མཚོ་སྔོན་ཞིང་ཆེན་ཚད་རིག་ལྷན་ཚོགས།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

མཚོ་སྔོན་ཞིང་ཆེན་ཚད་རིག་ལྷན་ཚོགས།
མཚོ་སྔོན་ཞིང་ཆེན་ཚད་རིག་ལྷན་ཚོགས་ནི་བོད་ཀྱི་བཅུ་ཕྲག་རིག་གནས་ཀྱིས་མཚོན་པའི་སྲོལ་རྒྱུན་གྱི་རིག་གནས་སྤྱི་དང་བྱེ་བྲག་ཚད་མ་རིག་པ་འདི་ཉིད་ཆོས་སྲིད་རིག་གནས་གང་ལའང་རྣམ་པར་དཔྱོད་པའི་བློ་གྲོས་ཀྱི་སྒོ་མོ་འབྱེད་པའི་ལྡེ་མིག་དང་། ཚིག་དོན་གྱི་འཁྲུལ་བ་ཚར་གཅོད་པའི་རལ་གྲི་ཉིད་ཡིན་པས་འདི་ཉིད་མི་ཉམས་རྒྱུན་འཛིན་གོང་སྤེལ་དང་ཉམས་པ་སོར་ཆུད་ཡོང་བ་སོགས་ལ་དམིགས་ནས། ཐེངས་གང་མང་ལ་འབྲེལ་ཡོད་འགོ་ཁྲིད་དང་སྲིད་གཞུང་ལས་ཁུངས་ཁག་ལ་སྙན་ཞུ་རབས་དང་རིམ་པ་ཕུལ་བ་བརྒྱུད། མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་དང་། མཚོ་སྔོན་ཞིང་ཆེན་དམངས་སྲིད་ཐིན་སོགས་ཞིང་ཆེན་རིམ་པའི་འབྲེལ་ཡོད་སྡེ་ཁག་གིས་དམིགས་སུ་མཐོང་ཆེན་དང་ཆོག་མཆན་ཐོབ་པར་ལ་བརྟེན། སྤྱི་ལོ2016ལོའི་ཟླ11ཚེས5ཉིན་དངོས་སུ་མཚོ་སྔོན་ཞིང་ཆེན་ཚད་རིག་ལྷན་ཚོགས་འཛུགས་ཐུབ་པ་བྱུང་།
གཞི་རྩའི་གནས་ཚུལ།

བོད་ཡིག་གི་མིང་།
མཚོ་སྔོན་ཞིང་ཆེན་ཚད་རིག་ལྷན་ཚོགས །
རྒྱ་ཡིག་གི་མིང་།
青海因明学会
1 ​ངོ་སྤྲོད། 

མཚོ་སྔོན་ཞིང་ཆེན་ཚད་རིག་ལྷན་ཚོགས་ནི་བོད་ཀྱི་བཅུ་ཕྲག་རིག་གནས་ཀྱི་མཚོན་པའི་སྲོལ་རྒྱུན་གྱི་རིག་གནས་སྤྱི་དང་བྱེ་བྲག་ཚད་མ་རིག་པ་འདི་ཉིད་ཆོས་སྲིད་རིག་གནས་གང་ལའང་རྣམ་པར་དཔྱོད་པའི་བློ་གྲོས་ཀྱི་སྒོ་མོ་འབྱེད་པའི་ལྡེ་མིག་དང་།  ཚིག་དོན་གྱི་འཁྲུལ་བ་ཚར་གཅོད་པའི་རལ་གྲི་ཉིད་ཡིན་པས་འདི་ཉིད་མི་ཉམས་རྒྱུན་འཛིན་གོང་སྤེལ་དང་ཉམས་པ་སོར་ཆུད་ཡོང་བ་སོགས་ལ་དམིགས་ནས།  ཐེངས་གང་མང་ལ་འབྲེལ་ཡོད་འགོ་ཁྲིད་དང་སྲིད་གཞུང་ལས་ཁུངས་ཁག་ལ་སྙན་ཞུ་རབས་དང་རིམ་པ་ཕུལ་བ་བརྒྱུད། མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་དང་། མཚོ་སྔོན་ཞིང་ཆེན་དམངས་སྲིད་ཐིན་སོགས་ཞིང་ཆེན་རིམ་པའི་འབྲེལ་ཡོད་སྡེ་ཁག་གིས་དམིགས་སུ་མཐོང་ཆེན་དང་ཆོག་མཆན་ཐོབ་པར་ལ་བརྟེན། སྤྱི་ལོ2016ལོའི་ཟླ11ཚེས5ཉིན་དངོས་སུ་མཚོ་སྔོན་ཞིང་ཆེན་ཚད་རིག་ལྷན་ཚོགས་འཛུགས་ཐུབ་པ་བྱུང་།

