དོལ་པོ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

དོལ་པོ།
དོལ་པོ་ནི་ལོ་རྒྱུས་ཐོག་བོད་ཀྱི་ཆ་ཤས་ཡིན་པ་བསྙོན་དུ་མེད་ཀྱང་དེང་སྐབས་བལ་ཡུལ་རྒྱལ་ཁོངས་སུ་གནས། བལ་ཡུལ་ལ་མངའ་སྡེ་བཅུ་བཞི་དང་རྫོང་ཁག་དོན་ལྔ་ཡོད་པའི་ཁོངས་ཀར་ན་ལི་མངའ་སྡེ་དང་། ཌོལ་པ་རྫོང་གི་ཁོངས་སུ་གཏོགས་པར་གྱུར། ཌོལ་པ་ལ་སྟོད་སྨད་གཉིས་སུ་ཕྱེས་ཡོད་པ་སྟེ་འདུ་གནས་ཡན་ཆད་ལ་ཌོལ་པ་སྟོད་དང་འདུ་གནས་མན་ཆད་ལ་ཌོལ་པ་སྨད་དུ་བརྩི་བ་ཡིན།
གཞི་རྩའི་གནས་ཚུལ།

བོད་ཡིག་གི་མིང་།
དོལ་པོ།
སྲིད་འཛིན་ཁོངས་གཏོགས།
བལ་བོ།
1 རྒྱས་འབྲེལ།

དོལ་པོ་ནི་ལོ་རྒྱུས་ཐོག་བོད་ཀྱི་ཆ་ཤས་ཡིན་པ་བསྙོན་དུ་མེད་ཀྱང་དེང་སྐབས་བལ་ཡུལ་རྒྱལ་ཁོངས་སུ་གནས། བལ་ཡུལ་ལ་མངའ་སྡེ་བཅུ་བཞི་དང་རྫོང་ཁག་དོན་ལྔ་ཡོད་པའི་ཁོངས་ཀྱི་ཀར་ན་ལི་མངའ་སྡེ་དང་། ཌོལ་པ་རྫོང་གི་ཁོངས་སུ་གཏོགས་པར་གྱུར། ཌོལ་པ་ལ་སྟོད་སྨད་གཉིས་སུ་ཕྱེས་ཡོད་པ་སྟེ་འདུ་གནས་ཡན་ཆད་ལ་ཌོལ་པ་སྟོད་དང་འདུ་གནས་མན་ཆད་ལ་ཌོལ་པ་སྨད་དུ་བརྩི་བ་ཡིན། དེ་ཡང་ཆོས་འཁོར་ཚང་དགེ་བཤེས་ཉི་མ་འོད་ཟེར་མཆོག་གིས་བརྩམས་པའི་དོལ་པོ་མོལ་པའི་གཏམ་ལས། “དུས་རབས་བཅུ་པ་ནས་ཡར་ཀླུང་རྒྱལ་རྒྱུད་ཀྱིས་མངའ་རིས་སྐོར་གསུམ་བདག་གིར་བཞེས་རྗེས་དོལ་ཕྱོགས་གྲུ་བཞི་འདི་ཉིད་སྤུ་རྭང་གི་རྒྱལ་པོ་བཀྲ་ཤིས་མགོན་ལ་དབང་བར་གྱུར། དེ་རྗེས་དུས་རབས་བཅུ་གཅིག་པར་དོལ་པོ་དང་གློ་བོ་གཉིས་ཡ་རྩེའི་རྒྱལ་པོའི་མངའ་འོག་ཏུ་ཚུད་པས་མ་ཚད། ཐོན་ཀུན་དགའ་རྒྱ་མཚོའི་དུས(1217) ཧོར་ནག་མོ་ཨར་སླན་གྱི་རྒྱུད་པ་བྷ་ར་དན་དུར་ཟེར་བས་སྐལ་མོན་རྣམས་སེ་རི་བ་དང་། མུ་ཁུམ། ཏི་ཆུ་རོང་དུ་བཅུག་རབས་མར་ལུང་རྣམ་ཐར་དུ་གསལ། དུས་རབས་བཅུ་གསུམ་པར(1253) གུང་ཐང་གི་རྒྱལ་པོ་མགོན་པོ་ལྡེས་ཡ་རྩེའི་རྒྱལ་པོ་ལག་ནས་དོལ་པོ་དང་གློ་བོ་གཉིས་འཕྲོག་སྟེ། བརྒྱ་ཚོ་བཅུ་གསུམ་གྱི་ཁོངས་སུ་བཅུག