སི་ཏེན།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

སི་ཏེན།
སི་ཏེན་ནི། Rolf Alfred Stein (1911-1999)ཧྥ་རན་སིའི་སྙན་གྲགས་ཆེ་བའི་བོད་རིག་པའི་མཁས་པ་ཞིག་ཡིན། ཁོང་ནི་འཇར་མན་གྱི་སི་ཝེ་ཙིའི་ཇེའུ་མི་རིགས་ཀྱི་ཁྱིམ་ཚང་ཞིག་ཏུ་འཁྲུངས་ཤིང་། ན་གཞོན་སྐབས་སུ་འཇར་མན་སྦིར་ལིན་སློབ་ཆེན་ཏུ་རྒྱ་ཡིག་ཆེད་སྦྱོང་བྱས་ཏེ་སློབ་མཐར་ཕྱིན། སྤྱི་ལོ1933ལོར་འཇར་མན་གྱི་ཧྥ་ཤི་སི་ལས་གཡོལ་ཆེད་དུ་ཧྥ་རན་སིར་འོངས་བ་དང་། ཕྱི་ལོར་ཧྥ་རན་སིའི་རྒྱལ་གཉེར་ཤར་ཕྱོགས་དེང་རབས་སྐད་བརྡའི་སློབ་གླིང་དུ་ཆས་ནས། རྒྱ་རིག་པའི་མཁས་ཆེན་གྷོ་ལན་ཡཱན(Marcel Granet)དགེ་རྒན་དུ་བསྟེན་ནས་མུ་མཐུད་དུ་རྒྱ་ཡིག་སྦྱངས་ཤིང་། ཞོར་ལ་སྐུ་ཞབས་ཇ་ཁེ་བྷ་ཁོ(Jacques Bacot)དང་མཱར་སེ་ལེ་ལཱ་ལོའུ(Marcelle Lalou)རྣམ་གཉིས་ཀྱི་མཛུབ་སྟོན་འོག་བོད་ཡིག་སྦྱངས། སློབ་མཐར་ཕྱིན་རྗེས་ཧྥ་རན་སིའི་རྒྱའི་རིག་པ་ཞིབ་འཇུག་ཁང་དུ་ཕྱག་ལས་གཉེར།
གཞི་རྩའི་གནས་ཚུལ།

རྒྱ་ཡིག་གི་མིང་།
石泰安
ཁོངས་གཏོགས།
ཧྥ་རན་སིའི་སྙན་གྲགས་ཆེ་བའི་བོད་རིག་པའི་མཁས་པ།
ཕྱི་ཡིག་གི་མིང་།
Rolf Alfred Stein
རྒྱལ་ཁབ།
འཇར་མན།
འཁྲུངས་འདས་ལོ།
སྤྱི་ལོ(1911-1999)
1 ​ངོ་སྤྲོད།

སི་ཏེན་ནི། Rolf Alfred Stein (1911-1999)ཧྥ་རན་སིའི་སྙན་གྲགས་ཆེ་བའི་བོད་རིག་པའི་མཁས་པ་ཞིག་ཡིན། ཁོང་ནི་འཇར་མན་གྱི་སི་ཝེ་ཙིའི་ཇེའུ་མི་རིགས་ཀྱི་ཁྱིམ་ཚང་ཞིག་ཏུ་འཁྲུངས་ཤིང་། ན་གཞོན་སྐབས་སུ་འཇར་མན་སྦིར་ལིན་སློབ་ཆེན་ཏུ་རྒྱ་ཡིག་ཆེད་སྦྱོང་བྱས་ཏེ་སློབ་མཐར་ཕྱིན། སྤྱི་ལོ1933ལོར་འཇར་མན་གྱི་ཧྥ་ཤི་སི་ལས་གཡོལ་ཆེད་དུ་ཧྥ་རན་སིར་འོངས་བ་དང་། ཕྱི་ལོར་ཧྥ་རན་སིའི་རྒྱལ་གཉེར་ཤར་ཕྱོགས་དེང་རབས་སྐད་བརྡའི་སློབ་གླིང་དུ་ཆས་ནས།  རྒྱ་རིག་པའི་མཁས་ཆེན་གྷོ་ལན་ཡཱན(Marcel Granet)དགེ་རྒན་དུ་བསྟེན་ནས་མུ་མཐུད་དུ་རྒྱ་ཡིག་སྦྱངས་ཤིང་། ཞོར་ལ་སྐུ་ཞབས་ཇ་ཁེ་བྷ་ཁོ(Jacques Bacot)དང་མཱར་སེ་ལེ་ལཱ་ལོའུ(Marcelle Lalou)རྣམ་གཉིས་ཀྱི་མཛུབ་སྟོན་འོག་བོད་ཡིག་སྦྱངས། སློབ་མཐར་ཕྱིན་རྗེས་ཧྥ་རན་སིའི་རྒྱའི་རིག་པ་ཞིབ་འཇུག་ཁང་དུ་ཕྱག་ལས་གཉེར།

