི་ནང་ཚན་ཞིག་ཡིན་པར་བཤད)
1 ​རྒྱས་འགྲེལ།

སངས་རྒྱས་ཆོས་ལུགས་ཀྱི་གསང་སྔགས་ཀྱི་གཞུང་མང་པོ་ནས་མིང་ཙམ་འབྱུང་ཞིང༌། བུ་སྟོན་རིན་པོ་ཆེའི་གསུང《བདེ་མཆོག་ཆོས་འབྱུང》དང་པཎ་ཆེན་ཨེར་ཏི་ནི་དཔལ་ལྡན་ཡེ་ཤེས་ཀྱི་གསུང《ཤམ་བྷ་ལའི་རྣམ་བཤད》ནས་རྒྱས་པར་བཤད་པ་གཉིས་གུང་བསྒྲིགས་ནས་དོན་བསྡུས་ཏེ་བཀོད་པར། 1.པཱུ་ལི་ར་མ་ལ་ཡ(རྒྱ་གར་ཤར་ཕྱོགས་བྷང་གྷ་ལ་ཡི་ལྷོ་ངོས་མ་ལ་ཡའི་ཆུ་ཀླུང་འབབ་པའི་གནས)2.ཛ་ལནྡྷ་ར(ཆུ་བོ་གངྒ་མཚོ་མ་ཕམ་ནས་མངའ་རིས་ཀྱི་ཡུལ་བརྒྱུད་ཉིན་འགའ་ཞིག་ལྷོ་ནུབ་ཕྱོགས་སུ་ཁ་གཏད་ནས་འབབ་ཅིང༌། ཊི་ལིའམ་ངྷི་ལིའི་བྱང་ཕྱོགས་ཧ་རི་དཱ་ཝར་ནས་ཤར་ཕྱོགས་སུ་འཁྱོགས་ནས་འབབ་པའི་བྱང་ངོས་ཛཱ་ལ་མུག་གམ་ཛ་ལ་མུ་ཁི་སྟེ་རྡོ་ལ་མེ་འབར་བའིགནས)3.ཨཽ་ཊི་ཡ་ན(འདི་ནི་ཨོ་རྒྱན་གྱི་ཡུལ་ཞེས་བཤད་པ་དེ་ཡིན)4.ཨ་རྦུ་ཏ(རྒྱ་གར་ལྷོ་ཕྱོགས་ཀྱི་རི་དབུས་མཐོ་ལ་མཐའ་དམའ་བ་འབྲང་རྒྱས་སམ་སྙིང་གི་གཟུགས་ཅན་ཞིག་གི་མིང) 5.གཽ་ད་ཝ་རི(བལ་པོའི་ཡུལ་གྱི་བྱང་ངོས་རང་རྒྱལ་གྱི་གཉའ་ནང་རྫོང་གི་ཉེ་འདབས་ལ་ཕྱི་གངས་ར་ཞེས་གངས་རི་ཆེན་པོ་ཞིག་ཡོད་པར་བཤད། འདི་རྗེ་བཙུན་མི་ལའི་རྣམ་ཐར་དུ། སྟོད་གཉའ་ནང་དུ་ཡོད་པའི་ལ་ཕྱི་གངས་ར་ཞེས་གསལ་ཞིང༌། ལ་ཕྱི་གངས་ར་ཞེས་པ་ཧི་མ་ལ་ཡའི་རི་ཡི་རྒྱུད་གཅིག་ཡིན་པས་ས་བཀྲའི་ནང་སྒོ་ས་ཡིན་ཐན་ཞེས་གསལ་བ་དེ་དེང་སང་ཡོངས་གྲགས་རྒྱ་སྐད་དུ་ཤི་ཤ་སྤང་མ་ཞེས་པ་དེ་ཡིན་ནམ། དེ་མིན་ལ་ཕྱི་གངས་ར་ཞེས་པ་ལོགས་སུ་ཡོད་མེད་བརྟག་དགོས)6.རྭ་མེ་ཤ་རི(རྒྱ་གར་གྱི་ས་དབྱིབས་གྲུ་གསུམ་དུ་ཆགས་པའི་རྩེ་མོ་རྣོ་ཤོས་ལྷོ་ཕྱོགས་སུ་གཏད་པའི་རྒྱ་མཚོའི་འགྲམ་གྱི་སྣེ་དེར་ཡོད། འདི་ནས་ཤར་ལྷོའི་ཕྱོགས་སུ་གྲུ་བཏང་ནས་སོང་ན་ལང་ཀའི་གྲོང་ཁྱེར་རམ་ལམ་ཀའི་གླིང་ཕྲན་ཞེས་རྒྱལ་པོ་ར་མཱ་ནས་སྲིན་ཡུལ་དུ་དམག་དྲངས་པར་བཤད་པའི་ཡུལ་དེ་ཡིན་པས་དེང་སང་སིང་ཀ་ལའང༌། ཤྲི་ལངྐའམ་སི་ལི་ལངྐ་ཟེར)7.དེ་ཝི་ཀོ་ཏྲི(འདི་བོད་སྐད་དུ་ལྷ་མོའི་མཁར་ཞེས་ཟེར་ཞིང༌། འདི་ལ་ངོས་འཛིན་ཚུལ་མི་འདྲ་བ་གཉིས་ཏེ། ཀོང་པོའི་ཡུལ་དང༌། དྭགས་པོ། ཀློ་ཡུལ་གསུམ་གྱི་མཚམས་སུ་ཡོད་པའི་རྩ་རི་ལ་ངོས་འཛིན་པ་གཅིག་དང༌། རྒྱ་གར་ཨ་སམ་གྱི་ཤར་ཕྱོགས་གང་ཚ་རངྒ་ཞེས་པའི་ནང་ཚན་ཏི་ར་ཕུར་ཞེས་པའི་རི་བོ་དེར་ངོས་འཛིན་པ་གཅིག་ཡོད། 8.མཱ་ལ་ཝ(རྒྱ་གར་ནུབ་ཕྱོགས་རྒྱ་མཚོའི་གླིང་ཕྲན་ཞིག་ཡིན་པར་བཤད)9.ཀཱ་མ་རུ་པ(བལ་ཡུལ་དང་ཐག་ཉེ་བའི་གངས་རྒྱལ་མོ་མཐོན་མཐིང་གི་འགྲམ་ནས་རྒྱ་གར་སྐད་དུ་ཆུ་བོ་ལོ་ཧི་ཏ་རྒྱ་སྐད་དུ་མཱ་ཆོན་ཧོ)བོད་སྐད་དུ་རྟ་མཆོག་ཁ་འབབ་ཏུ་གྲགས་པ་དེ་ཉིད་གཞིས་ཀ་རྩེ་ནས་མྱང་ཆུ་དང་འདྲེས། ལྷ་སའི་ལྷོ་ནུབ་ཆུ་ཤུལ་ནས་སྐྱིད་ཆུ་དང་འདྲེས་ནས་ཡར་ལུང་བརྒྱུད་དུ་འབབ་པ་ལ་ཡར་ལུང་གཙང་པོ་ཟེར། དེ་ཉིད་ཀོང་པོ་ཡུལ་ནས་ཁ་ལྷོར་བལྟས་ནས་རྒྱ་གར་ཤར་ཕྱོགས་སུ་ཐོན་པའི་ས་དེར་ངོས་འཛིན། དེ་ནས་རྒྱ་གར་ཤར་ཕྱོགས་ཨ་སམ་གྱི་ཡུལ་བརྒྱུད་ནས་ཤར་པ་ཀི་སི་ཐན་གྱི་བྱང་ནས་ཁ་ལྷོར་བལྟས་ནས་རྒྱ་མཚོ་ཆེན་པོར་འབབ་པས་གོང་གསལ་ཆུ་བོ་དེའི་དུམ་བུ་ལ་རྒྱ་གར་བ་རྣམས་ཀྱིས་བྷ་རམ་པུ་དྷ་ཟེར)10.ཨོ་ཏྲི(རྒྱ་གར་ལྷོ་ཕྱོགས་རྒྱལ་པོ་ཤིང་རྟ་བཅུ་པའི་ཡུལ་ལ་ངོས་འཛིན་པར་བཤད་ཀྱང་ས་གནས་ངོས་མ་ཟིན)11.ཏྲི་ཤ་ཀུ་ནེ(རྒྱ་གར་ནུབ་ཕྱོགས་ཆུ་བོ་གངྒ་དང༌། གན་ཏི་སུ་རུ་པ་གསུམ་གྱི་འདུས་མདོ་དེར་ཡོད) 12.ཀོ་ས་ལ(རྒྱ་གར་ཡུལ་དབུས་གཉན་ཡོད་ཅེས་པ་དེ་ཡིན)13.ཀ་ལིདྐ (རྒྱ་གར་ལྷོ་ཕྱོགས་རྒྱ་མཆོའི་འགྲམ་གྱི་ཡུལ་ལ་ཏྲི་ལིངྒ་ལ་སོགས་པའི་ལིངྒའི་མིང་ཅན་བརྒྱད་ཙམ་ཡོད་པར་བཤད་པའི་ནང་ནས་གཅིག་ཡིན)14.ལམ་པ་ཀ(ཨོ་རྒྱན་གྱི་ཡུལ་གྱི་ཤར་ཕྱོགས་སུ་ཡོད་པར་བཤད) 15.ཀཉྩི(རྒྱ་གར་ལྷོ་ཕྱོགས་ཀྱི་དཀྱིལ་ཏྲི་ལིང་ཀ་ཞེས་པ་དེ་ཡིན་པར་བཤད)16.ཧི་མ་ལ་ཡ (བོད་སྐད་དུ་རི་བོ་གངས་ཅན་ཞེས་རྒྱ་གར་གྱི་བྱང་ཕྱོགས་སུ་ཡོད་པའི་རི་རྒྱུད་ཤིན་ཏུ་རིང་བ་ཞིག་གི་མིང) 17.པྲེ་ཏཱ(མངའ་རིས་གུ་གེའི་ཡུལ་དུ་ཡོད)18.