སློབ་མའི་སེམས་ཁམས་བདེ་ཐང་།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

བདེ་ཐང་ནི་ལུས་པོའི་བདེ་ཐང་དང་སེམས་ཁམས་ཀྱི་བདེ་ཐང་ཟུང་དུ་འབྲེལ་བའི་བདག་ཉིད་ཅིག་ལ་གོ་དགོས་ཤིང་། རྣམ་ཀུན་སློབ་མའི་ཟས་སྤྱོད་ལ་དོ་སྣང་དང་ལུས་སྦྱོང་རྒྱུན་འཁྱོངས་ཀྱིས་ལུས་པོའི་བདེ་ཐང་ལ་འཐུས་ཤོར་མ་བྱུང་བའི་རྨང་གཞིའི་ཐོག སློབ་མའི་སེམས་ཁམས་ཀྱི་བདེ་ཐང་དོ་ཁུར་བྱེད་པའི་གལ་ཆེའི་རང་བཞིན་ལ་ངོས་འཛིན་གང་ལེགས་བྱེད་དགོས་པ་ནི་དཔེ་ཁྲིད་མི་སྐྱོང་གི་དགེ་བའི་བཤེས་གཉེན་གྱི་ཚོགས་དང་། རྒྱ་ཆེའི་ཁྱིམ་བདག་རྣམ་པ། སྤྱི་ཚོགས་ཧྲིལ་པོ་བཅས་ཚང་མས་སྣང་ཆུང་བྱ་མི་རུང་བའི་དོན་ཆེན་ཞིག་ཡིན།
གཞི་རྩའི་གནས་ཚུལ།

སྡེ།
སློབ་གསོ།
རིགས།
སློབ་གྲྭའི་སློབ་གསོ།
ཁྱབ་ཁོངས།
ཆུང་འབྲིང་སློབ་མ།
1 ​ངོ་སྤྲོད། 

བདེ་ཐང་ནི་ལུས་པོའི་བདེ་ཐང་དང་སེམས་ཁམས་ཀྱི་བདེ་ཐང་ཟུང་དུ་འབྲེལ་བའི་བདག་ཉིད་ཅིག་ལ་གོ་དགོས་ཤིང་། རྣམ་ཀུན་སློབ་མའི་ཟས་སྤྱོད་ལ་དོ་སྣང་དང་ལུས་སྦྱོང་རྒྱུན་འཁྱོངས་ཀྱིས་ལུས་པོའི་བདེ་ཐང་ལ་འཐུས་ཤོར་མ་བྱུང་བའི་རྨང་གཞིའི་ཐོག སློབ་མའི་སེམས་ཁམས་ཀྱི་བདེ་ཐང་དོ་ཁུར་བྱེད་པའི་གལ་ཆེའི་རང་བཞིན་ལ་ངོས་འཛིན་གང་ལེགས་བྱེད་དགོས་པ་ནི་དཔེ་ཁྲིད་མི་སྐྱོང་གི་དགེ་བའི་བཤེས་གཉེན་གྱི་ཚོགས་དང་། རྒྱ་ཆེའི་ཁྱིམ་བདག་རྣམ་པ། སྤྱི་ཚོགས་ཧྲིལ་པོ་བཅས་ཚང་མས་སྣང་ཆུང་བྱ་མི་རུང་བའི་དོན་ཆེན་ཞིག་ཡིན། སློབ་མ་རྣམས་བདེ་ཐང་ངང་འཚར་ལོངས་ཡོང་བར། སློབ་གྲྭ་དང་། སྤྱི་ཚོགས། ཁྱིམ་ཚང་ཕྱོགས་ཚང་མས་ཕྱར་བ་གྲུ་འདེགས་ཀྱིས་ནུས་ཤུགས་འདོན་དགོས་ཤིང་། སློབ་མའི་འཚར་ལོངས་ཀྱི་ཁྱད་ཆོས་ལ་ཡང་དག་པའི་ངོས་འཛིན་ཡོད་དགོས་པ་དང་། དུས་དང་རྣམ་པ་ཀུན་ཏུ་སློབ་མའི་འཚར་ལོངས་ལ་རྒྱུས་ལོན་བྱ་དགོས། ཁྱིམ་ཚང་དང་། སློབ་གྲྭ སྤྱི་ཚོགས་བཅས་ཀྱིས་སློབ་མར་འཚར་ལོངས་ཀྱི་བདེ་ཐང་ཁོར་ཡུག་ཅིག་བསྐྲུན་དགོས།

2 ཐབས་ལམ། 

1.གོམས་གཤིས་བཟང་པོ་འཇགས་དགོས།  གོམས་གཤིས་བཟང་ངན་གྱིས་སེམས་ཁམས་བདེ་ཐང་ལ་ཐད་ཀར་ཤུགས་རྐྱེན་ཐེབས་པ་ཚན་རིག་གིས་ར་སྤྲོད་བྱས་ཟིན། ང་ཚོས་བྱ་བ་ཆུང་ངུ་ནས་འགོ་བཙུགས་ཏེ་གོམས་གཤིས་བཟང་པོ་འཇགས་པའི་རྒྱུ་གསོག་དགོས་ཏེ། དུས་ཐོག་ཏུ་ཉལ་ལངས་དང་། ཟས་སྤྱོད་གཉིས་ལ་འཆར་གཞི་ཡོད་པ། ཉིན་ལྟར་དུས་ཐོག་ཏུ་ལུས་སྦྱོང་ལ་འགྲོ་བ་དང་། ཁ་ཟས་ཚོད་མེད་མི་བསྟེན་པ། རང་ལ་ལེགས་ཉེས་དབྱེ་འབྱེད་ཀྱི་རྣམ་དཔྱོད་མི་ལྡན་པའི་གནས་སྐབས་སུ་ཕ་མ་དང་དགེ་རྒན་གྱི་ཡང་དག་པའི་བསླབ་བྱ་དག་རྣ་རྒྱབ་ཀྱི་རླུང་བུར་མ་བཏང་བར། བདེ་ཐང་སྐྱོན་བྲལ་ངང་འཚར་ལོངས་ཀྱི་ལམ་བུའི་ཐོག་བསྐྱོད་རྒྱུ་ནི་གལ་འགངས་ཤིན་ཏུ་ཆེ། དེ་ལས་ལྡོག་སྟེ་རྒྱུན་དུ་གློག་ཀླད་དང་ཁ་པར་སོགས་ཀྱི་ལྟད་མོ་དང་རོལ་རྩེད་ལ་མགོ་འཁོར་བ་སོགས་བྱས་ན། རང་གི་རྒྱུད་ལ་སྒྱིད་ལུག་དང་ལེ་ལོའི་མྱུ་གུ་རྒྱས་ཏེ། ལེགས་པའི་ལམ་དུ་བགྲོད་པའི་གེགས་བྱེད་ཅིང་། གཞན་གྱི་ལྟ་སྟངས་མི་ལེགས་པ་དང་། རྗེས་ལུས་ཀྱི་སློབ་མ་གྲོགས་སུ་བསྟེན་པ་སོགས་སྐྱོན་བརྗོད་དང་དམའ་འབེབས་མྱོང་དགོས་པའི་གནས་སུ་གྱར་ན། རང་བཞིན་གྱིས་རང་བརྩིའི་སེམས་པ་ལ་ཕོག་ཐུག་སོང་ནས། རང་གིས་གཞན་ལ་ཡང་ལྟ་སྟངས་ཡང་དག་ཅིག་འཛིན་མི་ཐུབ་པས། མང་པོ་ཚོགས་པའི་དབུས་སུ་ཡང་ན་ཉམ་ཆུང་གི་གནས་བབ་བཟུང་བར་བྱེད་ལ། ཡང་ན་ཇི་མི་སྙམ་པའི་ང་རྒྱལ་ཁེངས་དྲེགས་ཀྱི་མགོ་བོ་འདེགས་པར་བྱེད། དེས་སྐྱོན་བྲལ་གྱི་སེམས་ཁམས་ཤིག་འཚར་ལོངས་ཡོང་མི་ཐུབ།

