འབྲོག་པའི་མཚེར་ས།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

འབྲོག་པ་རྣམས་ལ་དབྱར་དགུན་སྟོན་དཔྱིད་ཀྱི་དུས་སོ་སོར་མཚེར་ས་སོ་སོར་ཡོད་འདུག་ཅིང་། དེ་ཡང་དབྱར་དུས་སུ་འབྲོག་སྡེ་རུ་ཤོག་སོ་སོས་རུ་བསྐོར་ཆེ་ཆུང་སྣ་ཚོགས་བྱས་ཏེ་སྤང་ཐང་དང་། རིའི་སྒང་སོགས་རྩྭ་ཁ་གང་བཟང་གནས་རྣམས་སུ་སྤོ་སྡོད་བྱེད་ཅིང་། དེ་ནི་སྤྱིར་བཏང་ཡུལ་ཁག་སོ་སོའི་ཁོངས་གཏོགས་ཀྱི་ས་མཚམས་སམ། འགའ་ཤས་ལ་རུ་ཤོག་སོ་སོར་སྒེར་དབང་གི་ས་མཚམས་ཡོད་འདུག་པ་ཙམ་ལས་མི་ཚང་སོ་སོར་སྒེར་དབང་གི་ས་ཆ་ཡོད་སྲོལ་མི་འདུག སྟོན་དུས་ནི་འབྲོག་མིའི་ཁ་དཔེར་སྟོན་འོ་ཕྱེད་མར་ཕྱེད་ཅེས་སུ་གྲགས་པ་བཞིན་འབྲོག་པ་ཚོས་ཤེད་གསོག་འཇོག་བྱེད་པའི་དུས་ཚིགས་ཁྱད་པར་ཅན་ཞིག་ཡིན་པར་བརྟེན། སྒོ་ཕྱུགས་རྣམས་གཟས་བོངས་ཆེ་ཞིང་གཟས་ཐག་ཐུང་བའི་གནས་ཡུལ་དག་ལ་བརྟེན་དགོས་པ་ལྟར། རུ་ཤོག་སོ་སོར་སྟོན་མཚེར་ཞེས་བྱ་བ་དབྱར་དུས་སུ་རྩ་ཁ་མ་བཅད་པ་དང་། ས་ཆའི་བབས་ཀྱང་དབྱར་ས་ལས་ཅུང་ཟད་དམའ་ཞིང་། ཆར་རླུང་གིས་མི་སྡང་བའི་དྲོད་ཁུང་ཅན་དག་ཡོད་པ་རེད།
གཞི་རྩའི་གནས་ཚུལ།

རིགས་དབྱེ།
ཡུལ་སྲོལ།
1 ངོ་སྤྲོད།

འབྲོག་པ་རྣམས་ལ་དབྱར་དགུན་སྟོན་དཔྱིད་ཀྱི་དུས་སོ་སོར་མཚེར་ས་སོ་སོར་ཡོད་འདུག་ཅིང་། དེ་ཡང་དབྱར་དུས་སུ་འབྲོག་སྡེ་རུ་ཤོག་སོ་སོས་རུ་བསྐོར་ཆེ་ཆུང་སྣ་ཚོགས་བྱས་ཏེ་སྤང་ཐང་དང་། རིའི་སྒང་སོགས་རྩྭ་ཁ་གང་བཟང་གནས་རྣམས་སུ་སྤོ་སྡོད་བྱེད་ཅིང་། དེ་ནི་སྤྱིར་བཏང་ཡུལ་ཁག་སོ་སོའི་ཁོངས་གཏོགས་ཀྱི་ས་མཚམས་སམ། འགའ་ཤས་ལ་རུ་ཤོག་སོ་སོར་སྒེར་དབང་གི་ས་མཚམས་ཡོད་འདུག་པ་ཙམ་ལས་མི་ཚང་སོ་སོར་སྒེར་དབང་གི་ས་ཆ་ཡོད་སྲོལ་མི་འདུག སྟོན་དུས་ནི་འབྲོག་མིའི་ཁ་དཔེར་སྟོན་འོ་ཕྱེད་མར་ཕྱེད་ཅེས་སུ་གྲགས་པ་བཞིན་འབྲོག་པ་ཚོས་ཤེད་གསོག་འཇོག་བྱེད་པའི་དུས་ཚིགས་ཁྱད་པར་ཅན་ཞིག་ཡིན་པར་བརྟེན། སྒོ་ཕྱུགས་རྣམས་གཟས་བོངས་ཆེ་ཞིང་གཟས་ཐག་ཐུང་བའི་གནས་ཡུལ་དག་ལ་བརྟེན་དགོས་པ་ལྟར། རུ་ཤོག་སོ་སོར་སྟོན་མཚེར་ཞེས་བྱ་བ་དབྱར་དུས་སུ་རྩ་ཁ་མ་བཅད་པ་དང་། ས་ཆའི་བབས་ཀྱང་དབྱར་ས་ལས་ཅུང་ཟད་དམའ་ཞིང་། ཆར་རླུང་གིས་མི་སྡང་བའི་དྲོད་ཁུང་ཅན་དག་ཡོད་པ་རེད།

