ཧུའུ་ལིན་གྲོང་ཁྱེར།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཧུའུ་ལིན་གྲོང་ཁྱེར།
ཧུའུ་ལིན་གྲོང་ཁྱེར་ནི་ཧེ་ལུང་ཅང་ཞིང་ཆེན་ཤར་རྒྱུད་ཀྱི་ཝན་ཏ་རི་བོའི་ལྷོ་འདབས་སུ་གནས་པ་དང་། ཝུའུ་སུའུ་ལི་ཅང་གིས་ས་མཚམས་བྱས་ཏེ་ཨུ་རུ་སུའི་རྒྱལ་ཕྲན་མཉམ་འབྲེལ་དང་ཁ་གཏད་དུ་གནས་ཡོད། ཆིན་ཀོང་ཞུས་ཀྱིས་ལོ་ཉི་ཤུའི་ནང་སྲིད་བཙུགས་པ་དང་། སྤྱི་ལོ1946ལོའི་ཟླ5པར་རྫོང་མི་དམངས་སྲིད་གཞུང་བཙུགས་པ་དང་། སྤྱི་ལོ1996ལོའི་ཟླ10པར་རྫོང་གྲོང་ཁྱེར་དུ་བསྒྱུར། རྒྱ་ཁྱོན་ལ་སྤྱི་ལེ་གྲུ་བཞི་མ9334ཟིན་པ་དེ་ནི་རྒྱལ་ཡོངས་ཀྱི་རྒྱ་ཁྱོན་གྱི་སྟོང་ཆའི་གཅིག་ཡིན། སྤྱིའི་མི་འབོར་ཁྲི31.7ཟིན་པ་དང་། གྲོང་ཁུལ་ཁྲི20དང་། ཤང་གྲོང་ཁྲི11བཅས་ཡོད། ཧུའུ་ལིན་གྲོང་ཁྱེར་གྱི་ས་རྒྱ་ཆེ་ལ་མི་འབོར་ཉུང་བ། ཞིང་ལས་དང་། ལྗང་མདོག་བཟའ་བཅའི་ཐོན་ལས། མཐའ་མཚམས་ཚོང་དོན། ཡུལ་སྐོར་ལས་རིགས། གསོ་རིག་སོགས་ཐོན་ལས་ཀྱིས་གཙོ་བོ་བྱེད་པའི་གསར་དར་འགག་སྒོའི་གྲོང་ཁྱེར་ཞིག་ཡིན། ཧུའུ་ལིན་གྲོང་ཁྱེར་གྱི་ཁོངས་སུ་གྲོང་རྡལ7དང་ཤང4ཡོད་པ་སྟེ། ཧུའུ་ལིན་གྲོང་རྡལ་དང་། ཏུང་ཧྥང་ཧུང་གྲོང་རྡལ། ཡིང་ཁྲུན་གྲོང་རྡལ། ཧུའུ་ཐོའུ་གྲོང་རྡལ། དབྱང་ཀང་གྲོང་རྡལ། ཏུང་ཁྲེང་གྲོང་རྡལ། པའོ་ཏུང་གྲོང་རྡལ། ཤིན་ལེ་ཤང་། ཝུའེ་ཀོང་ཤང་། ཀྲེན་པའོ་ཏའོ་ཤང་། ཨ་པེ་ཤང་བཅས་ཡིན། གྲོང་ཁྱེར་གྱི་མངའ་ཁོངས་སུ་ཏུང་ཧྥེང་ཧུང་ནགས་ལས་ཅུས་དང་། དབྱིན་ཁྲུན་ནགས་ལས་ཅུས། པ་ཝུའུ་ལིང་ཞིང་ར། པ་ཝུའུ་སི་ཞིང་ར། པ་ཝུའུ་ལིའུ་ཞིང་ར་སོགས་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
虎林市
ཕྱི་ཡིག་གི་མིང་།
Hulin City
ཁོངས་གཏོགས་ས་ཁུལ།
ཀྲུང་གོ་ཧེ་ལུང་ཅང་ཞིང་ཆེན་ཅི་ཞི་གྲོང་ཁྱེར།
སྲིད་འཛིན་ས་ཁོངས་ཀྱི་རིགས་དབྱེ།
རྫོང་རིམ་པའི་གྲོང་ཁྱེར།
མངའ་ཁོངས།
གྲོང་རྡལ7 ཡུལ་ཚོ5
སྲིད་གཞུང་གནས་ཡུལ།
ཧུའུ་ལིན་གྲོང་རྡལ།
ས་ཁོངས་ཁ་པར་ཨང་རྟགས།
0467
སྦྲག་སྲིད་ཨང་རྟགས།
158400
གནས་ཡུལ།
ཅི་ཞི་གྲོང་ཁྱེར་བྱང་ཤར་རྒྱུད།
རྒྱ་ཁྱོན།
སྤྱི་ལེ་གྲུ་བཞི་མ9334ཡོད།
མི་གྲངས།
ཁྲི28.11ཡོད།(སྤྱི་ལོ2016ལོ)
གནམ་གཤིས།
དྲོད་རྒྱུད་བྱང་མའི་ནམ་ཟླ།
མེ་འཁོར་འབབ་ཚུགས།
ཧུའུ་ལིན་འབབ་ཚུགས།
རླངས་འཁོར་གྱི་ཨང་རྟགས།
ཧེ(黑)G
སྲིད་འཛིན་ཚབ་གྲངས།
230381
1 ངོ་སྤྲོད།

