མི་དོན་ཡིག་ཚགས།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

མི་དོན་ཡིག་ཚགས།
མི་དོན་ཡིག་ཚགས་ནི་ཀྲུང་གོའི་མི་དོན་དོ་དམ་ལམ་ལུགས་ཀྱི་ཁྱད་ཆོས་གལ་ཆེན་ཞིག་ཡིན། དེ་ནི་མི་སྒེར་གྱི་ཐོབ་ཐང་དང་། སློབ་གཉེར་བརྒྱུད་རིམ། བསླབ་པ་རྒན་གཞོན་བཅས་ཀྱི་བདེན་དཔང་ཡིན་ལ། མི་སྒེར་གྱི་གླ་ཕོགས་ཁེ་བཟང་། ངལ་རྩོལ་འགན་སྲུང་། རྩ་འཛུགས་ཀྱི་འབྲེལ་བ་བཅས་དང་འབྲེལ་བ་དམ་པོ་ཡོད་པས། བཅའ་ཁྲིམས་ཀྱི་ཕན་ནུས་ལྡན་པ་དང་། མི་ཚེའི་བཤུལ་ལམ་བཀོད་པའི་གཞི་འཛིན་ས་གལ་ཆེན་ཞིག་ཡིན། མི་ཞིག་གི་བརྒྱུད་རིམ་དང་། ཆབ་སྲིད་ཀྱི་རྣམ་པ། ཀུན་སྤྱོད་ཀྱི་སྤྱོད་ཚུལ་སོགས་མི་སྒེར་གྱི་གནས་ཚུལ་ཟིན་ཐོར་འགོད་པའི་ཡིག་ཆའི་རྒྱུ་ཆ་དང་། དཔང་ཡིག་དང་གཞི་འཛིན་ས། དཔྱད་གཞིའི་ནུས་པ་བཅས་ཀྱི་ཐོག་ནས་མི་སྒེར་གྱི་དངོས་སྒྱུར་རིམ་པ་གཏན་འཁེལ་དང་། གོ་མིང་སྙན་ཞུ། རྒན་གསོའི་འགན་བཅོལ་གཉེར་བ་སོགས་ཀྱི་འབྲེལ་ཡོད་དཔང་ཡིག་འབྲི་སྐབས་ཡིག་ཚགས་བེད་སྤྱོད་བྱེད་དགོས།
གཞི་རྩའི་གནས་ཚུལ།

རྒྱ་ཡིག་གི་མིང་།
人事档案
བདག་ཉར་ལས་ཁུངས།
སློབ་གྲྭ་དང་སྲིད་གཞུང་ངམ་མི་དོན་ལས་ཚབ་དང་ཁེ་ལས་སོགས།
རང་བཞིན།
མི་སྣ་ལས་འགན་འཁུར་བ་སོགས་ཀྱི་དངོས་དཔང་།
དཔང་རྟགས།
མི་སྒེར་གྱི་ཐོབ་ཐང་དང་།   སློབ་གཉེར་བརྒྱུད་རིམ། བརྒྱུད་མྱོང་།
1 ཡིག་ཚགས་བླང་བྱ།

མི་དོན་ཡིག་ཚགས་ནི་ཀྲུང་གོའི་མི་དོན་དོ་དམ་ལམ་ལུགས་ཀྱི་ཁྱད་ཆོས་གལ་ཆེན་ཞིག་ཡིན།  དེ་ནི་མི་སྒེར་གྱི་ཐོབ་ཐང་དང་།   སློབ་གཉེར་བརྒྱུད་རིམ། བསླབ་པ་རྒན་གཞོན་བཅས་ཀྱི་བདེན་དཔང་ཡིན་ལ། མི་སྒེར་གྱི་གླ་ཕོགས་ཁེ་སྤོགས།   ངལ་རྩོལ་འགན་སྲུང་། རྩ་འཛུགས་ཀྱི་འབྲེལ་བ་བཅས་དང་འབྲེལ་བ་དམ་པོ་ཡོད་པས། བཅའ་ཁྲིམས་ཀྱི་ཕན་ནུས་ལྡན་པ་དང་། མི་ཚེའི་བཤུལ་ལམ་བཀོད་པའི་གཞི་འཛིན་ས་གལ་ཆེན་ཞིག་ཡིན། མཐོ་སློབ་ཀྱི་སློབ་མའི་ཡིག་ཚགས་ནི་རྒྱལ་ཁབ་ཀྱི་མི་དོན་ཡིག་ཚགས་ཀྱི་གྲུབ་ཆ་ཞིག་ཡིན་པ་དང་། སློབ་ཆེན་སློབ་མའི་སློབ་གྲྭར་སྡོད་རིང་གི་འཚོ་བ་དང་སློབ་སྦྱོང་དང་དེ་བཞིན་སྤྱི་ཚོགས་ཀྱི་ལག་ལེན་སྣ་ཚོགས་ཀྱི་ལོ་རྒྱུས་ཀྱི་ཟིན་ཐོ་ངོ་མ་ཞིག་ཡིན་པ། སློབ་ཆེན་སློབ་མའི་ལས་ཞུགས་དང་དེ་བཞིན་སླད་ཕྱིན་ཚན་ཁག་དག་གིས་གདམ་གསེས་དང་། བསྐོ་སྤྱོད། དཔྱད་ཞིབ་བཅས་བྱེད་པའི་གཞི་འཛིན་ས་གཙོ་བོ་ཞིག་རེད། བྱ་གཞག་ཚན་ཁག། མི་དོན་ཡིག་ཚགས་བཅས་ཧ་ཅང་གལ་ཆེན་ཡིན།

ཉར་ཚགས་ཡིག་ཚགས་མཁོ་འདོན་བྱེད་པའི་ལས་ཁུངས་ཀྱི་ས་གནས་སོ་སོའི་ཤེས་ལྡན་མི་སྣའི་ཚོང་ར་དང་ཁུལ་དང་རྫོང་སོ་སོའི་ཤེས་ལྡན་མི་སྣའི་ཚོང་ར་དང་སྲང་ལམ་གཞུང་སྒྲུབ་ཁང་སོགས། རང་རྒྱལ་གྱི་ཡིག་ཚགས་བཅའ་ཁྲིམས་དང་། ལས་བྱེད་པའི་ཡིག་ཚགས་ལས་དོན་སྲོལ་ཡིག  འཁོར་རྒྱུུག་མི་སྣའི་ཡིག་ཚགས་དོ་དམ་གྱི་གནས་སྐབས་ལག་བསྟར་གཏན་འབེབས་སོགས་ཀྱི་ཁྲིམས་སྲོལ་གཞིར་བཟུང་མཐར་ཕྱིན་སློབ་མའི་མི་དོན་ཡིག་ཚགས་དེ་རྒྱལ་ཁབ་ཀྱི་ཁྲིམས་བཀོད་དང་། བཙན་ཤེད་ལག་བསྟར། བདག་ཁོངས་དོ་དམ་བཅས་ཀྱི་སྤྱི་པའི་ཆ་འཕྲིན་ཁོངས་སུ་གཏོགས་པས་མི་སྒེར་གྱིས་བཀག་ཉར་དང་མེད་པ་བཟོ་མི་ཆོག

ཡིག་ཚགས་བོར་བརླག་སོང་ཚེ་ཡིག་ཚགས་ཁ་གསབ་བྱེད་དགོས་པ་དང་། གསལ་པོར་བཤད་ན། བདག་ཏུ་འཛིན་མཁན་སློབ་ཆུང་དང་། དམའ་རིམ་སློབ་འབྲིང་། མཐོ་རིམ་སློབ་འབྲིང་། སློབ་གྲྭ་ཆེ་མོ། དེ་བཞིན་དེ་སྔའི་ལས་ཀའི་ཚན་པ་བཅས་སུ་ལོག་དགོས་པ་དང་། འབྲེལ་ཡོད་ར་སྤྲོད་ཀྱི་དཔྱད་གཞི་བཟོ་དགོས་ཀྱི་ཡོད། རྒྱུ་མཚན་ནི། ཡིག་ཚགས་ཀྱིས་ཏང་ནང་དུ་ཞུགས་རྒྱུ་དང་ཏང་ལ་ཞུགས་རྒྱུ་སོགས་ལ་ཤུགས་རྐྱེན་ཐེབས་ནས་རང་ཉིད་ཀྱི་གོ་མིང་དཔྱད་བསྡུར་དང་། ཞིབ་འཇུག་དང་ཆབ་སྲིད་ཞིབ་བཤེར། ངལ་རྩོལ་འགན་བཅོལ། དེ་བཞིན་ལས་བྲལ་དང་ལས་འཁྱུར་ངལ་གསོའི་འགྲོ་ལུགས་གཉེར་རྒྱུར་ཤུགས་རྐྱེན་ཐེབས་ཀྱི་ཡོད་ལ། རང་ཉིད་ཕྱི་རྒྱལ་དུ་སློབ་སྦྱོང་ལ་འགྲོ་རྒྱུར་ཡང་ཤུགས་རྐྱེན་ཐེབས་ཀྱི་ཡོད། གལ་ཏེ་གཞུང་ལས་པའི་འདོད་མོས་ཡོད་ན་ཡིག་ཚགས་ངེས་པར་དུ་ཉར་ཚགས་ཡག་པོ་བྱེད་དགོས།

