བཀའ་བསྡུ་གཉིས་པ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

འདིའི་སྐོར་དོན་ཚན་བཞི་ཐོག་ནས་བཤད་ན་གོ་བདེ་བས། གཅིག་བཀའ་བསྡུ་གཉིས་པ་འདིའི་འབྱུང་རྐྱེན་ནི་བཀའ་འགྱུར་འདུལ་བའི་སྐོར《ལུང་ཕྲན་ཚེགས》བམ་པོ་ང་བརྒྱད་པ་དང་ང་དགུ་པ(སྡེ་དགེ་བཀའ་འགྱུར་པོད་ད་པའི་མཇུག་ཏུ་ཡོད)གཉིས་ལས། སངས་རྒྱས་མྱ་ངན་ལས་འདས་ནས་ལོ་བརྒྱ་དང་བཅུ(སློབ་དཔོན་ལེགས་ལྡན་འབྱེད་ཀྱིས་བརྩམས་པའི《རྟོག་གེ་འབར་བ》སངས་རྒྱས་མྱ་ངན་ལས་འདས་ནས་ལོ་བརྒྱ་དང་བཅུ(སློབ་དཔོན་ལེགས་ལྡན་འབྱེད་ཀྱིས་བརྩམས་པའི《རྟོག་གེ་འབར་བ》དང་སློབ་དཔོན་དབྱིག་བཤེས་ཀྱིས་བརྩམས་པའི《སྡེ་པ་ཐ་དད་དུ་འབྱེད་པ》ལས་སངས་རྒྱས་མྱ་ངན་ལས་འདས་ནས་ལོ་བརྒྱ་དང་དྲུག་ཅུ་ན་ཡིན་ཞེས་གསལ)སོང་བ་ན། ཡངས་པ་ཅན་ན་ཡོད་པའི་དགེ་སློང་རྣམས་ཀྱིས་རུང་བ་མ་ཡིན་པའི་གཞི་བཅུ་སྟེ། 1.ཧུ་ལུ་ལུ་ཡི་རུང་བ་དང༌། 2.རྗེས་སུ་ཡི་རང་བའི་རུང་བ། 3.ས་རྐོ་བ་དང་རྐོ་རུ་འཇུག་པའི་རུང་བ། 4.ཆང་བླུགས་པའི་སྣོད་ནས་ཆང་ཧུབ་ཀྱིས་མི་འཐུང་བར་གཞིབས་ནས་འཐུང་བས་རུང་བར་བྱེད་པ། 5.ཇི་སྲིད་འཚོའི་བར་དུ་བྱིན་གྱིས་རླབས་པའི་ལན་ཚ་དུས་རུང་གི་སྨན་དང་བསྲེས་པས་རུང་བར་བྱེད་པ། 6.ལམ་ཐག་དཔག་ཚད་གཅིག་དང་དཔག་ཚད་ཕྱེད་དུ་སོང་སྟེ་མཉམ་དུ་འདུས་ཤིང་ཟས་ཟོས་པས་ལམ་གྱིས་རུང་བར་བྱེད་པ། 7.ལྷག་པོར་མ་བྱས་པའི་བཟའ་བ་དང་བཅའ་བ་སོར་མོ་གཉིས་ཀྱིས་རུང་བ་བྱེད་པ། 8.འོ་མ་བྲེ་གང་དང་ཞོ་བྲེ་གང་མཉམ་དུ་དཀྲུགས་ཏེ་དུས་མ་ཡིན་པར་ཟ་ཞིང་བསྲེས་པས་རུང་བར་བྱེད་པ། 9.གདིང་བ་རྙིང་པ་ནས་མཐོ་གང་གི་ཚད་ཀྱིས་གདིང་བ་གསར་པ་ལ་མ་སླན་པར་ལོངས་སྤྱད་པས་རུང་བ། 10.