ཤོད་སྲོལ་དཔྱད་བརྗོད།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ལོ་རྒྱུས་འཕེལ་རྒྱས་ཀྱི་དུས་རིམ་རིང་མོའི་ཁྲོད། ལོ་རྒྱུས་ཀྱི་བྱུང་འཕེལ་སྐོར་ལ་ལྟ་བ་འདྲ་མིན་དུ་མ་ཐོན་པའི་སྟེང་། ལོ་རྒྱུས་ཀྱི་བྱུང་རིམ་དང་སྣང་ཚུལ་སྐོར་ལ་ཤོད་སྲོལ་ཡང་འདྲ་མིན་བྱུང་ཡོད་ཅིང་། དེས་ལོ་རྒྱུས་ཀྱི་རྣམ་པ་ཅུང་འདྲ་མིན་དང་ཕུན་སུམ་ཇེ་ཚོགས་སུ་བཏང་བས་ལོ་རྒྱུས་སྨྲ་བ་དག་གིས་ཤོད་སྲོལ་འདྲ་མིན་ལ་དཔྱད་པ་གནད་དུ་འཕིགས་པ་བྱས་ཏེ་བརྗོད་ལུགས་དྲང་པོའི་ཕྱོགས་སུ་དྲང་རྒྱུ་ནི་ལོ་རྒྱུས་དཔྱད་བརྗོད་པའི་འགན་འཁྲི་གཙོ་བོར་གྱུར་ཡོད།
གཞི་རྩའི་གནས་ཚུལ།

མིང་།
ཤོད་སྲོལ་དཔྱད་བརྗོད།
རིགས།
ལོ་རྒྱུས་བརྡ་འགྲེལ།
ཁོངས་གཏོགས།
ལོ་རྒྱུས་དཔྱད་བརྗོད་ཀྱི་བརྗོད་བྱའི་རིགས།
ངོ་བོ།
རིག་གཞུང་བརྡ་ཆད།
1 ​ངོ་སྤྲོད། 

ལོ་རྒྱུས་འཕེལ་རྒྱས་ཀྱི་དུས་རིམ་རིང་མོའི་ཁྲོད། ལོ་རྒྱུས་ཀྱི་བྱུང་འཕེལ་སྐོར་ལ་ལྟ་བ་འདྲ་མིན་དུ་མ་ཐོན་པའི་སྟེང་། ལོ་རྒྱུས་ཀྱི་བྱུང་རིམ་དང་སྣང་ཚུལ་སྐོར་ལ་ཤོད་སྲོལ་ཡང་འདྲ་མིན་བྱུང་ཡོད་ཅིང་། དེས་ལོ་རྒྱུས་ཀྱི་རྣམ་པ་ཅུང་འདྲ་མིན་དང་ཕུན་སུམ་ཇེ་ཚོགས་སུ་བཏང་བས་ལོ་རྒྱུས་སྨྲ་བ་དག་གིས་ཤོད་སྲོལ་འདྲ་མིན་ལ་དཔྱད་པ་གནད་དུ་འཕིགས་པ་བྱས་ཏེ་བརྗོད་ལུགས་དྲང་པོའི་ཕྱོགས་སུ་དྲང་རྒྱུ་ནི་ལོ་རྒྱུས་དཔྱད་བརྗོད་པའི་འགན་འཁྲི་གཙོ་བོར་གྱུར་ཡོད།   

2 རྒྱས་པར་བཀྲལ་བ། 

དེ་ཡང་དཔེར་ན 《ཡར་ལུང་ཇོ་བོའི་ཆོས་འབྱུང》དུ། “མཆོག་གཉིས་རྒྱ་གར་ཡུལ་ན་གྲགས་པ་མེས། རྒྱན་དྲུག་མཆོག་གཉིས་ཞེས་བར་བོད་ཀྱིས་བཏགས” ཞེས་མཆོག་གཉིས་ཞེས་པའི་ཡོངས་གྲགས་ཀྱི་ཤོད་སྲོལ་དེ་བོད་ཁོ་ནའི་བརྗོད་སྲོལ་ཞིག་ཡིན་པར་བསྟན་པ་ལྟ་བུ་དང་། 《དེབ་དམར་གསར་མ》རུ།  “བུ་སྟོན་ཆོས་འབྱུང་དུ་མུ་ནེ་བཙན་པོ་ཆུ་སྟག་ལ་རྒྱལ་སར་བཏོག  ལོ་གཅིག་དང་ཟླ་བ་བདུན་སྲིད་བཟུང་ནས་བཅུ་བདུན་པ་ལ་འདས་པར་བཤས(དཔེ་མ་དག) མེ་ལོང་མར། ཆུ་སྟག་ལ་འཁྲུངས་ནས་ཉེར་བརྒྱད་པ་ལ་རྒྱལ་སར་བཏོན། སྲིད་ལོ་གཅིག་དང་ཟླ་བ་དགུ་བཟུང་ནས་ཉེར་དགུ་པ་ལ་འདས་པར་བཤད། (དཔེ་མ་དག) ལུགས་དང་པོ་ལྟར་ན་སྲས་དགུང་ལོ་ཞེ་ལྔ་པ་ལ་རྒྱལ་སར་བཏོན་དགོས་པས། ཡབ་དྲུག་ཅུ་རྩ་དགུ་པ་མེ་སྟག་ལ་འདས་པར་ཆོས་འབྱུང་དུ་འབྱུང་བ་དང་ལོ་གྲངས་མ་འགྲིག ལུགས་གཉིས་པ་ལྟར་ན་རྒྱལ་པོ་དགུང་ལོ་ཞེ་ལྔ་པ་ལ་སྲས་འཁྲུངས་པར་བྱ་དགོས་ཤིང་། དེ་ལྟར་ན་ཡབ་རྒྱལ་པོ་ལྔ་བཅུ་རྩ་དྲུག་པ་ཆུ་གླང་ལ་འདས་པར་ཆོས་འབྱུང་རང་དུ་འབྱུང་བ་དང་ལོ་གྲངས་མ་མཐུན་ཞིང་གླང་ལ་འདས་ཞེས་པ་ནི་སྤར་མ་དག་པ་སྟེ། སྤར་མ་འདི་ལ་དབང་ཐང་འཆུགས་པ་གཞན་ཡང་མང་ངོ་། དཔེ་ཁ་ཅིག(ཀཾ་ཀཾ་སྔའི་ཆོས་འབྱུང་སོགས)ཏུ་སྲས་ཀྱིས་རྒྱལ་སྲིད་ལོ་གཅིག་དང་ཟླ་བ་དགུ་བཟུང་བར་བཤད་ལ། འདི་ཉིད་དག་པར་མངོན་ཏེ། རྒྱལ་པོ་འདིས་བོད་ལ་ལྟོགས་ཕྱུག་ལན་གསུམ་དུ་སྙོམ་པར་གསུང་ཞིང་ཆོས་འབྱུང་གཉིས་ཀྱི་ལོ་གྲངས་བཞིན་བྱས་ན་ལན་གསུམ་མཉམ་ལོང་མེད་དོ” ཞེས་མུ་ནེ་བཙན་པོའི་ལོ་ཚིགས་སྐོར་གྱི་བརྗོད་སྲོལ་འདྲ་མིན་ལ་དཔྱད་པ་རིམ་པར་བཏང་སྟེ་ཡིན་མིན་དབྱེ་འབྱེད་བགྱིས་པ་ལྟ་བུའོ།།   


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2020-01-03

གསར་སྤེལ་མཁན། :བྱ་མདོ་པདྨ་རྒྱལ།2019

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།