2 ཡིག་ཚགས་ཁྱད་གཤིས།

ཕྱོགས་ཡོངས་རང་བཞིན།

མི་དོན་ཡིག་ཚགས་ནང་ལས་བཟོ་པའི་ལོ་རྒྱུས་དང་། རང་བརྒྱུད། དཔྱད་དཔོག(དཔྱད་དཔོག) ཆབ་སྲིད་ལོ་རྒྱུས། ཏང་དང་སྡེ་ཚོགས་ནང་ཞུགས་པ། བྱ་དགའ་སྤྲོད་པ། ཆད་པ་གཅོད་པ། བསྐོ་འཐེན་བྱེད་པ། གླ་ཕོགས་སོགས་ཐད་ཀྱི་འབྲེལ་ཡོད་ཡིག་ཆའི་རྒྱུ་ཆ་ཉར་ཚགས་བྱས་ཡོད། དེར་བརྟེན་དེས་ལས་བཟོ་མི་སྒེར་འཚར་ལོངས་དང་བསམ་བློའི་འཕེལ་རྒྱས་ཀྱི་ལོ་རྒྱུས་ཟིན་ཐོ་འགོད་ཐུབ་པ་དང་། ལས་བཟོའི་ཁྱིམ་ཚང་གི་གནས་ཚུལ་དང་། ཆེད་ལས་ཀྱི་གནས་ཚུལ། མི་སྒེར་གྱི་རང་བྱུང་གནས་ཚུལ་སོགས་ཕྱོགས་ཁག་གི་ནང་དོན་མཚོན་ཐུབ། མདོར་ན། མི་དོན་ཡིག་ཚགས་ནི་ལས་བཟོ་མི་སྒེར་གྱི་ཆ་འཕྲིན་གསོག་ཉར་མཛོད་ཡིན་པ་དང་། དེས་ལས་བཟོ་པ་མི་སྒེར་གྱི་གནས་ཚུལ་ཧྲིལ་པོ་མདོར་བསྡུས་ཀྱིས་མཚོན་ཐུབ།

མངོན་སུམ་གྱི་རང་བཞིན།

ལས་བཟོ་བས་སྔར་བཞིན་ལས་ཀ་བྱེད་ཀྱི་ཡོད་པས་དེའི་མི་དོན་ཡིག་ཚགས་ནི་མི་དོན(ངལ་རྩལ)སྡེ་ཚན་གྱིས་ཤེས་ལྡན་མི་སྣ་བེད་སྤྱོད་ཡང་དག་བྱེད་པ་དང་གླ་ཕོགས་ལུགས་མཐུན་ངང་ཐག་གཅོད་བྱེད་པའི་གཞི་འཛིན་ས་གལ་ཆེན་ཞིག་ཏུ་གྱུར་ཡོད། ཐད་ཀར་ལས་ཀ་དངོས་ལ་ཞབས་འདེགས་ཞུ་རྒྱུ་ནི་མི་དོན་ཡིག་ཚགས་དེ་ཡིག་ཚགས་གཞན་དག་དང་མི་འདྲ་བའི་མཚོན་རྟགས་གལ་ཆེན་ཞིག་ཡིན།

བདེན་དངོས་རང་བཞིན།

འདི་ནི་མི་དོན་ཡིག་ཚགས་ཀྱི་དངོས་ཡོད་རང་བཞིན་གྱི་རྨང་གཞི་དང་སྔོན་འགྲོའི་ཆ་རྐྱེན་ཡིན། མི་དོན་ཡིག་ཚགས་ངེས་པར་དུ་སྤྱི་ཡོངས་ཀྱི་ནང་དོན་ཆ་ཚང་བ་དང་། ཁེར་རྐྱང་གི་རྒྱུ་ཆ་དངོས་ཡོད་ཡིན་ཚེ་གཞི་ནས་མི་སྤྱོད་སྡེ་ཚན་ལ་ཞབས་ཞུ་མཁོ་འདོན་བྱེད་ཐུབ།

འགུལ་རྣམ་རང་བཞིན།

མི་དོན་ཡིག་ཚགས་བཟོས་རྗེས་དེའི་ནང་དོན་ནམ་ཡང་མི་འགྱུར་བ་ཞིག་མིན། དོ་བདག་གི་མི་ཚེའི་ལམ་བུ་སྣུར་སྲིང་བྱས་པ་དང་བསྟུན་ནས་ཆ་འཕྲིན་གསར་པ་མཚོན་པའི་ཡིག་ཆའི་རྒྱུ་ཆ་ཁག་གཅིག་རྒྱུན་ཆད་མེད་པར་ཆགས་ཀྱི་ཡོད། དེར་བརྟེན་མི་དོན་ཡིག་ཚགས་ཀྱིས་ངེས་པར་དུ་དཔྱད་ཡིག་གསར་པ་འཚོལ་བསྡུ་དང་ཁ་གསབ་ཡག་པོ་བྱ་རྒྱུར་དོ་སྣང་བྱས་ཏེ་ཡིག་ཚགས་དང་ལས་བཟོ་པའི་དངོས་ཡོད་གནས་ཚུལ་གྱི་ཧེ་བག་ཆུང་དུ་གཏོང་གང་ཐུབ་བྱེད་དགོས།  དེས་མི་དོན་ཡིག་ཚགས་ལ་ངེས་པར་དུ་ཁུང་བུ་བརྟོལ་ནས་འཚེམ་རྒྱག་དགོས་པའི་བླང་བྱ་དང་སྐབས་འཕྲལ་དུ་དཔྱད་གཞི་གསར་པ་ཁ་སྣོན་བྱེད་ཆེདཡིན།

འཁོར་རྒྱུག་རང་བཞིན།

མི་དོན་ཡིག་ཚགས་ཀྱི་དོ་དམ་དང་ལས་བཟོའི་མི་དོན་དོ་དམ་གཅིག་གྱུར་བྱས་ཚེ་གཞི་ནས་མི་དོན་ཡིག་ཚགས་ཀྱི་ནུས་པ་འདོན་སྤེལ་བྱེད་བདེ་པོ་ཡོད། གལ་ཏེ་མི་དང་ཡིག་ཚགས་ཐ་དད་དུ་གྱུར་ནས་མི་དོན་ཡིག་ཚགས་ཉར་ཚགས་བྱེད་པ་ལས་དོ་བདག་གང་དུ་ལས་གནས་སྤོས་ཡོད་མེད་མི་ཤེས་སྐབས་བུ་“ཡིག་ཚགས་གནས་ཡོད་ལ་མི་མེད་པའི”ཡིག་ཚགས་དེ་ལྟ་བུར་ཉར་ཚགས་ཡག་པོ་ཇི་ཙམ་བྱས་ཀྱང་དོན་སྙིང་མེད། དེར་བརྟེན་ལས་ཀ་བྱེད་སྐབས་ངེས་པར་དུ་“ཡིག་ཚགས་མི་དང་འགྲོགས་ནས་འགྲོ་བ་”རྒྱུན་འཁྱོངས་བྱེད་དགོས་པ་དང་། ལས་བཟོ་པ་ལས་གནས་སྤོས་རྗེས་ཀྱི་གཟའ་འཁོར་གཅིག་གི་ནང་ཚུན་དུ་ངེས་པར་དུ་དེའི་མི་དོན་ཡིག་ཚགས་དོ་དམ་སྡེ་ཁག་གསར་པར་བརྒྱུད་སྤྲོད་བྱེད་དགོས།

གསང་རྒྱ་རང་བཞིན།

མི་དོན་ཡིག་ཚགས་ཀྱི་ནང་དོན་ནི་མི་སྒེར་གྱི་བྱས་རྗེས་དང་སྐྱོན་ཆ་སོགས་ཕྱོགས་མང་པོའི་གནས་ཚུལ་དང་འབྲེལ་བ་ཡོད་པ་དང་། ལ་ལས་ཟུར་ངོས་ནས་ལོ་རྒྱུས་ཀྱི་དོན་རྐྱེན་གལ་ཆེན་ཁག་གཅིག་མཚོན་པ་དང་། ལ་ལས་མི་སྒེར་གྱིས་རྩ་འཛུགས་ལ་སྙན་སེང་ཞུས་པ་ལས་མི་གཞན(ཁྱིམ་མི་ཚུད་པ)ལ་བཤད་མི་ཆོག་པའི་སེམས་གཏིང་གི་གསང་བ་སོགས་ཚུད་ཡོད། དེར་བརྟེན་མི་དོན་ཡིག་ཚགས་ནི་ཏང་དང་རྒྱལ་ཁབ་ཀྱི་གསང་བ་ཡིན་པ་དང་། མི་སུ་འདྲ་ཞིག་གིས་ཀྱང་མི་དོན་ཡིག་ཚགས་ཀྱི་དཔྱད་ཡིག་ཕྱིར་འགྲེམས་པ་དང་རང་དགར་ཉར་ཚགས་བྱེད་མི་ཆོག་པ། སྤྱི་ཚོགས་ལ་ཆ་རྐྱེན་གང་ཡང་མེད་པའི་སྒོ་ནས་སྤྱི་ཚོགས་ལ་ཞབས་ཞུ་མཁོ་འདོན་བྱེད་མི་ཆོག   ཡིག་ཚགས་དོ་དམ་ལས་ཁུངས་ཀྱི་མི་སྒེར་ཡིན་ནའང་རང་ཉིད་ཀྱི་མི་དོན་ཡིག་ཚགས་ལ་ལྟ་ཞིབ་བྱེད་མི་ཆོག

