དེང་གི་དུས་རབས།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

དེང་གི་དུས་རབས།
《དེང་གི་དུས་རབས》ཞེས་པའི་གློག་བརྙན་འདི་ནི་ཁྲ་ལི•ཀྲུའོ་པིའེ་ལིན་གྱིས་འཁྲབ་ཁྲིད་དང་གཙོ་འཁྲབ་བྱས་པའི་སྤྲོ་གར་གློག་བརྙན་གྲགས་ཅན་ཞིག་ཡིན་ཏེ། གློག་བརྙན་འདི་ནི་ཨ་རིའི་གློག་བརྙན་ལོ་རྒྱུས་སྟེང་གི་རླབས་ཆེ་བའི་གློག་བརྙན་ཞིག་དང་། སྐུ་ཞབས་ཁྲ་ལི•ཀྲུའོ་པིའེ་ལིན་གྱིས་ཆེས་ཕུལ་དུ་བྱུང་བའི་གློག་བརྙན་བརྩམས་ཆོས་གྲས་ཀྱི་གཅིག་ཡིན། གློག་བརྙན་འདིའི་བརྗོད་དོན་ནི་ཨ་རིའི་དཔལ་འབྱོར་སྤྱི་ཚོགས་ཉམས་རྒུད་ཅན་དང་བཟོ་ལས་སྒེར་སྡོམ་རིང་ལུགས་ཀྱི་དུས་སྐབས་ཤིག་གི་ངོ་གདོང་མཚོན་པའི་གནས་བབ་དང་དུས་བབ་ཞིག་ཡིན།
གཞི་རྩའི་གནས་ཚུལ།

བོད་འགྱུར་མིང་།
དེང་གི་དུས་རབས།
མ་བརྙན་མིང་།
Modern Times
རྒྱ་འགྱུར་མིང་།
摩登时代
རྒྱལ་ཁབ།
ཨ་རི།
སྐད་རིགས།
དབྱིན་སྐད།
འཁྲབ་ཁྲིད་པ།
ཁྲ་ལི•ཀྲུའོ་པིའེ་ལིན།
གཙོ་འཁྲབ་པ།
ཁྲ་ལི•ཀྲུའོ་པིའེ་ལིན། པའོ་ལེན•ཀའོ་ཏའེ། ཧེན་ལི•པོ་ཀུ་མན།
འགྲེམ་དུས།
1936-02-25
བརྙན་རིགས།
གཏམ་རྒྱུད། སྤྲོ་གར། བརྩེ་དུང་།
ཡུན་ཚད།
སྐར་མ87
1 ནང་དོན་མདོར་བསྡུས།

འཛམ་གླིང་གློག་བརྙན་པ་ཀྲུའོ་པིའེ་ལིན་གྱིས་འཁྲབ་པའི《དེང་གི་དུས་རབས》ཞེས་པའི་གློག་བརྙན་ནང་དུ་ལོ་རབས་ཉི་ཤུ་པའི་ཨ་རིའི་ཉམས་རྒུད་ཀྱི་དུས་སྐབས་སུ། ལས་ཤོར་གྱི་ཚད་དམའ་ཞིང་ལས་བཟོ་བའི་གནོན་ཤུགས་ཤིན་ཏུ་ཆེ་བས། ཐོན་སྐྱེད་འཕྲུལ་ཆས་ཀྱི་གཅུས་མཛེར་ཞིག་དང་འདྲ་བར་གྱུར། དེ་ལས་ཀྲུའོ་པིའེ་ལིན་ནི་དམའ་རིམ་གྲོང་མི་ཞིག་ལས་མ་འདས། འུར་ཟིང་གི་ཁེངས་པའི་བཟོ་གྲྭའི་ནང་དུ་ཁོས་ཉིན་མཚན་དབྱེར་མེད་དུ་ལས་ལ་ཧུར་གྱིས་བརྩོན་ཞིང་དབུགས་ལེན་ཁོམ་མེད་པར་བྱ་བའི་ལས་ལ་འབད་ཀྱང་། གླ་ཆ་ནི་ཤིན་ཏུ་དམའ་ཞིང་སྡུག་ཡུས་ཀྱི་གནོན་ཤུགས་ཆེ།

སྤྱིར་ན་ཁྲ་ལའེ་ནི་དབུལ་ཕོངས་ཀྱི་འཚོ་བ་མྱངས་པའི་མུ་ཏོ་བ་ཞིག་ཡིན་ཡང་། ཁོའི་གཞུང་རྒྱུད་དྲང་ཞིང་ལས་ལ་བརྩོན་པ་ཞིག་ཡིན། སྐབས་ཤིག་ལ་ཁོས་ལམ་བར་ཞིག་ནས་འཁྱམ་མོ་ཞིག་བསྐྱབས་ཤིང་། དེ་ནས་བཟུང་ཁོ་མོ་དང་ལྷན་དུ་འཚོ་བ་རོལ་བས། ཁྱིམ་གཞི་སྟོང་ཡང་དྲོད་སྐྱིད་ཀྱིས་ཁེངས་བར་གྱུར། འཚོ་ཐབས་བདེ་ཐབས་ཀྱི་སླད་དུ་ཁྲ་ལའེ་ཡིས་བསམ་གཟས་ནས་དོན་དག་གང་རུང་བཟོས་སྟབས། ཁོ་རང་བཙོན་མའི་ལོ་ཟླ་རིམ་གྱིས་རྩི་མགོ་བརྩམས། གོ་སྐབས་བཟང་པོ་ནི་དུས་ཚོད་ཀྱིས་བསྐྲུན་པ་ནང་བཞིན། འཁྱམ་མོ་ནི་གར་སྟེགས་སྟེང་གི་གླུ་མ་ཞིག་ཏུ་གྱུར། དུས་ཀྱི་འགྱུར་བ་ནི་ཡུན་ཐུང་ཙམ་ཡིན་པ་ཤེས།

2 དