ཆ་འཕྲིན་གྱི་གོ་དོན།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཆ་འཕྲིན་ནམ་བརྡ་འཕྲིན་ཞེས་པའི་བརྡ་ཆད་འདི་ནི། རྒྱའི་ལོ་རྒྱུས་རིག་གནས་ལྟར་བརྗོད་ན་དུས་རབས་ཉི་ཤུ་པའི་ལོ་རབས་ལྔ་བཅུ་བའི་ནང་བྱུང་བ་ཞིག་ཡིན་ལ། 《སྐད་ཆ་ཡི་གེའི་ཆ་འཕྲིན་བཀོལ་སྤྱོད》ལས། དུས་རབས་ཉི་ཤུ་བའི་ལོ་རབས་ལྔ་བཅུ་བའི་སྐབས། དབྱིན་ཡིག་གི་ཚན་རྩལ་ཡིག་ཚང་ཁྲོད་ན་ཆ་འཕྲིན་ལinformationཟེར་ཞིང་། ཉི་ཧོང་བས་ཡིག་སྒྱུར་བྱེད་དུས“གསང་འཕྲིན”ཞེས་བསྒྱུར་ཡོད་པ་དང་། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི“ཆ་འཕྲིན་ལག་རྩལ་ཐད་ཀྱི་བོད་ཡིག་ཐ་སྙད་ཀྱི་རྒྱལ་ཁབ་ཚད་ལྡན་ལ་ཞིབ་འཇུག”ཅེས་པའི་ཞིབ་འཇུག་རྣམ་གྲངས་ཚོ་ཆུང་གིས་བསྒྲིགས་པའི《བོད་རྒྱ་དབྱིན་གསུམ་ཆ་འཕྲིན་ལག་རྩལ་གྱི་ཚིག་མཛོད》ཅེས་པ་རུ། “信息”ལ“ཆ་འཕྲིན”ཞེས་གཏན་ལ་ཕབ་ཡོད་པས་ཆ་འཕྲིན་ཞེས་བརྗོད་ན་ཚིག་དོན་གང་རུང་ལ་གཞིགས་ན་དོན་ལ་འབྱོར་བ་ཞིག་ཡིན་པ་མ་ཟད། ད་ལྟ་བཀོལ་སྤྱོད་བྱེད་པའི་ཆ་ནས་ཀྱང་ཕྱི་ནང་གང་རུང་གི་དུས་དེབ་དང་ཚགས་པར་དུ་སྤེལ་གྱིན་ཡོད་པ་མ་ཟད། ལས་ཁུངས་དང་ཞིབ་འཇུག་ལྟེ་གནས་མང་པོ་ཞིག་ཏུ་ཆ་འཕྲིན་ཞེས་གཏན་ལ་ཕབ་ཡོད་དེ། དཔེར་ན་ཀྲུང་གོའི་བོད་ལྗོངས་ཆ་འཕྲིན་ལྟེ་གནས། ཆ་འཕྲིན་ལག་རྩལ་དྲ་ཚིགས་ལྟ་བུ། གོང་གི་ཚིག་མཛོད་འདི་ནི་རྒྱལ་ནང་ནས་ཐོག་དང་པོར་འགྲེམས་སྤེལ་བྱས་པའི་བོད་ཡིག་ཐ་སྙད་ཀྱི་རྒྱལ་ཁབ་ཚད་ལྡན་གྱི་ཞིབ་འཇུག་ཚིག་མཛོད་ཐོག་མ་ཡིན་པས། ང་ཚོའི་ཆ་འཕྲིན་ཞེས་བརྗོད་ན་ཐ་སྙད་གཅིག་གྱུར་ཡོང་བར་ཕན་ཁེ་ཆེ་བར་འདོད།
གཞི་རྩའི་གནས་ཚུལ།

