བོད་ལྗོངས་སློབ་གྲྭ་ཆེན་མོ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

བོད་ལྗོངས་སློབ་གྲྭ་ཆེན་མོ།
བོད་ལྗོངས་སློབ་ཆེན་ནི་བོད་རང་སྐྱོང་ལྗོངས་ཀྱི་ཁོངས་གཏོགས་ཀྱི་ཕྱོགས་བསྡུས་རང་བཞིན་གྱི་སློབ་གྲྭ་ཆེན་མོ་ཞིག་ཡིན་ཞིང་། “ལས་གྲྭ211” གི་རྒྱལ་ཁབ་ཀྱིས་གཙིགས་ཆེར་འཛུགས་སྐྲུན་བྱེད་པའི་སློབ་ཆེན་དང་།“དབུས་རྒྱུད་དང་ནུབ་རྒྱུད་སློབ་ཆེན་གྱི་རྨང་གཞིའི་ནུས་པ་འཛུགས་སྐྲུན་ལས་གྲྭ”ཡི་སློབ་ཆེན་བཅས་སུ་བདམས་ཡོད། སློབ་ཆེན་འདི་ནི་བོད་ལྗོངས་མི་དམངས་སྲིད་གཞུང་དང་རྒྱལ་ཁབ་སློབ་གསོ་པུའུ་གཉིས་ཀྱིས་མཉམ་དུ་བསྐྲུན་པ་ཡིན། ཀྲུང་གོའི“རྩེ་གྲའི་སྨན་པའི་སློབ་གསོ་དང་སྐྱེད་སྲིང་འཆར་གཞི”དང་། “ཞིང་ལས་དང་ནགས་ལས་ཕྱོགས་ཀྱི་རྩེ་གྲའི་འཇོན་མིའི་སློབ་གསོ་དང་སྐྱེད་སྲིང་འཆར་གཞི”སོགས་ཀྱི་བཅོས་སྒྱུར་ཚོད་ལྟའི་སློབ་ཆེན་ཡིན་པར་མ་ཟད། 2013ལོའི་ཟླ5པར་དབུས་རྒྱུད་དང་ནུབ་རྒྱུད་ཀྱི་མཐོ་རིམ་སློབ་གསོ་དར་སྤེལ་འཆར་གཞི་ཁྲོད་བདམས་པ་དང་། 2013ལོའི་ཟླ7པར་འབུམ་རམས་པའི་ཐོབ་ཐང་དབང་སྤྲོད་ལས་ཁུངས་ཀྱི་ཆོག་མཆན་ཐོབ།
གཞི་རྩའི་གནས་ཚུལ།

རྒྱ་ཡིག་གི་མིང་།
西藏大学
སློབ་གྲྭའི་བསླབ་སྡོམ།
མཐུན་སྒྲིལ། ཧུར་བརྩོན། དངོས་གཉེར། གསར་གཏོད།
དབྱིན་ཡིག་གི་མིང་།
Tibet University
སློབ་གླུ།
ལང་ཚོའི་གཟི་མདངས་འདི་ནས་འཕྲོ་རུ་ཆུགས།
བཙུགས་ལོ།
1985ལོ།
འབུམ་རམས་པའི་ཐོབ་ཐང་སྤྲོད་གནས།
12ཡོད།
རིགས་དབྱེ།
གཞུང་བཙུགས་སློབ་ཆེན།
རབ་འབྱམས་པའི་ཐོབ་ཐང་སྤྲོད་གནས།
46ཡོད།
སློབ་གྲྭའི་རྣམ་པ།
ཕྱོགས་བསྡུས་སློབ་ཆེན།
སློབ་གླིང་གཙོ་བོ།
རྩོམ་རིག་སློབ་གླིང་། རྩིས་ཚན་སློབ་གླིང་། བཟོ་རིག་སློབ་གླིང་སོགས།
ཁོངས་གཏོགས་ས་ཁུལ།
ཀྲུང་གོའི་བོད་ལྗོངས་ཀྱི་ལྷ་ས་གྲོང་ཁྱེར།
རྒྱལ་ཁབ་ཀྱི་གཙོ་གྱུར་རིག་ཚན།
1ཡོད།
གཙོ་གཉེར་ལས་ཁུངས།
བོད་ལྗོངས་མི་དམངས་སྲིད་གཞུང་།
སློབ་གྲྭའི་ས་གནས།
བོད་ལྗོངས་ལྷ་ས་གྲོང་ཁྱེར་ཅང་སུའུ་ལམ་གྱི་སྒོ་རྟགས་ཨང36པ།
ལས་ཐོག་སློབ་གཙོ།
ཕུར་བུ་ཚེ་རིང་།
སློབ་གྲྭའི་ཚབ་ཨང་།
10694
གཞུང་ཕྱོགས་དྲ་གནས།
www.utibet.edu.cn
1 ལོ་རྒྱུས་འཕེལ་རིམ།

