བོད་ཀྱི་འཕྲུལ་ཡིག་བཞི་བཅུ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

སྤྱིར་གཡུང་དྲུང་བོན་གྱི་བཀའ་འགྱུར་མདོ་འབུམ་རྒྱུད་མཛོད་སོགས་སྒོ་བཞི་མཛོད་ལྔའི་བོན་སྡེ་ཀུན་ལས་འཕྲུལ་ཡིག་བཞི་བཅུ་སྟོན་པས་མཛད་པར་གསལ་པོར་བསྟན་ཡོད་ལ། མཛད་དགོས་དོན་ཡང་། སྟོན་པ་གཤེན་རབ་མ་བྱོན་གོང་ནས་སྡེབ་སྦྱོར་ཡི་གེ་དང་། འདྲ་གཟུགས་ཡི་གེ་གང་ཡིན་མ་དཔོགས་ཀྱང་སྲིད་པའི་ཡི་གེ་ཁྲི་དང་འབུམ་ཙམ་ཡོད་པ་དེ་ཡིན།
གཞི་རྩའི་གནས་ཚུལ།

བཞེད་ཁུངས།
བོན་ཆོས།
1 ​ངོ་སྤྲོད། 

སྤྱིར་གཡུང་དྲུང་བོན་གྱི་བཀའ་འགྱུར་མདོ་འབུམ་རྒྱུད་མཛོད་སོགས་སྒོ་བཞི་མཛོད་ལྔའི་བོན་སྡེ་ཀུན་ལས་འཕྲུལ་ཡིག་བཞི་བཅུ་སྟོན་པས་མཛད་པར་གསལ་པོར་བསྟན་ཡོད་ལ། མཛད་དགོས་དོན་ཡང་། སྟོན་པ་གཤེན་རབ་མ་བྱོན་གོང་ནས་སྡེབ་སྦྱོར་ཡི་གེ་དང་། འདྲ་གཟུགས་ཡི་གེ་གང་ཡིན་མ་དཔོགས་ཀྱང་སྲིད་པའི་ཡི་གེ་ཁྲི་དང་འབུམ་ཙམ་ཡོད་པ་དེ། བདུད་ཀྱིས་མེ་ལ་བསྲེགས་པ་དང་། ཚིག་འཕྲོ་འབྱུང་ལྔ་མཚོན་བྱེད་དམ། འབྱུང་ལྔའི་ས་བོན་ཡི་གེ་ལྔ་ལུས་པ་དེར་གཞི་བྱས་ཏེ། དེ་ལས་འཕྲོས་པས་འབྱུང་བ་རེར་ཡི་གེ་འབྲུ་བརྒྱད་རེ་སྤྲོས་ནས་མཛད་པར་གསལ་ཡོད། དེ་ཡང་ཀ་ནས་ཨ་བར་གསལ་བྱེད་སུམ་ཅུའི་ཐོག་སྐབས་སྦྱོར་བཅུ་སྟེ། དབྱངས་བཞི་དང་དབུ་ཚེག་ཤད་གསུམ་མ་གླད་ཀོར། ཡ་བཏགས་ར་བཏགས་བཅས། ཁྱོན་བསྡོམས་པས་འཕྲུལ་ཡིག་བཞི་བཅུ་ཞེས་སུ་གྲགས་པ་དེ་ཡིན། དེ་བཞིན་བཀའ་བརྟེན་རྣམས་ལས་ཀྱང་སྟོན་པ་གཤེན་རབ་སྐབས་ནས་འཕྲུལ་ཡིག་བཞི་བཅུ་ཡོད་པར་བཤད་ཡོད་པ་རེད། སྟོན་པ་གཤེན་རབ་སྐབས་སུ་ལྷ་ཡི་ཡིག་གཟུགས་སམ། སྤུངས་སོ་ཆེ་བ་ཡིན་པར་གསལ་བའི། སྤུངས་སོ་ཆེ་བའི་ཡིག་གཟུགས་མཛད་པ་པོ་སྟོན་པ་གཤེན་རབ་ཡིན་པ་ང་ཚོས་དཔོགས་ཐུབ། ལྷ་ཡི་ཡི་གེ་དང་ཚངས་པའི་ཡི་གེ་གཉིས་གཅིག་ཡིན་མིན་དཔྱད་རྒྱུ་འདུག