རྒྱལ་སྤྱིའི་མ་ཡུམ་དུས་ཆེན།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

རྒྱལ་སྤྱིའི་མ་ཡུམ་དུས་ཆེན།
མ་ཡུམ་རྣམས་ལ་བཀའ་དྲིན་ཞུ་བའི་དུས་ཆེན་ཞིག་ཡིན་ཞིང་། དུས་ཆེན་འདི་ཆེས་སྔ་མོར་གནའ་བོ་ཀེ་རི་སེའི་ནས་དར་ཡོང་བ་རེད། འོན་ཀྱང་དེང་སང་གི་མ་ཡུམ་དུས་ཆེན་ནི་ཐོག་མར་ཨ་རི་ནས་དར་ཡོང་བ་ཡིན་ལ། ལོ་ལྟར་ཟླ་ལྔ་པའི་གཟའ་འཁོར་གཉིས་པའི་གཟའ་ཉི་མ་ཉིན་མོར་མ་ཡུམ་དུས་ཆེན་དུ་གཏན་འབེབས་བྱས་ཡོད་པ་རེད།
གཞི་རྩའི་གནས་ཚུལ།

རྒྱ་ཡིག་གི་མིང་།
母亲节
ཕྱི་ཡིག་གི་མིང་།
Mother's Day
དུས་ཚོད།
ལོ་ལྟར་ཟླ་ལྔ་བའི་གཟའ་འཁོར་གཉིས་པའི་གཟའ་ཉི་མ་ཉིན།
ཐོག་མར་འབྱུང་ཡུལ།
གནའ་བོ་ཀེ་རི་སེའི།
དེང་སང་འབྱུང་ཁུངས།
ཨ་རི།
 ས་གནས།
ཨེ་ཤེ་ཡ་དང་ཡོ་རོབ།
མ་ཡུམ་མེ་ཏོག
ཁང་ནེ་ཤིས།(ཀྲུང་གོ)མེ་ཏོག་སི་ལིང་ལྗང་པ།
1 ​ངོ་སྤྲོད་མདོར་བསྡུས།

རྒྱལ་སྤྱིའི་མ་ཡུམ་དུས་ཆེན(Mother's Day)ནི་མ་ཡུམ་རྣམས་ལ་བཀའ་དྲིན་ཞུ་བའི་དུས་ཆེན་ཞིག་ཡིན་ཞིང་། དུས་ཆེན་འདི་ཆེས་སྔ་མོ་གནའ་བོ་ཀེ་རི་སེའི་ནས་དར་ཡོང་བ་རེད། འོན་ཀྱང་དེང་སང་གི་མ་ཡུམ་དུས་ཆེན་ནི་ཐོག་མར་ཨ་རི་ནས་དར་ཡོང་བ་ཡིན་ལ། ལོ་ལྟར་ཟླ་ལྔ་བའི་གཟའ་འཁོར་གཉིས་པའི་གཟའ་ཉི་མ་ཉིན་མོར་མ་ཡུམ་དུས་ཆེན་དུ་གཏན་འབེབས་བྱས་ཡོད་པ་རེད། དུས་ཆེན་འདིའི་སྐབས་སུ་མ་ཡུམ་རྣམས་ལ་མེ་ཏོག་སོགས་ལེགས་སྐྱེས་འདྲ་མིན་ཕུལ་བཞིན་ཡོད། དེ་ཡང་ཁང་ནེ་ཤིས(康乃馨)ཞེས་པའི་མེ་ཏོག་དེ་མ་ཡུམ་རྣམས་ལ་ཕུལ་རྒྱུའི་མེ་ཏོག་གཙོ་བོ་ཡིན་ལ། རྒྱ་ནག་བ་རྣམས་ཀྱིས་མེ་ཏོག་སི་ལིང་ལྗང་པ(萱草花)མ་ཡུམ་མེ་ཏོག་ཏུ་ངོས་འཛིན་གྱིན་ཡོད། དེ་ཡི་མིང་གཞན་ལ་ཐུགས་བསྙེལ་མེ་ཏོག(忘忧草 )ཀྱང་ཟེར།

