ལི་མ་ལྷ་ཁང༌།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ལི་མ་ཛེ་ཁྲིམ་སོགས་བཟོ་ཐབས་ཀྱི་བསྟན་བཅོས་སྐོར་ཀརྨ་པ་རང་བྱུང་རྡོ་རྗེས་མཛད་པ《རིན་པོ་ཆེ་སྣ་ཚོགས་ཀྱི་བརྟག་ཐབས》ཞེས་པ་དང༌། དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་བརྩམས་པའི《རིག་པ་བཟོ་ཡི་གནས་ལ་འདོད་རྒུར་སྒྱུར་བ་འོད་ཀྱི་སྣང་བརྙན》ཞེས་པའི་ནང༌། རིན་པོ་ཆེ་སྣ་ཚོགས་ཀྱི་བརྟག་ཐབས་སོགས་བོད་ཀྱི་ལག་ཤེས་བཟོ་ལས་དང༌། རྫས་སྦྱོར་རིག་པ་སྣ་ཚོགས་ངོ་སྤྲོད་བྱས་ཡོད། ཕོ་བྲང་པོ་ཏ་ལའི་ནང་གི་ལྷ་ཁང་ཞིག་སྐུ་རྒྱུ་ལི་མ་སྣ་ཚོགས་ལས་བཞེངས་པའི་ལྷ་སྐུ་བརྒྱད་བརྒྱ་ཙམ་བཞུགས་པའི་ལྷ་ཁང་ཡིན།
1 རྒྱས་འགྲེལ།

ལི་མ་ཛེ་ཁྲིམ་སོགས་བཟོ་ཐབས་ཀྱི་བསྟན་བཅོས་སྐོར་ཀརྨ་པ་རང་བྱུང་རྡོ་རྗེས་མཛད་པ《རིན་པོ་ཆེ་སྣ་ཚོགས་ཀྱི་བརྟག་ཐབས》ཞེས་པ་དང༌། དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་བརྩམས་པའི《རིག་པ་བཟོ་ཡི་གནས་ལ་འདོད་རྒུར་སྒྱུར་བ་འོད་ཀྱི་སྣང་བརྙན》ཞེས་པའི་ནང༌། རིན་པོ་ཆེ་སྣ་ཚོགས་ཀྱི་བརྟག་ཐབས་སོགས་བོད་ཀྱི་ལག་ཤེས་བཟོ་ལས་དང༌། རྫས་སྦྱོར་རིག་པ་སྣ་ཚོགས་ངོ་སྤྲོད་བྱས་ཡོད། ཕོ་བྲང་པོ་ཏ་ལའི་ནང་གི་ལྷ་ཁང་ཞིག་སྐུ་རྒྱུ་ལི་མ་སྣ་ཚོགས་ལས་བཞེངས་པའི་ལྷ་སྐུ་བརྒྱད་བརྒྱ་ཙམ་བཞུགས་པའི་ལྷ་ཁང་ཡིན། ལྷ་ཁང་འདིའི་ནང་རྒྱ་གར་ཤར་ལི། ནུབ་ལི། ཁ་ཆེའི་ལི་མ། བལ་པོའི་ལི་མ། ལི་ཡུལ་ནས་ཐོན་པའི་ལི་མ། ལོ་ལྔ་བརྒྱ་ལྷག་ཙམ་གྱི་གོང་དུ་རྒྱལ་རྩེ་ཆོས་རྒྱལ་རབ་བརྟན་ཀུན་བཟང་སྐབས་གསར་དུ་བཞེངས་པའི་ཆོས་རྒྱལ་ལི་མ། མིང་རྒྱལ་རབས་ཀྱི་སྐབས་གསར་དུ་བཞེངས་པའི་རྒྱ་ནག་ལི་མ། ཏཱ་ལའི་བླ་མ་སྐུ་ཕྲེང་ལྔ་པའི་སྐབས་ཞོལ་འདོད་དཔལ་ཁང་དུ་བཞེངས་པའི་འདོད་དཔལ་ལི་མ་སོགས་ལི་སྐུ་བརྒྱད་བརྒྱ་ཙམ་ཡོད། སྤྱིར་ལི་མ་ཞེས་པ་ལ། ལི་དཀར། ལི་སེར། ལི་དམར། ལི་སྨུག་སོགས་ཡོད་ཅིང༌། རིན་པོ་ཆེ་རིགས་མི་འདྲ་བ་སྣ་ཚོགས་བསྲེས་པའི་རིགས་ལ་ལི་མ་ཟེར་ཞིང༌། དེ་ལ་ཡང་མདོག་མི་འདྲ་བ་ཡོད་པའི་ཆ་ནས་ལི་དཀར་དམར་སོགས་འབྱུང༌། ཡང་ས་འོག་ནས་ཐོན་པའི་རང་བྱུང་ཟངས་ལ་གཤའ་དཀར་དང་དངུལ་མང་ཙམ་དང༌། གསེར་སྤུས་ལེགས་ཉུང་ཙམ་བསྲེས་ནས་གཞུ་བླུགས་བྱས་པའི་རིགས་ལ་ཛེ་ཀྴིམ་ཟེར། ཇོ་བོ་རྗེ་ཨ་ཏི་ཤཱ་ནས་དངོས་སློབ་རིམ་པའི་སྐབས་སུ་བྱུང་བའི་བཀའ་གདམས་ལི་མ། ཏཱ་ལའི་བླ་མ་སྐུ་འཕྲེང་ལྔ་པའི་སྐབས་པོ་ཏ་ལའི་ཞོལ་འདོད་དཔལ་བཟོ་གྲྭ་ནས་ཐོན་པའི་འདོད་དཔལ་ལི་མ་བཅས་ཡོད། དེ་དག་གི་བཟོ་ཁྱད་དང༌། དབྱེ་འབྱེད་བྱ་ཚུལ་བཅས་ཞིབ་པར་ཀརྨ་ཆག་མེད་ར་ག་ཨ་སྱ་དང༌། ཀུན་མཁྱེན་འཇིགས་མེད་གླིང་པ་གཉིས་ཀྱིས་མཛད་པའི《རིན་པོ་ཆེ་བརྟག་ཐབས》ནང་གསལ་བས་དེར་གཟིགས་པར་ཞུ།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2018-04-18

གསར་སྤེལ་མཁན། :འཕགས་མོ་རིན་ཆེན།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།