ཧུའུ་ལིན་གྲོང་ཁྱེར་ནི་ཧེ་ལུང་ཅང་ཞིང་ཆེན་ཤར་རྒྱུད་ཀྱི་ཝན་ཏ་རི་བོའི་ལྷོ་འདབས་སུ་གནས་པ་དང་། ཝུའུ་སུའུ་ལི་ཅང་གིས་ས་མཚམས་བྱས་ཏེ་ཨུ་རུ་སུའི་རྒྱལ་ཕྲན་མཉམ་འབྲེལ་དང་ཁ་གཏད་དུ་གནས་ཡོད། ཆིན་ཀོང་ཞུས་ཀྱིས་ལོ་ཉི་ཤུའི་ནང་སྲིད་བཙུགས་པ་དང་། སྤྱི་ལོ1946ལོའི་ཟླ5པར་རྫོང་མི་དམངས་སྲིད་གཞུང་བཙུགས་པ་དང་། སྤྱི་ལོ1996ལོའི་ཟླ10པར་རྫོང་གྲོང་ཁྱེར་དུ་བསྒྱུར། རྒྱ་ཁྱོན་ལ་སྤྱི་ལེ་གྲུ་བཞི་མ9334ཟིན་པ་དེ་ནི་རྒྱལ་ཡོངས་ཀྱི་རྒྱ་ཁྱོན་གྱི་སྟོང་ཆའི་གཅིག་ཡིན། སྤྱིའི་མི་འབོར་ཁྲི31.7ཟིན་པ་དང་། གྲོང་ཁུལ་ཁྲི20དང་། ཤང་གྲོང་ཁྲི11བཅས་ཡོད། ཧུའུ་ལིན་གྲོང་ཁྱེར་གྱི་ས་རྒྱ་ཆེ་ལ་མི་འབོར་ཉུང་བ། ཞིང་ལས་དང་། ལྗང་མདོག་བཟའ་བཅའི་ཐོན་ལས། མཐའ་མཚམས་ཚོང་དོན། ཡུལ་སྐོར་ལས་རིགས། གསོ་རིག་སོགས་ཐོན་ལས་ཀྱིས་གཙོ་བོ་བྱེད་པའི་གསར་དར་འགག་སྒོའི་གྲོང་ཁྱེར་ཞིག་ཡིན། ཧུའུ་ལིན་གྲོང་ཁྱེར་གྱི་ཁོངས་སུ་གྲོང་རྡལ7དང་ཤང4ཡོད་པ་སྟེ། ཧུའུ་ལིན་གྲོང་རྡལ་དང་། ཏུང་ཧྥང་ཧུང་གྲོང་རྡལ། ཡིང་ཁྲུན་གྲོང་རྡལ། ཧུའུ་ཐོའུ་གྲོང་རྡལ། དབྱང་ཀང་གྲོང་རྡལ། ཏུང་ཁྲེང་གྲོང་རྡལ། པའོ་ཏུང་གྲོང་རྡལ། ཤིན་ལེ་ཤང་། ཝུའེ་ཀོང་ཤང་། ཀྲེན་པའོ་ཏའོ་ཤང་། ཨ་པེ་ཤང་བཅས་ཡིན། གྲོང་ཁྱེར་གྱི་མངའ་ཁོངས་སུ་ཏུང་ཧྥེང་ཧུང་ནགས་ལས་ཅུས་དང་། དབྱིན་ཁྲུན་ནགས་ལས་ཅུས། པ་ཝུའུ་ལིང་ཞིང་ར། པ་ཝུའུ་སི་ཞིང་ར། པ་ཝུའུ་ལིའུ་ཞིང་ར་སོགས་ཡོད། 

2 ལོ་རྒྱུས་འཕེལ་རྒྱས།

སྤྱི་ལོ1970ལོའི་ཟླ4པར་མུའུ་ཏན་ཅང་ས་ཁུལ་གྱི་མངའ་འོག་ཏུ་བཅུག སྤྱི་ལོ1982ལོའི་ལོ་མཇུག་ཏུ་ས་མིང་ཡོངས་བཤེར་ལས་ཀ་ལེགས་འགྲུབ་བྱེད་སྐབས་ཀྱི་ས་ཁོངས་དབྱེ་ཚུལ་ནི་གྲོང་རྡལ3དང་། ཀུང་ཧྲེ14 ཐོན་སྐྱེད་རུ་ཆེན108བཅས་ཡིན། སྤྱི་ལོ1983ལོའི་ཟླ9པར་མུའུ་ཏན་ཅང་ས་ཁུལ་མེད་པར་བཟོས་ནས་མུའུ་ཏན་ཅང་གྲོང་ཁྱེར་གྱིས་འགོ་ཁྲིད་བྱེད་པར་བསྒྱུར། སྤྱི་ལོ1985ལོའི་སྲིད་འཛིན་ས་ཁོངས་ཀྱི་དབྱེ་མཚམས་ནི་གྲོང་རྡལ5དང་། ཤང12 སྲང་ལམ4 གྲོང་ཚོ134བཅས་ཡིན། སྤྱི་ལོ1992ལོར་ཧུའུ་ལིན་རྫོང་ཧེ་ལུང་ཅང་ཞིང་ཆེན་གྱི་ཤར་ལྷོའི་རྒྱུད་དུ་གནས་པ་དང་། ཝུའུ་སུའུ་ལི་ཅང་གཙང་པོའི་སྟོད་རྒྱུད་ཀྱི་ནུབ་ངོགས་སུ་གནས་ཡོད། རྫོང་ཁོངས་ཀྱི་བྱང་ངོས་ནས་རའོ་ཧོ་རྫོང་དང་། ནན་ཏ་སྨི་ཧྲན་གྲོང་ཁྱེར། ནུབ་ངོས་པའོ་ཆིང་རྫོང་བཅས་དང་འབྲེལ་ཞིང་། ཤར་ངོས་སུ་ཝུའུ་སུའུ་ལི་ཅང་གཙང་པོ་དང་སུང་ཨ་ཚ་གཙང་པོ་དང་ཨུ་རུ་སུའི་དབར་ཆུ་བོ་གཅིག་གིས་ཆོད་ཡོད། མཐའ་མཚམས་ལམ་ཐིག་གི་རིང་ཚད་ལ་སྤྱི་ལེ318ཡོད་པ་དེ་ནི་ཧེ་ལུང་ཅང་ཞིང་ཆེན་གྱི་མཐའ་མཚམས་རྫོང་གི་གྲས་ཤིག་ཡིན། རྫོང་དེ་ཡོངས་ཀྱི་སྤྱིའི་རྒྱ་ཁྱོན་སྤྱི་ལེ་གྲུ་བཞི་མ9330ཟིན་ཡོད། རྫོང་དེ་ཡོངས་སུ་ཁྱོན་ཤང་དང་གྲོང་རྡལ17ཡོད། 