བོད་ལྗོངས་སློབ་གྲྭ་ཆེན་མོ་ནི་ཐོག་མར་སྤྱི་ལོ1951ལོའི་བོད་ཡིག་ལས་བྱེད་པའི་ཟབ་སྦྱོང་འཛིན་གྲྭ་ནས་དབུ་ཚུགས་པ་ཡིན་ཞིང༌། 1985ལོའི་ཟླ7པར། བོད་ལྗོངས་སློབ་ཆེན་དངོས་སུ་བཙུགས། 1999ལོའི་ཚུན་ལ་བོད་ལྗོངས་སྒྱུ་རྩལ་སློབ་གླིང་དང་། བོད་ལྗོངས་གསོ་རིག་ཆེད་སྦྱོང་སློབ་གྲྭ། བོད་ལྗོངས་མི་རིགས་སློབ་གླིང་གི་སྨན་བཅོས་སྡེ་ཁག བོད་ལྗོངས་ནོར་སྲིད་དཔལ་འབྱོར་སློབ་གྲྭ་སོགས་སྔ་རྗེས་སུ་བོད་ལྗོངས་སློབ་ཆེན་གྱི་ཁོངས་སུ་བསྡུས།

2001ལོའི་ཟླ9པར། བོད་ལྗོངས་ཞིང་ཕྱུགས་སློབ་གླིང་དེ་ཡང་བོད་ལྗོངས་སློབ་ཆེན་གྱི་ཁོངས་སུ་བསྡུས་ནས། བོད་ལྗོངས་སློབ་ཆེན་ཞེས་པའི་མིང་སོར་བཞག་བྱས། 2004ལོར་སློབ་གསོ་པུའུ་དང་བོད་ལྗོངས་གཉིས་ཀྱི་མཉམ་སྐྲུན་སློབ་ཆེན་དུ་བསྒྱུར། 2008ལོར། “ལས་གྲྭ211”གི་རིམ་པ་གསུམ་པའི་འཛུགས་སྐྲུན་དུ་ཚུད།   2013ལོའི་ཟླ5པར་དབུས་རྒྱུད་དང་ནུབ་རྒྱུད་ཀྱི་མཐོ་རིམ་སློབ་གསོ་དར་སྤེལ་འཆར་གཞི་ཁྲོད་བདམས་པ་དང་། 2013ལོའི་ཟླ7པར་འབུམ་རམས་པའི་ཐོབ་ཐང་དབང་སྤྲོད་ལས་ཁུངས་ཀྱི་ཆོག་མཆན་ཐོབ།

