ཆོས་ཉིད་ངང་ལ་བཞག་ཐབས་རྣམ་དྲུག
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

《ཀློང་ཆེན་མཛོད་བདུན་མན་ངག་མཛོད》ལས་བྱུང་བའི་ཆོས་ཉིད་ངང་ལ་བཞག་ཐབས་རྣམ་དྲུག་ལ་གོ་བ་ཡིན།
གཞི་རྩའི་གནས་ཚུལ།

འབྱུང་ཁུངས།
《ཀློང་ཆེན་མཛོད་བདུན་མན་ངག་མཛོད》ཤ117ན5ལས་བཏུས།
རིགས་དབྱེ།
ནང་དོན་རིག་པ།
1 རྣམ་གྲངས་འདྲེན་པ།

1.མན་ངག་དྲུག་གིས་ཤེས་པར་བྱ་བ་ལ༎ དང་པོ་དུས་གསུམ་དབྱེར་མེད་མན་ངག་གིས༎ གཉིས་འཛིན་བློ་ཡི་རྟོག་མཐའ་བསལ་བ་ནི༎ འདས་རྗེས་མི་དཔྱད་མ་འོངས་སྔུན་མི་བསུ༎ ད་ལྟར་འཛིན་མེད་ངང་དུ་ལྷན་གྱིས་བཞག །

2.ཐི་བྱ་ཚང་དུ་འཇུག་པའི་མན་ངག་གིས༎ རེ་དོགས་གཉིས་ཀྱི་རྟོག་མཐའ་བསལ་བ་ནི༎ ད་ལྟར་སེམས་ལ་འབྱུང་འཇུག་གཉིས་མེད་པས༎ མ་ཡེངས་མཉམ་མེད་ངང་ལ་གློད་ལ་ཞོག །

3.སྐྱེས་བུ་བྱ་བ་བཏང་བའི་མན་ངག་གིས༎ གཟའ་གཏད་འཛིན་པའི་རྟག་མཐའ་བསལ་བ་ནི༎ སེམས་ཉིད་གནས་ལུགས་མ་བཅོས་མཉམ་པའི་ངང་༎ འཛིན་བྲལ་ཆེན་པོར་བོར་ལ་ཕྱམ་གཅིག་བཞག །

4.ཁྱུང་ཆེན་ནམ་མཁའ་ལྡིང་བའི་མན་ངག་གིས༎ ཐེ་ཚོམ་གཉིས་འཛིན་རྟོག་མཐའ་བསལ་བ་ནི༎ ཤེས་པ་མཐར་བཅད་རང་བྱུང་རྣལ་མའི་ངང་༎ ཡངས་པ་ཆེན་པོར་བོར་ལ་ཕྱམ་གཅིག་བཞག །

5.ནམ་ལངས་ཉི་ཤར་དག་པའི་མན་ངག་གིས༎ ཡུལ་སྣང་སྣ་ཚོགས་རྟོག་མཐའ་གསལ་བ་ནི༎ དབང་པོ་མ་བསྡུ་འགྱུ་བ་མི་དགག་པར༎ ཚོགས་དྲུག་ལྷུག་པར་བཏང་ལ་གློད་ལ་བཞག །

6.མཚན་མ་རང་སར་དངས་པའི་མན་ངག་གིས༎ སྣ་ཚོགས་རྣམ་རྟོག་རྟོག་མཐའ་བསལ་བ་ནི༎ ཅི་སྣང་ཡུལ་ལ་བླང་དོར་གཉིས་མེད་པར༎ མ་བཅོས་སོ་མའི་ངང་ལ་ཇི་བཞིན་བཞག ། དེ་ལྟར་བཞག་རྣམས་གཉིས་མེད་ངང་གནས་པས༎ མཐའ་གྲོལ་ཀློང་ཡངས་དགོངས་པ་འཆར་བར་ངེས༎ ཞེས་སོ༎

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2020-11-20

གསར་སྤེལ་མཁན། :གསེར་ཞང་འཇམ་བསོད།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།