3 ཡིག་ཚགས་སུ་ཉར་སྟངས།

རྒྱལ་ཁབ་ཀྱིས་སློབ་མཐར་ཕྱིན་རྗེས་ལས་ཀར་ཞུགས་མེད་པའི་སློབ་གྲྭ་ཆེ་བའི་སློབ་མའི་ཡིག་ཚགས་ལ་སྤྱིར་བཏང་དོ་དམ་བྱེད་ཐབས་རིགས་གསུམ་སྤྱོད་རྒྱུ་སྟེ།

གཅིག ཡིག་ཚགས་དེ་སྐྱེས་ཁུངས་ས་ཆར་སྒྱུར་དགོས་པ་དང་། དེ་གནས་སའི་ས་ཁུལ་རིམ་པའི་གྲོང་ཁྱེར་གྱི་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ཁོངས་གཏོགས་ཀྱི་ཤེས་ལྡན་མི་སྣའི་སྤེལ་རེས་ལྟེ་གནས་ཀྱིས་བསྡུ་ལེན་བྱེད་དགོས་པ་མ་ཟད། མི་སྒེར་གྱིས་འགྲོ་ལུགས་གཉེར་དགོས། བྱེད་སྟངས་དེ་རིགས་ནི་སྐྱེས་ཁུངས་ས་ཆའི་ཁྱབ་ཁོངས་ནང་ལས་ཞུགས་བྱ་རྒྱུའི་གྲ་སྒྲིག་བྱེད་མཁན་གྱི་མཐར་ཕྱིན་སློབ་མ་དང་གནས་སྐབས་ལས་ཞུགས་བྱེད་འདོད་མེད་པའི་མཐར་ཕྱིན་སློབ་མ་ཡིན་ཞིང་། དེའི་ལེགས་ཆ་ནི་སྐྱེས་ཁུངས་ས་ཆའི་ལས་ཞུགས་བྱས་རྗེས་འགྲོ་ལུགས་སྟབས་བདེ་དང་སྟབས་བདེ་ཡིན་པ་དང་། ཡིན་ཡང་སྐྱོན་ཆ་ནི་ལོ་གཉིས་ནང་སྐྱེས་ཁུངས་དང་ཁ་བྲལ་ནས་ལས་ཞུགས་བྱས་ཚེ་བསྐྱར་དུ་མངགས་གཏོང་གི་འགྲོ་ལུགས་གཉེར་དགོས།

གཉིས། ཡིག་ཚགས་སློབ་གྲྭར་བཞག་པ་དང་། བྱ་བའི་ལས་གནས་གཏན་འབེབས་བྱེད་པར་སྒུག་རྗེས་ཁྱིམ་ཐོ་དང་ཡིག་ཚགས་བྱ་བའི་ལས་གནས་སུ་སྤོས་པ་དང་། ཡིག་ཚགས་སློབ་གྲྭར་ཉར་རྒྱུའི་རེ་ཞུ་བྱས་ཀྱང་ལོ་གཉིས་ལས་བརྒལ་ཡང་སློབ་གྲྭ་དེའི་ཡིག་ཚགས་དང་ཁྱིམ་ཐོ་སྐྱེས་ཁུངས་སུ་སྤོ་དགོས།    སློབ་གྲྭས་ལས་ཞུགས་འབྱོར་ཐོ་འགོད་པའི་ལག་ཁྱེར་སྤྲོད་ཀྱི་མེད།

བྱ་ཐབས་དེ་རིགས་ནི་ལས་ཞུགས་བྱེད་འདོད་ཡོད་ཀྱང་ལས་ཞུགས་ཐུབ་མེད་པའི་མཐར་ཕྱིན་སློབ་མར་འཚམ་པ་དང་། དེའི་ལེགས་ཆ་ནི་སློབ་གྲྭའི་ཡིད་རྟོན་བྱེད་ཚད་ཅུང་མཐོ་བ་དང་། ཁྱིམ་ཐོའི་འབྲེལ་བ་དང་ཡིག་ཚགས་ཉར་ཚགས་བྱེད་པར་འགྲོ་གྲོན་འཕར་མ་མི་བསྡུ་བ། དེའི་སྐྱོན་ཆ་ནི་སློབ་ཐོན་སློབ་མའི་ཡིག་ཚགས་སློབ་གྲྭར་ལས་ཀ་འདེམས་པའི་དུས་ཚོད་རིང་དུ་བཏང་བ་དང་། སློབ་གྲྭ་དང་མི་དོན་ཁོངས་གཏོགས་ཀྱི་འབྲེལ་བ་མེད་པ། མི་དོན་འབྲེལ་བ་དང་འབྲེལ་བ་ཡོད་པའི་དཔང་ཡིག་ཚང་མ་འདོན་མི་ཐུབ་པ་བཅས་རེད།

གསུམ། ཡིག་ཚགས་དེ་ལས་ཞུགས་ལས་ཚབ་བམ་ཡང་ན་ཤེས་ལྡན་མི་སྣའི་སྤེལ་རེས་ལྟེ་གནས་སུ་བསྒྱུར་དགོས། བྱ་ཐབས་དེ་རིགས་ཞིབ་འཇུག་སློབ་མར་རྒྱུགས་སྤྲོད་དང་། ལས་གཏོད་བྱེད་པ། ལས་ཞུགས་སྟབས་བསྟུན་བྱེད་པ་བཅས་ཀྱི་མཐར་ཕྱིན་སློབ་མར་འཚམ་པོ་ཡོད་པ་དང་། དེའི་ལེགས་ཆ་ནི་མཐར་ཕྱིན་སློབ་མས་དོན་དངོས་ཀྱི་གནད་དོན་ཁག་གཅིག་ཐག་གཅོད་བྱེད་སླ་བ་དང་། སྐྱོན་ཆ་ནི་གལ་ཏེ་སློབ་ཐོན་སློབ་མ་དང་མཛུབ་ཁྲིད་ལྟེ་གནས་བར་སྤེལ་རེས་བྱེད་ཚད་ལྟོས་བཅས་ཀྱིས་ཉུང་ན། ཆ་འཕྲིན་ཤར་གཏོང་ཐུབ་ཀྱི་མེད།

.jpg

4 ཞིབ་ཕྲའི་ནུས་པ།

མི་སྒེར་གྱི་ཡིག་ཚགས་ལ་ནུས་པ་ཆེན་པོ་དྲུག་ཡོད་པ་སྟེ། གཅིག རང་ཉིད་ཀྱི་སྔར་ཡོད་ལས་གནས་ཐོབ་ཐང་སོར་འཇོག  གཉིས།  ལས་ཀ་སྤོ་བསྒྱུར་བྱེད་སྐབས་མི་སྒེར་གྱི་ཡིག་ཚགས་བཟོ་དགོས། གསུམ། གཞུང་ལས་མི་སྣའི་གདན་ཞུའི་ཡིག་རྒྱུགས་ནང་ཞུགས་པར་ཡིག་ཚགས་ཀྱིས་ཐོབ་ཐང་གཏན་འཁེལ་བྱེད་དགོས། བཞི། མི་སྒེར་གྱི་ལས་འཁྱུར་ངལ་གསོའི་འགྲོ་ལུགས་སྒྲུབ་སྐབས་ཡིག་ཚགས་ཀྱི་ཟིན་ཐོར་བལྟ་དགོས། ལྔ། ཆེད་ལས་གོ་མིང་སྤར་བའི་དཔྱད་གཞིའི་གཞི་འཛིན་ས། དྲུག   ཕྱི་རྒྱལ་དུ་འགྲོ་བའི་ཆབ་སྲིད་ཞིབ་བཤེར་དང་གཞུང་དཔང་བྱེད་སྐབས་མི་སྒེར་གྱི་ཡིག་ཚགས་ལ་ལྟ་ཞིབ་བྱ་དགོས།