གྲི་ཧ་དེ་ཝ་ཏ(ལི་ཡུལ་ལྕང་ར་སྨུག་པོའམ་དེང་སང་ཤིན་ཅང་དུ་འབོད་པའི་གནས་ཀྱི་ནུབ་ངོས་སུ་ཡོད་པར་བཤད) 19.སོ་ར་ཥྟྲྀ(འདི་བོད་སྐད་དུ་བཟང་པོ་ཅན་ཟེར་ཞིང་རྒྱ་གར་ནུབ་ཕྱོགས་ཀྱི་ཡུལ་ཞིག་ཡིན་པར་བཤད་པ་ལྟར་རང་རྒྱལ་ནས་དཔར་བསྐྲུན་བྱས་པའི་ས་བཀྲའི་ནང་དུ་རྒྱ་གར་ནུབ་ཕྱོགས་རྒྱ་མཚོའི་འགྲམ་གྱི་ཡུལ་ཞིག་ལ་སུ་ལ་ཐའོ་ཞེས་འཁོད་པ་དེ་ཡིན་སྙམ) 20.སུ་ཝརྣ་དཱི་པ(འདི་བོད་སྐད་དུ་གསེར་གླིང་ཟེར་ཞིང༌། དེང་སང་ཨིན་རྡུ་ཉི་ཤི་ཡའི་རྒྱལ་ས་ཡ་ཅ་ཏཱ་ཡི་ནུབ་བྱང་ངོས་ཀྱི་གླིང་ཕྲན་ཆེ་བ་སུ་མན་ཏ་ལ་ཟེར་བ་དེ་ཡིན་ཞེས་རྒྱ་རིགས་ཀྱི་མཁས་པའི་དབང་པོ་འགའ་ཞིག་གིས་གསུངས་པ་ཐོས) 21.ནཱ་ཀ་ར(རྒྱ་གར་བྱང་ཕྱོགས་བལ་ཡུལ་དང་ཁད་ཉེ་བར་ཆུ་བོ་གངྒའི་འགྲམ་དུ་གྲོང་ཁྱེར་པ་ཏྲ་ལི་བུ་ཏྲའམ་བོད་སྐད་དུ་སྐྱ་བོའི་བུ་ཟེར། པ་ཋ་ན་ཞེས་ནཱ་ག་རའི་ཡི་གེ་འབྱུང་བའི་ཡུལ་དེ་ཡིན་པར་བཤད)22.སིན་དྷུ་གངས་རི་ཏི་སེའི་བྱང་ངོས་ནས་འབབ་པའི་ཆུ་བོ་སིན་དྷུ་ཞེས་པ(བོད་སྐད་དུ་སེངྒ་ཁ་འབབ་ཟེར། དེ་མངའ་རིས་ཀྱི་ཡུལ་བརྒྱུད་དང་པོར་བྱང་དང༌། དེ་ནས་པ་ལི་ཅ་སིའི་ལྷོ་ངོས་ནས་རེ་ཞིག་བར་ནུབ་དྲང་པོ་དང་དེ་ནས་ཀརྨིརའམ། ཁ་ཧྲི་སྨིར་གྱི་ཤར་ངོས་ནས་ནུབ་བྱང་བར་འཁྱོགས་ནས་འབབ་ཅིང༌། མཐར་པ་ཀི་སི་ཐན་གྱི་བྱང་ཤར་ནས་དཀྱིལ་དྲང་པོ་བརྒྱུད་རྒྱལ་ས་ཁ་ར་ཏྲིའམ་སྔ་དུས་ཁ་ར་ཋར་འབོད་པའི་ཉེ་འདབས་ནས་ཨ་ར་པིའི་རྒྱ་མཚོར་འབབ་པས་རྒྱལ་སའི་ཉེ་འདབས་སུ་གོང་གི་གནས་དེ་ཡོད་པར་བཤད) 23.མ་རུ(ཀརྨིར་གྱི་བྱང་ཕྱོགས་ཛ་ལནྡྷ་རའི་ཉེ་འདབས་སུ་ཡོད་པར་བཤད) 24.ཀུ་ལུ་ཏ(ཀརྨིར་གྱི་བྱང་ཕྱོགས་ཀྱི་མཐའ་མཚམས་མངའ་རིས་ཀྱི་ཡུལ་དང་ཐག་ཉེ་བར་ཡོད་པ་དང༌། མངའ་རིས་པ་རྣམས་ཀྱིས་ཉུང་རྡའི་ཡུལ་ཞེསའབོད་པའི་ནང་ཚན་ཞིག་ཡིན་པར་བཤད)

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:2  སྔ་མའི་པར་གཞི།

ཉེ་ཆར་དག་བཅོས།:2019-04-08

གསར་སྤེལ་མཁན། :འཕགས་མོ་རིན་ཆེན།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།