ཀྲུང་གོའི་སྣག་ཚའི་རི་མོ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཀྲུང་གོའི་སྣག་ཚའི་རི་མོ།
ཀྲུང་གོའི་རི་མོར་རྒྱལ་རིས་ཀྱང་ཟེར་ལ། རི་མོའི་མཚོན་བྱ་གསལ་ཐོན་ཡོང་བ་གཙིགས་སུ་འཛིན་ཞིང་། ཁེངས་སེམས་སྐྱེས་ནས་རང་རང་ཚུགས་བརྗེད་པ་ཞིག་ཏུ་བསྙེགས། ཆིན་དང་ཧན་རྒྱལ་རབས་རྗེས་ཀྱི་རི་མོ་མཁན་རིམ་བྱོན་རྣམས་ཀྱིས་སྨྱུག་གུ་དང་སྣག་ཚ། གཏེར་ཚོན་སོགས་སྤྱད་དེ་ཤོག་བུ་དང་དར་སང་སོགས་ཀྱི་སྟེང་དུ་མི་སྣ་དང་། རི་ཀླུང་། མེ་ཏོག འདབ་ཆགས་བཅས་ཀྱི་རི་མོ་རིགས་མི་འདྲ་བ་དང་ཁྱད་ཆོས་མི་འདྲ་བའི་བརྩམས་ཆོས་འབོར་ཆེན་ཞིག་གསར་བཞེངས་བྱས་ཡོད།
གཞི་རྩའི་གནས་ཚུལ།

རྒྱ་ཡིག་གི་མིང་།
国画
ཕྱི་ཡིག་གི་མིང་།
Chinese painting
1 ནང་དོན་ངོ་སྤྲོད།

ཀྲུང་གོའི་རི་མོར་རྒྱལ་རིས་ཀྱང་ཟེར་ལ། རི་མོའི་མཚོན་བྱ་གསལ་ཐོན་ཡོང་བ་གཙིགས་སུ་འཛིན་ཞིང་། ཁེངས་སེམས་སྐྱེས་ནས་རང་རང་ཚུགས་བརྗེད་པ་ཞིག་ཏུ་བསྙེགས། ཆིན་དང་ཧན་རྒྱལ་རབས་རྗེས་ཀྱི་རི་མོ་མཁན་རིམ་བྱོན་རྣམས་ཀྱིས་སྨྱུག་གུ་དང་སྣག་ཚ། གཏེར་ཚོན་སོགས་སྤྱད་དེ་ཤོག་བུ་དང་དར་སང་སོགས་ཀྱི་སྟེང་དུ་མི་སྣ་དང་། རི་ཀླུང་། མེ་ཏོག འདབ་ཆགས་བཅས་ཀྱི་རི་མོ་རིགས་མི་འདྲ་བ་དང་ཁྱད་ཆོས་མི་འདྲ་བའི་བརྩམས་ཆོས་འབོར་ཆེན་ཞིག་གསར་བཞེངས་བྱས་ཡོད། ཝེ་ཅིན་རྒྱལ་རབས་ཀྱི་སྐབས་སུ། རི་མོ་མཁན་གྱིས་རི་མོའི་འབྲི་བཞེངས་ཐད་དུ་གནད་ལ་འཕིགས་པའི་གཞུང་ལུགས་མང་པོ་སྤྱི་བསྡོམས་བྱས་ཏེ། རི་མོ་འབྲི་བཞེངས་ཀྱི་སྒྱུ་རྩལ་གོང་དུ་འཕེལ་བར་ནུས་ཤུགས་ལྡན་པའི་སྒོ་ནས་སྐུལ་འདེད་བྱས། ཅིན་ཤར་མའི་རི་མོ་མཁན་ཀུའུ་ཁའེ་ཀྲིས《དཔོན་མོའི་ཞལ་གདམས་མཚོན་བྱེད་རི་མོ》དང《ལཱོ་ཆུའི་ཀླུ་མོ་དྲན་པའི་སྙན་ཚིག་རི་མོ》སོགས་ཕུལ་དུ་བྱུང་བའི་བརྩམས་ཆོས་བཞག་ཡོད་པར་མ་ཟད། རི་མོ་འབྲི་བཞེངས་ཀྱི་གཞུང་ལུགས་ལ་ནན་ཏན་གྱིས་ཞིབ་འཇུག་བྱས་ཏེ། ཕྱིའི་རྣམ་པར་བརྟེན་ནས་ནང་གི་སེམས་མཚོན་དགོས་པ་དང་། མི་སྣ་འབྲི་བཞེངས་བྱེད་སྐབས་གཙོ་བོ་མིའི་ཉམས་སྣང་མཚོན་པར་དོ་སྣང་བྱེད་དགོས་པའི་ལྟ་བ་བཏོན།