སློབ་ཐོན་སློབ་མའི་ཁྲོད་ཅུང་ཡོངས་ཁྱབ་ཀྱི་སྣང་ཚུལ་ཞིག་ཡོད་པ་ནི་ཡིག་ཚགས་ལ་རྒྱུས་མངའ་མེད་ལ་དོ་ཁུར་ཡང་བྱེད་ཀྱི་མེད་ཅིང་། ཐ་ན་སློབ་གྲྭ་ཐོན་ནས་ལོ་ཁ་ཤས་སོང་ཡང་ཡིག་ཚགས་ད་དུང་སློབ་གྲྭར་བཞག་པ་དང་། ལ་ལས་ཡིག་ཚགས་ཁྱིམ་དུ་བཞག་པ་མ་ཟད། ལྷག་པར་དུ་ཡིག་ཚགས་ཀྱང་སྔ་ས་ནས་བོར་བརླག་ཏུ་སོང་ཡོད། དེ་ཡང་དོན་དངོས་ཐོག་རྒྱལ་ཁབ་ཀྱི་གཞུང་ཞབས་པ་གདམ་གསེས་དང་། རྒྱལ་ཁབ་ལ་དབང་བའི་ཁེ་ལས་དང་བྱ་ལས་སྡེ་ཚན་གྱིས་གདན་ཞུ་བྱེད་པ། འཐུས་སྒོ་ཚང་བའི་དམངས་གཉེར་ཁེ་ལས་ཀྱིས་གདན་ཞུ་བྱེད་སྐབས་འབྲེལ་ཡོད་མི་སྣའི་ཡིག་ཚགས་ལ་ཞིབ་བཤེར་བྱེད་དགོས་པ་མ་ཟད། དེའི་ཐོག་བཀོད་པའི་འབྲེལ་ཡོད་དཔྱད་ཡིག་ཆ་འཕྲིན་དེ་ཤེས་ལྡན་མི་སྣ་གདམ་གསེས་བྱེད་པའི་དཔང་རྟགས་གལ་ཆེན་ཞིག་ཏུ་བརྩི་དགོས། གཞན་ཡང་དཔེར་ན་སྤྱི་ཚོགས་འགན་བཅོལ་དང་། གོ་མིང་ཞིབ་དཔྱད་གཏན་འབེབས། འབྲེལ་ཡོད་དཔང་རྟགས་སྣ་ཚོགས་འདོན་པ་སོགས་ཚང་མར་རང་ཉིད་ཀྱི་མི་དོན་ཡིག་ཚགས་བཟོ་དགོས། མདོར་ན། དངོས་ཡོད་འཚོ་བའི་ཁྲོད། མི་དོན་ཡིག་ཚགས་ལ་གཞན་གྱིས་ཚབ་བྱེད་ཐབས་བྲལ་བའི་ནུས་པ་ལྡན་པས་མཐོང་ཆེན་འདང་ངེས་བྱ་དགོས། ལས་ཀར་ཞུགས་རྗེས་ནུས་པ་དངོས་སུ་འདོན་སྤེལ་བྱེད་པ་ནི་ཏག་ཏག་མི་དོན་ཡིག་ཚགས་ཡིན། དཔེར་ན་དངོས་སྒྱུར་དང་རིམ་པ་གཏན་འཁེལ། གོ་མིང་དཔྱད་བསྡུར་གཏན་འབེབས་སོགས་ཀྱི་འབྲེལ་ཡོད་དོན་དག་ཡིན། དེར་བརྟེན་མཐོ་རིམ་སློབ་གྲྭའི་སློབ་ཐོན་སློབ་མ་སློབ་གྲྭ་ཐོན་སྐབས་ངེས་པར་དུ་གཏན་འབེབས་བྱས་པའི་དུས་ཚོད་ནང་ས་གནས་ཁག་གི་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་མི་དོན་ཡིག་ཚགས་དོ་དམ་ཁོའོ་རུ་ཡིག་ཚགས་(ཡང་ན་མི་དོན་ཡིག་ཚགས་ཡོད་པའི་ཚན་པར་ཡིག་ཚགས་ཉར་བར་འགྲོ་དགོས་ཤིང་། གནས་ཚུལ་དེ་རིགས་གཞུང་ཁོངས་ཁེ་ལས་དང་། གཞུང་ཁོངས་བྱ་གཞག་ཚན་པ། གཞུང་ཞབས་ཚན་པ། སློབ་གྲྭ་བཅས་ཀྱིས་སྤྱིར་ན་སློབ་མའི་ཡིག་ཚགས་སྡེ་ཚན་དེ་དག་ལ་ཐད་ཀར་བསྐུར་རྒྱུ་ཡིན)བཞག་རྗེས་སློབ་ཁོངས་ཡིག་ཚགས་དེ་མི་དོན་ཡིག་ཚགས་ནང་བཅུག་ཡོད། མི་དོན་ཡིག་ཚགས་དེ་ལོ་དེར་མ་ལུས་ན་རྗེས་ཕྱོགས་ཀྱི་བྱ་བའི་ཁྲོད་དུ་གནད་དོན་ཆེན་པོ་ཡོད་དེ། དཔེར་ན། གཏན་འཁེལ་ཁ་ཤས་ནི་མི་དོན་ཡིག་ཚགས་བྱ་བའི་ལས་ཁུངས་ཀྱི་ལོ་འགའ་ལ་བཞག་ན་ད་གཟོད་ཆོག་པ་རེད།

སློབ་མའི་སློབ་སྦྱོང་གི་བརྒྱུད་རིམ་ར་སྤྲོད་ཐུབ་པ་ནི་སློབ་མ་དེའི་སློབ་ཁོངས་ཡིག་ཚགས་ཡིན་པ་དང་། ལས་ཀའི་བརྒྱུད་རིམ་གྱི་བདེན་དཔང་ནི་ཡིག་ཚགས་ཁུག་མའི་ནང་གི་ལས་ཀའི་ཡིག་ཚགས་ཡིན།

སློབ་ཁོངས་ཡིག་ཚགས་ནང་རང་ཉིད་ཀྱི་དུས་སྐབས་སོ་སོའི་སློབ་ཁོངས་བྱང་བུ་དང་། གྲུབ་འབྲས། ཕྱོགས་སོ་སོའི་དཔྱད་གཏམ། བྱ་དགའ་ཐོབ་པའི་ལག་ཁྱེར། ད་དུང་རང་ཉིད་ཀྱི་དཔྱད་ཡིག་བཅས་ཚང་མ་གདོད་མའི་དཔྱད་གཞིར་གཏོགས་པས་འདྲ་བཟོ་བྱེད་མི་རུང་། (སློབ་གྲྭའི་ཡིག་ཚགས་ནི་སྤྱིར་བཏང་དུ་མཐོ་འབྲིང་ནས་བརྩི་བ་དང་། ཡང་ན་ཁྱོད་ཀྱི་མཐོ་རྒྱུགས་ཡིག་ཚགས་ནས་བརྩི་བ་ཡིན། དང་དང་ཐོན་གྱི་འབྲེལ་བ་ནི་སྤྱིར་བཏང་དུ་ཏང་རྩ་འཛུགས་སྡེ་ཁག་གིས་བསྡུ་ལེན་བྱེད་པ་དང་། སློབ་གྲྭ་ལ་ལས་སློབ་ཁོངས་ཡིག་ཚགས་དང་ཏང་ཡོན་བར་གྱི་འབྲེལ་བའི་ཡིག་ཚགས་མཉམ་དུ་ཡིག་ཚགས་སུ་བསྒྱུར་བ། སློབ་གྲྭ་ལ་ལ་ནི་སོ་སོར་ཡིག་ཚགས་སུ་བསྒྱུར་བ། དེའང་སློབ་གྲྭའི་སྐྱིད་སྡུག་ཡིག་ཚགས་དེ་རང་ཉིད་ཀྱིས་ས་གནས་ཁག་ལ་ཕུལ་བའི་མི་དོན་ཡིག་ཚགས་དོ་དམ་ཁོའོ་འམ་ཡང་ན་འགག་སྒོ་ལས་ཁུངས་ཀྱིས་ས་གནས་ཁག་ལ་ཕུལ་བའི་མི་དོན་ཡིག་ཚགས་དོ་དམ་ཁོའོ་ལ་སྤྲོད་དགོས་པ་དང་། ཏང་ཡོན་དབར་གྱི་འབྲེལ་བ་ནི་རང་ཉིད་ཀྱིས་ཐེམ་ཐོ་ཡོད་སའམ་ཡང་ན་ལས་ཀ་བྱ་ཡུལ་གྱི་ཏང་ཨུད་རྩ་འཛུགས་ཤིག་ཡིན། ལས་ཀའི་ཡིག་ཚགས་ནི་ལས་ཀ་བྱས་རྗེས་ཀྱི་རིམ་པ་དཔྱད་བསྡུར་དང་། བྱ་དགའ་སྤྲོད་པ། གོ་གནས་སྤར་བ་སོགས་ཀྱི་དཔྱད་ཡིག་དེ་དག་ཡིན)དེར་བརྟེན་རང་ཉིད་ཀྱི་ཡིག་ཚགས་ཉར་ཚགས་ཡག་པོ་བྱ་རྒྱུ་ནི་གལ་ཆེའི་ནང་གི་དོན་ཆེན་ཞིག་ཡིན། འབྲེལ་ཡོད་གཏན་འབེབས་གཞིར་བཟུང་ཡིག་ཚགས་དེ་ས་གནས་ཁག་གི་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ཀྱི་མི་དོན་ཡིག་ཚགས་དོ་དམ་ཁོའོ་དང་མི་དོན་ཡིག་ཚགས་ཡོད་པའི་ཚན་པར་བརྒྱུད་སྤྲོད་བྱེད་དགོས།   