དེ་བཞིན་ཞང་ཞུང་གི་ཡི་གེ་སྨར་ཆེ་ཆུང་དང་བོད་ཡིག་དབུ་མེད་དང་དབུ་ཅན་བཅས་ཀྱི་ཡིག་གཟུགས་དེ་དག་སུས་སྲོལ་གཏོད་དམ་ཞེ་ན། བོན་གཞུང་ཁག་ལས་མུ་ཁྲིའི་སྐབས་ཙམ་དུ་བྱོན་པའི་ལོ་ཙཱ་བ་དྲུག་གིས་གཡུང་དྲུང་གི་བོན་སོ་སོའི་ཡུལ་དུ་བསྒྱུར་ཞེས་དང་། གྲི་གུམ་གྱི་གོང་ཙམ་བྱོན་པའི་ཞང་བོད་མཁས་པ་མི་བཞིས་གཡུང་དྲུང་བོན་ཞང་ཞུང་གི་སྐད་ལས་བོད་སྐད་དུ་བསྒྱུར་ཞེས་པ་ཙམ་ལས་སུས་མཛད་པ་གསལ་པོར་མ་མཐོང་མོད། ལ་མོ་བསྟན་འཛིན་འགྱུར་མེད་ཀྱིས་བརྩམས་པའི། དབུ་མེད་ལ་འཇུག་པའི་སྒོ་ཞེས་པར། བོད་ཡིག་བྱུང་རིམ་སྐོར་མདོར་ཙམ་བཤད་པ་དེ་ལས། (བོད་འདིར་ཡིག་གེ་ཐོག་མར་དར་ནས་ལོ་ངོ་སུམ་སྟོང་ཙམ་སོང་བར་གྲགས)ཞེས་དང་། ཡང(ཞང་ཞུང་ལ་སྐབས་དེར་སྨར་ཆེན་སྨར་ཆུང་ཡོད་པ་དང་སྨར་ཆེན་སྲོལ་གཏོད་པ་པོ་ཁྲི་ཐོག་སྤར་ཙ་ཞེས་པ(ལོ་ཙྭ་བ་དྲུག་གི་ཡ་གྱལ)དེ་ཡིན་པ་དང་། སྨར་ཆུང་སྲོལ་གཏོད་པ་པོ། སྟོང་རྒྱུང་མཐུ་ཆེན་ཞེས་པ( ཞང་བོད་མཁས་པ་མི་བཞིའི་ཡ་གྱལ)དེ་ཡིན། སྨར་ཡིག་དེའང་སྡེབ་སྦྱོར་གྱི་ཡི་གེ་ཡིན་ཞིང་དེ་ལ་གསལ་བྱེད་སུམ་བཅུ་ཐམ་པ་དང་། དབྱངས་བཞི། བརྩེགས་པ་གསུམ། སྨད་འདོགས་བཞི་བཅས་ཡོད།)ཅེས་གསུངས་ཡོད། ཁུངས་གང་ལ་བཅོལ་ཡོད་པ་མ་གསལ། དེ་མིན་དཔལ་བསྡུས་ཀྱིས་བརྩམས་པས།(ཐོན་མི་རྗེས་དྲན་ཡིག་གཟུགས་ཀྱི་མ་ཕྱི་ཀུན་འཛོམས།)ཞེས་པར་སྡེབ་སྦྱོར་ཡི་གེ་ཐོག་མར་སྟོན་པ་གཤེན་རབ་ཀྱིས་མཛད་པ་དང(སྤུངས་སོའམ་ཞང་ཞུང་ཡིག་རྒན་དང་། སྨར་ཆེན་གྱི་ཡིག་གཟུགས་ཀྱིས། རི་བོ་ཧི་མ་ལ་ཡི། ཤེས་རིག་གི་ས་བོན་དང་གཡུང་དྲུང་གི་བོན་དང་སྲིད་སྤེལ་བྱེད་དུ་གྱུར།)ཞེས་དང་ཡང( དབུ་མེད