2 བྱ་བའི་བརྒྱུད་རིམ། 

འཛམ་གླིང་དམག་ཆེན་གཉིས་པའི་སྐབས་སུ། སི་ཏེན་རྒྱ་གར་དང་ཀྲུང་གོའི་ས་མཚམས་སུ་རི་འགོག་དམག་འཁྲུག་ལ་ཞུགས་མྱོང་ལ། སྔ་གཞུག་ཏུ་སྒྱོགས་དམག་དང་ཧྥ་རན་སིའི་དམག་སྤྱི་པུའུ་གཉིས་ལ་ལོ་ཙཱ་བྱས་མྱོང་པ་དང་། བར་སྐབས་ཤིག་ལ་ཉི་ཧོང་བཙན་འཛུལ་དམག་གི་བཙོན་པར་ཡང་འགྱུར་མྱོང་། སྤྱི་ལོ1946ལོར། ཁོང་ཧྥ་རན་སིའི་ཤར་མཐའི་སློབ་གླིང་གི་ཞིབ་འཇུག་པའི་ཚུལ་གྱིས་ལས་གནས་བསྐྱར་གསོ་བྱས་ཤིང་། སློབ་གླིང་གིས་ཁོ་རང་ཀྲུང་གོའི་ཁུན་མིང་དང་ཁྲེང་ཏུ། པེ་ཅིང་དང་ནང་སོག་སོགས་སུ་མངགས་ནས་བརྟག་དཔྱད་ཞིབ་འཇུག་གི་འགན་བགོས་ཤིང་ཕྱིས་སུ་པེ་ཅིང་གི་རྒྱའི་རིག་པ་ཞིབ་འཇུག་ཁང་དུ་བྱ་བ་གཉེར་བ་དང་ཀྲུང་གོར་སྤྱི་ལོ1949ལོའི་བར་དུ་བསྡད། ཁོང་གིས་དགེ་རྒན་གྷོ་ལན་ཡཱན་དང་མཱར་སེ་ལེ་རྣམ་གཉིས་ཀྱིས་བོད་རིག་པ་དང་སོག་པོ། དེ་བཞིན་བོད་རྒྱའི་མཐའ་མཚམས་མི་རིགས་ཀྱི་རིག་གནས་ལ་ཞིབ་འཇུག་བྱ་དགོས་པའི་བསླབ་བྱ་མ་བརྗེད་པར། པེ་ཅིང་དུ་སྡོད་རིང་ནང་སོག་དང་བོད་ལྗོངས་མཐའ་མཚམས་ཁུལ་དུ་ཐེངས་མང་པོར་ལྗོངས་རྒྱུ་ལ་ཆས་ཤིང་། རཱོཀ(J.F.Rock)དང་མཉམ་དུ་ཡུན་ནན་ལ་ཐེངས་གཅིག་ཆས་མྱོང་། སྤྱི་ལོ1949ལོར།  སི་ཏེན་ཧྥ་རན་སིར་ཕྱིར་ལོག་ཏེ་རྒྱལ་གཉེར་དེང་རབས་ཤར་ཕྱོགས་སྐད་བརྡའི་སློབ་གླིང་གི་དགེ་རྒན་ཆེན་མོའི་འགན་བཞེས། སྐབས་འདིར་ཁོང་གིས་ཉེ་བའི་ལོ་བཅུ་གྲངས་རིང་ལ་ཨེ་ཤེ་ཡ་ཤར་མར་འཚོལ་སྡུད་བྱས་པའི་རྒྱུ་ཆ་མཐའ་དག་ཀློག་ནུས་ཤིང་ཐོག་མར་སྤེལ་བའི་ཞིབ་འཇུག་བརྩམས་