བསྔགས་ཚིག་དཔྱད་བརྗོད།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

བསྔགས་ཚིག་དཔྱད་བརྗོད་ནི་མི་སྣ་ག་གེ་མོའམ་མཛད་འཕྲིན་གང་ཞིག་ལ་བསྔགས་བརྗོད་ཀྱི་རྣམ་པས་དཔྱད་བརྗོད་སྤེལ་བ་ལ་ཟེར། དེ་ཡང་རྩོམ་མཁན་རང་ཉིད་ཀྱིས་ཆགས་སྡང་གསལ་བའི་སྒོ་ནས་བརྗོད་ཡུལ་གང་དེར་བསྔགས་པ་མཛད་དེ་རང་ལུགས་མཚོན་པར་བྱེད་པ་ཞིག་ཡིན།
གཞི་རྩའི་གནས་ཚུལ།

མིང་།
བསྔགས་ཚིག་དཔྱད་བརྗོད།
རིགས།
ལོ་རྒྱུས་བརྡ་འགྲེལ།
ཁོངས་གཏོགས།
ལོ་རྒྱུས་དཔྱད་བརྗོད་ཀྱི་རྩ་བའི་ཐབས་ཤེས།
ངོ་བོ།
རིག་གཞུང་བརྡ་ཆད།
1 གོ་དོན།

བསྔགས་ཚིག་དཔྱད་བརྗོད་ནི་མི་སྣ་ག་གེ་མོའམ་མཛད་འཕྲིན་གང་ཞིག་ལ་བསྔགས་བརྗོད་ཀྱི་རྣམ་པས་དཔྱད་བརྗོད་སྤེལ་བ་ལ་ཟེར། དེ་ཡང་རྩོམ་མཁན་རང་ཉིད་ཀྱིས་ཆགས་སྡང་གསལ་བའི་སྒོ་ནས་བརྗོད་ཡུལ་གང་དེར་བསྔགས་པ་མཛད་དེ་རང་ལུགས་མཚོན་པར་བྱེད་པ་ཞིག་ཡིན།

2 རྒྱས་པར་བཀྲལ་བ།   

བསྔགས་ཚིག་དཔྱད་བརྗོད་སྐོར་ལ་སྡེ་སྲིད་སངས་རྒྱམ་པས་རྒྱལ་དབང་དྲུག་པར “ཁ་བ་ངོ་མཚར་བ་བབས་པ་གཞན་པའི་རྣམ་ཐར་ལྟར་ན་མེ་ཏོག་གི་ཆར་དུ་ངོས་བཟུང་ཆོག་པ་ཡོད”ཅེས་བསྔགས་བརྗོད་གནང་བ་ལྟ་བུ་ཡིན་ལ། པཎ་ཆེན་བསོད་ནམས་གྲགས་པས“ཡིད་བཟང་རྩེ་བ་ནི་......ཁྱད་པར་དེབ་ཐེར་སྔོན་པོར་གྲགས་པའི་ལོ་རྒྱུས་ཆེན་མོ་འདི་གནང་བས་རྣམ་དཔྱོད་ཅན་རྣམས་ཡིད་འཕྲོག་པར་མཛད། བུ་སྟོན་རིན་པོ་ཆེ་ཞིང་གཞན་དུ་གཤེགས་ནས་བླ་མ་འདི་ལོ་རྒྱུས་ལ་མཁྱེན་པ་རྒྱས་སམ་སྙམ” ཞེས་འགོས་ལོ་གཞོན་ནུ་དཔལ་ལ་གདེང་འཇོག་བསྔགས་ཚིག་གིས་དཔྱད་བརྗོད་སྤེལ་བ་ལྟ་བུ་དང་། ཡང་ཁོང་གིས། “ཚལ་པ་སི་ཏུ་དགེ་བའི་བློ་གྲོས་དེ། ། འཇིག་རྟེན་གཞན་ན་དེ་འདྲ་སུ་ཞིག་གདུང་། ། རྒྱལ་རབས་དེབ་ཐེར་སྒྲིག་ལ་མཁས་པ་ཡི། ། བྱེད་པ་གཉིས་པ་ཡོད་དོ་ཤེས་པར་གྱིས། ། རིགས་གཟུགས་ནོར་གྱིས་བརྒྱན་པ་མང་ན་ཡང་། ། འདི་ལྟའི་ལེགས་བཤད་བྱེད་པོ་དཀོན་པ་ལས། ། ལོ་རྒྱུས་གཏམ་ལ་ཆགས་པ་མ་སེམས་པར། ། ནོར་བུས་ནམ་མཁའ་བཀང་ནས་མཆོད་ཀྱང་རུང་། །” ཞེས་ཚལ་པ་སི་ཏུ་དགེ་བའི་བློ་གྲོས་མཆོག་ལ་ལོ་རྒྱུས་རིག་གཞུང་ངོས་ནས་བསྔགས་བརྗོད་ཀྱིས་གདེང་འཇོག་མཛད་དེ་ཁོང་གི་ལོ་རྒྱུས་རིག་པའི་ཕྱག་རྗེས་དང་ཁྱད་ཆོས་ལ་ཚད་མཐོ་བའི་གདེང་འཇོག་གནང་ཡོད་པ་ལྟ་བུ་ཡིན་ནོ།།  


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2020-01-03

གསར་སྤེལ་མཁན། :བྱ་མདོ་པདྨ་རྒྱལ།2019

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།