དམ་པ་ཡོག་མགོ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

དམ་པ་ཡོག་མགོ།
འདི་ནི་ལོ་གཉིས་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་ཡིན། རྩ་བ་རྫ་མདོག་ཅུང་ཟད་སྦོམ་ལ་རྩ་ཕྲན་མང་བ་དང་། སྡོང་པོ་ལྗང་སྐྱ་རིལ་ཞིང་སྟོད་ཆར་གཞུང་དུ་ཤུར་རིས་ཡོད་ཅིང་སྡོང་པོ་དང་ལོ་མའི་ངར་བའི་མཚམས་ནས་ཡལ་ག་གྱེས་ནས་ཡོད།ལོ་མ་སྔོ་ལྗང་སྙིང་དབྱིབས་ཅན་མཐུག་ཅིང་སྒོར་ལ་ཆེ་བའི་རྒྱབ་ཏུ་དངུལ་དཀར་མདོག་གི་བ་སྤུས་ཁྱབ་ཅིང་མཐར་ངེས་གཏན་མེད་པའི་རྦ་རླབས་ལྟར་གྱི་ཉག་ག་ཡོད་ལ་རྩ་རིས་དྲ་བ་ལྟར་གྱེས་ཤིང་གཞི་རྩ་ནས་སྐྱེས་པའི་ལོ་མ་ཆེ་ཞིང་ངར་བ་རིང་བ་དང་། སྡོང་པོར་སྐྱེས་པའི་ལོ་མ་ཅུང་ཆུང་ལ་ངར་བ་ཐུང་བ་ཡོད། མེ་ཏོག་ཟིང་སྨུག་འདབ་མ་ཕྲ་ལ་མང་ཞིང་འདབ་གདན་ཁབ་ལྟར་རྣོ་བའི་རྩེར་ལྕགས་ཀྱུ་ལྟ་བུས་མེ་ཏོག་བཏུམས་པ། མེ་ཏོག་གི་དབྱིབས་སྤྱང་ཚེར་ནག་པོའི་མེ་ཏོག་འདྲ་བ་གདུགས་འཁྱིལ་མེ་ཏོག་བང་རིམ་སྡོང་པོ་དང་ཡལ་གའི་རྩེར་ཤར་བ་དང་། འབྲུ་གུ་ཐལ་སྐྱ་ནར་ལ་ལེབ་པ་རུ་རྟའི་ས་བོན་འདྲ་བ་མང་པོ་ཡོད།
གཞི་རྩའི་གནས་ཚུལ།

བོད་ཡིག་གི་མིང་།
དམ་པ་ཡོག་མགོ།
རྒྱ་ཡིག་གི་མིང་།
牛蒡子
ལ་ཏིང་གི་མིང་།
Fructus Arctii
སྡེ།
བྱི་བཟུང་གི་སྡེ།
ཁོངས་གཏོགས།
བྱི་བཟུང་གི་ཁོངས་གཏོགས།
རིགས་དབྱེ།
སྔོ་སྨན།
1 མིང་གཞན། 

བྱི་འཛིན་དང་། བྱི་བཟུང་། དམ་པ་ཡོག་མགོ། བལ་བ་ཛ་སོགས་ཟེར། 

2 སྐྱེ་དབྱིབས།

འཁྲུངས་དཔེ་རུ། བྱི་བཟུང་མུ་དང་ལྡུམ་རར་སྐྱེ། སྡོང་པོ་རིང་ལ་ལོ་མ་ཆེ། མེ་ཏོག་དམར་པོ་དོམ་དོམ་འདྲ། ཚེར་མའི་ལྕགས་ཀྱུས་བཏུམས་པའི་ནང་། འབྲས་བུ་དཀར་ཁམ་ནུབ་པ་ཡིན། ཞེས་བསྟན་པ་ལྟར་འདི་ནི་ལོ་གཉིས་སྐྱེ་བའི་སྔོ་སྨན་རིགས་ཀྱི་སྐྱེ་དངོས་ཤིག་ཡིན། རྩ་བ་རྫ་མདོག་ཅུང་ཟད་སྦོམ་ལ་རྩ་ཕྲན་མང་བ་དང་། སྡོང་པོ་ལྗང་སྐྱ་རིལ་ཞིང་སྟོད་ཆར་གཞུང་དུ་ཤུར་རིས་ཡོད་ཅིང་སྡོང་པོ་དང་ལོ་མའི་ངར་བའི་མཚམས་ནས་ཡལ་ག་གྱེས་ནས་ཡོད། ལོ་མ་སྔོ་ལྗང་སྙིང་དབྱིབས་ཅན་མཐུག་ཅིང་སྒོར་ལ་ཆེ་བའི་རྒྱབ་ཏུ་དངུལ་དཀར་མདོག་གི་བ་སྤུས་ཁྱབ་ཅིང་མཐར་ངེས་གཏན་མེད་པའི་རྦ་རླབས་ལྟར་གྱི་ཉག་ག་ཡོད་ལ་རྩ་རིས་དྲ་བ་ལྟར་གྱེས་ཤིང་གཞི་རྩ་ནས་སྐྱེས་པའི་ལོ་མ་ཆེ་ཞིང་ངར་བ་རིང་བ་དང་།  སྡོང་པོར་སྐྱེས་པའི་ལོ་མ་ཅུང་ཆུང་ལ་ངར་བ་ཐུང་བ་ཡོད།  མེ་ཏོག་ཟིང་སྨུག་འདབ་མ་ཕྲ་ལ་མང་ཞིང་འདབ་གདན་ཁབ་ལྟར་རྣོ་བའི་རྩེར་ལྕགས་ཀྱུ་ལྟ་བུས་མེ་ཏོག་བཏུམས་པ།  མེ་ཏོག་གི་དབྱིབས་སྤྱང་ཚེར་ནག་པོའི་མེ་ཏོག་འདྲ་བ་གདུགས་འཁྱིལ་མེ་ཏོག་བང་རིམ་སྡོང་པོ་དང་ཡལ་གའི་རྩེར་ཤར་བ་དང་། འབྲུ་གུ་ཐལ་སྐྱ་ནར་ལ་ལེབ་པ་རུ་རྟའི་ས་བོན་འདྲ་བ་མང་པོ་ཡོད།  

3 འཐུ་དུས་དང་ལས་སྣོན།

སྨན་དུ་འབྲུ་གུ་དང་རྩ་བ་དགོས་པས་བོད་ཟླ་བརྒྱད་པར་བཏུས་ཏེ་རྩ་བ་གཙང་མར་བཀྲུས་རྗེས་བསིལ་སར་སྐམ་གྲུ་པ་དང་འབྲུ་གུ་བཏོན་ཏེ་སྐམ་ནས་སྤྱོད་དགོས།

4 རོ་ནུས་ཞུ་རྗེས། 

རོ་ཁ་ལ་ཚ་བ་དང་། ཞུ་རྗེས་ཁ་བ། ནུས་པ་བསིལ་བའོ།།  

5 རྐྱང་བའི་ཕན་ཡོན།

འཁྲུངས་དཔེ་རུ། སྐྲན་བཤིག་རྡེའུ་ནད་སེལ་བར་བྱེད།། ཅེས་གསུངས་པ་ལྟར་རོ།།

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2019-06-21

གསར་སྤེལ་མཁན། :གདུགས་དཀར་རྒྱལ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།