5 རྒྱུ་ཆའི་རིགས་དབྱེ།

རིགས་དང་པོ།   ལོ་རྒྱུས་ཀྱི་རྒྱུ་ཆ།

རིགས་གཉིས་པ།    རང་རྣམ་དཔྱད་གཞི་དང་། མི་སྒེར་གྱི་འབྲེལ་ཡོད་དོན་ཚན་སྙན་ཞུ་ཡིག་ཆ།

རིགས་གསུམ་པ།   རྟོག་ཞིབ་དང་དཔྱད་ཞིབ། གསལ་འབྱེད་རྒྱུ་ཆ། རྩིས་བཤེར་དཔྱད་གཞི།

རིགས་བཞི་པ།   སློབ་གཉེར་བརྒྱུད་རིམ་དང་སློབ་གཉེར་བརྒྱུད་རིམ་ཀྱི་རྒྱུ་ཆ། ལས་རིགས(འགན་འཁུར་བ)འོས་ཐོབ་རྒྱུ་ཆ། ཆེད་ལས་ལག་རྩལ་གྱི་གོ་གནས(གོ་མིང)དཔྱད་བསྡུར(གདན་ཞུས)དཔྱད་གཞིའི་ཡིག་རིགས། ཚན་རིག་ཞིབ་འཇུག་གི་རིག་གཞུང་ཆུ་ཚད་མཚོན་པའི་རྒྱུ་ཆ། གསོ་སྦྱོང་རྒྱུ་ཆ། དངོས་གཞིར་བསྒྱུར་བའི་རིམ་པ་གཏན་འཁེལ་རེའུ་མིག

རིགས་ལྔ་པ།   ཆབ་སྲིད་ཞིབ་བཤེར་གྱི་དཔྱད་གཞིའི་ཡིག་རིགས། རུས་མིང་དང་། མི་རིགས། ཕ་ཡུལ། རྒྱལ་ཁོངས། དུས་ཚོད། ཏང་ནང་དང་གུང་གཞོན་ཚོགས་པའི་ནང་ཞུགས་པའི་དུས་ཚོད། ལས་ཀར་ཞུགས་པའི་དུས་ཚོད་སོགས་ཀྱི་དཔྱད་གཞིར་བཟོ་བཅོས་སམ་ངོས་འཛིན་བྱ།

རིགས་དྲུག་པ།   ཏང་དང་གུང་གཞོན་ཚོགས་པའི་རྩ་འཛུགས་འཛུགས་སྐྱོང་ལས་དོན་ཁྲོད་གྲུབ་པའི་དཔྱད་གཞི།

རིགས་བདུན་པ།   གཟེངས་བསྟོད་དང་བྱ་དགའི་རྒྱུ་ཆ།

རིགས་བརྒྱད་པ།   ཁྲིམས་དང་འབྲེལ་བའི་སྒྲིག་འགལ་རྒྱུ་ཆ།

རིགས་དགུ་པ།   གདན་ཞུས་བཀོལ་སྤྱོད་ཀྱི་རྒྱུ་ཆ། གོ་གནས་བསྐོ་འཐེན་དང་། ལས་སྒྱུར། གོ་མིང་སྤྲོད་པ། དམག་མི(སླར་གསོ)བཀོད་སྒྲིག་དང་རྒན་ཡོལ་ཞུས(ལས་བྲལ)ངལ་གསོ་དཔྱད་ཡིག་སྤྲོད་པ། ལས་ཁུར་རྩ་དགོངས་ཞུ་བ་དང་། ལས་གནས་ཕྱིར་འཐེན་བྱེད་པ། གནས་དབྱུང་གཏོང་བ། གླ་ཕོགས་དང་ཁེ་སྤོགས་གི་རྒྱུ་ཆ། ཕྱི་རྒྱལ(མངའ་ཁོངས་ཕྱི)ལ་འགྲོ་བའི་རྒྱུ་ཆ། ཏང་གི་འཐུས་མིའི་ཚོགས་ཆེན་དང་། མི་དམངས་འཐུས་མིའི་ཚོགས་ཆེན། སྲིད་གྲོས་ཀྱི་གྲོས་ཚོགས། མི་དམངས་ཚོགས་པ་དང་འཐུས་མིའི་གྲོས་ཚོགས། དམངས་གཙོའི་ཏང་ཤོག་གི་འཐུས་མིའི་གྲོས་ཚོགས་བཅས་ལས་གྲུབ་པའི་དཔྱད་གཞིའི་ཡིག་རིགས།  

རིགས་བཅུ་པ།   བདེ་ཐང་བརྟག་དཔྱད་དང་ལས་རྨས་དོན་རྐྱེན་ཐག་གཅོད་བྱེད་པའི་རྒྱུ་ཆ། འདས་འཇུག་གི་རྒྱུ་ཆ། ལས་བྱེད་པའི་མི་དོན་ཡིག་ཚགས་ལས་ཀའི་དཔྱད་ཡིག་འབུལ་སྐྱེལ་དང་ཞིབ་བཤེར་གཏན་འབེབས་བྱེད་པ།

6 དོ་དམ་རིན་ཡོན།

མི་དོན་ཡིག་ཚགས་ནི་མི་ཞིག་གི་བརྒྱུད་རིམ་གཙོ་བོ་དང་། ཆབ་སྲིད་ཀྱི་རྣམ་པ་དང་། ཀུན་སྤྱོད་སྤྱོད་ཚུལ་སོགས་མི་སྒེར་གྱི་གནས་ཚུལ་ཟིན་ཐོ་འགོད་པའི་ཡིག་ཆ་དང་། དཔང་ཡིག་དང་། གཞི་འཛིན་དང་དཔྱད་གཞི་བཅས་ཀྱི་ནུས་པ་དང་། མི་སྒེར་དངོས་སྒྱུར་རིམ་འབེབས་དང་། གོ་མིང་སྙན་ཞུ། ཞིབ་འཇུག་རྒྱུགས་ལེན་སོགས་ཀྱི་འབྲེལ་ཡོད་དཔང་ཡིག་སྐབས་དང་། ཡིག་ཚགས་བེད་སྤྱོད་བྱ་དགོས།

ཡིག་ཚགས་དོ་དམ་གྱི་འགྲོ་གྲོན་དེ་དང་ཐོག་ཡིག་ཚགས་ཀྱི་དཔེ་དེབ་འཚེམ་རྒྱག་དང་ཡིག་ཚགས་སྒམ་སོགས་ཡིག་ཆས་ཀྱི་འགྲོ་གྲོན་སྒོར30ཙམ་ཡིན་པ་དང་། དེ་ནས་མི་སྣའི་འགྲོ་གྲོན་དང་། ས་གནས་ཀྱི་འགྲོ་གྲོན། རྒྱུན་ལྡན་གྱི་འཁོར་རྒྱུག་བཅས་གཏོང་སྒོ་ཆེན་པོ་གསུམ་ཡིན་པ་རེད། གལ་ཏེ་ལས་ཁུངས་སམ་ཡང་ན་རྒྱལ་དབང་ཁེ་ལས་ནང་། སྤྱིར་བཏང་དུ་རང་གིས་དོ་དམ་གྲོན་དངུལ་འཁུར་མི་དགོས། དེ་དང་ཆབས་ཅིག་ཁེ་ལས་ཁ་ཤས་ཀྱིས་ཀྱང་ལས་ཚན་པར་དོ་དམ་གྲོན་དངུལ་རྩིས་ཞུ་བྱེད་སྲིད་མོད། འོན་ཀྱང་ཁེ་ལས་ལ་ལས་ཤེས་ལྡན་མི་སྣ་གནས་ཐབས་བྱེད་ཆེད་རྒྱུན་དུ་ལོ་གསུམ་གྱི་འགན་ཁུར་རྗེས་ད་གཟོད་འགྲོ་སོང་རྩིས་ཞུ་བྱེད་ཆོག་པའི་གཏན་འབེབས་བྱས་ཡོད། གལ་ཏེ་ཁྱབ་ཁོངས་འདི་དག་གི་ཁོངས་སུ་གཏོགས་མེད་ན། རང་གིས་དོ་དམ་གྲོན་དངུལ་སྤྲོད་དགོས། སྤྱི་ལོ2016ལོའི་གནམ་ལོ་གསར་ཚེས་ནས་བཟུང་རྒྱལ་ཡོངས་ཀྱིས་ཡིག་ཚགས་དོ་དམ་གྱི་གྲོན་དངུལ་མེད་པར་བཟོ་རྒྱུ་དང་ནོར་སྲིད་ནས་མ་དངུལ་བཏང་ནས་ཡིག་ཚགས་དོ་དམ་གྱི་གནད་དོན་ཐག་གཅོད་བྱ་རྒྱུ་ཡིན་པ།

