རྭ་རྒྱའི་དུར་ཁྲོད།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

འབའ་རྫོང་ནས་ལྷོ་ཕྱོགས་སུ་སྤྱི་ལེ་བརྒྱ་དང་བཞི་བཅུ་ལྷག་གི་སར་རྭ་རྒྱ་དགོན་དགའ་ལྡན་བཀྲ་ཤིས་འབྱུང་གནས་གླིང་གི་གཡས་ཕྱོགས་ཡ་ཕུག་འབྲུ་དྲུག་ཐང་གི་གདོང་སྣར། རྨ་ཀླུང་ཕྱུག་མོ་གཡུ་འབྲུག་གི་གདན་དང༌། རྔམས་འཐུག་པའི་ས་དམར་གྱི་གད་བྲག་སེང་གེའི་གདན། བདེ་ཞིང་འཇམ་པའི་ས་དཀར་གྱི་མགྲོན་ལམ་སྟག་གི་གདན་ཏེ། གདན་ཁྲི་སུམ་བརྩེགས་ཀྱིས་བཏེགས་པའི་ཁྲི་སྟེང་དུ་དཔལ་བདེ་མཆོག་ནོར་བུའི་ཕོ་བྲང་དུ་གྲགས་པའི་ས་དབྱིབས་ཐོད་ཕོར་དང་འདྲ་བ་དེར་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
拉加天葬场
རིགས་དབྱེ།
དུར་ཁྲོད།
གནས་ཡུལ།
འབའ་རྫོང་ནས་ལྷོ་ཕྱོགས་སུ་སྤྱི་ལེ་བརྒྱ་དང་བཞི་བཅུ་ལྷག་གི་སར་ཡོད།
1 ​ངོ་སྤྲོད།

འབའ་རྫོང་ནས་ལྷོ་ཕྱོགས་སུ་སྤྱི་ལེ་བརྒྱ་དང་བཞི་བཅུ་ལྷག་གི་སར་རྭ་རྒྱ་དགོན་དགའ་ལྡན་བཀྲ་ཤིས་འབྱུང་གནས་གླིང་གི་གཡས་ཕྱོགས་ཡ་ཕུག་འབྲུ་དྲུག་ཐང་གི་གདོང་སྣར། རྨ་ཀླུང་ཕྱུག་མོ་གཡུ་འབྲུག་གི་གདན་དང༌། རྔམས་འཐུག་པའི་ས་དམར་གྱི་གད་བྲག་སེང་གེའི་གདན། བདེ་ཞིང་འཇམ་པའི་ས་དཀར་གྱི་མགྲོན་ལམ་སྟག་གི་གདན་ཏེ། གདན་ཁྲི་སུམ་བརྩེགས་ཀྱིས་བཏེགས་པའི་ཁྲི་སྟེང་དུ་དཔལ་བདེ་མཆོག་ནོར་བུའི་ཕོ་བྲང་དུ་གྲགས་པའི་ས་དབྱིབས་ཐོད་ཕོར་དང་འདྲ་བ་དེར། སྔོན་དགེ་བཤེས་ཆེན་མོས་དགོན་ས་འཚོལ་ཕྱིར་གནས་འདིར་ཕེབས་པ་ལ། རྒན་མོ་བཞིན་མི་སྡུག་པ་ཞིག་གིས་གྲོད་ཞོ་གསོལ་ཚིགས་སུ་དྲངས་པ་འཛེམ་མེད་དུ་བཞེས་ནས་ཕ་གའི་བྲག་རི་བརྗིད་པོ་དེའི་མིང་ལ་ཅི་ཟེར་ཞེས་དྲིས་པར། རྒན་མོ་དེ་གློ་བུར་དུ་ཁྲོས་དེ་ཅི་བྱེད་རྒྱུ་ཡིན། ཁྱུང་དགོན་རི་རེད་ཅེས་ཁྲོ་བའི་མེ་ལྕེ་འབར་བཞིན་ལབ། རྒན་མོ་དེ་ཁྲོ་གཉེར་ཅན་མའི་སྤྲུལ་བ་ཡིན་པས་དགོན་ས་དང་དུར་ཁྲོད་དུས་གཅིག་ཏུ་ལུང་བསྟན་པར་གྲགས། ཕྱིས་སུ་རྭ་རྒྱ་དགོན་གྱི་དུར་ཁྲོད་ལ་ཞོ་འཁྱིལ་དུ་གྲགས་ཤིང༌། པཎ་ཆེན་སྣང་བ་མཐའ་ཡས་དང་ཨ་རིག་དགེ་བཤེས་ཆེན་མོ། ཤིང་བཟའ་སྐུ་ཕྲེང་རིམ་བྱོན། རྗེ་གསེར་ཁང་པ་སྐུ་མཆེད། ཤར་སྐལ་ལྡན་རྒྱ་མཚོ། ཀིརྟི་བློ་བཟང་འཕྲིན་ལས། ཞབས་དཀར་ཚོགས་དྲུག་རང་གྲོལ། ཨ་ཀ་གྲུབ་ཆེན་སྐུ་ཕྲེང་རིམ་བྱོན། རྒྱལ་བ་ཕྱག་བཞི་བ་སྐུ་ཕྲེང་རིམ་བྱོན། རྒྱ་ལི་སྐུ་ཕྲེང་རིམ་བྱོན། གཞི་ཆེན་སྐུ་ཕྲེང་རིམ་བྱོན། ཨཀྱུ་སྐུ་ཕྲེང་རིམ་བྱོན། སྙིགས་དུས་ཀྱི་འགྲོ་བའི་མགོན་པོ་སྐྱབས་རྗེ་ལཱ་མོའི་ཡོངས་འཛིན་རིན་པོ་ཆེ་བློ་བཟང་མཁས་གྲུབ་རྒྱ་མཚོ་སོགས་ཀྱིས་བྱིན་བརླབས་ཀྱིས་གནས་འདིར་དུར་མཆོད་བྱས་ན་མཁའ་མགྲོ་འབུམ་ཕྲག་ལ་རང་ལུས་ཤ་ཁྲག་གིས་ཚོགས་ཀྱི་འཁོར་ལོ་རྒྱ་ཆེར་བསྐོར་བ་དང་གཉིས་སུ་མེད་སྟབས། ཚེ་འདས་ལ་དགེ་ཆོས་མ་བསྒྲུབས་ཀྱང་ངན་འགྲོའི་སྡུག་བསྔལ་མི་འབྱུང་བར་གསུངས། དེང་གི་དུས་འདིར་ཡང༌། མགར་རྩེ་ཚོ་བ་བཅོ་བརྒྱད་དང༌། མགོ་ལོག་ཨ་སྐྱོང་ཁག་གསུམ། དགོན་གོང་འོག་བར་གསུམ། ཤ་སྦྲང་ཚོ་དྲུག མང་འབའ་བྱ་གསུམ་ཙམ་དུ་མ་ཟད། མཚོ་གཡས་རུ་གཡོན་རུ་དང༌། མཚོ་ཤར་རྫོང་བརྒྱད(海东八县)སོགས་ནས་དུར་ཁྲོད་འདིར་རླངས་འཁོར་གྱིས་ཉིན་ལམ་དུ་དུར་མཆོད་ལ་ཡོང་མཁན་གྲངས་ལས་འདས་སོ།།

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-09-27

གསར་སྤེལ་མཁན། :ཚེ་རིང་འབུམ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།