རིགས་གསུམ་མགོན་པོའི་ལྷ་ཁང་།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

རིགས་གསུམ་མགོན་པོའི་ལྷ་ཁང་།
ཕྱོགས་བཞིའི་རིགས་གསུམ་མགོན་པོའི་ལྷ་ཁང་ཞེས་པ་ནི། སངས་རྒྱས་ཐམས་ཅད་ཀྱི་ཐུགས་ཀྱི་བརྩེ་བ་གཅིག་ཏུ་འདུས་པའི་མཚོན་བྱེད་མགོན་པོ་སྤྱན་རས་གཟིགས་དང་། སངས་རྒྱས་ཐམས་ཅད་ཀྱི་ཐུགས་ཀྱི་མཁྱེན་པ་གཅིག་ཏུ་འདུས་པའི་མཚོན་བྱེད་མགོན་པོ་འཇམ་དཔལ་དབྱངས། སངས་རྒྱས་ཐམས་ཅད་ཀྱི་མཐུ་སྟོབས་ནུས་པ་གཅིག་ཏུ་འདུས་པའི་མཚོན་བྱེད་མགོན་པོ་ཕྱག་ན་རྡོ་རྗེ་བཅས་ཡིན་པས་རིགས་གསུམ་མགོན་པོས་མ་འདུས་སངས་རྒྱས་མེད་ཅེས་གསུངས་པར་གྲགས།
གཞི་རྩའི་གནས་ཚུལ།

རིགས་དབྱེ།
ལྷ་ཁང་།
གནས་ཡུལ།
ལྷ་ས་གྲོང་ཁྱེར།
1 ​ངོ་སྤྲོད།

ཕྱོགས་བཞིའི་རིགས་གསུམ་མགོན་པོའི་ལྷ་ཁང་ཞེས་པ་ནི། སངས་རྒྱས་ཐམས་ཅད་ཀྱི་ཐུགས་ཀྱི་བརྩེ་བ་གཅིག་ཏུ་འདུས་པའི་མཚོན་བྱེད་མགོན་པོ་སྤྱན་རས་གཟིགས་དང་།    སངས་རྒྱས་ཐམས་ཅད་ཀྱི་ཐུགས་ཀྱི་མཁྱེན་པ་གཅིག་ཏུ་འདུས་པའི་མཚོན་བྱེད་མགོན་པོ་འཇམ་དཔལ་དབྱངས། སངས་རྒྱས་ཐམས་ཅད་ཀྱི་མཐུ་སྟོབས་ནུས་པ་གཅིག་ཏུ་འདུས་པའི་མཚོན་བྱེད་མགོན་པོ་ཕྱག་ན་རྡོ་རྗེ་བཅས་ཡིན་པས་རིགས་གསུམ་མགོན་པོས་མ་འདུས་སངས་རྒྱས་མེད་ཅེས་གསུངས་པར་གྲགས།    དེའང་ར་ས་འཕྲུལ་སྣང་གཙུག་ལག་ཁང་བཞེངས་རྗེས་ཕྱོགས་བཞིའི་རིགས་གསུམ་མགོན་པོ་ཞེས་རིགས་གསུམ་མགོན་པོའི་སྐུ་བརྙན་བཞུགས་པའི་ལྷ་ཁང་བཞི་ཡོད་པ་ལ་ཤར་རིགས་གསུམ་མགོན་པོ་ནི།     དབྱི་སི་ལན་ཕྱག་འཚལ་ཁང་དང་ཉེ་བར་ཡོད་པ་ལ་ད་ལྟ་ཉམས་གསོ་ཞུ་ཐུབ་མེད། ལྷོ་རིགས་གསུམ་མགོན་པོ་ནི། གཟིམས་ཤག་རམ་པའི་ཤར་ངོས་སུ་ཡོད་པ་ལ་ད་ལྟ་ཉམས་གསོ་ཞུས་ཤིང་སྔར་སྲོལ་ལྟར་དགའ་ལྡན་དགོན་གྱི་བདག་འཛིན་གནང་མུས། ནུབ་རིགས་གསུམ་མགོན་པོ་ནི། ཐོག་མར་གཡུ་ཐོག་ཟམ་པའི་ཉེ་འགྲམ་དུ་ཡོད་པ་ལ་རྗེས་སུ་ཀླུ་སྒུག་རྒྱལ་སྒོའི་འགྲམ་དུ་སྤོས་གནང་བས། ད་ལྟ་གསར་བཞེངས་ཞུས་རྗེས་འབྲི་གུ་ཡང་རི་སྒར་གྱིས་བདག་འཛིན་གནང་མུས། བྱང་རིགས་གསུམ་མགོན་པོ་ནི། ཐོག་མར་ར་མོ་ཆེའི་བྱང་ངོས་གླིང་སྐོར་ལམ་དུ་ཡོད་པ་ལ་དེ་རྗེས་ར་མོ་ཆེ་རྡོ་ཟམ་འགྲམ་དུ་གནས་སྤོས་ཀྱིས་ཉམས་གསོ་ཞུས་རྗེས་ད་ལྟ་གར་རི་དགོན་གྱིས་བདག་འཛིན་གནང་བ་བཅས་ཡིན།

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2017-03-01

གསར་སྤེལ་མཁན། :གངསསྨྱུག་སྲས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།