པེ་ཅིང་གྲོང་ཁྱེར་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ཀྱིས་མཁོ་འདོན་བྱས་པའི་གཞི་གྲངས་གཞིགས་ན། སྤྱི་ལོ2014ལོའི་ཟླ་6པའི་ཟླ་མཇུག་བར་པེ་ཅིང་གྲོང་ཁྱེར་དང་ཁུལ་དང་རྫོང་གི་ཡིག་ཚགས་སུ་ཉར་མཁན་སྒྲིག་གཞིས་ཡིག་ཚགས་ཁྲི170ལྷག་ལ་དོ་དམ་བྱས་པ་དང་ཡིག་ཚགས་སུ་ཉར་བའི་གྲོན་དངུལ་སྤྱི་ལོ2013ལོའི་ཟླ1པོ་ནས་བཟུང་སྒོར་ཁྲི120བར་དམའ་རུ་བཏང་བ་རེད། རིགས་གཅིག་མཁས་ཅན་གྱིས། རྒྱལ་ཡོངས་ཀྱི་ས་ཁུལ་རིམ་པའི་གྲོང་ཁྱེར200ལྷག་ཙམ་ལ་གྲོང་ཁྱེར་རེར་ལོ་ལྟར་གྲོན་དངུལ་ཉུང་ན་སྒོར་ཁྲི་བརྒྱ་དང་སྟོང་ལྷག་ཙམ་བསྡུ་ཡི་ཡོད། གྲོང་ཁྱེར་ཆེ་གྲས་ཀྱིས་རྟག་ཏུ་སྒོར་དུང་ཕྱུར་ཡན་བསྡུ་ཡི་ཡོད། རྒྱལ་ཡོངས་ཀྱིས་ལོ་ལྟར་བསྡུ་ལེན་བྱས་པའི་ཡིག་ཚགས་ཀྱི་གྲོན་དངུལ་ཉུང་མཐར་ཡང་སྒོར་དུང་ཕྱུར 2ཟིན་གྱི་ཡོད།

ཧའེ་ཏན་ཁུལ་ཀྱི་ཤེས་ལྡན་མི་སྣའི་ཁྲོམ་རའི་ལས་དོན་མི་སྣས་ཡིག་ཚགས་གསར་བརྗེས་བྱས་པའམ་ཡང་ན་ཕྱིར་སྤོས་བྱས་ཚེ་ཡིག་ཚགས་ཉར་ཐེངས་གཅིག་ལ་སྤྲོད་དགོས་ཀྱི་ཡོད། དེ་ལྟར་མ་བྱས་ན་ཡིག་ཚགས་བཀག་ཉར་བྱེད་ཀྱི་ཡོད་ཅེས་བཤད་པ་རེད། ཡིག་ཚགས་མི་འགུལ་བའི་དབང་དུ་བཏང་ནའང་། ཡིག་ཚགས་ཉར་གླ་ཆེས་འཕྱི་ནའང་ལས་འཁྱུར་ངལ་གསོ་བྱེད་སྐབས་བདའ་འདེད་གཏོང་རྒྱུ་ཡིན། དེ་འདྲ་མ་བྱས་ན“སྤྱི་ཚོགས་འགན་སྲུང་དང་ལས་འཁྱུར་ངལ་གསོའི་དངུལ་ལ་ཤུགས་རྐྱེན་ཐེབས་ངེས་རེད”ཅེས་བཤད།

7 དོ་དམ་ལམ་ལུགས།

མི་དོན་ཡིག་ཚགས།

གཅིག མི་དོན་ཡིག་ཚགས་དོ་དམ་ལམ་ལུགས།

1 དམིགས་ཡུལ།

དང་པོ། ཡིག་ཚགས་ཀྱི་གསང་བ་དམ་སྲུང་བྱ་དགོས། དེང་རབས་ཁེ་ལས་ཀྱི་འགྲན་རྩོད་ཁྲོད་གསང་འཕྲིན་འཐབ་རྩོད་ནི་འགྲན་རྩོད་ཀྱི་ནང་དོན་གལ་ཆེན་ཞིག་ཡིན་པ་དང་། ཡིག་ཚགས་ཀྱི་གསང་བ་ནི་ཁེ་ལས་ཀྱི་གསང་བའི་ཆ་ཤས་ཤིག་ཡིན། མི་དོན་ཡིག་ཚགས་ཉར་ཚགས་ཡག་པོ་བྱས་ན་གསང་བ་དམ་སྲུང་ནུས་ལྡན་བྱེད་ཐུབ།

གཉིས་པ། མི་དོན་ཡིག་ཚགས་ཀྱི་རྒྱུ་ཆ་ཆ་ཚང་སྲུང་སྐྱོང་བྱས་ནས་རྒྱུ་ཆ་གཏོར་སྐྱོན་མི་ཡོང་བ་བྱ་རྒྱུ་དེ་ནི་ཡིག་ཚགས་ཉར་ཚགས་བྱེད་པའི་ལས་འགན་གཙོ་བོ་ཡིན།

གསུམ་པ། ཡིག་ཚགས་རྒྱུ་ཆ་བཀོལ་སྤྱོད་བྱེད་བདེ་བ། ཉར་ཚགས་དང་བེད་སྤྱོད་ནི་དམ་པོར་སྦྲེལ་བ་དང་། ཚན་རིག་དང་མཐུན་ཞིང་གོ་རིམ་ལྡན་པའི་ཉར་ཚགས་ནི་ཡིག་ཚགས་རྒྱུ་ཆ་བེད་སྤྱོད་ནུས་ལྡན་བྱེད་པའི་སྔོན་འགྲོའི་ཆ་རྐྱེན་དང་འགན་ལེན་ཡིན།

2 མི་དོན་ཡིག་ཚགས་དོ་དམ་ལམ་ལུགས་ཀྱི་གཞི་རྩའི་ནང་དོན།

ཉར་ཚགས་ལམ་ལུགས་འཛུགས་པ་དང་འཐུས་ཚང་དུ་གཏོང་རྒྱུ་ནི་མི་དོན་ཡིག་ཚགས་ལ་ཉར་ཚགས་ནུས་ལྡན་བྱེད་པའི་འགག་རྩ་ཡིན། དེའི་གཞི་རྩའི་ནང་དོན་ལ་ཕལ་ཆེར་ཁག་ལྔ་ཚུད་ཡོད། ཞིབ་བཤེར་ཞིབ་བསྡུར་ལམ་ལུགས། བརྒྱུད་སྤྲོད་ལམ་ལུགས། གསང་སྲུང་ལམ་ལུགས་སྲུང་སྐྱོང་། བསྡོམས་རྩིས་ལམ་ལུགས།

(1)རྒྱུ་ཆ་ཕྱིར་ཡིག་ཚགས་ལོག་པའི་ལམ་ལུགས། ཡིག་ཚགས་ཀྱི་དཔྱད་གཞི་གསར་པ་དུས་ཐོག་ཏུ་བཟོ་དགོས་པ་དང་། གཉིས་པ། རྒྱུ་ཆའི་ངོ་བོ་དང་ནང་དོན་གཞིར་བཟུང་དེའི་ཞིབ་ཕྲའི་གནས་བབ་གཏན་འཁེལ་བྱེད་དགོས། གསུམ་པ། དཀར་ཆག་སྟེང་དུ་རྒྱུ་ཆའི་མིང་དང་འབྲེལ་ཡོད་ནང་དོན་ཁ་གསབ་བྱེད་པ། མཇུག་མཐར་རྒྱུ་ཆ་གསར་པ་ཡིག་ཚགས་སུ་འཇོག་དགོས།

(2)ཞིབ་བཤེར་ཞིབ་བསྡུར་ལམ་ལུགས། ཞིབ་བཤེར་དང་ཞིབ་བསྡུར་ནི་མི་དོན་ཡིག་ཚགས་ཆ་ཚང་དང་བདེ་འཇགས་འགན་ལེན་བྱེད་པའི་བྱེད་ཐབས་གལ་ཆེན་ཞིག་ཡིན། ཞིབ་བཤེར་གྱི་ནང་དོན་ནི་ཕྱོགས་མང་པོ་ཡོད་ཅིང་། དེའི་ནང་མི་དོན་ཡིག་ཚགས་ཀྱི་དཔྱད་གཞི་དེ་ཉིད་ལ་ཞིབ་བཤེར་བྱེད་པ་དཔེར་ན་རུལ་མྱགས་ཡོད་མེད་ལ་ལྟ་ཞིབ་བྱེད་པ་དང་། མི་དོན་ཡིག་ཚགས་ཉར་ཚགས་བྱེད་པའི་ཁོར་ཡུག་ལ་ཞིབ་བཤེར་བྱེད་པ། དཔེར་ན་མཛོད་ཁང་གི་སྒོ་དང་སྒེའུ་ཁུང་ལ་ལྟ་ཞིབ་བྱེད་པ། ཉར་འཇོག་ནོར་འཁྲུལ་ཡོད་མེད་སོགས་ཚུད་ཡོད། ཞིབ་བཤེར་ཞིབ་བསྡུར་བྱེད་སྐབས་སྤྱིར་བཏང་དུ་དུས་བཀག་ལྟར་བྱ་དགོས། འོན་ཀྱང་གཤམ་གྱི་གནས་ཚུལ་འོག་ཞིབ་བཤེར་དང་ཞིབ་བསྡུར་བྱེད་དགོས། གློ་བུར་དུ་བྱུང་བའི་དོན་རྐྱེན་གྱི་རྗེས་དང་། གལ་ཏེ་རྐུ་ཤོར་བ་དང་བོར་བརླག་བྱུང་བའམ་ཡང་ན་མེ་སྐྱོན་ཤོར་རྗེས། ཡིག་ཚགས་ལ་ལར་དོགས་འདྲི་བྱུང་རྗེས། གལ་ཏེ་རྒྱུ་ཆ་ག་གེ་མོ་བོར་བརླག་ཏུ་སོང་ཡོད་མེད་གཏན་འཁེལ་བྱེད་མི་ཐུབ། གནོད་སྐྱོན་ཁ་ཤས་ཤེས་རྗེས། གལ་ཏེ་རྒྱུ་ཆ་རུལ་སོང་བ་ཤེས་ན། འབུ་ཟ་སོགས་ཤེས།