ལྷུང་བཟེད་ལ་དྲི་ཞིམ་པོས་བྱུགས་ཏེ་མེ་ཏོག་གི་ཕྲེང་བས་བརྒྱན་པ་དགེ་སློང་གི་མགོ་ལ་བཞག་སྟེ་ལམ་པོ་ཆེ་དང་བཞི་མདོར་སོང་ནས་ལྷུང་བཟེད་འདིའི་ནང་དུ་སྦྱིན་པ་བྱིན་པ་དང༌། དངོས་པོ་འབུལ་ན་བསོད་ནམས་ཆེན་པོ་ཡོད་ཚུལ་གྱི་བསྔགས་བརྗོད་བྱས་ཚེ་གསེར་དངུལ་སོགས་རིན་པོ་ཆེའི་རིགས་ལ་ལོངས་སྤྱད་ཀྱང་ཉེས་པ་མེད་པའི་རུང་བ་བཅས་སྟེ་རུང་བ་བཅུ་པོ་དེ་དག་བྱས་ན་སངས་རྒྱས་ཀྱིས་ཉེས་པ་ཡོད་པར་གསུངས་པ་རྣམས་ཀྱང་ཉེས་མེད་དུ་འགྱུར་ཐུབ་ཟེར་ནས་རུང་བ་མ་ཡིན་པའི་གཞི་བཅུ་ཟེར་བའི་སྲོལ་གསར་དུ་བཏོད། རྒྱུ་ནོར་དང་བཟའ་བཏུང་མང་པོ་གསོག་འཇོག་བྱས་ཏེ་ཆོས་ཁྲིམས་བག་ཡངས་སུ་སྤྱོད་པའི་གནས་ཚུལ་བྱུང་བ་དེ་ཡིན། གཉིས། བཀའ་བསྡུ་འདིའི་མཛད་པ་པོ་ནི《འདུལ་བ་ལུང་ཕྲན་ཚེགས》དང་བོད་ཀྱི་མཁས་པ་སྔ་ཕྱིས་མཛད་པའི་ལོ་རྒྱུས་ཚང་མར་དགྲ་བཅོམ་པ་གྲགས་པས་མཛད་པར་མགྲིན་གཅིག་ཏུ་གསུངས་ཤིང༌། དགྲ་བཅོམ་པ་གྲགས་པ་ཞུ་བ་སུ་ཡིན་སྐོར《མཁས་པ་ལྡེའུ་ཆོས་འབྱུང》ལྕགས་དཔར་མའི་གྲངས166ནང་ཚེ་དང་ལྡན་པ་གྲགས་པ་ཞེས་བྱ་སྟེ་ཉེར་སྦས་སོ་ཞེས་གསལ་ཞིང༌།《ཀློང་ཆེན་ཆོས་འབྱུང》ལྕགས་དཔར་མའི་ཤོག་གྲངས14ལས་ཀྱང་དེ་ལྟར་གསུངས། 《ལྡེའུ་ཇོ་སྲས་ཀྱི་ཆོས་འབྱུང》ལྕགས་དཔར་མའི་ཤོག་གྲངས83ནང་ཚེ་དང་ལྡན་པ་གྲགས་པ་ཞེས་བྱ་སྟེ་གང་པོའོ་ཞེས་གསལ་བ་ལྟར་ན་གྲགས་པ་དང་གང་པོ་མི་གཅིག་ཡིན་པར་གསུངས་པ་བརྟག་དགོས། གསུམ། བཀའ་བསྡུ་མཛད་སྐབས་ཀྱི་སྦྱིན་བདག་ནི《ལུང་ཕྲན་ཚེགས》ལས་གསལ་བར་གསུང་མེད་ཀྱང་བོད་ཀྱི་མཁས་དབང་འདུལ་འཛིན་ཐམས་ཅད་ཀྱིས་བཀའ་བསྡུ་གཉིས་པའི་སྦྱིན་བདག་རྒྱལ་པོ་དྷརྨ་ཨ་ཤོ་ཀ་སྟེ་མྱ་ངན་མེད་ཡིན་པར་གསུང་ཡོད་པ་དང༌། ས་སྐྱ་པཎ་ཆེན་ཀུན་དགའ་རྒྱལ་མཚན་གྱི་གསུང་འབུམ་དཔར་མ་ཡོངས་གྲགས་