སྤྱི་ལོ1996ལོའི་ཟླ10ཚེས11ཉིན་ཧུའུ་ལིན་གྲོང་ཁྱེར་གྱི་ཁོངས་སུ་གྲོང་རྡལ5དང་ཤང9ཡོད་པ་སྟེ། ཧུའུ་ལིན་གྲོང་རྡལ་དང་། ཏུང་ཧྥང་ཧུང་གྲོང་རྡལ། ཡིང་ཁྲུན་གྲོང་རྡལ། ཧུའུ་ཐོའུ་གྲོང་རྡལ། དབྱང་ཀང་གྲོང་རྡལ། ཐའེ་ཧོ་ཤང་། དབྱི་ཧོ་ཤང་། ཏུང་ཧྥེང་ཤང་། ཁྲེང་ཀྲུང་ཤང་། ཞའོ་མུའུ་ཤང་། ཨ་པེ་ཤང་། ཝེ་ཀོང་ཤང་། ཞིན་ལེ་ཤང་། པའོ་ཏུང་ཤང་བཅས་ཡིན། 

སྤྱི་ལོ2008ལོར་ཧུའུ་ལིན་གྲོང་ཁྱེར་གྱི་ཁོངས་སུ་གྲོང་རྡལ7དང་ཤང5ཡོད་པ་སྟེ། ཧུའུ་ལིན་གྲོང་རྡལ་དང་། ཏུང་ཧྥང་ཧུང་གྲོང་རྡལ། ཡིང་ཁྲུན་གྲོང་རྡལ། ཧུའུ་ཐོའུ་གྲོང་རྡལ། དབྱང་ཀང་གྲོང་རྡལ། ཏུང་ཁྲེང་གྲོང་རྡལ། པའོ་ཏུང་གྲོང་རྡལ། ཞིན་ལེ་ཤང་། ཝེ་ཀོང་ཤང་། ཀྲེན་པའོ་གླིང་ཕྲན་ཤང་། ཨ་པེ་ཤང་། ཞའོ་མུའུ་ཧོ་ཤང་བཅས་ཡིན། གྲོང་ཁྱེར་གྱི་མངའ་ཁོངས་སུ་ཏུང་ཧྥེང་ཧུང་ནགས་ལས་ཅུས་དང་། དབྱིན་ཁྲུན་ནགས་ལས་ཅུས། པ་ཝུའུ་ལིང་ཞིང་ར། པ་ཝུའུ་སི་ཞིང་ར། པ་ཝུའུ་ལིའུ་ཞིང་ར་སོགས་ཡོད། 

3 སྲིད་འཛིན་ས་ཁུལ་གྱི་རིགས་དབྱེ།

ཧུའུ་ལིན་གྲོང་ཁྱེར་གྱི་མངའ་ཁོངས་སུ་གྲོང་རྡལ7དང་ཤང5ཡོད་པ་སྟེ། ཧུའུ་ལིན་གྲོང་རྡལ་དང་། ཏུང་ཧྥང་ཧུང་གྲོང་རྡལ། ཡིང་ཁྲུན་གྲོང་རྡལ། ཧུའུ་ཐོའུ་གྲོང་རྡལ། དབྱང་ཀང་གྲོང་རྡལ། ཏུང་ཁྲེང་གྲོང་རྡལ། པའོ་ཏུང་གྲོང་རྡལ། ཞིན་ལེ་ཤང་། ཝེ་ཀོང་ཤང་། ཀྲེན་པའོ་གླིང་ཕྲན་ཤང་། ཨ་པེ་ཤང་། ཞའོ་མུའུ་ཧོ་ཤང་བཅས་ཡིན། གྲོང་ཁྱེར་གྱི་མངའ་ཁོངས་སུ་ཏུང་ཧྥེང་ཧུང་ནགས་ལས་ཅུས་དང་། དབྱིན་ཁྲུན་ནགས་ལས་ཅུས། པ་ཝུའུ་ལིང་ཞིང་ར། པ་ཝུའུ་སི་ཞིང་ར། པ་ཝུའུ་ལིའུ་ཞིང་ར་སོགས་ཡོད། 