ཆོས་ནི་མི་ཉག་གི་སྐོར་རེད། བོད་ཀྱི་ལོ་རྒྱུས་སྙན་རྩོམ་གྱི་ཞིབ་འཇུག་སྤྱི་ལོ1951ལོར། གྷོ་ལན་ཡཱན་གྱི་འཕྲོ་བསྐྱངས་ནས་ཕཱ་རི་སིའི་མཐོ་རིམ་ཞིབ་འཇུག་གླིང་གི་ཆོས་ལུགས་ཚན་རིག་སྡེ་ཁག་གི་ཀྲུང་གོ་དང་ཨེ་ཤེ་ཡའི་ཤར་མཐའི་ཆོས་ལུགས་ཀྱི་དགེ་རྒན་ཆེན་མོ་བྱས་པ་དང་། སྤྱི་ལོ1957ལོར་སྡེ་ཁག་འདིའི་མིང་ཨེ་ཤེ་ཡའི་ཤར་མཐའ་དང་ཀྲུང་གོའི་དཔྱད་བསྡུར་ཆོས་ལུགས་རིག་པ་དང་བོད་རིག་པ་ལ་བརྗེས་པ་དང་། ཁོང་སྔར་བཞིན་དེར་དགེ་རྒན་ཆེན་མོ་བྱས། སྤྱི་ལོ1954ལོ་ནས1966ལོར་འབྲས་ལྗོངས་ནང་ལ་ཚུད་པའི་ཧི་མ་ལ་ཡའི་མཐའ་འཁོར་དུ་ཐེངས་གཉིས་ལ་རྟོག་ཞིབ་དུ་ཆས། ཁོང་བོད་ཀྱི་ལོ་རྒྱུས་དང་ཆོས་ལུགས། རྩོམ་རིག སྐད་བརྡ་སོགས་ལ་ཞིབ་འཇུག་བྱེད་རྒྱུར་ཤིན་ཏུ་དགའ་པོ་ཡོད་པས། ཞིབ་འཇུག་གི་ཁྱབ་ཁོངས་ཤིན་ཏུ་ཡངས་པའི་མཁས་པ་ཞིག་ཡིན། ལོ་ངོ་བཅུ་ལྷག་རིང་གི་རིག་གཞུང་ཞིབ་འཇུག་ཁྲོད། ཁོང་གིས་དཔྱད་རྩོམ་དང་ཆེད་དེབ་མང་པོའི་ནང་ནས་གཙོ་བོ་འགའ་ཞིག་ནི། གེ་སར་སྒྲུང་དང་སྒྲུང་པའི་ཞིབ་འཇུག འབུམ་རམས་པའི་མཐར་ཕྱིན་དཔྱད་རྩོམ། སྤྱི་ལོ1959ལོར་རྒྱ་ནག་ཞིབ་འཇུག་དཔེ་ཚོགས་ཁྲོད་ཀྱི་དེབ་གཅིག་ཏུ་བྱས་ཏེ་ཕཱ་རི་སིར་པར་དུ་བསྐྲུན། བོད་ཀྱི་ཤེས་རིག བོད་ཀྱི་ཟློས་གར། བོད་ཡིག་མིང་ཁུངས་རིག་པའི་རེག་ཟིག མི་ཉག་དང་ཞི་ཞ བོད་བརྒྱུད་ནང་བསྟན་ལུགས་ཀྱི་འབག རྒྱ་བོད་འདྲེས་མཚམས་ཀྱི་ཆཱང་། བོད་བརྒྱུད་ནང་བསྟན་གྱི་འཆམ་དང་རྣམ་ཤེས་སྐོར་གྱི་གཞུང་ལུགས། གེ་སར་རྒྱལ་པོ་འཁྲུངས་རབས་བྲིས་ཐང་། རྒྱ་བོད་ས་མཚམས་ཀྱི་གུ་པུ་རིགས། བོད་ཀྱི་ལོ་རྒྱུས་སྙན་ངག་གི་གནའ་དཔེ། གནའ་རབས་བོད་ཀྱི་ལོ་རྒྱུས་ལས་གནད་གཉིས་ཀྱི་འགྲེལ་བ། བོད་ཀྱི་བླ་མ་སྙན་ངག་པ་ཞིག འབྲུག་པ་ཀུན་ལེགས་ཀྱི་གསུངས་རྩོམ། འབྲུག་པ་ཀུན་ལེགས་ཀྱི་མཛད་རྣམ་དང་མགུར་གླུ། གེ་སར་སྒྲུང་གི་འཇུག་ངོགས། མི་ཉག་གམ་ཞི་ཞ་ཡི་རྒྱུ་ཆ་གསར་པ། བོད་རྒྱའི་ཐ་སྙད་ཀྱི་གཤིབ་བསྡུར། བོད་ཆོས་ཀྱི་ཞང་ཞུང་སྐད། ཏུན་ཧོང་གཏེར་ཡིག་ལས་བོད་ཆོས་ཀྱི་ཆོ་གའི་སྐོར་སོགས་བརྩམས་ཡོད་ལ། དུས་རབས་སྔོན་མའི་ལོ་རབས80ནས་བཟུང་ཁོང་གི་བརྩམས་ཆོས་འགའ་ཞིག་རྒྱ་ཡིག་ཏུ་བསྒྱུར་བས་རང་རྒྱལ་གྱི་བོད་རིག་པ་ཞིབ་འཇུག་གི་སྡེ་ཡིས་དོ་སྣང་དང་གདེངས་འཇོག་ཆེན་པོ་མཛད། དུས་རབས་སྔོན་མའི་ལོ་རབས50ནས་བཟུང་། སི་ཏེན་གྱིས་བོད་ཀྱི་ལོ་རྒྱུས་སྙན་ངག་གི་ཞིབ་འཇུག་བྱ་བར་མགོ་བརྩམས། ཁོང་ལོ་རྒྱུས་སྙན་རྩོམ་རིང་མོ་གེ་སར་སྒྲུང་ལ་ལོ་འགའ་ཤས་ཤིག་གི་སྔོན་ནས་སྤྲོ་བ་སྐྱེས་ཡོད་པར་འདུག་ཏེ།  སྤྱི་ལོ1940ལོའི་ཟླ5པར། ཁོང་གིས་བོད་ཀྱི་དམངས་ཁྲོད་ལོ་རྒྱུས་སྙན་ངག་ཅིག་ཞེས་པའི་རྩོམ་ཡིག་ཅིག་སྒྲོག་སྦྱངས་བྱས་འདུག་པ་དང་། སྤྱི་ལོ1956ལོར། ཁོང་གིས་དར་རྩེ་མདོའི་ཤིང་དཔར་ལས་བཤུས་ཏེ་བྲིས་པའི་གླིང་སྒྲུང་གི་ལེའུ་གསུམ་གྱི་ནང་དོན་སྤེལ་འདུག་ཅིང་། དེ་སྤེལ་སྐབས་སུ་ཁོང་གིས་ཧྥ་རན་སིའི་ཡི་གེས་རིན་ཐང་ཅན་གྱི་དཔྱད་བརྗོད་རྩོམ་ཡིག་ཅིག་ཀྱང་བཀོད་ཡོད་ལ། དུས་རྒྱུན་མི་བཀོལ་བའི་ཚིག་དང་ཡུལ་སྐད་ཐ་སྙད་ཀྱི་རེའུ་མིག་ཞིག་ཀྱང་བཟོས་འདུག

