ཡུལ་གྱི་དབང་རིས་རྣམ་པ་བཅོ་བརྒྱད། ནི་མིང་གཅིག་དོན་མང་ལ་འཇུག་སྟེ། དེར་དོན་གྱི་འཇུག་ཚུལ2ཡོད།

ཡུལ་གྱི་དབང་རིས་རྣམ་པ་བཅོ་བརྒྱད།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།
(དག་ཡིག )

རྒྱལ་པོའི་འོག་གི་བློན་པོ་དང༌། རུས་རྒྱུད་མི་འདྲ་བའི་དཔོན་རིགས་རྙིང་པ་རྣམས་ལ་ས་ཞིང་དང་བྲན་གཡོག་སྒེར་ལ་དབང་ཆོག་པར་བྱས་པ་ཞིག
1 རྒྱས་འགྲེལ།

རྒྱལ་པོའི་འོག་གི་བློན་པོ་དང༌། རུས་རྒྱུད་མི་འདྲ་བའི་དཔོན་རིགས་རྙིང་པ་རྣམས་ལ་ས་ཞིང་དང་བྲན་གཡོག་སྒེར་ལ་དབང་ཆོག་པར་བྱས་པ་ཞིག་སྟེ། དེ་ནི་རྒྱལ་པོ་སྲོང་བཙན་སྒམ་པོས་བོད་ས་གནས་གཅིག་གྱུར་མ་བྱས་གོང་དུ་རུས་རྒྱུད་ཚོ་པ་ཁག་གི་དཔོན་རིགས་མང་པོས་ས་ཁུལ་དུམ་བུར་བགོས་ནས་དབང་བསྒྱུར་བྱས་ཏེ། ཕན་ཚུན་གཅིག་འོག་གཅིག་ལ་མི་འདུས་པའི་ནང་འཁྲུག་རྒྱུན་མི་ཆད་པ་བྱུང་བར་བརྟེན། རུས་རྒྱུད་ཚོ་པ་ཁག་གཅིག་གྱུར་བྱས་མ་ཐག་ཁོ་ཚོར་སྔར་ནས་དབང་བའི་ས་ཞིང་ནོར་ཕྱུགས་བྲན་གཡོག་སྒེར་བདག་གི་དབང་ཆ་འོས་འཚམས་ཞིག་རྒྱུན་འཛིན་བྱེད་དུ་མ་བཅུག་ན་ཁོ་ཚོས་སླར་ཡང་འཁྲུག་རྐྱེན་བསླང་སྲིད་པས་དེ་རིགས་སྔོན་འགོག་བྱེད་ཆེད་ཁོ་ཚོས་སྲིད་གཞུང་གིས་གཏན་འབེབས་བྱས་པའི་ཁྲིམས་ལུགས་ལ་བརྩི་སྲུང་དང༌། དུས་ཚད་ངེས་ཅན་གྱི་དཔྱ་ཁྲལ་མི་ཉུང་ཙམ་འབུལ་རྒྱུ་ཁས་ལེན་བྱེད་པའི་ཆ་རྐྱེན་འོག་ས་ཞིང་དང༌། ནོར་ཕྱུགས། བྲན་གཡོག་བཅས་སྒེར་བཟུང་གི་དབང་ཆ་འོས་འཚམ་ཞིག་སྤྲད་པ་མ་ཟད། གལ་ཏེ་ཁོ་ཚོས་བཙན་པོར་གྱེན་ལོག་གནོད་འཚེ་བྱེད་པ་དང༌། དཔོན་གཞན་འཚོལ་གྱི་ལྐོག་གཡོ་བཤམས་པ་སོགས་བྱས་པ་བྱུང་ན་ཁོ་ཚོས་སྒེར་བཟུང་བྱས་པ་ཚང་མ་སྲིད་གཞུང་གིས་གཞུང་བཞེས་གཏོང་བའི་དབང་ཆ་ཡོད་པ་རེད། ཡུལ་གྱི་དབང་རིས་རྣམ་པ་བཅོ་བརྒྱད་ཀྱི་ནང་ནས་དབུ་རུ་དང་ལྷོ་ཁའི་ཕོ་བྲང་ཉེ་འཁོར་གྱི་དབང་རིས་གཉིས་བཙན་པོའི་ཐད་གཏོགས་ཡིན་པ་དང༌། དེ་མིན་གྱི་ཁུལ་བཅུ་དྲུག་ནི་ཁུ་དང་གཉགས་ལ་སོགས་པའི་རུས་རྒྱུད་ཚོ་པ་ཉི་ཤུ་རྩ་ལྔ་སོ་སོས་སྒེར་བཟུངབྱེད་པའི་ཡུལ་ཡིན་པར《ཆོས་འབྱུང་མཁས་པའི་དགའསྟོན》ནང་གསལ་ཞིང་ཏུན་ཧོང་ནས་ཐོན་པའི་ཤོག་དྲིལ་ཡི་གེ་འགའ་ཞིག་གི་ནང་བློན་པོ་དང་རུས་རྒྱུད་ཚོ་པའི་དཔོན་རིགས་རྣམས་ཀྱིས་སྒེར་དབང་ས་ཁུལ་བྲན་གཡོག་དངབཅས་པ་ཁོ་ཚོར་བྱས་ཉེས་མ་བྱུང་ན་ཕ་ཚ་བུ་རྒྱུད་ལ་འཇགས་ཆོག་པ་དང༌། གལ་ཏེ་ཉེས་ཁྲིམས་ཕོག་པའམ་མི་རྒྱུད་ཆད་ན་ས་ཞིང་དང་བྲན་གཡོག་སོགས་བཙན་པོས་ཕྱིར་ལེན་བྱེད་པའི་དབང་ཆ་ཡོད་པའི་དཔེ་མཚོན་ལོ་རྒྱུས་མང་པོ་འཁོད་ཡོད། མངའ་ཁོངས་ས་ཁུལ་བཅོ་བརྒྱད་ནི། 1.དབུ་རུ་ཤོད་ཆེན། 2.ཕོ་བྲང་སྣེ་ཆེན། 3.ཡར་ལུང༌། 4.འཆིང་ང༌། 5.བྱ་འུག 6.བྲད་དང་ཞོང་པ། 7.བྲག་རུམ་སྟོད་སྨད། 8.གཙང་སྟོད་སྨད། 9.ཀླུང་ཤོད་ནམ་པོ། 10.འཕན་ཡུལ། 11.ཉང་རོ་གྲམ་པ། 12.ཤངས་དང་གླེ་ཕྱི། 13.ཡུང་བ་ཆེ་ཆུང༌། 14.ཞ་ག་སྡེ་གསུམ། 15.ནམ་ར། 16.ཆག་གོང༌། 17.འདམ་ཤོད་དཀར་མོ། 18.མདོ་ཁམས་བཅས་སོ། །


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-04-08

གསར་སྤེལ་མཁན། :འཕགས་མོ་རིན་ཆེན།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།