4 གནས་ཡུལ།

ཧུའུ་ལིན་གྲོང་ཁྱེར་ནི་ཧེ་ལུང་ཅང་ཞིང་ཆེན་གྱི་ཤར་རྒྱུད་དང་། ཝན་ཏ་རི་བོའི་ལྷོ་འདབས་སུ་གནས་ཡོད། ཝུའུ་སུའུ་ལི་ཅང་གཙང་པོའི་གཡོན་ངོགས་སུ་གནས་པའི་ཧུའུ་ལིན་གྲོང་ཁྱེར་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ9330ཡོད་པ་དང་། ས་ཁམས་གནས་ཚད་ནི་འཕྲེད་ཐིག་བྱང་མའི 45°23′ནས46°36′དང་ཤར་ཕྱོགས་ཀྱི་གཞུང་ཐིག 132°11′ནས133°56′བར་ཡིན། ཧུའུ་ལིན་གྱི་ནུབ་བྱང་དུ་ཝན་ཏ་རི་རྒྱུད་ཀྱི་ཡན་ལག་ལའོ་ལུང་པེ་དང་ཅང་ཅུན་ལིན་གཉིས་ཀྱི་ས་མཚམས་དང་པའོ་ཆིན་རྫོང་དང་འབྲེལ་བ། བྱང་ཤར་དུ་ཆི་ལི་ཆིན་ཆུ་བོ་ས་མཚམས་བྱས་ཏེ་རའོ་ཧོ་རྫོང་དང་ཐག་ཉེ། ནུབ་རྒྱུད་དུ་པའེ་ལུང་རི་ལྡེབས་དང་སྨི་ཧྲན་གྲོང་ཁྱེར་དང་འབྲེལ་ཡོད། ཤར་ངོས་སུ་ཝུའུ་སུའུ་ལི་ཅང་གཙང་པོ་དང་སུང་ཨ་ཚ་གཙང་པོ་གཉིས་ཀྱིས་ཨུ་རུ་སུའི་རྒྱལ་ཕྲན་མཉམ་འབྲེལ་དང་ཆུའི་བཅད་ནས་ཕན་ཚུན་ཁ་གཏད་དུ་གནས་ཡོད། ཧུའུ་ལིན་གྲོང་ཁྱེར་གྱི་མཐའ་མཚམས་ལམ་ཐིག་སྤྱི་ལེ256ཟིན་ཡོད། 

5 གནམ་གཤིས།

ཧུའུ་ལིན་གྲོང་ཁྱེར་ནི་གྲང་ཞིང་དྲོ་བའི་ས་ཁུལ་གྱི་སྐམ་སའི་རང་བཞིན་གྱི་དུས་རླུང་གི་ནམ་ཟླའི་ཁུལ་ཡིན་པ་དང་། དེ་ནི་སན་ཅང་བདེ་ཐང་གི་བརླན་གཤེར་ཆེ་བའི་ནམ་ཟླའི་ཁུལ་ཡིན། དགུན་དུས་ཀྱི་དྲོད་ཚད་རིང་བས་གྲང་ངར་ཆེ་ལ་ཁ་བ་ཡོད། དབྱར་དུས་ཐུང་ཞིང་དྲོད་ལ་ཆར་ཆུ་མང་བ། དཔྱིད་དུས་རླུང་བུ་མང་བ། སྟོན་དུས་ཆར་མང་ལ་དྲོད་ཚད་མར་ཆག་པ་ཧ་ཅང་མགྱོགས། ལོ་རེའི་ཆ་སྙོམས་དྲོད་ཚད3.5℃ཡིན་པ་དང་། ཟླ་དང་པོར་ཆེས་གྲང་བ་དང་། ཟླ་རེའི་ཆ་སྙོམས་དྲོད་ཚད་ནི-18.3℃ཡིན་པ། ལོ་རེའི་ཆ་སྙོམས་དྲོད་ཚད་དམའ་ཤོས་ནི-36.1℃ཡིན། ཟླ་བདུན་པར་ཚ་བ་ཆེ་ཤོས་ཡིན་པ་དང་། ཟླ་རེའི་ཆ་སྙོམས་དྲོད་ཚད21.6℃ཡིན་པ། མཐའ་མའི་དྲོད་ཚད་མཐོ་ཤོས35.2℃ཡིན་པ། ལོ་རེའི་ཆ་སྙོམས་རླངས་པར་འགྱུར་ཚད1110.7mmཡིན་པ། ལོ་རེའི་ཆ་སྙོམས་ཆར་ཆུ་འབབ་ཚད་ནི566.2mm(ཆར་པ་འབབ་ཚད་མང་ཤོས་ནི་སྤྱི་ལོ1981ལོ་ཡིན་པ། ལོ་རེའི་ཆར་ཆུ་འབབ་ཚད་ནི849.1mmཡིན་པ། ཉུང་ཤོས་ནི་སྤྱི་ལོ1986ལོར་ཡིན་པ། ཆར་ཆུ་འབབ་ཚད་ནི358.5mm)ཡིན། ཆར་ཆུ་འབབ་ཚད་ཟླ6པ་དང་། ཟླ7པ། ཟླ8པ་བཅས་སུ་གཅིག་སྡུད་བྱས་ཡོད་པ་དེས་སྤྱི་ལོ2012ལོའི་ཆར་ཆུ་འབབ་ཚད་ཀྱི53%བཟུང་ཡོད། སྤྱི་ལོ2012ལོར་ཉི་འོད་ཕོག་ཚད་ཆུ་ཚོད2274.0ཡིན་པ་དང་དྲོད་ཚད་ཏུའུ10ལས་མཐོ་བ་དེ2577.0℃དང་སད་མེད་དུས་ཉིན141ཡིན། ལོ་རེའི་ཆ་སྙོམས་ཀྱི་བརླན་ཚད་ནི70%ཡིན། ལོ་རེའི་ཆ་སྙོམས་རླུང་གི་མྱུར་ཚད་སྐར་ཆ་རེར་སྨི3.4ཡིན་པ་དང་སྤྱི་ལོ2012ལོར་རླུང་ཕྱོགསNWལ་གཙོ་ཁྲིད་བྱས་པས་སྐམ་ས་ཆེ་མོའི་དུས་རླུང་གི་ཤུགས་རྐྱེན་ཐེབས་ནས་སྟོན་དཔྱིད་དུས་ཚིགས་གཉིས་ལ་རིམ་པ3ནས5བར་གྱི་ནུབ་རླུང་ཡིན། ཟླ2པའི་ཟླ་སྨད་དུ་གངས་ཞུ་དུས་ཉིན180ཡས་མས་ཡིན། 

