མེ་བཟའ་འབུམ་སྐྱིད།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

འབུམ་པའི་མགོ་དཔོན་གྱི་སྲས་མོ་སྟེ། གླིང་རྗེ་གེ་སར་རྒྱལ་པོའི་ཐུགས་འདང་ཤིན་ཏུ་ཆེ་བའི་བཙུན་མོ་ཞིག་ཡིན། མོའི་གོ་གནས་འབྲུག་མོ་ལས་དམའ་བ་ཙམ་དང་གླིང་དྭངས་སྨན་མཆེད་བརྒྱད་ཀྱི་ཡ་གྱལ་དུ་གྱུར། མོ་ནི་ཧ་ཅང་མཛེས་ཤིང་ཡིད་འཕྲོག་པ་ཞིག་ཡིན་ཕྱིར། བདུད་རྒྱལ་ཀླུ་བཙན་གྱིས་ཀྱང་རྫུ་འཕྲུལ་གྱིས་འཕྲོག་གླིང་རྗེ་གེ་སར་རྒྱལ་པོ་བདུད་ཡུལ་དུ་གཡུལ་འགྱེད་སར་ཕེབས་པར། མེ་བཟས་རོགས་འདེགས་བྱས་པའི་འོག་ཏུ། གླིང་རྗེ་གེ་སར་རྒྱལ་པོས་བདུད་བཏུལ་བའི་རྒྱལ་ཁ་བླངས་སོ།།
གཞི་རྩའི་གནས་ཚུལ།

ཁོངས་གཏོགས།
གླིང་དྭངས་སྨན་མཆེད་བརྒྱད་ཀྱི་ཡ་གྱལ།
རིགས་དབྱེ།
གླིང་སྒྲུང་མི་སྣ།
1 ངོ་སྤྲོད།

འབུམ་པའི་མགོ་དཔོན་གྱི་སྲས་མོ་སྟེ། གླིང་རྗེ་གེ་སར་རྒྱལ་པོའི་ཐུགས་འདང་ཤིན་ཏུ་ཆེ་བའི་བཙུན་མོ་ཞིག་ཡིན། མོའི་གོ་གནས་འབྲུག་མོ་ལས་དམའ་བ་ཙམ་དང་གླིང་དྭངས་སྨན་མཆེད་བརྒྱད་ཀྱི་ཡ་གྱལ་དུ་གྱུར། མོ་ནི་ཧ་ཅང་མཛེས་ཤིང་ཡིད་འཕྲོག་པ་ཞིག་ཡིན་ཕྱིར། བདུད་རྒྱལ་ཀླུ་བཙན་གྱིས་ཀྱང་རྫུ་འཕྲུལ་གྱིས་འཕྲོག་གླིང་རྗེ་གེ་སར་རྒྱལ་པོ་བདུད་ཡུལ་དུ་གཡུལ་འགྱེད་སར་ཕེབས་པར། མེ་བཟས་རོགས་འདེགས་བྱས་པའི་འོག་ཏུ། གླིང་རྗེ་གེ་སར་རྒྱལ་པོས་བདུད་བཏུལ་བའི་རྒྱལ་ཁ་བླངས། མེ་བཟའ་དང་འབྲུག་མོ་གཉིས་ཀྱིས་གླིང་རྗེ་གེ་སར་རྒྱལ་པོའི་གཅེས་སྐྱོང་རྩོད་པའི་ཆེད་དུ། མེ་བཟས་གླིང་གེ་སར་རྒྱལ་པོ་ལ་བརྗེད་བྱེད་ཀྱི་གསོལ་སྐྱེམས་དྲངས་ཞིང་གླིང་རྗེ་གེ་སར་རྒྱལ་པོ་མེ་བཟའ་དང་བདུད་བཟའ་ཨ་སྟག་ལྷ་མོ་དང་ལྷན་ཅིག་བདུད་ཡུལ་དུ་ལོ་དགུ་ལུས། དེའི་སྐབས་སུ་ཧོར་གུར་དཀར་རྒྱལ་པོས་གླིང་གི་རྒྱལ་ས་འཕྲོག་པ་དང་། དཔའ་བརྟུལ་བཀྲོངས་ཤིང་འབྲུག་མོ་གསོན་བཟུང་བྱས་པ་སོགས་བྱུང་། ཕྱིས་སུ་ལྷ་བྱ་ཁྲུང་ཁྲུང་དཀར་མོས་སྐྱེལ་པའི་འཕྲིན་ཡིག་ཐོན་རྗེས་སུ་གླིང་གེ་སར་རྒྱལ་པོ་དང་མེ་བཟའ་གཉིས་ད་གཟོད་གླིང་ཡུལ་དུ་ལོག ཡང་བཤད་སྲོལ་ཞིག་ལ་མེ་བཟའ་འབུམ་སྐྱིད་ཐོག་མར་བདུད་རྒྱལ་ཀླུ་བཙན་གྱི་བཙུན་མོ་ཡིན་ཞིང་། བདུད་འདུལ་བའི་དུས་ལ་བབ་པ་ན། གླིང་རྗེ་གེ་སར་རྒྱལ་པོས་བདུད་འདུལ་སྐབས་མེ་བཟའ་འབུམ་སྐྱིད་དེ་དཔའ་མཛངས་ལྡན་པའི་གླིང་རྗེ་གེ་སར་རྒྱལ་པོ་ལ་མཛའ་སེམས་སྐྱེས་ཏེ་རོགས་རམ་བྱས་ནས་བདུད་རྒྱལ་ཀླུ་བཙན་ནག་པོ་འཇིག་རྟེན་ཕྱི་མའི་ཡུལ་དུ་བསྐྱལ། དེ་ཡི་རྗེས་སུ་གླིང་རྗེ་གེ་སར་རྒྱལ་པོས་མེ་བཟའ་བཙུན་མོར་ཁབ་ཏུ་བཞེས།

དཔྱད་གཞིའི་ཡིག་ཆ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2017-08-17

གསར་སྤེལ་མཁན། :ཚེ་རིང་འབུམ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།