2 སློབ་སྒྲུབ་ཆ་རྐྱེན།

བོད་ལྗོངས་སློབ་ཆེན་ལ་ད་ལྟ་ལྷ་སའི་སློབ་ཁུལ་དང་ཉིང་ཁྲིའི་སློབ་ཁུལ་བཅས་གཉིས་སུ་བཀར་ཡོད་ལ། ལྷ་སའི་སློབ་ཁུལ་ལ་སློབ་ཁུལ་གསར་བ་དང་། སློབ་ཁུལ་རྙིང་བ། གསོ་རིག་སློབ་གླིང་གི་སློབ་ཁུལ། ནོར་སྲིད་དཔལ་འབྱོར་སློབ་གླིང་གི་སློབ་ཁུལ་བཅས་སུ་བཀར་ཡོད། སྤྱིའི་རྒྱ་ཁྱོན་ཡོངས་སྨི་གྲུ་བཞི་མ་ཁྲི93.6ཡོད་པའི་ཁྲོད་འཛུགས་སྐྲུན་རྒྱ་ཁྱོན་གྱིས་སྨི་གྲུ་བཞི་མ་ཁྲི42.4ཟིན་པ་དང༌། སློབ་སྒྲུབ་ཚན་རིག་ཞིབ་འཇུག་གི་སྒྲིག་ཆས་ཀྱི་སྤྱིའི་རིན་ཐང་སྒོར་དུང་ཕྱུར2.25སླེབས་ཡོད་པ་དང་། དཔེ་མཛོད་ཁང་དུ་བསྡོམས་པས་དཔེ་དེབ་ཁྲི104ལྷག་ཉར་ཡོད།

སློབ་གྲྭར་རྩོམ་རིག་སློབ་གླིང་དང༌། རྩིས་ཚན་སློབ་གླིང༌། བཟོ་རྩལ་སློབ་གླིང༌། སྲིད་ཁྲིམས་སློབ་གླིང་། གསོ་རིག་སློབ་གླིང༌། དཔལ་འབྱོར་དོ་དམ་སློབ་གླིང༌། ཡུལ་སྐོར་དང་ཕྱི་སྐད་སློབ་གླིང༌། སྒྱུ་རྩལ་སློབ་གླིང༌། དགེ་འོས་སློབ་གླིང༌། རྒྱུན་མཐུད་སློབ་གསོའི་སློབ་གླིང༌། ཀྲུང་དབྱང་གློག་འཕྲིན་སློབ་ཆེན་བོད་ལྗོངས་སློབ་གླིང་བཅས་ཁྱོན་བསྡོམས་སློབ་གླིང14ཡོད་ཅིང་། དངོས་གཞིའི་ཆེད་ལས50དང་། རབ་འབྱམས་པའི་ཐོབ་ཐང་སྤྲོད་པའི་རིམ་གཉིས་རིག་ཚན30དང་རབ་འབྱམས་པའི་ཐོབ་ཐང་སྤྲོད་པའི་རིམ་གཅིག་རིག་ཚན7ཡོད། འབུམ་རམས་པའི་ཐོབ་ཐང་སྤྲོད་པའི་རིམ་གཉིས་རིག་ཚན12དང་འབུམ་རམས་པའི་ཐོབ་ཐང་སྤྲོད་པའི་རིམ་གཅིག་རིག་ཚན3ཡོད།

སློབ་ཆེན་འདི་རུ་དགེ་རྒན་དང་ལས་བཟོ་བ་མི1119ཡོད་པ་དང་། རིགས་སོ་སོའི་སློབ་མ་མི་ཁྲི2.8ཡོད་པ་ལས། དངོས་གཞི་དང་ཆེད་སྦྱོང་སློབ་མ་མི9417དང་། རབ་འབྱམས་པ་མི581། འབུམ་རམས་པ་མི23། དར་མའི་སློབ་མ་མི་ཁྲི1.8བཅས་ཡོད།