6 མི་གྲངས།

སྤྱི་ལོ1992ལོའི་ལོ་མཇུག་ཏུ་རྒྱ་རིགས་མི་གྲངས་ཁྲི26.8ལྷག་ཡོད་པ་དང་། མན་ཇུ་དང་། ཁྲའོ་ཞན། སོག་རིགས། ཧུའེ་རིགས། མིའོ་རིགས། པུའུ་དབྱི་སོགས་གྲངས་ཉུང་མི་རིགས་ཀྱི་མི་གྲངས་ཁྲི1.1ལྷག་ཡོད། 

སྤྱི་ལོ2012ལོའི་ལོ་མཇུག་ཏུ་ཧུའུ་ལིན་གྲོང་ཁྱེར་གྱི་སྤྱིའི་མི་འབོར288086(སྤྱི་བདེ་ཅུས་ཀྱི་བསྡོམས་རྩིས་གྲངས་གཞི)ཡོད་པ་དེ་ལོ་གོང་མ་ལས་མི3946ཉུང་དུ་ཕྱིན་ནས1.4%ཆག་པའི་ནང་གྲོང་ཁྱེར་གྱི་མི157880དང་། ཞིང་རའི་མི85889 ནགས་བཟོའི་མི44317བཅས་ཡོད། མི་འབོར་གྱི་སྤྱིའི་བསྡོམས་འབོར་ཁྲོད་ཞིང་ལས་མིན་པའི་མི་འབོར193479ཡོད་པ་དེས་མི་འབོར་གྱི་སྤྱིའི་བསྡོམས་འབོར་གྱི་བསྡུར་གྲངས་ཀྱི67.2%བཟུང་བ་དང་། ཞིང་ལས་མི་འབོར94607ཡོད་པ་དང་བསྡུར་ཚད་ཀྱི32.8%ཟིན་པ། སྐྱེས་པའི་མི་འབོར145267ཟིན་པ་དེས་མི་འབོར་བསྡོམས་འབོར་གྱི་བསྡུར་ཚད་ཀྱི50.4%བཟུང་བ། བུད་མེད་མི་འབོར142819ཡོད་པ་དང་བསྡུར་ཚད་ཀྱི49.6%ཟིན་པ་དང་རང་བཞིན་གྱི་བསྡུར་ཚད་ཀྱི100:102ཟིན་ཡོད། ཧུའུ་ལིན་གྲོང་ཁྱེར་གྱི་མི་འབོར་སྐྱེ་ཚད6.5སྟོང་ཆ་དང་། ཤི་ཚད11.1སྟོང་ཆ་དང་། མི་འབོར་རང་བྱུང་འཕར་ཚད-4.6སྟོང་ཆའི7བཅས་ཡིན། 

སྤྱི་ལོ2016ལོའི་ལོ་མཇུག་ཏུ་གྲོང་ཁྱེར་དེ་ཡོངས་ཀྱི་མི་འབོར་གྱི་སྤྱིའི་བསྡོམས་འབོར281114(སྤྱི་བདེ་ཅུས་ཀྱི་བསྡོམས་རྩིས་གྲངས་གཞི)ཟིན་པ་དེ་ལོ་གོང་མ་ལས་མི1562ཉུང་དུ་ཕྱིན་ནས0.6%ཆག་པའི་ནང་གྲོང་ཁྱེར་གྱི་མི154411དང་། ཞིང་རའི་མི84833 ནགས་བཟོའི་མི41870བཅས་ཡོད། མི་འབོར་གྱི་སྤྱིའི་བསྡོམས་འབོར་ཁྲོད་གྲོང་ཁྱེར་དང་གྲོང་རྡལ་གྱི་མི་འབོར195342ཟིན་པ་དེས་མི་འབོར་གྱི་སྤྱིའི་བསྡོམས་འབོར་གྱི་བསྡུར་ཚད་ཀྱི69.5%བཟུང་བ་དང་། གྲོང་གསེབ་ཀྱི་མི་འབོར85772ཡོད་པ་དང་བསྡུར་ཚད་ཀྱི30.5%ཟིན་པ། སྐྱེས་པའི་མི་འབོར140961ཟིན་པ་དེས་སྤྱིའི་མི་འབོར་གྱི་བསྡུར་ཚད་ཀྱི་50.1%བཟུང་བ། བུད་མེད་མི་གྲངས140153ཡོད་པ་དང་བསྡུར་ཚད་ཀྱི49.9%དང་། ཕོ་མོའི་བསྡུར་ཚད100.6:100ཡིན། གྲོང་ཁྱེར་དེ་ཡོངས་ཀྱི་མི་འབོར་སྐྱེ་ཚད4.9སྟོང་ཆ་དང་། ཤི་ཚད་ཀྱི5.8‰ མི་འབོར་རང་བྱུང་འཕར་ཚད-0.9སྟོང་ཆའི་བར་འཕར་ཡོད། 

