དགེ་སློང་མའི་སྤང་བའི་ལྟུང་བྱེད་ཀྱི་ཆོས་སུམ་ཅུ་སོ་གསུམ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

དགེ་སློང་མའི་སོ་སོར་ཐར་པའི་མདོ་ལས་བྱུང་བའི་དགེ་སློང་མའི་སྤང་བའི་ལྟུང་བྱེད་ཀྱི་ཆོས་སུམ་ཅུ་སོ་གསུམ་ལ་གོ་བ་ཡིན།
གཞི་རྩའི་གནས་ཚུལ།

འབྱུང་ཁུངས།
《འདུལ་བ་ཏ་པ》ཤ14ན4ལས་བཏུས།
རིགས་དབྱེ།
ནང་དོན་རིག་པ།
1 ​རྣམ་གྲངས་འདྲེན་པ། 

དགེ་སློང་མའི་སོ་སོར་ཐར་པའི་མདོ་ལས་བྱུང་བ་སྟེ།

1.སྲ་རྐྱང་ཕྱུང་ནས་ལྷག་མ་འཆང་བའི་སྤང་བའི་ལྟུང་བྱེད།

2.སྲ་རྐྱང་ཕྱུང་ནས་ཆོས་གོས་ལྔ་ལས་གང་རུང་དང་མཚམས་ཀྱི་ཕྱི་རོལ་ཏུ་འབྲལ་ན་དགེ་འདུན་གྱིས་གནང་བ་མ་གཏོགས་སྤང་བའི་ལྟུང་བྱེད།

3.གོས་རྙེད་པ་ཟླ་བ་གཅིག་ལས་འདས་པར་བཅང་ན་སྤང་བའི་ལྟུང་བྱེད།

4.དགེ་སློང་མ་ཉེ་དུ་མ་ཡིན་པའི་གོས་རྙིང་པ་འཁྲུ་བའམ། འཚེད་དམ། འཆགས་ན་སྤང་བའི་ལྟུང་བྱེད།

5.དགེ་སློང་ཉེ་དུ་མ་ཡིན་པ་ལས་གོས་ལེན་ན་བརྗེ་བ་མ་གཏོགས་པའི་སྤང་བའི་ལྟུང་བྱེད།

6.ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སྟེ་གོས་སློང་ན་དུས་མ་གཏོགས་པ་སྤང་བའི་ལྟུང་བྱེད། དུས་ནི་འཕྲོག་པ་དང་། ཚིག་པ་ལ་སོགས་པའོ༎

7.ཉེ་དུ་མ་ཡིན་པའི་ཁྱིམ་པས་གོས་ཀྱི་རིན་བཏབ་པ་ལ་དེ་བས་བཟང་པོར་འདོད་པའི་ཕྱིར་གོས་བསྒྲུབ་ན་སྤང་བའི་ལྟུང་བྱེད།

8.གཞན་གྱིས་བསྐུར་བའི་གོས་སྦྱིན་བདག་ལ་མ་སྦྲན་པར་ལེན་པར་བྱེད་ན་སྤང་བའི་ལྟུང་བྱེད།

9.གསེར་དངུལ་ལེན་པའི་སྤང་བའི་ལྟུང་བྱེད།

10.མངོན་ཚན་ཅན་གྱི་སྤྱོད་པ་སྣ་ཚོགས་བྱེད་པའི་སྤང་བའི་ལྟུང་བྱེད།

11.ཉོ་ཚོང་སྣ་ཚོགས་བྱེད་པའི་སྤང་བའི་ལྟུང་བྱེད།

12.ལྷུང་བཟོད་ལྷན་པ་ལྔ་མེད་པ་སྤྱད་བཟོད་པ་ཡོད་བཞིན་དུ་བཟང་པོ་འདོད་པའི་ཕྱིར་གསར་པ་གཞན་ཚོལ་བའི་སྤང་བའི་ལྟུང་བྱེད།

13.ཐ་ག་པ་ཉེ་དུ་མ་ཡིན་པ་འཐག་ཏུ་འཇུག་པའི་སྤང་བའི་ལྟུང་བྱེད།

14.ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུག་པ་ལས་གོས་འདི་ཞེང་ཆེ་བ་དང་། ཁྲུན་རིང་བ་སོགས་གྱིས་ཤིག་ཅེས་དེ་ལྟར་བྱས་ནས་གོས་གྲུབ་པའི་སྤང་བའི་ལྟུང་བྱེད།

