ཛ་ཧུའི་བུ་མོ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཆུ་བོ་གང་གཱ་སྟེ། ལྷ་མོ་གང་གཱ་ཆུ་བོའི་གཟུགས་སུ་བགྱིས་ཏེ་སེའི་སྟེང་དུ་བབས་པ་ན། རི་བོ་དེའི་འགྲམ་ན་དྲང་སྲོང་ཛ་ཧཱུ་ཏིང་འཛིན་སྒོམ་པར་ཆུ་སྒྲས་གནོད་པས། དྲང་སྲོང་ཁྲོས་ནས་གང་གཱ་ཧུབ་གཅིག་གིས་བཏུངས་པ་དེར་སྐལ་ལྡན་ཤིང་རྟས་གསོལ་བ་བཏབ་པས། སླར་བསྐྱུགས་ནས་བྱུང་བར་བཤད་པས་ནའོ། །
གཞི་རྩའི་གནས་ཚུལ།

རྒྱ་ཡིག་གི་མིང་།
匝胡女    恒河的异名
ཁོངས་གཏོགས།
ཆུ་བོ།
1 རྒྱས་འགྲེལ།

ཆུ་བོ་གངྒཱའི་མིང་། དེ་ཡང་ཇི་ཙམ་ན་གངྒཱས་ལྷོ་ཕྱོགས་ཀྱི་རྒྱ་མཚོ་ཆེན་པོ་དེ་འདའ་བར་བྱའོ་སྙམ་ནས་དྲེགས་པ་དང་བཅས་པར་རི་ཁ་བ་ཅན་ཕུག་སྟེ། དེའི་སུལ་ནས་བདེ་བར་འབབ་པར་གྱུར་པ་དེའི་ཚེ། དྲང་སྲོང་ཛ་ཧུ་ན་ཞེས་བྱ་བ་དཀའ་ཐུབ་དྲག་པོ་ཅན་ཞིག་ཡོད་པ་རི་ཁ་བ་ཅན་གྱི་སུལ་ན་རྣལ་འབྱོར་བསྒོམ་པ་ལ་བརྩོན་ཞིང་གནས་པ་དེས་གངྒཱ་ཅ་ཅོའི་སྒྲ་བསྒྲགས་ཤིང་སྒེག་པས་དལ་གྱིས་འབབ་པར་མཐོང་བས། ཤིན་ཏུ་ཁྲོས་པར་གྱུར་ཏེ་སོང་ནས་སྨྲས་པ། ང་ཡི་གནས་དང་ཉེ་བ་འདིར། ། བུད་མེད་འདི་ནི་སྒེག་པ་ཡིས། ། འཛེམ་པ་མེད་པར་ཅི་ཕྱིར་འགྲོ། ། སྤྱོད་ངན་སྡིག་པ་ཆེན་པོ་ཡིན། ། ཞེས་སྨྲས་ཤིང་དེ་བླངས་ནས་འཐུངས། ། བྷ་གོ་ར་ཐས་དཀའ་ཐུབ་ཀྱིས་དྲང་སྲོང་དེ་མགུ་བར་བྱས་པས། དེས་སླར་ཡང་བསྐྱུགས་པ་ན་དེའི་བུ་མོ་དང་འདྲ་བར་གྱུར་པས་གངྒཱ་ལ་ཛ་ཧུའི་བུ་མོ་ཞེས་པའི་མིང་བཏགས་སོ། ། 

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-08-22

གསར་སྤེལ་མཁན། :བླ་མ་གཡང་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།