7 དཔལ་འབྱོར།

2012ལོར་ཐོན་སྐྱེད་རིན་ཐང་བསྡོམས་འབོར་སྒོར་ཁྲི1353786མངོན་འགྱུར་བྱུང་བ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས་བརྒྱ་ཆའི15.1འཕར་ཡོད། ཐོན་ལས་དབྱེ་ནས་བལྟས་ན། ཐོན་ལས་དང་པོའི་འཕར་ཐང་སྒོར་ཁྲི759748ཟིན་ནས14.3%འཕར་བ་དང་། ཐོན་ལས་གཉིས་པའི་འཕར་ཐང་སྒོར་ཁྲི257080ཟིན་ནས23.3%འཕར་བ། ཐོན་ལས་གསུམ་པའི་འཕར་ཐང་སྒོར་ཁྲི336958ཟིན་ནས10.7%འཕར་ཡོད། ཐོན་ལས་དང་པོའི་འཕར་ཐང་གིས་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད་ཀྱི56.1%བཟུང་ནས་བརྒྱ་ཆའི་གྲངས1.6འཕར་བ། ཐོན་ལས་གཉིས་པའི་འཕར་ཐང་གི་བསྡུར་ཚད་ཀྱི19.0%ཟིན་པ་དེ་ལོ་གོང་མ་དང་མཉམ་པ་དང་། ཐོན་ལས་གསུམ་པའི་འཕར་ཐང་གི་བསྡུར་ཚད་ཀྱི24.9%ཟིན་ནས་བརྒྱ་ཆའི་གྲངས1.6ཆག་ཡོད། མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར46673ཟིན་པ་དེ་ལོ་གོང་མ་ལས16.0%འཕར་ཡོད། 

སྤྱི་ལོ2012ལོར་གྲོང་མིའི་འཛད་སྤྱོད་རིན་གོང་གི་སྟོན་གྲངས105.2%ཡིན་པ་དང་། འཕར་ཚད་ལོ་གོང་མ་ལས་བརྒྱ་ཆའི་གཞི་གྲངས0.3ཆག་ཡོད།    

2012ལོར་ཧུའུ་ལིན་གྲོང་ཁྱེར་དང་གྲོང་རྡལ་གྱི་ལས་ཞུགས་མི་གྲངས3434འཕར་ཡོད། ལོ་མཇུག་ཏུ་གྲོང་ཁྱེར་དང་གྲོང་རྡལ་གྱི་ལས་ཤོར་ཐོ་འགོད་བྱེད་ཚད་ཀྱི4.2%ནང་ཚུན་དུ་ཚོད་འཛིན་བྱས། 

སྤྱི་ལོ2016ལོའི་ལོ་ཧྲིལ་པོའི་ཐོན་སྐྱེད་རིན་ཐང་བསྡོམས་འབོར་སྒོར་ཁྲི1318678མངོན་འགྱུར་བྱུང་བ་དེ་བསྡུར་གཞི་ཡོད་པའི་རིན་གོང་ལྟར་བརྩིས་ན་ལོ་གོང་མ་ལས7%འཕར་ཡོད། ཐོན་ལས་དབྱེ་ནས་བལྟས་ན། ཐོན་ལས་དང་པོའི་འཕར་ཐང་སྒོར་ཁྲི798392ཟིན་ནས7.4%འཕར་བ་དང་། ཐོན་ལས་གཉིས་པའི་འཕར་ཐང་སྒོར་ཁྲི170973ཟིན་ནས7.1%འཕར་བ། ཐོན་ལས་གསུམ་པའི་འཕར་ཐང་སྒོར་ཁྲི349313ཟིན་ནས5.9%འཕར་ཡོད། ཐོན་ལས་དང་པོའི་འཕར་ཐང་གིས་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད་ཀྱི60.5%བཟུང་ནས་བརྒྱ་ཆའི་གྲངས1.5ཆག་པ། ཐོན་ལས་གཉིས་པའི་རིན་ཐང་འཕར་མའི་བསྡུར་ཚད་ཀྱི13.0%ཟིན་ནས་བརྒྱ་ཆའི་གྲངས0.2ཆག་པ། ཐོན་ལས་གསུམ་པའི་འཕར་ཐང་གི་བསྡུར་ཚད་ཀྱི26.5%ཟིན་ནས་བརྒྱ་ཆའི་གྲངས1.7འཕར་ཡོད། མི་རེའི་ཆ་སྙོམས་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར46779ཟིན་པ་དེ་ལོ་གོང་མ་ལས7.7%འཕར་ཡོད། 

8 སྤྱི་ཚོགས་ལས་དོན།
8_1 སློབ་གསོ།

སྤྱི་ལོ2012ལོར་ཧུའུ་ལིན་གྲོང་ཁྱེར་དུ་སློབ་འབྲིང་དཀྱུས་མ11ཡོད་པ་དང་སློབ་གྲྭར་ཡོད་མུས་ཀྱི་སློབ་མ10289ཡོད། ལས་རིགས་སློབ་འབྲིང1དང་སློབ་གྲྭར་ཡོད་པའི་སློབ་མ1320ཡོད། སློབ་ཆུང16ཡོད་པ་དང་སློབ་གྲྭར་ཡོད་པའི་སློབ་མ7766ཡོད། བུ་བཅོལ་ཁང13དང་བུ་བཅོལ་ཁང་གི་བྱིས་པ2219ཡོད། སྤྱི་ལོ2012ལོར་མཐོ་རིམ་སློབ་གྲྭ་ཁག་ལ་ཆེད་ཚན་སློབ་གྲྭ་ཆེན་མོ་ཡན་གྱི་སློབ་མ824སྐྱེལ་འདྲེན་བྱས་ཡོད། 