མིག་སྔར་ཤེས་རྟོགས་བྱུང་བའི་མ་ཡུམ་དུས་ཆེན་ཆེས་ཐོག་མར་དར་ས་ནི་གནའ་བོ་ཀེ་རེ་སིའི་ཡིན་པ་དང་། ཉིན་དེར་གནའ་བོ་ཀེ་རེ་སིའི་མི་ཡིས་ཀེ་རེ་སིའི་ལྷ་ཚོགས་ཀྱི་མ་ཡུམ་ཧི་ལ(赫拉)ལ་གུས་འདུད་དང་བསྙེད་བཀུར་བྱེད་བཞིན་ཡོད། ཕྱིས་སུ་དུས་རབས17པའི་དུས་དཀྱིལ་དུ་དུས་ཆེན་འདི་དབྱིན་ཇིན་ལ་དར་ཁྱབ་བྱུང་བ་དང་། ཉིན་འདི་ཡི་ནང་དུ་ཕྱིར་ལོག་ཏུ་སོང་བའི་ན་གཞོན་རྣམས་ཁྱིམ་དུ་ལོག་ནས་མ་ཡུམ་རྣམས་ལ་ལེགས་སྐྱེས་ཆུང་ངུ་རེ་ཕུལ་སྲོལ་ཡོད།

ཨ་རིའི་མ་ཡུམ་དུས་ཆེན་ནི་ཨ་ན•གུས་ཝེས་སི(安娜·贾维斯1864—1984)ཡིས་འགོ་རྩོམ་ཡོང་བ་ཡིན་ཞིང་། ཁོ་མོ་ཚེ་གང་བོ་གཉེན་སྒྲིག་མ་བྱས་པར་མ་ཡུམ་ལ་ཞབས་ཏོག་བསྒྲུབས་ནས་བསྡད་པ་རེད། ཨ་ན•གུས་ཝེས་སི་ཡི་མ་ཡུམ་ནི་བསམ་པ་བཟང་པོ་དང་བྱམས་སེམས་ལྡན་པ་ཞིག་ཡིན་པས། ཁོ་མོས་མ་ཡུམ་རྣམས་དྲན་གསོ་བྱེད་པའི་ཉི་མོ་ཞིག་གཏན་ཁེལ་བྱས་ནས་གུས་གུས་ཞུམ་ཞུམ་ངང་བུ་ཕྲུག་ཀྱི་ཆེད་དུ་རླབས་ཆེན་གྱི་བྱས་རྗེས་འཇོག་བཞིན་པའི་མ་ཡུམ་རྣམས་དྲན་གསོ་བྱེད་དགོས་པའི་རེ་བ་བཏོན།  ཡིན་ན་ཡང་རེ་བ་དེ་མངོན་གྱུར་མ་བྱུང་གོང་ནས་ཁོ་མོ་ཞིང་དུ་གཤེགས། ཁོ་མོའི་བུ་མོ་ཨ་ན•གུས་ཝེས་སི་ཡིས1907ལོར་བྱེད་སྒོ་དེ་འགོ་རྩོམ་པ་དང་། རྗེས་ཕྱོགས་མ་ཡུམ་དུས་ཆེན་ཁྲིམས་ཀྱིས་གཏན་ཁེལ་བྱས་པའི་དུས་ཆེན་ཞིག་ཏུ་འགྱུར་ཐུབ་པར་རེ་ཞུ་བྱས།

སྤྱི་ལོ1907ལོའི་ཟླ5ཚེས10ཉིན་ཨ་རིའི་ནུབ་ཝེ་ཇེ་ཉི་ཡ(West Virginia)དང་ཕན་སོ་ཝེ་ཉི་ཡ་མངའ་སྡེ(Pennsylvania)ནས་དུས་ཆེན་དེ་ཉིད་ཀྱི་མཛད་སྒོ་དངོས་སུ་འགོ་རྩོམ་པ་དང་། སྤྱི་ལོ1913ལོར། ཨ་རིའི་རྒྱལ་ཚོགས་ཀྱིས་ལོ་ལྟར་ཟླ5པའི་གཟའ་འཁོར་གཉིས་པའི་གཟའ་ཉི་མ་ཉིན་མོ་མ་ཡུམ་དུས་ཆེན་དུ་ཁྲིམས་ཀྱིས་གཏན་ཁེལ་བྱས་པ་མ་ཟད། ཉིན་དེར་ཁྱིམ་ཚང་ཚང་མས་རྒྱལ་དར་བཀལ་ནས་མ་ཡུམ་རྣམས་ལ་གུས་འདུད་ཀྱིས་དྲན་གསོ་བྱེད་དགོས་པ་གཏན་ཁེལ་བྱས། ཨ་ན•གུས་ཝེས་སའི་མ་ཡུམ་མ་གཤེགས་གོང་ཆེས་དགའ་སའི་ཁང་ནེ་ཤིས(康乃馨)ཞེས་པའི་མེ་ཏོག་དེ་ཨ་རིའི་མ་ཡུམ་དུས་ཆེན་གྱི་མཚོན་བྱེད་དུ་གྱུར་ཡོད།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-10-23

གསར་སྤེལ་མཁན། :བོན་སྐོར་པད་མ་རྒྱལ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།