ཧེ་ལན་པའེ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཧེ་ལན་པའེ་ཁྱིམ་བྱ་ནི་ཨ་མེ་རི་ཁའི་ཧེ་ལན་ཀུང་ཟིས་གསོ་སྐྱོང་བྱས་པའི་སྒོང་བྱ་ཞིག་ཡིན།
གཞི་རྩའི་གནས་ཚུལ།

རྒྱ་ཡིག་གི་མིང་།
海兰白
གསོ་སྐྱོང་བྱ་ཡུལ།
ཨ་མེ་རི་ཁའི་ཧེ་ལན་ཀུང་ཟི།
1 ​ངོ་སྤྲོད་མདོར་བསྡུས།

ཧེ་ལན་ཀུང་ཟིས་ཨ་མེ་རི་ཁ་རང་ས་ནས་ཕྱིར་འཚོང་བྱེད་པའི་སྒོང་བྱ་ཡིས་ཨ་མེ་རི་ཁའི་ཚོང་ར་སྤྱིའི80%ཟིན་ཡོད། མིག་སྔར་སྒོང་ཤུན་དཀར་པོ་ཅན་གྱི་སྒོང་བྱའི་རྒྱུད་གཉིས་ཡོད་དེ།  ཧེ་ལནW-36དང་ཧེ་ལནW-77གཉིས་ཡིན། ཨ་མེ་རི་ཁ་དང་འཇར་ཕན་སོགས་ཀྱིས་གཙོ་བོ་སྒོང་ཤུན་དཀར་པོ་ཅན་གྱི་སྒོང་བྱ་གསོ་སྤེལ་བྱེད་བཞིན་ཡོད་ལ། ཉེ་བའི་ལོ་ངོ་བཅུའི་རིང་ལ། ཧེ་ལནW-36ཡིས་གྲངས་འབོར་ཅུང་ཆེན་པོ་བཟུང་ཡོད་པ་དང་།  ཨ་མེ་རི་ཁའི་སྒོང་བྱའི་ཚོང་རར་ཧེ་ལནW-36ཡིས་གོ་གནས་ཨང་དང་པོ་བཟུང་ཡོད། ཀྲུང་གོས་ཀྱང་སྒོང་བྱ་དེ་རིགས་ཀྱི་གདོད་མའི་རྒྱུད་པ་ནང་འདྲེན་བྱས་ཡོད་པ་དང་། སྒོང་ཤུན་དཀར་པོ་ཅན་གྱི་སྒོང་བྱའི་ཁྲོད་ནས་ཆེས་ལེགས་པའི་ཚད་དུ་སོན་ཡོད།

2 ཁྱད་ཆོས།

སྒོང་བྱ་དེ་རིགས་ཀྱི་ལུས་གཟུགས་ཆུང་བ་དང་གཤིས་ཀ་འཇམ་པ། གཟན་ཆག་གི་འགྲོ་གྲོན་ཉུང་བ། རིམས་འགོག་གི་ནུས་པ་བཟང་བ། སྒོ་ངའི་ཐོན་ཚད་མཐོ་བ། གཤང་ཤ་ལུག་པ་དང་སྒྲོ་སྤུ་བཏོག་པའི་ནད་རིགས་ཕོག་ཚད་དམའ་བའི་ཁྱད་ཆོས་ཡོད། 

3 ཐོན་སྐྱེད་ནུས་ཚད།

ཧེ་ལནW-36ཡི་སྒོང་ཤུན་དཀར་པོ་ཅན་གྱི་སྒོང་བྱའི་ཐོན་སྐྱེད་ནུས་པའི་དམིགས་ཚད་གཙོ་བོ་ནི།  འཚར་ལོངས་དུས་ཀྱི་གསོན་ཚད97%-98%དང་།  ན་ཚོད་གཟའ་འཁོར0-18ཅན་གྱི་གཟན་ཆག་འགྲོ་གྲོན་ནི་སྟོང་ཁེ5.66དང་སྒོ་ངའི་ཐོན་ཚད55ལ་བསླེབས་པའི་དུས་ཡུན་ཉིན155     སྒོ་ང་ཐོན་ཚད་ཆེས་མཐོ་བའི་ཚད་དེ93%-94%    ན་ཚོད་གཟའ་འཁོར80ཅན་གྱི་སྒོ་ངའི་ཐོན་ཚད་སྒོ་ང330-339ཡིན། གཟན་ཆག་དང་སྒོ་ངའི་བསྡུར་ཚད1.99:1བཅས་ཡིན་ནོ།།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2021-01-26

གསར་སྤེལ་མཁན། :དཀོན་མཆོག་སྒྲོལ་མ།༡

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།