3 གེ་སར་ཞིབ་འཇུག

ཡང་ཁོང་གིས་གེ་སར་རྒྱལ་པོའི་འཇིམ་སྐུ་ལ་ཞིབ་འཇུག་བྱས་རྗེས་སུ། བོད་ཀྱི་ལོ་རྒྱུས་སྙན་རྩོམ་དང་སྙན་ངག་པའི་སྐོར་གྱི་བརྩམས་ཆོས་རིང་བོ་ཞིག་སྤེལ། ཤོག་གྲངས600ལྷག་ཡོད་པའི་ཁོང་གི་འབུམ་རམས་པའི་མཐར་ཕྱིན་དཔྱད་རྩོམ་འདི་ནི་བགྲང་བྱ་ཉི་ཤུ་ལྷག་གི་རིང་ལ་ཞིབ་འཇུག་བྱས་པའི་གྲུབ་འབྲས་ལ་སྤྱི་བསྡོམས་ཞིག་སྟེ། བོད་ཀྱི་རིག་གནས་ལོ་རྒྱུས་ཞིབ་འཇུག་གི་བྱ་བར་བྱས་རྗེས་མི་དམན་པ་བཞག་ཡོད། དེ་དང་ཞོར་ལ་ཁོང་གིས་བོད་རྒྱའི་ས་མཚམས་སུ་ཡོད་པའི་མི་རིགས་སྐོར་ལ་དཔྱད་རྩོམ་བྲིས་ཤིང་། བརྩམས་ཆོས་དེ་དག་ཏུ་ལོ་རྒྱུས་ས་བབ་དང་ངག་རྒྱུན་གཞི་གཅིག་ཏུ་འདུས་པར་བྱས་པས། སྐབས་འདིར་ཐོན་ཙ་ན་བྱེད་ཐབས་འདི་ནི་ཁོང་གི་རིག་གཞུང་ཉམས་ཞིབ་ཀྱི་ཁྱད་ཆོས་གཙོ་བོ་ཞིག་ཏུ་གྱུར་ཡོད། ལོ་རྒྱུས་སྙན་རྩོམ་ལ་ཞིབ་འཇུག་བྱས་པའི་གྲུབ་འབྲས་གལ་ཆེན། སི་ཏེན་གྱིས་མཐོ་རིམ་ཞིབ་འཇུག་ཁང་དུ་མགོ་བཙུགས་པའི་རིག་གཞུང་འཆད་ཁྲིད་ཀྱིས་བོད་ཀྱི་ལོ་རྒྱུས་སྙན་རྩོམ་ལ་ཞིབ་འཇུག་བྱ་བའི་མུ་སྐྱོང་བར་བྱས་ཤིང་། མཐར་ཞིབ་འཇུག་གྲུབ་འབྲས་སུ་བོད་ཀྱི་ལོ་རྒྱུས་སྙན་རྩོམ་གྱི་གནའ་དཔེ་ཞིག་དང་གེ་སར་སྒྲུང་གི་དཔྱད་མཆན་བརྩམས་པ་དང་འདིའི་ཕྱོགས་ལ་ཞིབ་འཇུག་བྱེད་མཁན་གྱི་སློབ་བུ་བསྐྱངས། སྤྱི་ལོ1962ལོར། ཁོང་གིས་ཕྱིས་སུ་ཤུགས་རྐྱེན་ཆེས་ཆེ་ཞིང་ཤིན་ཏུ་རྒྱུགས་ཆེ་བའི་གསུང་རྩོམ་བོད་ཀྱི་ཤེས་རིག་ལོ་རྒྱུས་བརྩམས། ཁོང་གི་ཞིབ་འཇུག་བྱ་བའི་སྟོད་ཀྱི་ཆར་ཆོས་ཕྱོགས་ལ་དོ་སྣང་ཆེན་པོ་བྱས་མེད་པར་གཙོ་བོ་དམངས་ཁྲོད་སྲོལ་རྒྱུན་གྱི་ཕྱོགས་ཡིན་མོད་ཀྱང་། ཕྱིས་སུ་ཡུན་གྱིས་ནང་བསྟན་དང་རྒྱའི་ཏོ་ལུགས་པའི་གསུངས་རྩོམ་ཁག་ལ་ཞིབ་འཇུག་བྱས་པར་གྱུར། སྤྱི་ལོ1963ལོར། ཁོང་གིས་བརྩམས་ཆོས་གལ་ཆེན་ཞིག་སྤེལ་བ་ནི་སྤྱི་ལོའི་དུས་རབས་གཉིས་པའི་སྐབས་ཀྱི་ཏོ་ལུགས་པའི་ཆབ་སྲིད་དང་ཆོས་ལུགས་ལས་འགུལ་གྱི་དཔྱད་བརྗོད་ཡིན་ལ། དེབ་འདིར་ཁོང་གིས་དུས་རབས་གཉིས་པའི་སྐབས་ཀྱི་ཏོ་ལུགས་པ་དག་གི་སྟོང་སྣང་རིང་ལུགས་ཀྱི་ཕུགས་བསམ་དང་ཆོས་ཚོགས་ཀྱི་སྒྲིག་གཞི་ལ་བསྐྱར་དུ་དབྱེ་ཞིབ་བྱས་ཤིང་། རིག་གནས་ཕན་ཚུན་བར་ཐེབས་པའི་ཤུགས་རྐྱེན་ལ་བརྟག་དཔྱད་ཞིབ་མོ་བྱས་ཡོད།