རྣམས་སུ་མ་འཁོད་པའི་དཔེ་རྙིང་ཁ་བྱང་དུ《སྡོམ་གསུམ་རང་མཆན་འཁྲུལ་མེད་བཞུགས་སོ》ཞེས་འཁོད་པ་ལྕགས་དཔར་དཔེ་རིང་གི་ཤོག་གྲངས76པར་བསྡུ་བ་གཉིས་པ་མཛད་ཅེས་གྲགས་ཞེས་པའི་མཆན་བུའི་ཡིག་ཆུང་དུ་ཡང་བྱ་གག་གི་ཀུན་དགའ་ར་བར་ཆོས་རྒྱལ་མྱ་ངན་མེད་ཀྱིས་ཡོན་བདག་བྱས་ནས། ཞེས་གསལ་བཤད་གནང་འདུག་པ་ལྟར་ཁོ་བོས《དེབ་དམར་མཆན་འགྲེལ》དུ་ཡང་སྔོན་རབས་མཁས་དབང་རྣམས་ཀྱི་གསུང་རྒྱུན་ལ་ཇི་ལྟར་ཡོད་པ་ལྟར་བཀོད་ཡོད། འོན་ཀྱང་ཉེ་རབས་རྒྱལ་ཁབ་ཕྱི་ནང་གི་མཁས་པ་མང་པོ་ཞིག་གིས་གོང་གསལ་གསུང་རྒྱུན་དེ་ལ་དོགས་གནས་མང་པོ་བཀོད་གནང་ཐོག་མཇུག་བསྡོམས་སུ་རྒྱ་གར་དུ་རྒྱལ་པོ་མྱ་ངན་མེད་སྔ་རྗེས་གཉིས་བྱུང་བའི་སྔ་མ་དེ་ལ་ཀཱ་ལ་ཨ་ཤོ་ཀ་སྟེ། མྱ་ངན་མེད་ནག་པོའམ་དུས་ཀྱི་མྱ་ངན་མེད་ཅེས་འབོད་པ་དེ་དགྲ་བཅོམ་པ་གྲགས་པས་བཏུལ་ནས་བཀའ་བསྡུ་གཉིས་པའི་སྦྱིན་བདག་མཛད་མཁན་དེ་ཡིན་ཅིང༌། མྱ་ངན་མེད་ཕྱི་མ་ནི་དེའི་རྗེས་ཀྱི་རྒྱལ་རབས་ལྔ་པ་བིནྡྷུ་ས་ར་སྟེ་སྙིང་པོ་ཐིག་ལེའི་བུ་དྷརྨ་ཨ་ཤོ་ཀའམ་ཡོངས་གྲགས་སུ་ཆོས་རྒྱལ་མྱ་ངན་མེད་དུ་འབོད་པ་དེ་བྱུང་བ་སོགས་གསལ་བཤད་ཞིབ་ཕྲ་གནང་འདུག བཞི། བཀའ་བསྡུ་མཛད་པའི་གནས་ནི་ཡངས་པ་ཅན་གྱི་ཀུསྨ་སུ་རིའི་གཙུག་ལག་ཁང་ཡིན། ལྔ། བཀའ་བསྡུ་མཛད་པའི་ཐབས་ཤེས་ནི། ཡངས་པ་ཅན་གྱི་དགེ་སློང་རྣམས་ཀྱིས་གསར་གཏོད་བྱས་པའི་རུང་བ་མ་ཡིན་པའི་གཞི་བཅུ་རེ་རེར་དགག་པ་ཞིབ་ནན་མཛད་རྗེས། འདུལ་བའི་གཞུང་ནས་གསུངས་པ་ལྟར་བསྐྲད་པའི་ལས་ཀྱི་ཆོ་གའི་སྒོ་ནས་གནས་དབྱུང་མཛད་པ་ཡིན། ཞིབ་པར《བུ་སྟོན་ཆོས་འབྱུང》དང《མཁས་པ་ལྡེའུའི་ཆོས་འབྱུང》གཉིས་སུ་གསལ་བས་དེར་གཟིགས།
1 ​རྒྱས་འགྲེལ།

འདིའི་སྐོར་དོན་ཚན་བཞི་ཐོག་ནས་བཤད་ན་གོ་བདེ་བས། གཅིག་བཀའ་བསྡུ་གཉིས་པ་འདིའི་འབྱུང་རྐྱེན་ནི་བཀའ་འགྱུར་འདུལ་བའི་སྐོར《ལུང་ཕྲན་ཚེགས》བམ་པོ་ང་བརྒྱད་པ་དང་ང་དགུ་པ(སྡེ་དགེ་བཀའ་འགྱུར་པོད་ད་པའི་མཇུག་ཏུ་ཡོད)གཉིས་ལས། སངས་རྒྱས་མྱ་ངན་ལས་འདས་ནས་ལོ་བརྒྱ་དང་བཅུ(སློབ་དཔོན་ལེགས་ལྡན་འབྱེད་ཀྱིས་བརྩམས་པའི《རྟོག་གེ་འབར་བ》སངས་རྒྱས་མྱ་ངན་ལས་འདས་ནས་ལོ་བརྒྱ་དང་བཅུ(སློབ་དཔོན་ལེགས་ལྡན་འབྱེད་ཀྱིས་བརྩམས་པའི《རྟོག་གེ་འབར་བ》དང་སློབ་དཔོན་དབྱིག་བཤེས་ཀྱིས་བརྩམས་པའི《སྡེ་པ་ཐ་དད་དུ་འབྱེད་པ》ལས་སངས་རྒྱས་མྱ་ངན་ལས་འདས་ནས་ལོ་བརྒྱ་དང་དྲུག་ཅུ་ན་ཡིན་ཞེས་གསལ)སོང་བ་ན། ཡངས་པ་ཅན་ན་ཡོད་པའི་དགེ་སློང་རྣམས་ཀྱིས་རུང་བ་མ་ཡིན་པའི་གཞི་བཅུ་སྟེ། 1.ཧུ་ལུ་ལུ་ཡི་རུང་བ་དང༌། 2.རྗེས་སུ་ཡི་རང་བའི་རུང་བ། 3.ས་རྐོ་བ་དང་རྐོ་རུ་འཇུག་པའི་རུང་བ། 4.ཆང་བླུགས་པའི་སྣོད་ནས་ཆང་ཧུབ་ཀྱིས་མི་འཐུང་བར་གཞིབས་ནས་འཐུང་བས་རུང་བར་བྱེད་པ། 5.ཇི་སྲིད་འཚོའི་བར་དུ་བྱིན་གྱིས་རླབས་པའི་ལན་ཚ་དུས་རུང་གི་སྨན་དང་བསྲེས་པས་རུང་བར་བྱེད་པ། 6.ལམ་ཐག་དཔག་ཚད་གཅིག་དང་དཔག་ཚད་ཕྱེད་དུ་སོང་སྟེ་མཉམ་དུ་འདུས་ཤིང་ཟས་ཟོས་པས་ལམ་གྱིས་རུང་བར་བྱེད་པ། 7.ལྷག་པོར་མ་བྱས་པའི་བཟའ་བ་དང་བཅའ་བ་སོར་མོ་གཉིས་ཀྱིས་རུང་བ་བྱེད་པ། 8.འོ་མ་བྲེ་གང་དང་ཞོ་བྲེ་གང་མཉམ་དུ་དཀྲུགས་ཏེ་དུས་མ་ཡིན་པར་ཟ་ཞིང་བསྲེས་པས་རུང་བར་བྱེད་པ། 9.གདིང་བ་རྙིང་པ་ནས་མཐོ་གང་གི་ཚད་ཀྱིས་གདིང་བ་གསར་པ་ལ་མ་སླན་པར་ལོངས་སྤྱད་པས་རུང་བ། 10.