15.གོས་བྱིན་པ་འཕྲོགས་པའི་སྤང་བའི་ལྟུང་བྱེད།

16.དགེ་འདུན་ལ་བསྔོས་པའི་རྫས་གང་ཟག་གི་བདག་གིར་བྱེད་པའི་སྤང་བའི་ལྟུང་བྱེད།

17.ནད་པས་སྨན་ཞག་བདུན་ལས་འདས་པར་སྤྱོད་པའི་སྤང་བའི་ལྟུང་བྱེད།

18.ལྷུང་བཟེད་ལྷག་པོ་ཞག་ཅིག་ལས་ལྷག་པར་བཅང་བའི་སྤང་བའི་ལྟུང་བྱེད།

20.ཆོས་གོས་ཟླ་བ་ཕྱེད་ཕྱེད་བྱིན་གྱིས་མི་རློབ་པའི་སྤང་བའི་ལྷུང་བྱེད།

21.དུས་མ་ཡིན་པར་སྲ་རྐྱང་འབྱིན་པའི་སྤང་བའི་ལྟུང་བྱེད།

22.སྲ་རྐྱང་དུས་སུ་མི་འབྱིན་པའི་སྤང་བའི་ལྟུང་བྱེད།

23.བདག་གི་ཕྱིར་མངོན་ཚན་ཅན་སྤོང་བའི་སྤང་བའི་ལྟུང་བྱེད།

24.གཞན་གྱི་ཆེད་དུ་རྙེད་པའི་གོས་ཟས་སུ་བྱས་ཏེ་བཟའ་བའི་ཕྱིར་འཇོག་པའི་སྤང་བའི་ལྟུང་བྱེད།

25.གོས་ཀྱི་རྙེད་པ་ཟས་སུ་བྱས་ཏེ་བཟའ་བའི་ཕྱིར་འཇོག་པའི་སྤང་བའི་ལྟུང་བྱེད།

26.མལ་ཆའི་རྙེད་པ་ཟས་སུ་བྱས་ཏེ་བཟའ་བའི་ཕྱིར་འཇོག་པའི་སྤང་བའི་ལྟུང་བྱེད།

27.དབྱར་ཁང་གི་རྙེད་པ་ཟས་སུ་བྱས་ཏེ་བཟའ་བའི་ཕྱིར་འཇོག་པའི་སྤང་བའི་ལྟུང་བྱེད།

28.སྐྱེ་བའི་མང་པོའི་ཕྱིར་སྦྱོར་དུ་བཅུག་པའི་རྙེད་པ་གང་ཟག་ལ་སྦྱོར་དུ་འཇུག་པའི་སྤང་བའི་ལྟུང་བྱེད།

29.དགེ་སློང་མའི་དགེ་འདུན་གྱི་ཕྱིར་སྦྱོར་དུ་བཅུག་པའི་རྙེད་པ་གང་ཟག་ལ་ཡོངས་སུ་བསྒྱུར་བའི་སྤང་བའི་ལྟུང་བྱེད།

30.དགེ་སློང་མ་གང་ཆགས་པར་གྱུར་པས་ཐུམ་པོ་བཅིངས་ཤིང་བཅིངས་པ་འགྲོལ་དུ་འཇུག་པའི་སྤང་བའི་ལྟུང་བྱེད།

31.གོས་ལྕིད་དང་རིན་ཐང་ལྕི་བ་འཆང་བའི་སྤང་བའི་ལྟུང་བྱེད།

32.སྲིན་བལ་འབའ་ཞིག་སྟན་གྱི་སྤང་བའི་ལྟུང་བྱེད།

33.ཆ་གཉིས་བསྲེས་པའི་སྟན་གྱི་སྤང་བའི་ལྟུང་བྱེད།

34.ལོ་དྲུག་གི་སྟན་གྱི་སྤང་བའི་ལྟུང་བྱེད་བཅས་སོ༎

སྡོམ་ནི། འཆང་བ་འབྲལ་བ་འཇོག་པ་དང་༎ འཁྲུ་བ་དང་ནི་ལེན་པ་དང་༎ སློང་དང་སྟོད་གཡོགས་སྨད་གཡོགས་བཅས༎ རིན་ཐང་སོ་སོར་སྐུར་བའོ༎ གསེར་དངུལ་མངོན་ཚན་ཉོ་ཚོང་དང་༎ ཚོལ་དང་འཐག་པ་བསྐྱེད་པ་དང་༎ བྱིན་འཕྲོགས་བསྔོས་དང་གསོག་འཇོག་དང་༎ འཆང་དང་བྱིན་གྱིས་མི་རློབ་པའོ༎ འབྱིན་དང་མི་འབྱིན་སློང་བ་དང་༎ གོས་དང་གོས་རྒྱུ་མལ་ཆ་རྒྱུ༎ དབྱར་ཁང་རྒྱུ་དང་སྐྱེ་བོ་དང་༎ དགེ་འདུན་བཅིངས་དཀྲོལ་ལྕི་ཡང་ངོ་༎ སྲིན་བལ་འབའ་ཞིག་ཆ་གཉིས་དང་༎ དྲུག་དང་མཐོ་གང་ལམ་དང་ནི༎ འཁྲུ་དང་འཆང་དང་བརྟད་དང་དགོན༎ རས་ཆེན་མ་གཏོགས་ལྷག་མ་ཡིན༎ ཞེས་སོ༎

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2021-04-14

གསར་སྤེལ་མཁན། :སེམས་ཀྱི་ལོ་མ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།