(3)བརྒྱུད་སྐྱེལ་ལམ་ལུགས། བརྒྱུད་སྤྲོད་ལམ་ལུགས་ནི་ཡིག་ཚགས་སྤོ་སྒྱུར་བྱ་རྒྱུའི་སྐོར་གྱི་ལམ་ལུགས་ཡིན། ཡིག་ཚགས་ཀྱི་བརྒྱུད་སྤྲོད་ནི་སྤྱིར་བཏང་དུ་བྱ་བ་བརྗེ་སྤོར་སོགས་ཀྱི་རྒྱུ་རྐྱེན་གྱིས་བསླངས་པ་ཡིན་ལ། བརྒྱུད་སྐྱེལ་གྱི་གོ་རིམ་ཕལ་ཆེར་གཤམ་གསལ་ལྟར། བརྒྱུད་སྤྲོད་བྱེད་དགོས་པའི་ཡིག་ཚགས་བླངས་པ་དང་། ཡིག་ཚགས་ཀྱི་གཞི་གྲངས་ཐོག་ཐོ་ཁོངས་ནས་སུབ་རྒྱུ། 《མི་དོན་ཡིག་ཚགས་རྒྱུ་ཆ་བརྒྱུད་སྤྲོད་བྱེད་པའི་བརྡ་ཐོ》འབྲི་དགོས། ཐུམ་སྒྲིལ་དང་དམ་སྦྱར་གྱི་བླང་བྱ་ལྟར་ཐུམ་སྒྲིལ་རྒྱག་དགོས། བརྒྱུད་སྐྱེལ་བྱེད་སྐབས་གསང་སྲུང་གི་རྩ་དོན་ལ་བརྩི་སྲུང་ཞུ་དགོས་པ་དང་། སྤྱིར་བཏང་གསང་གནད་བརྒྱུད་ནས་འགྲིམ་འགྲུལ་བརྒྱུད་སྤྲོད་བྱ་དགོས་པ་ལས་མི་རང་ཉིད་ལ་སྤྲད་ནས་ཁྱེར་མི་ཆོག དེ་མིན། ཡིག་ཚགས་སུ་ཉར་མཁན་ཚན་ཁག་གིས་་ཡིག་ཚགས་འབྱོར་ནས་ཞིབ་བསྡུར་བྱས་རྗེས་འབྱོར་འཛིན་ཐོག་མིང་རྟགས་བཀོད་ནས་དུས་ཐོག་ཏུ་ཕྱིར་སློག་བྱེད་དགོས། 

(4)གསང་སྲུང་ལམ་ལུགས་སྲུང་སྐྱོབ་བྱེད་པ། བླང་བྱ་ཞིབ་ཕྲ་གཤམ་གསལ། ཁེ་ལས་ཆེ་གྲས་ལ་སྤྱིར་བཏང་དུ་ཡིག་ཚགས་ཉར་ཚགས་བྱེད་མཁན་ཆེད་བསྐོས་མི་སྣ་བསྐོས་ནས་དགོས་ངེས་ཀྱི་ཡིག་ཚགས་སུ་ཉར་བའི་སྒྲིག་ཆས་བཀོད་སྒྲིག་བྱ་དགོས། མཛོད་ཁང་ལ་དགོས་ངེས་ཀྱི་མེ་འགོག་དང་བརླན་འགོག་ཡོ་བྱད་ཡོད། མཛོད་ཁང་དང་ཡིག་ཚགས་ཀྱི་སྒམ་གཙང་མར་བྱས་ནས་དངོས་པོ་དང་འབྲེལ་བ་མེད་པའི་དངོས་རྫས་བཞག་མི་ཆོག། མི་སུ་ཞིག་གིས་ཀྱང་མི་དོན་ཡིག་ཚགས་ཀྱི་དཔྱད་གཞི་རྣམས་མི་མང་འདུ་སར་རང་དགར་ཁྱེར་མི་ཆོག འབྲེལ་མེད་མི་སྣ་མཛོད་ཁང་དུ་འཛུལ་མི་ཆོག ཐ་མག་འཐེན་མི་ཆོག འགྲོ་དུས་གློག་སྒོ་བརྒྱབ་ནས་སྒོ་བརྒྱབ་པ།

(5)བསྡོམས་རྩིས་ལམ་ལུགས། མི་དོན་ཡིག་ཚགས་སྡོམ་རྩིས་ཀྱི་ནང་དོན་གཙོ་བོ་གཤམ་གྱི་དོན་ཚན་འགའ་ཡོད། མི་དོན་ཡིག་ཚགས་ཀྱི་གྲངས་འབོར། མི་དོན་ཡིག་ཚགས་རྒྱུ་ཆ་འཚོལ་བསྡུ་ཁ་གསབ་གནས་ཚུལ། ཡིག་ཚགས་ལེགས་སྒྲིག་བྱས་ཚུལ། ཡིག་ཚགས་ཉར་ཚགས་བྱས་ཚུལ། གནས་ཚུལ་བེད་སྤྱད། མཛོད་ཁང་གི་སྒྲིག་ཆས་གནས་ཚུལ། མི་དོན་ཡིག་ཚགས་ལས་དོན་མི་སྣའི་གནས་ཚུལ།

