རྔོག་ཚོ་བ་ལྔ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

རྔོག་ཚོ་བ་ལྔ་ནི་བསང་ཆུ་རྫོང་གི་ཤར་ལྷོའི་མཚམས་སུ་གནས་ཤིང་། ད་སྐབས་གཙོས་གྲོང་ཁྱེར་གྱི་ཁོངས་གཏོགས་ཡིན། ཤར་ལྷོར་ཅོ་ནེ་ཝ་དམར་དང་བྲག་དཀར་ལུང་། ནུབ་ཏུ་ཀླུ་ཤོད། བྱང་དུ་རྡོ་དཀར་དང་འབོ་ར་ཚོ་བཞི་བཅས་དང་ས་མཚམས་འདྲེས།
གཞི་རྩའི་གནས་ཚུལ།

ཁོངས་གཏོགས།
བསང་ཆུ་རྫོང་ཁོངས་ཀྱི་ཚོ་བ་ཤོག་པ།
གནས་ཡུལ།
བསང་ཆུ་རྫོང་གི་ཤར་ལྷོའི་མཚམས་སུ་གནས།
དབྱེ་བ།
རེབ་ཚའི་ཤོག་པ། ཤིང་ར་ཚ་མདོའི་ཤོག་པ། སྒ་ཤིས་ཤོག་པ། རྔོག་མདོ་བའི་ཤོག་པ། ལོ་བའི་ཤོག་པ།
1 ​ངོ་སྤྲོད།

རྔོག་ཚོ་བ་ལྔ་ནི་བསང་ཆུ་རྫོང་གི་ཤར་ལྷོའི་མཚམས་སུ་གནས་ཤིང་།  ད་སྐབས་གཙོས་གྲོང་ཁྱེར་གྱི་ཁོངས་གཏོགས་ཡིན།  ཤར་ལྷོར་ཅོ་ནེ་ཝ་དམར་དང་བྲག་དཀར་ལུང་།  ནུབ་ཏུ་ཀླུ་ཤོད།  བྱང་དུ་རྡོ་དཀར་དང་འབོ་ར་ཚོ་བཞི་བཅས་དང་ས་མཚམས་འདྲེས་ཤིང་ད་ལྟ་རྒྱལ་མོ་དགོན་གྱི་ཡུལ་ཁོངས་སུ་གཏོགས་ཤིང་དུད་གྲངས་དྲུག་བརྒྱ་དང་མི་གྲངས་བཞི་སྟོང་ལྷག་ཡོད།  རྔོག་ཚོ་བ་ལྔ་ལས་ཚོ་བ་གཅིག་ཀླུ་ཤོད་ཀྱི་ཁོངས་སུ་གཏོགས་པ་ཕུད།  གཞན་རྣམས་རྒྱལ་མོ་དགོན་གྱི་ཁོངས་སུ་གཏོགས།  རྔོག་ཅེས་པ་ནི་ལོ་རྒྱུས་ཡིག་ཚང་དང་ངག་རྒྱུན་ལྟར་ན།  བཀའ་བརྒྱུད་པའི་བླ་མ་སྒྲ་སྒྱུར་མར་པའི་ཐུགས་སྲས་ཀ་ཆེན་བཞིའི་ནང་ནས་རྔོག་ཆོས་སྐུ་རྡོ་རྗེ་ནི་བསྟན་པ་ཕྱི་དར་སྐབས་ཀྱི་ལོ་ཆེན་གསུམ་གྱི་ནང་ཚན་རྔོག་བློ་ལྡན་ཤེས་རབ་དང་གདུང་རྒྱུད་གཅིག་ཡིན།  རྔོག་ཆོས་སྐུ་རྡོ་རྗེས་རྔོག་གི་རུས་སུ་གཏོགས་པའི་ཚོ་བ་ཁ་ཤས་གཙང་ནས་འདིར་སླེབས།  གཞི་བདག་ཨ་མྱེ་དབང་རྒྱལ་རི་བོའི་རི་སིལ་དུ་གཞི་བཅས་ནས་བསྡད།  རུས་རིང་ཚོ་མིང་དུ་ཐོགས་ཏེ་རྔོག་ཚོ་བ་གསོལ་ཞེས་གསུངས།  རྔོག་གི་མ་ཁྱིམ་ལས་མགོ་ཚ་དང་ཝ་ཚ་ཞེས་པའི་བུ་གཉིས་བྱུང་།  ནར་སོན་ཚེ་སོ་སོར་གྱེས་ཏེ་གཞིས་ཆགས།  མགོ་ཚ་ལ་བུ་གཉིས་བྱུང་ཞིང་བུ་གཉིས་ཀ་ཚོ་བ་གཉིས་སུ་འཕེལ།  ཝ་ཚར་བུ་གསུམ་བྱུང་ཞིང་བུ་གསུམ་ལས་ཚོ་བ་གསུམ་བྱུང་བས་བསྡོམས་པས་རྔོག་ཚོ་བ་ལྔ་བྱུང་ངོ་། །རྔོག་ཚོ་བ་ལྔ་ནི་བསང་ཆུ་རྫོང་ཁོངས་ཀྱི་ཚོ་པ་ཆགས་སྔ་ཤོས་ཀྱི་ཡུལ་ཁག་ཅིག་ཡིན།

2 དབྱེ་བ།
2_1 རེབ་ཚའི་ཤོག་པ།

དེར་མ་མོ་སུམ་ན།  མགར་རུ་ཉིན།  མགར་རུ་སྲིབ།  ཨ་མགོན་ནང་།  ཚ་རྡོར།  སྟག་རུ་ནང་།  སྡེང་ག་ནང་བཅས་སྡེ་ཚོ་བདུན་ཡོད །

2_2 ཤིང་ར་ཚ་མདོའི་ཤོག་པ།

དེར་ཚ་མདོ་ཁོག  ཚ་མདོ་སྟོད།  ཤིང་ར་ཁོག  ཤིང་ར་མདོ་བཅས་སྡེ་ཚོ་བཞི་ཡོད། 

2_3 སྒ་ཤིས་ཤོག་པ།

དེར་རྒྱལ་མོ།  དགུན་རུ་མཐིལ།  འདྲ་སྤུས།  རྔོག་ཕུག་བཅས་སྡེ་ཚོ་བཞི་ཡོད།

2_4 རྔོག་མདོ་བའི་ཤོག་པ།

དེར་རྔོག་ཤིས་ཁོག  རྔོག་ཕར་ངོ་།  རྔོག་རུ་ནང་།  བཱ་ཅི།  གསེར་འོད་མདོ།  གསེར་འོད་སྒང་བཅས་སྡེ་ཚོ་དྲུག་མངའ།  གོང་སྨྲས་ཤོག་པ་བཞི་དེང་སང་རྒྱལ་མོ་དགོན་ཞང་གི་ཁོངས་སུ་གཏོགས་སོ། །

2_5 ལོ་བའི་ཤོག་པ།

དེར་ལོ་བའི་མཚེར།  ནུས་ཅན་ནང་།  རི་འགབ།  སྐེད་སྐྱ།  ཀོའུ་བརྡ།  ལུང་ནག  ཕ་གྱོད་བཅས་སྡེ་ཚོ་བདུན་ཡོད།


བརྡ་འགྲེལ་གདོང་འཛར།

ཚོ་བའི་ལོ་རྒྱུས། རྔོག་ཚོ་བ་ལྔ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:2  སྔ་མའི་པར་གཞི།

ཉེ་ཆར་དག་བཅོས།:2017-08-01

གསར་སྤེལ་མཁན། :ཨ་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།