2 ཚོགས་ཞུགས་མི་སྣ།

2016ལོའི་ཟླ11པའི་ཚེས5ཉིན། མཚོ་སྔོན་ཞིང་ཆེན་ཚད་རིག་ལྷན་ཚོགས་དབུ་བརྙེས་པའི་མཛད་སྒོ་དང་ཚད་མ་རིག་པའི་བགྲོ་གླེང་སྐབས་དང་པོ་ཟི་ལིང་གྲོང་ཁྱེར་ཙོང་ཁ་བརྩེ་ཆེན་དར་རྒྱས་གླིང་ནས་གཟབ་རྒྱས་ངང་ཚོགས་འགོ་བརྩམས། ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ་དང་ཀྲུང་གོ་ནང་བསྟན་མཐུན་ཚོགས་ཀྱི་རྒྱུན་ལས་ལས་འཛིན། མཚོ་སྔོན་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པའམ་དྲུང་ཡིག་ཆེན་མོ་གཞོན་པ། པཎ་ཆེན་ཚད་མའི་སློབ་གླིང་གི་སློབ་གཙོ། ཙོང་ཁ་བརྩེ་ཆེན་དར་རྒྱས་གླིང་གི་དགོན་བདག་སྒར་བ་ངག་དབང་བཟང་བོ་མཆོག མཚོ་སྔོན་མི་རིགས་སློབ་ཆེན་གྱི་འབུམ་རམས་པའི་མཛུབ་སྟོན་དགེ་རྒན་བློ་བཟང་ཆོས་གྲགས། མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པའི་སློབ་གླིང་གི་གླིང་གཙོ་ཟླ་བ། མགོ་ལོག་གངས་ལྗོངས་ཤེས་རིག་ནོར་བུའི་སློབ་གླིང་གི་སློབ་དཔོན་ཆེན་མོ། མཚོ་ལྷོ་ཀླུ་ཚང་དགོན་པའི་དགེ་བཤེས་ཆེན་མོ་ཤེས་རབ་བསྟན་དར་སོགས་དགོན་སྡེ་ཁག་གི་དགེ་བའི་བཤེས་གཉེན་དང་སློབ་གྲྭ་ཆེན་མོའི་སློབ་དཔོན་ཆེན་མོ། གཞི་རིམ་གྱི་མི་རིགས་སློབ་འབྲིང་གི་དགེ་རྒན་སོགས་ཐེངས་འདིའི་མཛད་སྒོར་ཞུགས། མཚོ་སྔོན་མི་རིགས་སློབ་གྲྭ་ཆེན་མོའི་སློབ་དཔོན་ཆེན་མོ་དགེ་འདུན་གྱིས་མཛད་སྒོར་འགོ་འཛིན་བྱས་པ་དང་། མཚོ་སྔོན་མི་རིགས་སློབ་གྲྭ་ཆེན་མོའི་བོད་རིག་པའི་སློབ་གླིང་གི་གླིང་གཙོ་ཟླ་བས་ཤིས་ཚིག་ཕུལ།