དགེ་རྒན་དང་ལས་བཟོ་བ་མི1119ཡི་ཁྲོད་ཆེད་བསྐོས་དགེ་རྒན་མི822ཡོད། ཆེད་བསྐོས་དགེ་རྒན་ལས་འབུམ་རམས་པའི་ཐོབ་ཐང་ཅན་མི45ཡོད་པ་དེས་བསྡོམས་འབོར་གྱི5.5%ཟིན་ཡོད། རམས་འབྱམས་པའི་དགེ་རྒན་མི445ཡོད་པ་དེས་བསྡོམས་འབོར་གྱི54.1%ཟིན་ཡོད། དགེ་རྒན་ཆེན་མོ་མི55ཡོད་པ་དེས་བསྡོམས་འབོར་གྱི6.7%ཟིན་ཡོད། དགེ་རྒན་ཆེན་མོ་གཞོན་པ་མི244ཡོད་པ་དེས་བསྡོམས་འབོར་གྱི29.7%ཟིན་ཡོད།

3 རིག་ཚན་འཛུགས་སྐྲུན།

2013ལོའི་ཟླ8པའི་བར་དུ། བོད་ལྗོངས་སློབ་ཆེན་དུ་རྒྱལ་ཁབ་རིམ་པའི་གཙོ་གྱུར་རིག་ཚན1དང་། རང་སྐྱོང་ལྗོངས་རིམ་པའི་གཙོ་གྱུར་རིག་ཚན14ཡོད། འབུམ་རམས་པའི་ཐོབ་ཐང་སྤྲོད་པའི་རིམ་གཉིས་རིག་ཚན12དང་འབུམ་རམས་པའི་ཐོབ་ཐང་སྤྲོད་པའི་རིམ་གཅིག་རིག་ཚན3ཡོད། རབ་འབྱམས་པའི་ཐོབ་ཐང་སྤྲོད་པའི་རིམ་གཉིས་རིག་ཚན30དང་རབ་འབྱམས་པའི་ཐོབ་ཐང་སྤྲོད་པའི་རིམ་གཅིག་རིག་ཚན7ཡོད། ཆེད་ལས་ཀྱི་རབ་འབྱམས་པའི་ཐོབ་ཐང་སྤྲོད་གནས2། དངོས་གཞིའི་ཆེད་ལས་སུ་དཔལ་འབྱོར་རིག་པ་དང་། བཅའ་ཁྲིམས་རིག་པ། སློབ་གསོ་རིག་པ། རྩོམ་རིག ལོ་རྒྱུས་རིག་པ། རྩིས་ཚན་རིག་པ། བཟོ་རྩལ་རིག་པ། གསོ་རིག དོ་དམ་རིག་པ། སྒྱུ་རྩལ་རིག་པ་བཅས་རིག་ཚན10ཡོད།

(1)རྒྱལ་ཁབ་རིམ་པའི་གཙོ་གྱུར་རིག་ཚན། ཀྲུང་གོའི་གྲངས་ཉུང་མི་རིགས་ཀྱི་སྐད་ཡིག་དང་རྩོམ་རིག(བོད་ཀྱི་སྐད་ཡིག་དང་རྩོམ་རིག)

(2)རང་སྐྱོང་ལྗོངས་རིམ་པའི་གཙོ་གྱུར་རིག་ཚན། ཀྲུང་གོའི་གྲངས་ཉུང་མི་རིགས་ཀྱི་སྐད་ཡིག་དང་རྩོམ་རིག ཀྲུང་གོའི་གྲངས་ཉུང་མི་རིགས་ཀྱི་ལོ་རྒྱུས། མཛེས་རྩལ། རོལ་མོ། སྲིད་འཛིན་དོ་དམ། རྩིས་འཁོར་གྱི་ཉེར་སྤྱོད་ལག་རྩལ། དངོས་ལུགས། ཕྱི་ནད། སྐྱེ་ཁམས། ནགས་ལས་གསོ་སྤེལ། ཆུ་བེད་དང་ཆུ་གློག་བཟོ་གྲྭ། ཕྱུགས་སྨན། རྨོ་འདེབས་བཅས་ཡོད།

(3)འབུམ་རམས་པའི་ཐོབ་ཐང་སྤྲོད་པའི་རིམ་གཅིག་རིག་ཚན། མི་རིགས་རིག་པ་དང་། ཀྲུང་གོའི་སྐད་བརྡ་དང་རྩོམ་རིག སྐྱེ་ཁམས་རིག་པ།