ལྷུང་བཟེད་ལ་དྲི་ཞིམ་པོས་བྱུགས་ཏེ་མེ་ཏོག་གི་ཕྲེང་བས་བརྒྱན་པ་དགེ་སློང་གི་མགོ་ལ་བཞག་སྟེ་ལམ་པོ་ཆེ་དང་བཞི་མདོར་སོང་ནས་ལྷུང་བཟེད་འདིའི་ནང་དུ་སྦྱིན་པ་བྱིན་པ་དང༌། དངོས་པོ་འབུལ་ན་བསོད་ནམས་ཆེན་པོ་ཡོད་ཚུལ་གྱི་བསྔགས་བརྗོད་བྱས་ཚེ་གསེར་དངུལ་སོགས་རིན་པོ་ཆེའི་རིགས་ལ་ལོངས་སྤྱད་ཀྱང་ཉེས་པ་མེད་པའི་རུང་བ་བཅས་སྟེ་རུང་བ་བཅུ་པོ་དེ་དག་བྱས་ན་སངས་རྒྱས་ཀྱིས་ཉེས་པ་ཡོད་པར་གསུངས་པ་རྣམས་ཀྱང་ཉེས་མེད་དུ་འགྱུར་ཐུབ་ཟེར་ནས་རུང་བ་མ་ཡིན་པའི་གཞི་བཅུ་ཟེར་བའི་སྲོལ་གསར་དུ་བཏོད། རྒྱུ་ནོར་དང་བཟའ་བཏུང་མང་པོ་གསོག་འཇོག་བྱས་ཏེ་ཆོས་ཁྲིམས་བག་ཡངས་སུ་སྤྱོད་པའི་གནས་ཚུལ་བྱུང་བ་དེ་ཡིན། གཉིས། བཀའ་བསྡུ་འདིའི་མཛད་པ་པོ་ནི《འདུལ་བ་ལུང་ཕྲན་ཚེགས》དང་བོད་ཀྱི་མཁས་པ་སྔ་ཕྱིས་མཛད་པའི་ལོ་རྒྱུས་ཚང་མར་དགྲ་བཅོམ་པ་གྲགས་པས་མཛད་པར་མགྲིན་གཅིག་ཏུ་གསུངས་ཤིང༌། དགྲ་བཅོམ་པ་གྲགས་པ་ཞུ་བ་སུ་ཡིན་སྐོར《མཁས་པ་ལྡེའུ་ཆོས་འབྱུང》ལྕགས་དཔར་མའི་གྲངས166ནང་ཚེ་དང་ལྡན་པ་གྲགས་པ་ཞེས་བྱ་སྟེ་ཉེར་སྦས་སོ་ཞེས་གསལ་ཞིང༌།《ཀློང་ཆེན་ཆོས་འབྱུང》ལྕགས་དཔར་མའི་ཤོག་གྲངས14ལས་ཀྱང་དེ་ལྟར་གསུངས། 《ལྡེའུ་ཇོ་སྲས་ཀྱི་ཆོས་འབྱུང》ལྕགས་དཔར་མའི་ཤོག་གྲངས83ནང་ཚེ་དང་ལྡན་པ་གྲགས་པ་ཞེས་བྱ་སྟེ་གང་པོའོ་ཞེས་གསལ་བ་ལྟར་ན་གྲགས་པ་དང་གང་པོ་མི་གཅིག་ཡིན་པར་གསུངས་པ་བརྟག་དགོས། གསུམ། བཀའ་བསྡུ་མཛད་སྐབས་ཀྱི་སྦྱིན་བདག་ནི《ལུང་ཕྲན་ཚེགས》ལས་གསལ་བར་གསུང་མེད་ཀྱང་བོད་ཀྱི་མཁས་དབང་འདུལ་འཛིན་ཐམས་ཅད་ཀྱིས་བཀའ་བསྡུ་གཉིས་པའི་སྦྱིན་བདག་རྒྱལ་པོ་དྷརྨ་ཨ་ཤོ་ཀ་སྟེ་མྱ་ངན་མེད་ཡིན་པར་གསུང་ཡོད་པ་དང༌། ས་སྐྱ་པཎ་ཆེན་ཀུན་དགའ་རྒྱལ་མཚན་གྱི་གསུང་འབུམ་དཔར་མ་ཡོངས་གྲགས་རྣམས་སུ་མ་འཁོད་པའི་དཔེ་རྙིང་ཁ་བྱང་དུ《སྡོམ་གསུམ་རང་མཆན་འཁྲུལ་མེད་བཞུགས་སོ》ཞེས་འཁོད་པ་ལྕགས་དཔར་དཔེ་རིང་གི་ཤོག་གྲངས76པར་བསྡུ་བ་གཉིས་པ་མཛད་ཅེས་གྲགས་ཞེས་པའི་མཆན་བུའི་ཡིག་ཆུང་དུ་ཡང་བྱ་གག་གི་ཀུན་དགའ་ར་བར་ཆོས་རྒྱལ་མྱ་ངན་མེད་ཀྱིས་ཡོན་བདག་བྱས་ནས། ཞེས་གསལ་བཤད་གནང་འདུག་པ་ལྟར་ཁོ་བོས《དེབ་དམར་མཆན་འགྲེལ》དུ་ཡང་སྔོན་རབས་མཁས་དབང་རྣམས་ཀྱི་གསུང་རྒྱུན་ལ་ཇི་ལྟར་ཡོད་པ་ལྟར་བཀོད་ཡོད། འོན་ཀྱང་ཉེ་རབས་རྒྱལ་ཁབ་ཕྱི་ནང་གི་མཁས་པ་མང་པོ་ཞིག་གིས་གོང་གསལ་གསུང་རྒྱུན་དེ་ལ་དོགས་གནས་མང་པོ་བཀོད་གནང་ཐོག་མཇུག་བསྡོམས་སུ་རྒྱ་གར་དུ་རྒྱལ་པོ་མྱ་ངན་མེད་སྔ་རྗེས་གཉིས་བྱུང་བའི་སྔ་མ་དེ་ལ་ཀཱ་ལ་ཨ་ཤོ་ཀ་སྟེ། མྱ་ངན་མེད་ནག་པོའམ་དུས་ཀྱི་མྱ་ངན་མེད་ཅེས་འབོད་པ་དེ་དགྲ་བཅོམ་པ་གྲགས་པས་བཏུལ་ནས་བཀའ་བསྡུ་གཉིས་པའི་སྦྱིན་བདག་མཛད་མཁན་དེ་ཡིན་ཅིང༌། མྱ་ངན་མེད་ཕྱི་མ་ནི་དེའི་རྗེས་ཀྱི་རྒྱལ་རབས་ལྔ་པ་བིནྡྷུ་ས་ར་སྟེ་སྙིང་པོ་ཐིག་ལེའི་བུ་དྷརྨ་ཨ་ཤོ་ཀའམ་ཡོངས་གྲགས་སུ་ཆོས་རྒྱལ་མྱ་ངན་མེད་དུ་འབོད་པ་དེ་བྱུང་བ་སོགས་གསལ་བཤད་ཞིབ་ཕྲ་གནང་འདུག  བཞི། བཀའ་བསྡུ་མཛད་པའི་གནས་ནི་ཡངས་པ་ཅན་གྱི་ཀུསྨ་སུ་རིའི་གཙུག་ལག་ཁང་ཡིན། ལྔ། བཀའ་བསྡུ་མཛད་པའི་ཐབས་ཤེས་ནི། ཡངས་པ་ཅན་གྱི་དགེ་སློང་རྣམས་ཀྱིས་གསར་གཏོད་བྱས་པའི་རུང་བ་མ་ཡིན་པའི་གཞི་བཅུ་རེ་རེར་དགག་པ་ཞིབ་ནན་མཛད་རྗེས། འདུལ་བའི་གཞུང་ནས་གསུངས་པ་ལྟར་བསྐྲད་པའི་ལས་ཀྱི་ཆོ་གའི་སྒོ་ནས་གནས་དབྱུང་མཛད་པ་ཡིན། ཞིབ་པར《བུ་སྟོན་ཆོས་འབྱུང》དང《མཁས་པ་ལྡེའུའི་ཆོས་འབྱུང》གཉིས་སུ་གསལ་བས་དེར་གཟིགས།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2017-07-06

གསར་སྤེལ་མཁན། :འཕགས་མོ་རིན་ཆེན།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།