8_2 ཚན་རིག

སྤྱི་ལོ2012ལོར་ཧུའུ་ལིན་གྲོང་ཁྱེར་དུ་ཆེད་ལས་ལག་རྩལ་མི་སྣ་སྣ་ཚོགས5559ཡོད། ནོར་སྲིད་ཀྱིས་ཚན་རྩལ་རྣམ་གྲངས་གསུམ་གྱི་འགྲོ་གྲོན་སྒོར་ཁྲི890བཏང་། ཧུའུ་ལིན་གྲོང་ཁྱེར་གྱིས་གཙོ་གནད་ཚན་རྩལ་རྣམ་གྲངས8ལག་བསྟར་བྱས་པ་དང་། ཅི་ཤིས་གྲོང་ཁྱེར་གྱི་ཚན་རྩལ་ཡར་ཐོན་བྱ་དགའ4ཐོབ་པའི་ནང་བྱ་དགའ་རིམ་པ་དང་པོ1དང་། བྱ་དགའ་ཨང་གཉིས་པ2 བྱ་དགའ་གསུམ་པ1བཅས་ཡོད། 

8_3 རིག་གནས།

སྤྱི་ལོ2012ལོར་ཧུའུ་ལིན་གྲོང་ཁྱེར་དུ་སྒྱུ་རྩལ་འཁྲབ་སྟོན་ཚོགས་པ1དང་། མང་ཚོགས་རིག་གནས་ཁང1 སྤྱི་པའི་དཔེ་མཛོད་ཁང1 དཔེ་ཆ་ཁྲི5.6ཉར་བ། ཀུན་ཁྱབ་རླུང་འཕྲིན་ལས་ཁུངས1 བརྙན་འཕྲིན་ཁང1 རླུང་འཕྲིན་ཁང1 བརྙན་འཕྲིན་ཁང1བཅས་ཡོད། རླུང་འཕྲིན་དང་བརྙན་འཕྲིན་མི་འབོར་ཚང་མར་ཁྱབ་ཚད་ཀྱི100%ཟིན་ནས་གྲོང་ཚོ་ཚང་མར་རླུང་འཕྲིན་དང་སྐུད་ཡོད་བརྙན་འཕྲིན་ཤར་གཏོང་ཐུབ་ཡོད། གྲངས་འཛིན་བརྙན་འཕྲིན་དུད་ཚང་དུ་བསྐྱོད་ཚད་ཀྱི97.8%ཟིན་ཡོད། 

8_4 འཕྲོད་བསྟེན།

སྤྱི་ལོ2012ལོར་སྨན་བཅོས་འཕྲོད་བསྟེན་ཞབས་ཞུའི་མ་ལག་ཉིན་རེ་བཞིན་འཐུས་ཚང་དུ་གྱུར་པ་དང་། ཧུའུ་ལིན་གྲོང་ཁྱེར་དུ་འཕྲོད་བསྟེན་སྒྲིག་གཞི25ཡོད་པའི་ནང་ཕྱོགས་བསྡུས་སྨན་ཁང5དང་། ཤང་གྲོང་འཕྲོད་བསྟེན་ཁང14 བུད་མེད་དང་ཕྲུ་གུའི་འཕྲོད་སྦྱོར་སྨན་ཁང1 ནད་ཡམས་ཚོད་འཛིན་ལྟེ་གནས1 གྲོང་ཁྱེར་སྨན་ཁང་དང་མ་བུ་འཕྲོད་སྦྱོར་སྨན་ཁང་བཅས་རིམ་པ་གཉིས་པའི་ཀ་པ་རིམ་པའི་སྨན་ཁང་དུ་བདེ་བླག་ངང་སྤར་ནས་སྨན་བཅོས་ཞབས་ཞུའི་ཆུ་ཚད་མཐོ་རུ་ཤུགས་ཆེན་བཏང་ཡོད། ཉལ་ཁྲི1029ཡོད་པ་དང་ཆེད་ལས་འཕྲོད་བསྟེན་ལག་རྩལ་མི་སྣ963ཡོད་པའི་ནང་ལས་གཉེར་སྨན་པ་དཀའ་བཅུ་པ་དང་ལས་གཉེར་ལས་རོགས་སྨན་པ372དང་སྨན་གཡོག360ཐོ་འགོད་བྱས་ཡོད། གྲོང་ཁྱེར་དང་གྲོང་རྡལ་གྱི་གྲོང་མིའི་སྨན་བཅོས་འགན་བཅོལ་ནང་ཞུགས་ཚད་བརྒྱ་ཆའི98ཟིན་པ་དང་། གྲོང་གསེབ་ཀྱི་མཉམ་ལས་སྨན་བཅོས་དཔེ་གསར་ལ་ཞུགས་ཚད་བརྒྱ་ཆའི100ཟིན་ཡོད། 