(4)འབུམ་རམས་པའི་ཐོབ་ཐང་སྤྲོད་པའི་རིམ་གཉིས་རིག་ཚན། ཀྲུང་གོའི་གྲངས་ཉུང་མི་རིགས་ཀྱི་སྐད་ཡིག་དང་རྩོམ་རིག(བོད་ཀྱི་སྐད་ཡིག་དང་རྩོམ་རིག)དང་། བོད་ཀྱི་སྐད་དང་ཡི་གེ། བོད་སྐད་ཀྱི་རྩིས་འཁོར་སྐད་བརྡ་རིག་པ། ཀྲུང་གོའི་གནས་རབས་རྩོམ་རིག ཀྲུང་གོའི་གྲངས་ཉུང་མི་རིགས་ཀྱི་ལོ་རྒྱུས། ཀྲུང་གོའི་གྲངས་ཉུང་མི་རིགས་ཀྱི་སྒྱུ་རྩལ(བོད་ཀྱི་མཛེས་རྩལ)། ཀྲུང་གོའི་གྲངས་ཉུང་མི་རིགས་ཀྱི་སྒྱུ་རྩལ(བོད་ཀྱི་རོལ་མོ)། ཀྲུང་གོའི་གྲངས་ཉུང་མི་རིགས་ཀྱི་དཔལ་འབྱོར(བོད་ལྗོངས་དཔལ་འབྱོར)། མཐོ་སྒང་གི་སྐྱེ་ཁམས་མ་ལག་དང་སྐྱེ་དངོས་ཚོམ་བུའི་སྐྱེ་ཁམས་རིག་པ། མཐོ་སྒང་གི་སྐྱེ་དངོས་སྣ་མང་རང་བཞིན་དང་ཐོན་ཁུངས་བེད་སྤྱོད། མཐོ་སྒང་གི་སྐྱེ་ཁམས་སླར་གསོ་དང་རྒྱུན་མཐུད་འཕེལ་རྒྱས། མཐོ་སྒང་གི་སྐྱེ་ཁམས་བདེ་འཇགས་དཔྱད་འཇོག་དང་རང་བྱུང་སྲུང་སྐྱོབ་ས་ཁུལ་གྱི་དོ་དམ་བཅས་ཡོད།

(5)རབ་འབྱམས་པའི་ཐོབ་ཐང་སྤྲོད་པའི་རིམ་གཅིག་རིག་ཚན། མི་རིགས་རིག་པ། སློབ་གསོ་རིག་པ། ཀྲུང་གོའི་སྐད་བརྡ་དང་རྩོམ་རིག རྩིས་འཁོར་གྱི་ཚན་རིག་དང་ལག་རྩལ། རོལ་མོ་དང་ཞབས་བྲོ། མཛེས་རྩལ། སྐྱེ་དངོས་བཅས་ཡོད།

