ཧ་ཝར་ཊི་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཧ་ཝར་ཊི་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ
དེབ་འདི་ནི་རྩོམ་པ་པོ་ཝེ་ཞུའུ་ཡེའུ་ཡིས་ཆེད་དུ་ཧ་ཝར་ཊི་སློབ་ཆེན་གྱི་སློབ་གཉེར་བ་རྣམས་ཀྱི་ཉིན་རྒྱུན་གྱི་དཔེ་ཀློག་རྣམ་པ་ལ་དམིགས་ནས་བརྩམས་པ་ཞིག་ཡིན་ལ། འདི་ལས་གཙོ་བོ་ཧ་ཝར་ཊི་གཙུག་ལག་སློབ་ཆེན་གྱི་དཔེ་ཀློག་རྣམ་པ་ཞིབ་འབྲི་བྱས་པ་བརྒྱུད་ནས། རང་རེའི་རྒྱལ་ཁབ་ཀྱི་སློབ་ཆེན་གང་དུའང་ལེགས་འགྲུབ་འབྱུང་དཀའ་ལ། ཧ་ཝར་ཊིའི་སློབ་གཉེར་བ་རྣམས་ཀྱི་མདུན་ལམ་དང་ལས་དབང་ལ་ཁ་ལོ་བསྒྱུར་བའི་བཟློག་མེད་ཀྱི་ཆོས་ཉིད་ཅིག་གསལ་སྟོན་གནང་ཞིང་། རླབས་ཆེན་གྱི་ཚན་རིག་པ་ཨན་ཟི་ཐན་ལགས་ཀྱིས་གསུངས་པའི“མི་ཡི་བར་གྱི་ཁྱད་པར་ནི་ལས་ཞོར་དུས་ཚོད་སྟེང་བྱུང་བ་ཡིན”ཞེས་པའི་བདེན་ལུགས་དེ་ངོ་སྤྲོད་དང་འགྲེལ་བཤད་མཛད་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
哈佛凌晨四点半
རིགས།
དཔེ་དེབ།
རྩོམ་པ་པོ།
ཝེ་ཞུའུ་ཡེའུ།
ཡིག་བསྒྱུར་མཁན།
རུ་མང་ཀླུ་མཁར་རྒྱལ།
1 ​ ངོ་སྤྲོད།

དཔེ་དེབ་འདི་རྩོམ་པ་པོ་ཝེ་ཞུའུ་ཡེའུ་ཡིས་ཆེད་དུ་ཧ་ཝར་ཊི་སློབ་ཆེན་གྱི་སློབ་གཉེར་བ་རྣམས་ཀྱི་ཉིན་རྒྱུན་གྱི་དཔེ་ཀློག་རྣམ་པ་ལ་དམིགས་ནས་བརྩམས་པ་ཞིག་ཡིན་ལ། འདི་ལས་གཙོ་བོ་ཧ་ཝར་ཊི་གཙུག་ལག་སློབ་ཆེན་གྱི་དཔེ་ཀློག་རྣམ་པ་ཞིབ་འབྲི་བྱས་པ་བརྒྱུད་ནས། རང་རེའི་རྒྱལ་ཁབ་ཀྱི་སློབ་ཆེན་གང་དུའང་ལེགས་འགྲུབ་འབྱུང་དཀའ་ལ། ཧ་ཝར་ཊིའི་སློབ་གཉེར་བ་རྣམས་ཀྱི་མདུན་ལམ་དང་ལས་དབང་ལ་ཁ་ལོ་བསྒྱུར་བའི་བཟློག་མེད་ཀྱི་ཆོས་ཉིད་ཅིག་གསལ་སྟོན་གནང་ཞིང་། རླབས་ཆེན་གྱི་ཚན་རིག་པ་ཨན་ཟི་ཐན་ལགས་ཀྱིས་གསུངས་པའི“མི་ཡི་བར་གྱི་ཁྱད་པར་ནི་ལས་ཞོར་དུས་ཚོད་སྟེང་བྱུང་བ་ཡིན”ཞེས་པའི་བདེན་ལུགས་དེ་ངོ་སྤྲོད་དང་འགྲེལ་བཤད་མཛད་ཡོད།