དེ་རྗེས་ཁྲི་སྐོར་བཅུ་གསུམ་དུ་ཚུད་ཅིང་བན་ཚང་དུ་སོག་པོའི་བཙན་འཛུལ་ཡང་བྱུང་རབས་རྣམ་གྲོལ་བཟང་པོའི་རྣམ་ཐར་དུ་གསལ། དུས་རབས་བཅུ་བཞི་པར་གུང་ཐང་གི་རྒྱལ་པོ་བསོད་ནམས་ལྡེས་སྤུ་རྭང་དབང་དུ་བསྡུ་སྐབས་དམག་དཔོན་ཁྲི་པ་བྱིར་མའི་གཅུང་པོ་ཆོས་སྐྱོང་འབུམ་གྱིས་མཛད་རྗེས་བཞག་པའི་བྱ་དགའ་རུ་ཁོང་ཉིད་དོལ་པོ་དང་གློ་བོའི་མི་དཔོན་དུ་བསྐོས་རབས་གུང་ཐང་གདུང་རབས་བྱུང་། འོན་ཀྱང་། དུས་རབས་བཅོ་ལྔ་པའི(1440) ནང་དོལ་པོ་ནི་རང་ཡུལ་གྱི་རྒྱལ་པོ་ར་ནག་ཟེར་བའི་རྒྱུད་འཛིན་ཞིག་གིས་འཛིན་སྐྱོང་བྱེད་ཀྱིན་ཡོད་སྟབས། .jpgདེ་དུས་གཙོ་ཚོ་བ་རྣམས་དོལ་པོའི་ར་ནག་རྒྱལ་པོར་སྐྱབས་ཞུ་མཛད་རབས་བཙུན་པ་ཆོས་ལེགས་ཀྱི་རྣམ་ཐར་དུ་གསལ། དེ་ནས་དུས་རབས་བཅོ་ལྔ་པར (1446) གློ་བོའི་རྫོང་དཔོན་རྣམས་ཀྱིས་མེན་ཞང་པ་དང་གཙོ་ཚོ་བ་རྣམས་བརྟུལ་རྗེས་དབང་ཤུགས་རྒྱས་ཏེ་སྔར་གྱི་སྡེ་པ་རྣམས་ཕྱིས་ཁྲི་ཐོག་པར་གྱུར་ཞིང་དུས་རབས་བཅུ་དྲུག་པ་ནས་རྒྱལ་པོར་གྱུར་བས། དོལ་པོ་ཡང་དུས་རབས་བཅོ་བརྒྱད་པའི་དཀྱིལ་མཚམས་བར་རྒྱལ་པོ་དེ་དག་གི་མངའ་ཁོངས་སུ་གནས། དེ་ལྟར་ནའང་སྤྱི་ལོ1769ལོར་གྭོར་ཁའི་རྒྱལ་པོས་ཡམ་བུའི་རྒྱལ་སྲིད་བཟུང་དུས་དོལ་ཕྱོགས་གྲུ་བཞི་ཡོངས་རྫོགས་རང་བཞིན་གྱིས་བལ་པོའི་དབང་ཁོངས་སུ་ཤོར་བ་ཡིན།”   སྤྱི་ལོ2005ལོར་དཔར་བའི<<རྒྱལ་གཤེན་ཡ་ངལ་གྱི་གདུང་རབས>>དཔེ་དེབ་དེའི་སྔོན་གླེང་དུ་ཆོས་འཁོར་ཚང་དགེ་བཤེས་ཉི་མ་འོད་ཟེར་མཆོག་གིས་བྲིས་པ་དེར་གསལ།