(6)རབ་འབྱམས་པའི་ཐོབ་ཐང་སྤྲོད་པའི་རིམ་གཉིས་རིག་ཚན། མར་ཁེ་སིའི་རིང་ལུགས་ཀྱི་མི་རིགས་གཞུང་ལུགས་དང་སྲིད་ཇུས། ཀྲུང་གོའི་གྲངས་ཉུང་མི་རིགས་ཀྱི་དཔལ་འབྱོར། ཀྲུང་གོའི་གྲངས་ཉུང་མི་རིགས་ཀྱི་ལོ་རྒྱུས། ཀྲུང་གོའི་གྲངས་ཉུང་མི་རིགས་ཀྱི་སྒྱུ་རྩལ། མི་རིགས་བཅའ་ཁྲིམས། སློབ་གསོ་རིག་པ། བསླབ་ཚན་དང་སློབ་ཁྲིད་གཞུང་ལུགས། སློབ་གསོ་སེམས་ཁམས་རིག་པ། ན་ཆུང་བྱིས་པའི་རྩ་འཛུགས་དང་བསམ་བློའི་སློབ་གསོ། ཀྲུང་གོའི་གནའ་རབས་རྩོམ་རིག ཀྲུང་གོའི་གྲངས་ཉུང་མི་རིགས་ཀྱི་སྐད་བརྡ་དང་རྩོམ་རིག སྐྱེ་དངོས་རིག་པ། སྲོག་ཆགས་རིག་པ། སྐྱེ་དངོས་ཕྲ་རབ་ཀྱི་རིག་པ། སྐྱེ་དངོས་རྫས་འགྱུར་དང་འདུས་རྡུལ་སྐྱེ་དངོས་རིག་པ། སྐྱེ་དངོས་དངོས་ལུགས་རིག་པ། རྩིས་འཁོར་རྒྱུད་ཁོངས་ཀྱི་སྒྲིག་གཞི། རྩིས་འཁོར་མཉེན་ཆས་དང་གཞུང་ལུགས། རྩིས་འཁོར་ཉེར་སྤྱོད་ལག་རྩལ། སྲིད་འཛིན་དོ་དམ། རོལ་མོ་དང་ཞབས་བྲོ་རིག་པ། མཛེས་རྩལ་རིག་པ། སློབ་གསོ་དོ་དམ། རིག་གཞུང་སློབ་ཁྲིད་ལས་རྒྱའི་སྐད་ཡིག རིག་གཞུང་སློབ་ཁྲིད་ལས་བོད་སྐད་ཡིག  རིག་གཞུང་སློབ་ཁྲིད་ལས་རྩིས་རིག རིག་གཞུང་སློབ་ཁྲིད་ལས་ས་ཁམས། རིག་གཞུང་སློབ་ཁྲིད་ལས་རོལ་དབྱངས། རིག་གཞུང་སློབ་ཁྲིད་ལས་མཛེས་རྩལ་བཅས་འདུ།

(7)ཆེད་ལས་ཀྱི་རབ་འབྱམས་པའི་ཐོབ་ཐང་སྤྲོད་གནས། སློབ་གསོའི་རབ་འབྱམས་པ། སྒྱུ་རྩལ་གྱི་རབ་འབྱམས་པ།

4 སློབ་ཁྲིད་འཛུགས་སྐྲུན།

(1)རྒྱལ་ཁབ་རིམ་པའི་སློབ་ཁྲིད་དཔུང་སྡེ། བོད་ཀྱི་སྐད་ཡིག་དང་རྩོམ་རིག་ཆེད་ལས་ཀྱི་སློབ་ཁྲིད་དཔུང་སྡེ་དང་། རྩིས་འཁོར་དང་བོད་ཡིག་ཆ་འཕྲིན་ལག་རྩལ་སློབ་ཁྲིད་དཔུང་སྡེ།

(2)རྒྱལ་ཡོངས་མཐོ་རིམ་སློབ་གྲྭའི་ཁྱད་ཆོས་ཅན་གྱི་ཆེད་ལས་འཛུགས་སྐྲུན་གནས། རྩིས་རིག་དང་ཉེར་སྤྱོད་རྩིས་རིག(དགེ་ཐོན་སློབ་གསོ)། ཞིང་ལས་རིག་པ(སྐྱེ་དངོས་ཐོན་སྐྱེད་རིགས)། མཛེས་རྩལ་རིག་པ།  ནགས་ལས་རིག་པ། རོལ་མོའི་རིག་པ། སྲོག་ཆགས་རིག་པ། ནད་ཐོག་སྨན་བཅོས་བཅས་འདུ།

(3)རྒྱལ་ཁབ་རིམ་པའི་སློབ་ཁྲིད་ཚོད་ལྟའི་དཔེ་སྟོན་ལྟེ་གནས། ཆ་འཕྲིན་ལག་རྩལ་ཚོད་ལྟའི་སློབ་ཁྲིད་ལྟེ་གནས།