2 དཀར་ཆག


.jpg

.jpg

.jpg

.jpg

.jpg

3 ནང་དོན།

དཔེ་དེབ་འདིར་ཁྱོན་བསྡོམས་པས་ལེའུ་བཅུ་རུ་ཕྱེས་ཡོད་ལ། ལེའུ་རེ་རེའི་ནང་དུ་སྐྱེ་བོ་སུ་ཞིག་གིས་རང་གི་མི་ཚེའི་དམིགས་འདུན་དང་ཕུགས་བསམ་དག་བརྩོན་ལེན་དང་ལེགས་འགྲུབ་འབྱུང་བའི་མན་ངག་རེ་གསལ་བཤད་བྱས་ཏེ། ཧ་ཝར་ཊི་ནི་ལྷ་སྒྲུང་ཞིག་མ་ཡིན་པར་དེ་ནི་བདེན་དཔང་ཞིག་སྟེ། མི་སུ་ཞིག་གི་བློ་སྤོབས་དང་བརྩོན་སེམས། ཕུགས་བསམ་ལ་སོགས་ཀྱི་བདེན་དཔང་ཞིག་ཡིན་པ་ར་སྤྲོད་གནང་ཡོད། དཔེ་དེབ་འདི་ལས་ཧ་ཝར་ཊི་སློབ་ཆེན་ལ་ཆེད་དུ་མངའ་བའི་སྙིང་སྟོབས་དང་སྤོབས་སེམས་ལས་འཕྲོས་ཤིང་བརྩོན་སེམས་དང་གཤིས་རྒྱུད་སོགས་གསོ་སྐྱོང་གནང་བ་ལས་ཞུགས་ཏེ། ཕུགས་འདུན་དང་ལ་རྒྱ། རང་གཤིས། གོམས་སྲོལ། ཤེས་རབ་ལ་སོགས་པའི་ཆ་ནས་ལོ་ཆུང་ན་གཞོན་རྣམས་མི་ཚེའི་ཡང་རྩེ་རུ་ཡར་འདྲེན་དང་སྐུལ་མ་བཏང་ཡོད།

4 ལོ་ཙཱ་བ།

རུ་མང་ཀླུ་མཁར་རྒྱལ་ནི་མཚོ་སྔོན་པོའི་བྱང་འགྲམ་གྱི་གཡུ་གཞོང་རྐང་ཚ་རུ་སྐྱེས་ཤིང་སློབ་གྲྭ་ཆུང་འབྲིང་རིམ་པར་འགྲིམས་ཏེ། ད་ལྟ་མཚོ་སྔོན་མི་རིགས་སློབ་ཆེན་བོད་རིག་པའི་སློབ་གླིང་གི་བོད་སྐད་ཡིག་རྩོམ་རིག་ཆེད་ལས་ཀྱི་རྒྱ་བོད་ལོ་ཙཱའི་ཁ་ཕྱོགས་ལ་སློབ་གཉེར་བྱེད་བཞིན་མཆིས་ལ། མཚོ་སྔོན་མི་རིགས་རྩོམ་རིག་ལོ་ཙཱའི་མཐུན་ཚོགས་ཀྱི་ཚོགས་མི་ཡིན། སྤྱི་ལོ2016ལོར་ཡུན་ནན་མི་རིགས་དཔེ་སྐྲུན་ཁང་ནས་འགྱུར་རྩོམ་ཕྱོགས་བཏུས《འཚོ་བའི་རྩུབ་ཤ་འཇམ་ཤ》ཞེས་པ་པར་དུ་བཏབ་ཅིང་། སྤྱི་ལོ2017ལོར་པེ་ཅིན་དཔེ་སྐྲུན་ཁང་ནས《ང་ནི་མཱ་ལཱ་ལཱ་ཡིན》(མཉམ་དུ་བསྒྱུར)ཞེས་པ་པར་དུ་བཏབ། ད་ལྟའི་བར་དུ་འགྱུར་རྩོམ་བརྒྱད་ཅུར་ཉེ་བ་ཞིག《མཚོ་སྔོན་བོད་ཡིག་གསར་འགྱུར》དང《ཁྲིམས་ལུགས་ཚགས་པར》དང《མདོ་ལ་ཚགས་པར》དང《མང་ཆུ》དང《མང་རྫོང་སློབ་གསོ་ལྟ་སྐུལ》དང《རྨ་ལྷོ་བོད་ཡིག་ཚགས་པར》དང《གངས་དཀར་རི་བོ》དང《ཉི་ཟླ་རི་བོ》དང《ཀན་ལྷོ་བོད་ཡིག་ཚགས་པར》དང《རྔ་བའི་གསར་འགྱུར》དང《གུར་ཀུམ་ཆུན་པོ》དང《གངས་རྒྱན་ན་ཆུང་ཚགས་པར》དང《མཚོ་སྔོན་པོ་རྩོམ་རིག་སྒྱུ་རྩལ》དང《ན་གཞོན་གསར་བ》སོགས་སུ་སྤེལ་ཡོད། ཉེ་ལམ་སི་ཁྲོན་མི་རིགས་དཔེ་སྐྲུན་ཁང་ནས《ཧ་ཝར་ཊི་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ》ཞེས་པ་པར་དུ་བཏབ། ད་ལྟ《རོ་ཁི་ཧྥེ་ལིར་གྱིས་བུ་ལ་སྤྲིངས་པའི་འཕྲིན་ཡིག་སོ་བརྒྱད་མ》བོད་འགྱུར་གྱི་ལས་ལ་གཞོལ་བཞིན་ཡོད། 


དཔྱད་གཞིའི་ཡིག་ཆ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2019-01-21

གསར་སྤེལ་མཁན། :བླ་མ་གཡང་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།