་ཀྱི་ཡི་གེ་ནི་བོད་རྒྱལ་གཉའ་ཁྲི་བཙན་པོའི་སྐབས་ནས་རྒྱལ་རབས་སོ་གསུམ་བར་དུ་ཞང་ཞུང་དྲག་ཡིག་དང་། མགོ་སྣོག། ཁྲ། སྟ་རེ་མ་སོགས་ཀྱིས་བོན་སྲིད་དར་རྒྱས་ལ་ཕན་པ་ཡོད།)ཅེས་དང་། ཐུ་མིས་ཐོག་མར་བྲིས་པའི་ཡིག་གཟུགས་ལ་སྒྱོགས་དཀར་མོ་གནམ་ལ་མཆོངས་འདྲ་ཞེས་པ་ནི། དབུ་མེད་ཡིན་པ་ད་ལྟ་བོད་ལྗོངས་མལ་གྲོ་གུང་དཀར་རྫོང་དུ་བཙུན་མོ་ཚལ་དགོན་པ་ན། ཛེན་ཁོག་སྣ་རྡོའི་ལྷ་ཁང་གི་བྲག་ལྡེབས་སུ་བརྐོས་ཡོད་པ་མཇལ་དུ་ཡོད། ཐུ་མིས་དབུ་ཅན་གྱི་ཡིག་གཟུགས་གསར་གཏོད་མཛད་པའི་མིང་ལ་སྦལ་ནག་བགྲད་འདྲ་ཞུ་བ་དེང་སང་སེ་རའི་རི་ཁྲོད་ཕ་བོང་ཁའི་བྲག་ངོས་ན་མཇལ་དུ་ཡོད་པའི་མ་ཎི་འབྲུ་དྲུག་དེ་ཡིན།)ཞེས་གསུངས་འདུག་ཁུངས་གང་ཡིན་མ་ཤེས།  དེ་བཞིན་བཀྲ་ཤིས་བསམ་གྲུབ་དང་འཕྲིན་ལས་རྒྱལ་མཚན་ཀྱིས་རྩོམ་སྒྲིག་མཛད་དེ། བོད་ལྗོངས་མི་དམངས་དཔེ་སྐྲུན་ཁང་ནས་པར་དུ་སྐྲུན་པས།(བོད་ཡིག་ངོས་འཛིན་དང་ཡིག་ཚུགས་འབྲི་ཚུལ།)ཞེས་པ་ལས། (བོད་ཀྱི་ཡིག་གཟུགས་དེ་ཐོག་མར་ཞང་ཞུང་ནས་བྱུང་བ་དང་སྲོལ་གཏོད་པ་པོ་ནི། གཤེན་རབ་མི་བོ་ཆེ་ཡིན་པར་བཤད། ཁོང་གིས་རྩ་བའི་ཡིག་འབྲུ་སུམ་ཅུ་དང་། དབྱངས་དང་ཚིག་སོགས་ཡན་ལག་བརྒྱད་དམ་བཅུ་བཅས། ཡི་གེ་བཞི་བཅུ་ལས་གྲུབ་པའི་སྒྲ་སྦྱོར་གྱི་ཡི་གེ་མཛད་པའི་གཏམ་རྒྱུད་བྱུང)ཞེས་གསུངས་འདུག། བོན་གྱི་བཤད་སྲོལ་ལ་མཁས་པ་མི་བཞི་གྲས་ཤ་རི་དབུ་ཆེན་གྱིས་བོད་ཡིག་མཛད་པ་རེད་ཅེས་བཤད་སྲོལ་ད་བར་ཡོད་པ་རེད། 


དཔྱད་གཞིའི་ཡིག་ཆ།

བརྡ་འགྲེལ་གདོང་འཛར།

ཡི་གེ། ཞང་བོད། བོན།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-10-22

གསར་སྤེལ་མཁན། :དཔལ་ཚེ་རྡོར

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།