3 དགེ་མཚན།

ད་ལྟའི་གནས་བབ་ལ་གཞིགས་པའི་ཚད་མའི་འཕེལ་རྒྱས་ངོས་ནས་གླེང་ན། ཚད་མ་རིག་པ་འདི་ཉིད་སྔར་གྱི་དགོན་སྡེ་ཁོ་ནའི་རྒྱུན་འཛིན་བྱེད་པ་ལས་རིང་དུ་བརྒལ་ནས་དེང་རབས་ཀྱི་སློབ་གྲྭ་ཆེ་འབྲིང་ཆུང་གསུམ་སོགས་ཀྱི་མཚོན་པའི་སྤྱི་ཚོགས་ཀྱི་སྡེ་སོ་སོ་ནའང་རྒྱུན་འཛིན་དང་དར་སྤེལ་བྱེད་བཞིན་པ་འདི་ནི་སྔར་མེད་པའི་འཕེལ་རྒྱས་ཤིག་གི་མཚོན་རྟགས་ཡིན་མོད། དེང་འཛམ་གླིང་གོ་ལ་གཅིག་ཏུ་སྦྲེལ་ཞིང་སྣ་མང་ཤེས་རིག་གི་ཡོ་ལང་རྣམ་པར་རྒྱས་པའི་དུས་རབས་འདིར་ང་ཚོའི་སྔར་སྲོལ་རྐྱང་བ་འཛིན་པ་ལས་རིང་དུ་བརྒལ་ནས་མ་འོངས་པར་ཁ་གཏད་ནས།   ས་དགེ་བཀའ་རྙིང་དང་བཅས་པའི་མཚོན་པའི་གྲུབ་མཐའ་རིས་སུ་མ་ཆད་པ་དང་། དགོན་སྡེ་དང་དེང་རབས་ཀྱི་སློབ་གྲྭ་ཆེ་འབྲིང་ཆུང་གསུམ་རིས་སུ་མ་ཆད་པའི་ང་ཚོ་ཐུན་མོང་ལ་དབང་བའི་ཚད་མ་རིག་པའི་ལྷན་ཚོགས་ཤིག་ཏུ་གྱུར་ཡོད་པ་མ་ཟད།རྒྱལ་ཁབ་དང་སྲིད་གཞུང་གི་ཁས་ལེན་ཐོབ་པའི་ཚད་མ་རིག་པའི་ལྷན་ཚོགས་ཤིག་ཏུའང་གྱུར་ཡོད་པས།ང་ཚོས་ཚད་མ་རིག་པའི་ལྷན་ཚོགས་འདི་ཉིད་ལ་བརྟེན་ནས། ཚད་མ་རིག་པའི་སྐོར་གྱི་གནའ་དཔེ་སྲུང་སྐྱོབ་དང་དག་སྒྲིག  རིག་གཞུང་བགྲོ་གླེང་།  སློབ་ཁྲིད། ཡིག་བསྒྱུར་སོགས་ད་ལྟ་དངོས་སུ་དབུ་བརྙེས་པའི་ཚོགས་པ་འདིས་ཁྲིམས་མཐུན་སྒོས་སྤེལ་ཆོག་པ་ཡིན་པས།  དུས་རབས་དང་སྲིད་ཇུས་གང་ཐད་ནས་ཀྱང་ཤིན་ཏུ་རྙེད་པར་དཀའ་བའི་གོ་སྐབས་འདི་དམ་འཛིན་བགྱིས་ནས། བསམ་བློ་གཅིག་གྱུར་དང་སྟོབས་ཤུགས་གཅིག་ཏུ་བསྒྲིལ་ནས། སྔར་ལས་ལྷག་པར་སྤྱི་ཚོགས་ལ་ཁ་ཕྱོགས་ཏེ་རྒྱལ་ཁབ་དང་མི་རིགས་ལ་ཕན་བདེ་སྒྲུབ་ཐུབ་པར་ཡིད་ཆེས་བརྟན་པོས་ཚོགས་པ་འདི་ཉིད་བཙུགས་པ་ཡིན།

4 ཚན་ཁག

ད་ལྟ་མཚོ་སྔོན་ཞིང་ཆེན་ཚད་རིག་ལྷན་ཚོགས་ཀྱི་ཁོངས་སུ་ཚད་མ་རིག་པའི་གསོ་སྦྱོང་ལྟེ་གནས་དང་ཚད་མ་རིག་པ་དང་ཚན་རིག་གཤིབ་བསྡུར་ལྟེ་གནས།ཚད་མ་རིག་པའི་བགྲོ་གླེང་དང་བརྗེ་རེས་ལྟེ་གནས།ཚད་མ་རིག་པའི་དཔེ་རྙིང་འཚོལ་སྒྲིག་ལྷན་ཚོགས་དང་ཚད་མ་རིག་པའི་སློབ་དེབ་རྩོམ་སྒྲིག་དང་ཡིག་བསྒྱུར་ལྷན་ཚོགས།མཚོ་སྔོན་ཞིང་ཆེན་ཚད་མ་རིག་པ་ལྷན་ཚོགས་ཀྱི་ཚད་མའི་སློབ་གླིང་།མཚོ་སྔོན་ཞིང་ཆེན་ཚད་མ་རིག་པའི་ལྷན་ཚོགས་གཞུང་ལས་ཁང་བཅས་ཚན་ཁག་བདུན་བཙུགས་ཡོད།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-03-27

གསར་སྤེལ་མཁན། :བསེ་ཆང་རྡོ་རིན།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།