4 ཆོས་ལུགས་ཞིབ་འཇུག

གསང་སྔགས། ཆོས་ལུགས་གཤིབ་བསྡུར་རིག་པ་བར་མཚོན་ན། གསང་སྔགས་ནི་ཆེས་དཀའ་བའི་ཞིབ་འཇུག་བྱ་ཡུལ་ཞིག་ཡིན་པ་སྨྲོས་མ་དགོས་ཏེ། དེར་རྒྱ་གར་གྱི་ཧིན་རྡུའི་ཆོས་དང་སངས་རྒྱས་ཆོས་ལུགས་གཉིས་ཀ་འདྲེས་ཡོད་པ་མ་ཟད། ལྷག་པར་དུ་རྒྱ་གར་ནས་ཨེ་ཤེ་ཡའི་རྒྱལ་ཁབ་ཁག་ཏུ་དར་བའི་གོ་རིམ་ཁྲོད། ས་གནས་ཀྱི་ཆོས་ལུགས་ཁག་གི་ཆོ་ག་དང་ལྷ་སྲུང་ཡང་ནང་དུ་འདྲེན་པར་བྱས་པས་ན། ཡུན་གྱིས་སྤྱི་ཚོགས་རིམ་པ་སོ་སོའི་ཆོས་ལུགས་བྱེད་སྒོ་ཀུན་གྱི་ནང་དུ་འདྲེས་པར་གྱུར། སངས་རྒྱས་ཆོས་ལུགས་དང་ཏོ་ལུགས་གཉིས་ལ་མཚོན་ན། དམ་པ་དག་ནི་རྟག་པར་ཆོས་ལུགས་ཀྱི་བཅས་པ་ལས་ལྡོག་པའི་སྤྱོད་ལམ་གཉེར་བའི་སྨྱོན་པའི་བརྟུལ་ཞུགས་ཅན་སྟེ། སྔགས་ལུགས་ཀྱི་གྲུབ་ཆེན་དང་ཏོ་ལུགས་པའི་ཀྲིན་རིན་ནི་འཆལ་པོའི་བརྟུལ་ཞུགས་འཛིན་པའི་ཐད་ནས་ཤིན་ཏུ་འདྲའོ། ། མདོར་ན། འདི་དག་ཡོད་ཚད་སི་ཏེན་གྱི་འབྲུག་པ་ཀུན་ལེགས་སྐོར་གྱི་བོད་ཡིག་གི་ཡིག་ཆ་དང་། འབྲུག་པ་ཀུན་ལེགས་ཀྱི་མཛད་རྣམ་དང་མགུར་གླུ། འབྲུག་པ་ཀུན་ལེགས་ཀྱི་རྣམ་ཐར་བཅས་ལས་ཐོན་པའི་བོད་ཡིག་གི་ཐ་སྙད་ཞེས་པ་སོགས་ཀྱི་ནང་རྒྱས་པར་བྲིས་ཡོད། སི་ཏེན་གྱིས་ཧྥ་རན་སིའི་སློབ་གླིང་དུ་སྤྱི་ལོ1981ལོའི་ཟླ10བའི་རྒན་ཡོལ་བྱེད་རག་བར་དུ་དགེ་རྒན་ཆེན་མོའི་འགན་བཞེས་ཤིང་། སྤྱི་ལོ1999ལོར་དགོངས་པ་རྫོགས། བོད་ཀྱི་ལོ་རྒྱུས་སྙན་རྩོམ་དང་རིག་གནས་ལོ་རྒྱུས། ཏོ་ལུགས་ཞིབ་འཇུག རྒྱའི་དམངས་ཁྲོད་ཆོས་ལུགས་ཞིབ་འཇུག་གི་ཐད་ལ་འབྲས་བུ་མི་དམན་པ་བླངས་ཡོད་ལ། ཤུལ་འཛིན་པའི་སློབ་མའང་མང་པོ་ཞིག་བསྐྱངས་ཡོད་དོ། ། 


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-10-15

གསར་སྤེལ་མཁན། :བླ་མ་གཡང་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།