དོལ་པོར་ཁྱོན་བསྡོམས་ཡུལ་སྡེ་སོ་གཉིས་དང་མི་གྲངས་དགུ་སྟོང་མ་ཟིན་ཙམ་ཞིག་ཡོད། དེ་སྔ་སྲིད་གཞུང་གིས་དོལ་པོའི་ས་གནས། 1.ཕུག་སུམ་མདོ། 2.ས་འདང་། 3.བྱི་གཅེར། 4.མདོ་རྟ་རབ། 5.ཚྭ་དགའ། 6.གཏིང་ཀྱུ།  7. སྨུ་ཀོཊ་བཅས་ཁག་བདུན་དུ་བགོས་ཡོད་པ་དེ་ཉེ་ཆར་རྩ་ཁྲིམས་གསར་བ་གཏན་འབེབས་འཆར་གཞིའི་ཁྱབ་ཁོངས་ལྟར་སླར་ཡང་ས་གནས་སྡེ་ཚན་གསུམ་དུ་བགོས་ཡོད་པ་ནི་གཤམ་གསལ།
 ཤེལ་ཕུག་སུམ་མདོ་གྲོང་སྡེ་ཡར་སྐྱེད་ལྷན་ཚོགས། ཚྭ་དགའ་སྟེང་གཤོངས་གྲོང་སྡེ་ཡར་སྐྱེད་ལྷན་ཚོགས།
 དོལ་པོ་བྷུདྡྷ་གྲོང་སྡེ་ཡར་སྐྱེད་ལྷན་ཚོགས་བཅས་གསུམ་ཡིན། དེ་ལ་ས་འདང་། ནམ་སྟོད། ཀ་རང་། སྟི་ལིང་། སྐྱིད། ལྷོ་རི། ཉི་གསལ། སྨོས། ཀོ་མང་། བྱི་གཅེར། ཕོད། སྐུ། མཚོ། པུག་མོ། རི་སྐྱེད། རེང་སྲི་བཅས་ཡུལ་སྡེ་བཅུ་དྲུག་ཤེལ་ཕུག་སུམ་མདོ་གྲོང་སྡེ་ཡར་སྐྱེད་ལྷན་ཚོགས་ཀྱི་མངའ་ཁོངས་སུ་གཏོགས།
 རྟ་རབ། གཏིང་ཀྱུ། པོལ་ལྡད། ཤིང་སྨིན། ཕལ་བཅས་ཡུལ་སྡེ་ལྔ་དོལ་པོ་བྷུདྡྷ་གྲོང་སྡེ་ཡར་སྐྱེད་ལྷན་ཚོགས་ཀྱི་མངའ་ཁོངས་སུ་གཏོགས་པར་གྱུར།
 ཚྭ་དགའ། དཔོན་འགག ཁྲིམས་གཉེར། དུ། དབྱར་ལྷས། སྨུ། གཏི་རང་། ཤེས་རི། སྦྲང་། པིང་འབྲིང་། བཀག་བཅས་ཡུལ་སྡེ་བཅུ་གཅིག་ཚྭ་དགའ་སྟེང་གཤོངས་གྲོང་སྡེ་ཡར་སྐྱེད་ལྷན་ཚོགས་ཀྱི་ཁོངས་སུ་གཏོགས་པ་ཡིན།

དོལ་པོ་ནི་གོ་ལ་ཟླུམ་པོ་འདིའི་མཐོ་སྒང་ཧི་མ་ལ་ཡའི་ས་ཁུལ་ཞིག་ཀྱང་ཡིན་མོད།
ས་བབ་མཐོ་ཚད་ནི3500ཡིན། ཌོལ་པ་རྫོང་གི་ས་ཆའི་རྒྱ་ཁྱོན་ནི་རྫོང་ཁུལ་གཞན་ལས་ཧ་ཅང་ཆེ་བ་སྟེ། སྤྱི་ལེ7889ཡོད་པ་ཡིན། དོལ་པོ་ནི་བལ་ཡུལ་གྱི་ནུབ་བྱང་ཕྱོགས་དང་མངའ་རིས་ནག་ཆུ་སོགས་དང་འདབས་འབྲེལ་ཡིན་ལ་དོལ་པོ་ཕོད་ནི་མུ་གུམ་དང་འདབས་འབྲེལ་ཡིན། དེ་བཞིན་དོལ་པོ་ཚྭ་དགའ་ནི་གློ་བོ་དང་འདབས་འབྲེལ་ཡིན་ལ་གློ་བོ་དང་ཁ་ཐག་ཉེ་བའི་དོལ་པོའི་ཡུལ་སྡེ་ཞིག་ཀྱང་ཡིན།             

དཔྱད་གཞིའི་ཡིག་ཆ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-07-19

གསར་སྤེལ་མཁན། :རྒྱ་ལོ་རྟ་མགྲིན་ཚེ་བརྟན།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།