བོད་ཡིག་གི་མིང་།
ཆ་འཕྲིན་གྱི་གོ་དོན།
རྒྱ་ཡིག་གི་མིང་།
信息的概念
1 འབྱུང་ཁུངས། 

སྤྱིར་ན་ཆ་འཕྲིན་ནམ་བརྡ་འཕྲིན་ཞེས་པའི་བརྡ་ཆད་འདི་ནི། རྒྱའི་ལོ་རྒྱུས་རིག་གནས་ལྟར་བརྗོད་ན་དུས་རབས་ཉི་ཤུ་པའི་ལོ་རབས་ལྔ་བཅུ་བའི་ནང་བྱུང་བ་ཞིག་ཡིན་ལ། 《སྐད་ཆ་ཡི་གེའི་ཆ་འཕྲིན་བཀོལ་སྤྱོད》ལས། དུས་རབས་ཉི་ཤུ་བའི་ལོ་རབས་ལྔ་བཅུ་བའི་སྐབས། དབྱིན་ཡིག་གི་ཚན་རྩལ་ཡིག་ཚང་ཁྲོད་ན་ཆ་འཕྲིན་ལinformationཟེར། 

2 བསྒྱུར་ཚུལ།

ཉི་ཧོང་བས་ཡིག་སྒྱུར་བྱེད་དུས“གསང་འཕྲིན”ཞེས་བསྒྱུར་ཡོད་པ་དང་། ཀྲུང་གོ་བས“信息” ཆ་འཕྲིན་ཞེས་བཀོད་པ་ལ་གཞིགས་ན། ཆ་འཕྲིན་ནམ་བརྡ་འཕྲིན་ཞེས་པའི་མིང་བརྡ་འདི་ནི་དབྱིན་ཇིའི་སྐད་ནས་རྒྱའི་སྐད་ལ་ཟུར་ཆག་པ་ཞིག་ཡིན་ལ། རང་རེའི་སྐད་ལ་ཆ་འཕྲིན་ནམ་བརྡ་འཕྲིན་ཞེས་པ་ལ 《བོད་རྒྱ་དབྱིན་སྐད་ཀྱི་རྩིས་འཁོར་ཚིག་མཛོད》ཅེས་པ་རུ། བརྡ་འཕྲིན་ཞེས་པ་ནི་མི་རྣམས་ཀྱིས་གཞི་འཛིན་གྲངས་མཚོན་བྱེད་ལ་བཀོལ་བའི་ཆོད་དོན་ལྟར་གཞི་འཛིན་གྲངས་ལ་བྱིན་པའི་གོ་དོན་ལ་ཟེར་བ་དང་། དོན་དམ་པར། ཆ་འཕྲིན་ནམ་བརྡ་འཕྲིན་ཞེས་པ་ནི་མི་རྣམས་ཀྱིས་དུས་རྒྱུན་གྱི་འཚོ་བའི་ཁྲོད་དུ་བྱུང་བའི་མཐོང་ཐོས་དྲན་གསུམ་དུ་གྱུར་བའི་ཤེས་བྱའམ་རིན་ཐང་ལྡན་པའི་འཕྲིན་གསར་སྤྱི་ལ་གོ་ཞིང་། དེ་ནི་སྒྲ་གདངས་དང་། ཡི་གེ  གཟུགས་བརྙན། གཞི་འཛིན་གྲངས། བརྡ་རྟགས་སོགས་མིའི་རིགས་ཀྱི་འཚོ་གཞེས་ཁོར་ཡུག་དང་འབྲེལ་བའི་ཤེས་བྱ་སྤྱི་ལ་ཟེར་ཞིང་། རང་རེའི་བོད་སྐད་ཀྱི་དབང་དུ་བྱས་ན། བརྡ་འཕྲིན་ཞེས་པ་ལ་ཆ་འཕྲིན་ཞེས་བསྒྱུར་ན་ཚིག་དོན་གང་རུང་ལ་གཞིགས་ན་དོན་ལ་འབྱོར་བ་ཞིག་ཡིན་པ་དང་། 《དག་ཡིག་གསར་བསྒྲིགས》ལས། བརྡ་ཞེས་པ་ནི་ལས་དོན་ཞིག་གཞན་ལ་གོ་བར་བྱེད་པའི་ཚིག་དང་། ལུས་ཀྱི་རྣམ་འགྱུར་དང་རྟགས་མཚན་སོགས་ཀྱི་མིང་ལ་གོ་ཞིང་། འཕྲིན་ཞེས་པ་ནི་མི་གཅིག་གིས་གཅིག་ལ་བསྐུར་བའི་སྐད་ཆ་དང་ཡི་གེའི་མིང་ལ་གོ་བར་གཞིགས་ན། བརྡ་ཞེས་པ་ནི་གོ་བརྡ་སྤྲོད་པའི་བརྡ་རྟགས་སྤྱི་ལ་གོ་བ་དང་། འཕྲིན་ཞེས་པ་ནི་འཕྲིན་གསར་སྣ་ཚོགས་ལ་གོ་བས་ཆ་འཕྲིན་ཞེས་བརྗོད་ཡོད། དེ་མིན་《རྒྱ་བོད་ཤན་སྦྱར་ཚིག་མཛོད》ལས།  “信息”ལ་ཆ་འཕྲིན། བརྡ་འཕྲིན། བརྡ་རྟགས། ཞེས་བྱུང་བ་ལ་བརྟེན་ཏེ། ད་ལྟ་མི་ཕལ་མོ་ཆེ་ཡིས་བརྡ་འཕྲིན། ཆ་འཕྲིན་ཞེས་གང་རུང་ཞིག་བརྗོད་ཡོད། 