2.མི་གཤིས་བཟང་པོ་ཆགས་རྒྱུར་འབད་དགོས། མི་གཤིས་བཟང་བའི་མི་དེ་ནི་བྱང་ཚད་ལེགས་པའི་མི་ཞིག་ཡིན་དགོས་ཤིང་། དགེ་སློབ་ཕན་ཚུན་དབར་ཡིན་ནའང་འདྲ། སློབ་གྲོགས་ཕན་ཚུན་དབར་ཡིན་ནའང་འདྲ། མི་གཤིས་བཟང་བའི་སློབ་མ་གང་དེས་ཚང་མར་ཞི་མཐུན་དང་སྤྲོ་སྣང་གི་ཚོར་བ་ཞིག་སྦྱིན་ངེས། ཤེས་བྱ་ཡོན་ཏན་གྱི་ཆུ་ཚད་དམ། བསམ་བློ་ཀུན་སྤྱོད་གང་ཡིན་ན་ཡང་། མི་གཤིས་བཟང་བའི་སློབ་མས་འཛིན་གྲྭའི་ནང་དཔེ་སྟོན་སྣེ་ཁྲིད་ཀྱི་ནུས་པ་བཟང་པོ་འདོན་སྤེལ་བྱེད་བཞིན་པ་ཀུན་གྱིས་མིག་མཐོང་ལག་ཟིན་མ་ཡིན་ནམ།

མི་གཤིས་ལེགས་པའི་མི་ཞིག་གིས་ཐོག་མར་རང་ཉིད་མི་ཇི་འདྲ་ཞིག་ཡིན་པར་ངོས་འཛིན་གཏིང་ཟབ་ཐུབ་པ་དང་། རང་ཉིད་མི་ཇི་འདྲ་ཞིག་ཆགས་པ་བྱེད་དགོས་མིན་ཐད་ངོས་འཛིན་གསལ་པོ་ཡོད། དེར་བརྟེན་དགེ་རྒན་རྣམ་པས་སློབ་མ་རྣམས་མི་གཤིས་བཟང་པོ་ཞིག་ཆགས་རྒྱུར་དོ་སྣང་བྱ་དགོས། འཇིག་རྟེན་ཐོག་གི་སྐྱེ་བོ་སྐྱོན་དང་ལྡན་པ་ཞིག་ལ་མི་ཚང་མས་དགའ་པོ་བྱེད་མི་སྲིད་ལ་མི་ཚང་མས་ཉེ་པོ་བྱེད་མི་སྲིད། མི་གཤིས་བཟང་པོ་མེད་པའི་མི་དེའི་སེམས་ཁམས་སྐྱོན་ཅན་ཞིག་ཡིན་པས། དེའི་མི་ཚེའི་ལྟ་བ་དང་རིན་ཐང་ལྟ་བ་བལྟོས་བཅས་ཀྱིས་གུ་དོག་པ་དང་རྗེས་ལུས་ཡིན། དེའི་དགའ་སྐྱོའི་འཆར་སྒོ་ཅི་ཞིག་ཡིན་རུང་། རང་བཞིན་ངང་སྦས་པའི་ཚུལ་དུ་སྡོད་རྒྱུར་དགའ་ཞིང་། སྐྱིད་སྡུག་གང་བྱུང་ཡང་བློ་ཐག་ཆོད་པོས་གདོང་གཏོད་པའི་སྤོབས་པ་དང་བྲལ་རྐྱེན། དུས་ཀྱི་འགྱུར་བ་དང་བསྟུན་ནས་སེམས་ཁམས་ཀྱི་ན་ཚ་གཞན་ལ་མི་འགྱུར་བའི་ངེས་པ་མེད་པ་དང་། སེམས་ཁམས་སྐྱོན་ཅན་དེས་ལུས་སེམས་གཉིས་ཀར་སྡུག་བསྔལ་བཟོ་ངེས་པས། རང་གཞན་ཚང་མས་དེའི་གལ་ཆེའི་རང་བཞིན་ལ་སྣང་འཇོག་བྱ་རྒྱུ་ནི་གལ་འགངས་ཤིན་ཏུ་ཆེ།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2019-08-08

གསར་སྤེལ་མཁན། :ཚེ་རིང་དོན་གྲུབ།།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།