(4)རྒྱལ་ཁབ་རིམ་པའི་མཆོག་གྱུར་བསླབ་ཚན། མར་ཁེ་སིའི་རིང་ལུགས་ཀྱི་མེས་རྒྱལ་གྱི་ལྟ་ཚུལ་དང་། མི་རིགས་ཀྱི་ལྟ་ཚུལ། ཆོས་ལུགས་ཀྱི་ལྟ་ཚུལ། རིག་གནས་ཀྱི་ལྟ་ཚུལ་སློབ་གསོའི་སྤྱི་བཤད་བཅས་སོ། །

5 ཞིབ་འཇུག་སྡེ་ཁག

སློབ་གྲྭའི་ནང་དུ《གེ་སར་སྒྲུང》ཞིབ་འཇུག་ཁང་དང༌། བོད་རིགས་ཀྱི་སྒྱུ་རྩལ་ཞིབ་འཇུག་ཁང༌། བོད་ལྗོངས་མི་འབོར་ཞིབ་འཇུག་ཁང༌། ཁོར་ཡུག་དངོས་ཁམས་ཞིབ་འཇུག་ཁང༌། སྲོག་ཆགས་སྐྱེ་ཁམས་ཞིབ་འཇུག་ཁང༌། སློབ་གསོ་སེམས་ཁམས་ཞིབ་འཇུག་ཁང༌། དཔལ་འབྱོར་ཞིབ་འཇུག་ཁང༌། རྩིས་ཚན་སློབ་གསོ་ཞིབ་འཇུག་ཁང་བཅས་སློབ་གྲྭ་རིམ་པའི་ཚན་རིག་ཞིབ་འཇུག་གི་ལས་ཁུངས8ཡོད། 2000ལོར། སི་ཁྲོན་སློབ་གྲྭ་ཆེན་མོ་དང་མཉམ་འབྲེལ་བྱས་པའི“ཀྲུང་གོའི་བོད་རིག་པ་ཞིབ་འཇུག་ཁང”དེ་སློབ་གསོ་པུའི་མི་རིགས་སྤྱི་ཚོགས་ཚན་རིག་གི་ཞིབ་འཇུག་ལྟེ་གནས་སུ་གཏན་འབེབས་བྱས་པ་དང༌། 2001ལོར“མཐོ་སྒང་འཇིག་རྟེན་ཐིག་རིས་ལྟ་ཞིབ་ཁང”དེ་བོད་རང་སྐྱོང་ལྗོངས་རིམ་པའི་ཞིབ་འཇུག་ལྟེ་གནས་སུ་གཏན་འབེབས་བྱས། 2004ལོར་ཚོད་ལྟ་ཁང་དེ་གཉིས་སློབ་གསོ་པུའི་ལྟེ་གནས་ཞིབ་འཇུག་ཁང་དུ་གཏན་འབེབས་བྱས་པ་རེད། སློབ་གྲྭར་ད་ལྟ་བོད་རིག་པའི་ཆེད་ལས་མི་སྣའི་དཔུང་ཁག་ཅིག་ཆགས་ཡོད་པར་མ་ཟད། 《གེ་སར་སྒྲུང》དང༌། བོད་ཀྱི་ལོ་རྒྱུས་དང༌། སྐད་ཡིག རྩོམ་རིག རོལ་དབྱངས། མཛེས་རྩལ་སོགས་ཀྱི་ཞིབ་འཇུག་གི་ཁྱབ་ཁོངས་ནང་གཡུར་དུ་ཟ་བའི་གྲུབ་འབྲས་ཐོབ་ཡོད།


དཔྱད་གཞིའི་ཡིག་ཆ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:5  སྔ་མའི་པར་གཞི།

ཉེ་ཆར་དག་བཅོས།:2016-06-01

གསར་སྤེལ་མཁན། :བདེ་ཆེན་མཚོ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།