སུའེ་དང་ཐང་རྒྱལ་རབས་ཀྱི་སྐབས་སུ། ཀྲན་ཙི་ཆན་དང་ཡན་ལི་པིན། ཝུའུ་ཏའོ་ཙི་བཅས་ཀྱིས་སྔ་རབས་པའི་སྲོལ་རྒྱུན་འཛིན་བྱས་པའི་རྨང་གཞིའི་སྟེང་ཧིན་རྡུ་དང་པར་སིག་སོགས་ཕྱི་ནས་ཡོང་བའི་མཛེས་རྩལ་གྱི་ཁྱད་ཆོས་བསྡུ་ལེན་བྱས་ཏེ། 《དཔྱིད་ཀའི་སྤྲོ་གསེང》དང《གོང་མའི་ཕེབས་བྱམས་ནས་མཇལ་འཕྲད་གནང་ཚུལ》《གནམ་སྲས་སྐྱེལ་བའི་རི་མོ》སོགས་ཕུལ་དུ་བྱུང་བའི་བརྩམས་ཆོས་མང་པོ་གསར་རྩོམ་བྱས། དུས་སྐབས་དེ་ནི་ཏུང་ཧོང་མོ་ཀའོ་བྲག་ཕུག་གི་ལྡེབས་རིས་སྔར་ལས་འཕེལ་རྒྱས་ཆེན་པོ་བྱུང་བའི་དུས་སྐབས་ཡིན། སུང་རྒྱལ་རབས་ལྷོ་མ་དང་བྱང་མའི་སྐབས་སུ། ཕོ་བྲང་གི་རི་མོ་ཁང་འཕེལ་ཤུགས་ཆེ་བའི་དུས་རིམ་དུ་སླེབས་ཏེ། རི་མོ་འབྲི་བཞེངས་ཤིན་ཏུ་དར་ཞིང་། ཡུལ་སྲོལ་རི་མོ་ནི་སྐབས་དེའི་རི་མོའི་ལས་རིགས་ན་ཆེས་གཟེངས་སུ་ཐོན་པའི་བརྩམས་ཆོས་ཡིན། མཚོན་བྱེད་རི་མོར་སུང་རྒྱལ་རབས་བྱང་མའི་རི་མོ་མཁན་ཀྲང་ཙི་ཏོའི《དྭངས་གསལ་དུས་ཆེན་གྱི་དཔལ་མཚོན་རི་མོ》ཡོད།

ཡོན་དང་མིང་རྒྱལ་རབས་དུས་སྐབས་ཀྱི་ཧྲི་ཏ་ཧྥུའི་དཔེ་ཆ་བའི་རི་མོའི་གྲུབ་འབྲས་ནི་ཆེས་གཟེངས་སུ་ཐོན་པ་ཞིག་ཡིན། དཔེ་ཆ་བའི་རི་མོའི་བྲི་བྱར་རྩོམ་རིག་དང་ཡིག་གཟུགས། རི་མོ་འབྲི་བཞེངས། དེ་མིན་རྐོ་འབྲི་བཅས་ཀྱི་སྒྱུ་རྩལ་ཐམས་ཅད་འཛོམས་ཡོད་ཅིང་། དེས་རང་གཤིས་མཚོན་པ་གནད་དུ་འཛིན་པ་དང་། དངོས་པོར་བརྟེན་ནས་བརྩེ་དུང་མཚོན་པར་མཐོང་ཆེན། ཉམས་འགྱུར་མཚོན་པ་ལྷུར་ལེན་བཅས་བྱེད། དཔེ་ཆ་བའི་རི་མོའི་ཉམས་འགྱུར་ཆེས་མཚོན་ཐུབ་པ་ནི་དོན་མཚོན་རི་མོ་ཡིན། ཡོན་རྒྱལ་རབས་ཀྱི་ཝང་མིན་གྱི《སྣག་རིས་དཔྱིད་མགོའི་མེ་ཏོག》དང་། མིང་རྒྱལ་རབས་ཀྱི་ཞུས་ཝེའི《པདྨ་དང་ཆུ་ཤིང་རི་མོ》ཆིང་རྒྱལ་རབས་ཀྱི་ཀྲིན་པན་ཆའོ་ཡི《སྣག་རིས་སྣ་མའི་མེ་ཏོག》སོགས་ནི་དོན་མཚོན་རི་མོའི་ཡང་རྩེ་ཡིན།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-09-25

གསར་སྤེལ་མཁན། :བོན་སྐོར་པད་མ་རྒྱལ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།