དེ་དག་གི་ནང་ནས་གལ་གནད་ཆེས་ཆེ་ཤོས་ནི་དགུན་མཚེར་ཞེས་བྱ་བ་དགུན་དུས་ཀྱི་གནས་ཡུལ་དག་ཡིན་ཏེ། དེ་ནི་ཤོག་ཁག་སོ་སོར་སྒེར་བདག་གི་མཚེར་ས་ཡོད་པར་མ་ཟད་མི་ཚང་ཕལ་ཆེ་བར་སྒེར་དབང་གིས་མཚེར་ས་བཟང་པོ་རེ་ཡོད་པ་རེད། དབྱར་སྟོན་གྱི་དུས་གཉིས་སུ་རང་གཞན་མཆོག་དམན་གཞིས་བྱེས་སུ་ཞིག་གིས་ཀྱང་དགུན་མཚེར་གྱི་རིགས་རྣམས་སུ་སྒོ་ཕྱུགས་ཆེ་ཕྲ་མཐའ་དག་མངགས་གཏོང་བྱེད་མི་ཆོག་ཅིང་། གལ་ཏེ་སུ་ཞིག་གིས་དེར་སྒོ་ཕྱུགས་ཤིག་མངགས་གཏོང་བྱས་པ་ཡིན་ན། དཔྱིད་དུས་སུ་དགུན་མཚེར་དེར་གནས་པའི་མི་ཚང་དེའི་སྒོ་ཕྱུགས་ཇི་ཙམ་མུག་ཤིར་འགྱུར་བ་དེ་སྙེད་ཀྱི་རྐྱེན་འགན་འཁུར་དགོས་པ་དང་། འགའ་ཤས་ཀྱིས་སྒོ་ཕྱུགས་ཤི་གོད་གྱུར་པའི་སྟོང་འཇལ་དུ་ཕྱུགས་ལུག་དུ་མ་ཤོར་བའི་ལོ་རྒྱུས་ཀྱང་མང་དུ་སྣང་ངོ་།། དགུན་མཚེར་གྱི་ས་ཆའི་བབས་ནི་སྤང་ཐང་གི་གོབ་དང་། རིའི་འདབ་མ། ལུང་པའི་ཉིན་ཁུག་སོགས་དྲོད་ཁུང་ཆེས་ཆེ་ཞིང་། ཁ་ཆར་དང་བུ་ཡུག་གིས་སྡང་ཟུག་ཆུང་བའི་གནས་རྣམས་སུ་ཆགས་ཡོད་འདུག་ཅིང་། དེ་དག་ཏུ་ཕྱུགས་ལྕི་བརྩེགས་པའི་ར་བ་མཐོ་དམན་དུ་སྐྱེས་བུ་ཆེ་ཚད་ཙམ་པ་རྒྱ་མི་ཆུང་བ་དག་ཀྱང་བཟོས་འདུག་པ་དེ་དག་གི་སྒོ་ཕྱུགས་ལ་རླུང་སེར་དང་བུ་ཡུག་གི་གནོད་པ་སྐྱོབས་ཆེད་ཡིན་པར་མ་ཟད་དགུན་དུས་གྲང་ངར་ཆེས་ཆེ་བའི་དུས་སྒོ་ཕྱུགས་ལ་ལྕེ་སྤྱང་གི་འཚེ་བ་ལྷག་ཙམ་འབྱུང་བ་ལས་བསྲུང་སླ་བའི་ཆེད་དུའང་ཡིན་པ་རེད།

དཔྱིད་དུས་ནི་འབྲོག་པ་རྣམས་དཀའ་ངལ་ཆེ་བའི་དུས་ཤིག་ཡིན་ཏེ། འབྲོག་པའི་སྒོ་ཕྱུགས་ཤ་ཤེད་ཧ་ཅང་ཞན་པས་ལམ་ཐག་རིང་པོར་འགྲོ་མི་ནུས་ཤིང་། སྐབས་འགར་དཔྱིད་ཞོར་ཅེས་བྱ་བ་ཁ་ཆར་ཉིན་མང་དུ་བབས་ཏེ་སྒོ་ཕྱུགས་བརྒྱ་ཕྲག་མང་པོ་མུག་ཤིར་ཤོར་གྱི་ཡོད་པ་རེད། དེར་བརྟེན་དཔྱིད་ཀྱི་གནས་ཡུལ་དཔྱིད་མཚེར་ནི་དགུན་མཚེར་དང་ཤིན་ཏུ་ཁད་ཉེ་བའི་ས་ཆ་དགུན་དུས་གངས་འོག་ཏུ་ཡོད་པའི་རྩ་ཁ་རིམ་གྱིས་གངས་ཁར་ཐོན་པའི་གནས་རྣམས་སུ་ཆགས་ཡོད་པ་རེད།

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2017-07-06

གསར་སྤེལ་མཁན། :ཚེ་རིང་འབུམ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།