9 སྤྱི་ཚོགས་འགན་སྲུང་།

སྤྱི་ལོ2012ལོར་གཞི་རྩའི་རྒན་གསོའི་འགན་བཅོལ་ནང་ཞུགས་མཁན་མི་གྲངས25182ཟིན་པ་དེ་ལོ་གོང་མ་ལས་མི723མང་དུ་ཕྱིན་པ་དང3.0%འཕར་བའི་ནང་འགན་བཅོལ་ནང་ཞུགས་མཁན་ལས་བཟོ15176ཟིན་པ་དེ་ལོ་གོང་མ་ལས་མི229མང་དུ་ཕྱིན་ནས1.5%འཕར་བ་དང་ལས་བྲལ་ལས་འཁྱུར་ངལ་གསོ་རྒྱག་མཁན་མི10006མང་དུ་ཕྱིན་ནས་ལོ་གོང་མ་ལས་མི494མང་དུ་ཕྱིན་ནས5.2%འཕར་བ་དང་། ལས་ཤོར་འགན་བཅོལ་ནང་ཞུགས་མཁན་ལས་བཟོའི་མི་གྲངས17376ཟིན་པ་དེ་ལོ་གོང་མ་ལས་མི194འཕར་ནས1.1%འཕར་བ། གཞི་རྩའི་སྨན་བཅོས་འགན་བཅོལ་ནང་ཞུགས་མཁན་ལས་བཟོ་དང་ལས་བྲལ་ལས་འཁྱུར་ངལ་གསོ་རྒྱག་མཁན་མི་གྲངས41000ཟིན་པ་དེ་ལོ་གོང་མ་དང་གཅིག་མཚུངས་ཡིན། ཧུའུ་ལིན་གྲོང་ཁྱེར་དུ་ཉར་གསོའི་རང་བཞིན་གྱི་སྤྱི་ཚོགས་ཞབས་ཞུའི་ལས་ཁུངས3ཡོད་པ་དང་། ཉལ་ཁྲི524ཡོད་པ་དང་། ཉར་གསོའི་མི241ཡོད་། 

སྤྱི་ལོ2012ལོར་ལས་ཐོག་ལས་བཟོ་པ་ཉུང་དུ་སོང་བ་དང་གླ་ཕོགས་བསྡོམས་འབོར་མང་དུ་སོང་ཡོད། ལོ་མཇུག་ཏུ་ཧུའུ་ལིན་གྲོང་ཁྱེར་གྱི་ལས་ཐོག་ལས་བཟོ21120ཡོད་པ་དེ་ལོ་གོང་མ་ལས་མི1088ཉུང་དུ་ཕྱིན་ནས4.9%ཆག་པའི་ནང་གྲོང་ཁྱེར་ཁོངས་གཏོགས་ཀྱི་ལས་ཐོག་ལས་བཟོ11871ཡོད་པ་དང་མི849ཉུང་དུ་ཕྱིན་ནས6.7%ཆག་ཡོད། ཧུའུ་ལིན་གྲོང་ཁྱེར་གྱི་ལས་ཐོག་ལས་བཟོའི་ལོ་རེའི་ཆ་སྙོམས་གླ་ཆ་སྒོར27932ཟིན་པ་དེ་ལོ་གོང་མ་ལས་སྒོར3898འཕར་ནས16.2%འཕར་བའི་ནང་གྲོང་ཁྱེར་ཁོངས་གཏོགས་ཀྱི་ལས་ཐོག་ལས་བཟོའི་ལོའི་ཆ་སྙོམས་གླ་ཆ་སྒོར31129ཟིན་ནས་སྒོར4534འཕར་ནས17.0%འཕར་ཡོད། ཧུའུ་ལིན་གྲོང་ཁྱེར་གྱི་སྒེར་གཉེར་ཁེར་གཉེར་ལས་གཉེར་མི་སྣ25361ཡོད་པ་དེ་ལོ་གོང་མ་ལས6.7%འཕར་ཡོད། 

སྤྱི་ལོ2012ལོར་གྲོང་ཁྱེར་དང་གྲོང་གསེབ་ཀྱི་གྲོང་མིའི་འཚོ་བ་ལེགས་བཅོས་མངོན་གསལ་བྱུང་བ། ཧུའུ་ལིན་གྲོང་ཁྱེར་གྱི་གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར15730ཟིན་པ་དེ་ལོ་གོང་མ་ལས15.3%འཕར་ཡོད། ཞིང་པ་མི་རེའི་ཆ་སྙོམས་ཡོང་འབབ་སྒོར11981ཟིན་ནས14.5%འཕར་ཡོད། གྲོང་གསེབ་ཀྱི་སྡོད་ཁང་སོ་ཕག་དང་རྫ་གཡམ་ཅན་དུ་འགྱུར་ཚད་ཀྱི86.14%ཟིན་པ་དེ་ལོ་གོང་མ་ལས་བརྒྱ་ཆའི་གྲངས1.41མཐོ་རུ་ཕྱིན་ཡོད། གྲོང་ཁྱེར་གྱི་བཙོག་ཆུ་དང་དེ་བཞིན་གད་སྙིགས་གནོད་མེད་གཙང་སེལ་བྱེད་ཚད་ཀྱི100%ཟིན་པ། གྲོང་གསེབ་ཀྱི་རང་འབབ་ཆུ་ཁྱབ་ཚད་ཀྱི90.9%ཟིན་པ་དེ་ལོ་གོང་མ་ལས་བརྒྱ་ཆའི་གྲངས1.9འཕར་ཡོད། 


དཔྱད་གཞིའི་ཡིག་ཆ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2020-03-09

གསར་སྤེལ་མཁན། :སེང་ལྡེང་མཚོ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།