གཉིས། མི་དོན་ཡིག་ཚགས་བེད་སྤྱོད་ལམ་ལུགས།   

1  དམིགས་ཡུལ། དང་པོ། མི་དོན་ཡིག་ཚགས་བེད་སྤྱོད་ལམ་ལུགས་འཛུགས་རྒྱུ་ནི་ཕན་ནུས་ཆེ་ཞིང་གོ་རིམ་ལྡན་པའི་སྒོ་ནས་ཡིག་ཚགས་ཀྱི་དཔྱད་གཞི་བེད་སྤྱོད་བྱ་རྒྱུའི་ཆེད་དུ་ཡིན། ཡིག་ཚགས་བེད་སྤྱོད་བྱེད་པའི་བརྒྱུད་རིམ་ནང་ཚད་གཞི་དང་འགྲོ་ལུགས་ངེས་ཅན་ཞིག་ལ་བརྩི་སྲུང་ཞུ་དགོས་པ་དེ་ནི་ཡིག་ཚགས་དོ་དམ་གྱི་སྒྲིག་ལམ་འགན་ལེན་བྱེད་པའི་བྱ་ཐབས་གལ་ཆེན་ཞིག་ཡིན།      གཉིས་པ། མི་དོན་ཡིག་ཚགས་བེད་སྤྱོད་ལམ་ལུགས་འཛུགས་རྒྱུ་དེའང་ཡིག་ཚགས་དོ་དམ་བྱེད་སྒོར་སྒྲིག་སྲོལ་གྱི་གཞི་འཛིན་ས་མཁོ་འདོན་བྱ་རྒྱུའི་ཆེད་དུ་ཡིན། ལས་བྱེད་མི་སྣས་ངེས་པར་དུ་ལམ་ལུགས་འདི་དག་གཞིར་བཟུང་ནས་བྱ་བ་བསྒྲུབ་དགོས། འདི་ནི་ལས་བྱེད་མི་སྣར་བཏོན་པའི་གཞི་རྩའི་བླང་བྱ་ཡིན།      2 མི་དོན་ཡིག་ཚགས་བེད་སྤྱོད་བྱེད་སྟངས།     (1)དཔེ་ཀློག་ཁང་བཙུགས་ནས་ལྟ་ཀློག་བྱེད་པར་མཁོ་སྤྲོད་བྱེད་པ། དཔེ་ཀློག་ཁང་དེ་སྤྱིར་བཏང་མི་དོན་ཡིག་ཚགས་མཛོད་ཁང་ནང་དང་ཡང་ན་མཛོད་ཁང་དང་ཐག་ཉེ་སར་བཙུགས་ནས་ཡིག་ཚགས་བཟོ་བ་དང་དོ་དམ་བྱེད་བདེ་བ་ཡོད། བྱ་ཐབས་དེ་རིགས་ལ་ལེགས་ཆ་མང་པོ་ལྡན་ཡོད་པ་དཔེར་ན། ལྟ་སྐུལ་དང་ལྟ་སྐུལ་བྱེད་བདེ་བ་དང་གསང་བ་ཤོར་བ་སོགས་སྔོན་འགོག་བྱ་རྒྱུར་ཕན་པ་ཡོད། འདི་ནི་མི་དོན་ཡིག་ཚགས་བེད་སྤྱོད་བྱེད་སྟངས་གཙོ་བོ་ཡིན།      (2)གཡར་ནས་བཀོལ་སྤྱོད་བྱེད་པ། མཛོད་ཁང་གཡར་སྐབས་ངེས་པར་དུ་ཆ་རྐྱེན་ངེས་ཅན་ཞིག་ཚང་དགོས་པ་དཔེར་ན། ལས་ཁུངས་དེ་གའི་འགོ་ཁྲིད་ཀྱིས་མི་དོན་ཡིག་ཚགས་ལ་ལྟ་ཞིབ་བྱེད་དགོས་པ་དང་། སྤྱི་བདེ་དང་བདེ་སྲུང་སྡེ་ཁག་གིས་དམིགས་བསལ་གྱི་དགོས་མཁོའི་དབང་གིས་ངེས་པར་དུ་མི་དོན་ཡིག་ཚགས་གཡར་སྤྱོད་བྱ་དགོས་པ། གཡར་བའི་དུས་ཚོད་རིང་དྲགས་ན་མི་འགྲིག་དུས་བཀག་ཐིམ་ཡང་ཕྱིར་མ་སྤྲད་ན་དུས་ཐོག་ཏུ་སྤྲོད་དགོས།  (3)བདེན་དཔང་ཡིག་ཆ་འདོན་པ། འདི་ཡང་མི་དོན་ཡིག་ཚགས་སྡེ་ཁག་གི་བྱེད་ནུས་གཅིག་ཡིན། བཏོན་པའི་བདེན་དཔང་ཡིག་ཆ་ནི་མི་དོན་ཡིག་ཚགས་སྡེ་ཁག་གིས་འབྲེལ་ཡོད་ཡིག་ཆའི་གཏན་འབེབས་ལྟར་བྲིས་པའི་འབྲེལ་ཡོད་གནས་ཚུལ་གྱི་བདེན་དཔང་ཡིག་ཆ་ཡིན་ཆོག་ལ། མི་དོན་ཡིག་ཚགས་རྒྱུ་ཆའི་བསྐྱར་དཔར་ཡིག་ཆ་ཡང་ཡིན་ཆོག དཔྱད་ཡིག་འདོན་དགོས་པའི་རྒྱུ་མཚན་ནི་སྤྱིར་བཏང་བྱས་ན་ཏང་ལ་ཞུགས་པ་དང་། གུང་གཞོན་ཚོགས་པའི་ནང་ཞུགས་པ། མཐོར་གཏོང་། བཟོ་པ་བསྡུ་བ། ཕྱི་རྒྱལ་དུ་འགྲོ་བ་སོགས་ཡིན།      3 མི་དོན་ཡིག་ཚགས་བེད་སྤྱོད་བྱེད་པའི་འགྲོ་ལུགས་དེ་གོང་གསལ་གྱི་བྱེད་ཐབས་ལ་བརྟེན་ནས་མི་དོན་ཡིག་ཚགས་བེད་སྤྱོད་བྱེད་སྐབས་ངེས་པར་དུ་འགྲོ་ལུགས་ངེས་ཅན་དང་མཐུན་དགོས། དེ་ནི་མི་དོན་ཡིག་ཚགས་ཆ་ཚང་དང་བདེ་འཇགས་སྲུང་སྐྱོང་བྱེད་པའི་འགན་ལེན་གལ་ཆེན་ཞིག་རེད།  (1)ལྟ་ཀློག་གི་འགྲོ་ལུགས། ཚད་ལྡན་གྱི་ལྟ་ཀློག་འགྲོ་ལུགས་ནང་གཤམ་གསལ་གྱི་ནང་དོན་ཚུད་ཡོད་པ་སྟེ། དང་ཐོག་རེ་ཞུ་བྱེད་མཁན་གྱིས་ཡིག་ཚགས་ཞིབ་བཤེར་སྙན་ཞུ་བྲིས་ཏེ་སྙན་ཞུའི་ནང་ལྟ་ཀློག་བྱ་ཡུལ་དང་། དམིགས་ཡུལ། རྒྱུ་མཚན། ལྟ་ཀློག་བྱེད་མཁན་གྱི་གནས་ཚུལ་མདོར་བསྡུས་སོགས་ཀྱི་གནས་ཚུལ་གསལ་པོ་འབྲི་དགོས་པ་དང་། དེ་ནས་སྡེ་ཚན(སྡེ་ཚན)གྱིས་ཐེལ་ཙེ་རྒྱག་དགོས། འགན་འཁུར་པས་མིང་རྟགས་འགོད་རྒྱུ། མཇུག་མཐར་མི་དོན་ཡིག་ཚགས་སྡེ་ཁག་གིས་ཞིབ་བཤེར་ཆོག་མཆན་འགོད་དགོས། མི་དོན་ཡིག་ཚགས་སྡེ་ཚན་གྱིས་རེ་ཞུའི་སྙན་ཞུར་ཞིབ་བཤེར་གཏན་འབེབས་བྱེད་སྐབས་གལ་ཏེ་རྒྱུ་མཚན་གང་ལེགས་ཡོད་པ་དང་འགྲོ་ལུགས་ཆ་ཚང་ཡོད་ཚེ་ཆོག་མཆན་སྤྲོད་དགོས།  (2)ཕྱི་གཡར་འགྲོ་ལུགས། ཡིག་ཚགས་གཡར་མཁན་ཚན་པ(སྡེ་ཚན)ཡིས་ཡིག་ཚགས་གཡར་བའི་སྙན་ཞུ་བྲིས་པ་དང་ནང་དོན་དང་ཡིག་ཚགས་བཤེར་རྒྱུའི་སྙན་ཞུ་གཅིག་མཚུངས་ཡིན་པ་རེད། ཡིག་ཚགས་གཡར་མཁན་སྡེ་ཚན་(སྡེ་ཚན)གྱིས་ཐེལ་ཙེ་རྒྱག་རྒྱུ་དང་། འགན་འཁུར་པས་མིང་རྟགས་འགོད་རྒྱུ། མི་དོན་ཡིག་ཚགས་སྡེ་ཁག་གིས་དེ་ལ་ཞིབ་བཤེར་གཏན་འབེབས་དང་ཆོག་མཆན་བཀོད། གཡར་ཡིག་ཐོ་འགོད་བྱ། གཡར་བའི་དུས་ཚོད་དང་རྒྱུ་ཆའི་མིང་དང་། ཁ་གྲངས། རྒྱུ་མཚན་སོགས་གསལ་པོ་འབྲི་དགོས་པ་མ་ཟད། གཡར་མཁན་གྱིས་མིང་རྟགས་འགོད་དགོས། ཕྱིར་སྤྲོད་སྐབས་དུས་ཐོག་ཏུ་ཐོ་འགོད་བྱས་ནས་ཐོ་ཁོངས་ནས་སུབ་དགོས།   (3)དཔང་ཡིག་འདོན་སྤྲོད་བྱེད་པའི་འགྲོ་ལུགས། སྡེ་ཚན་དང་མི་སྒེར་ལ་མི་དོན་ཡིག་ཚགས་སྡེ་ཁག་གིས་བདེན་དཔང་ཡིག་ཆ་སྤྲོད་དགོས་ཚེ། གཤམ་གྱི་འགྲོ་ལུགས་དག་སྒྲུབ་དགོས་ཏེ། དང་པོ། འབྲེལ་ཡོད་ལས་ཁུངས(སྡེ་ཁག)ཀྱིས་འཕྲིན་ཡིག་བསྐུར་ཏེ་བདེན་དཔང་རྒྱུ་ཆ་འདོན་སྤྲོད་བྱེད་དགོས་པའི་རྒྱུ་མཚན་གསལ་བཤད་བྱེད་པ་མ་ཟད། གཞུང་ཐམ་རྒྱག་དགོས། གཉིས་པ། མི་དོན་ཡིག་ཚགས་སྡེ་ཚན་གྱིས་འབྲེལ་ཡོད་གཏན་འབེབས་གཞིར་བཟུང་བེད་སྤྱོད་མཁན་གྱི་བླང་བྱ་དང་ཟུང་འབྲེལ་གྱིས་ར་སྤྲོད་ཡི་གེ་མཁོ་འདོན་བྱེད་དགོས། མཇུག་མཐར། དཔང་ཡིག་དེ་མི་དོན་ཡིག་ཚགས་སྡེ་ཁག་གི་འབྲེལ་ཡོད་འགོ་ཁྲིད་ཀྱིས་ཞིབ་ལྟ་དང་། གཞུང་ཐམ་བརྒྱབ་རྗེས་ཐོ་འགོད་དང་འགྲེམ་སྤེལ་བྱེད་དགོས། 


དཔྱད་གཞིའི་ཡིག་ཆ།

བརྡ་འགྲེལ་གདོང་འཛར།

མི་དོན་ཡིག་ཚགས། དཔལ་འབྱོར།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:3  སྔ་མའི་པར་གཞི།

ཉེ་ཆར་དག་བཅོས།:2020-05-09

གསར་སྤེལ་མཁན། :ཁྲི་པདྨ་རྣམ་རྒྱལ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།