3 གཞི་འཛིན་ས།

ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི“ཆ་འཕྲིན་ལག་རྩལ་ཐད་ཀྱི་བོད་ཡིག་ཐ་སྙད་ཀྱི་རྒྱལ་ཁབ་ཚད་ལྡན་ལ་ཞིབ་འཇུག”ཅེས་པའི་ཞིབ་འཇུག་རྣམ་གྲངས་ཚོ་ཆུང་གིས་བསྒྲིགས་པའི《བོད་རྒྱ་དབྱིན་གསུམ་ཆ་འཕྲིན་ལག་རྩལ་གྱི་ཚིག་མཛོད》ཅེས་པ་རུ། “信息”ལ“ཆ་འཕྲིན”ཞེས་གཏན་ལ་ཕབ་ཡོད་པས་ཆ་འཕྲིན་ཞེས་བརྗོད་ན་ཚིག་དོན་གང་རུང་ལ་གཞིགས་ན་དོན་ལ་འབྱོར་བ་ཞིག་ཡིན་པ་མ་ཟད། ད་ལྟ་བཀོལ་སྤྱོད་བྱེད་པའི་ཆ་ནས་ཀྱང་ཕྱི་ནང་གང་རུང་གི་དུས་དེབ་དང་ཚགས་པར་དུ་སྤེལ་གྱིན་ཡོད་པ་མ་ཟད། ལས་ཁུངས་དང་ཞིབ་འཇུག་ལྟེ་གནས་མང་པོ་ཞིག་ཏུ་ཆ་འཕྲིན་ཞེས་གཏན་ལ་ཕབ་ཡོད་དེ། དཔེར་ན་ཀྲུང་གོའི་བོད་ལྗོངས་ཆ་འཕྲིན་ལྟེ་གནས། ཆ་འཕྲིན་ལག་རྩལ་དྲ་ཚིགས་ལྟ་བུ། གོང་གི་ཚིག་མཛོད་འདི་ནི་རྒྱལ་ནང་ནས་ཐོག་དང་པོར་འགྲེམས་སྤེལ་བྱས་པའི་བོད་ཡིག་ཐ་སྙད་ཀྱི་རྒྱལ་ཁབ་ཚད་ལྡན་གྱི་ཞིབ་འཇུག་ཚིག་མཛོད་ཐོག་མ་ཡིན་པས། ང་ཚོའི་ཆ་འཕྲིན་ཞེས་བརྗོད་ན་ཐ་སྙད་གཅིག་གྱུར་ཡོང་བར་ཕན་ཁེ་ཆེ་བར་འདོད།

བརྡ་འགྲེལ་གདོང་འཛར།

ཆ་འཕྲིན། ཚན་རྩལ། བརྡ་འཕྲིན།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-06-07

གསར་སྤེལ་མཁན། :བསེ་ཆང་རྡོ་རིན།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།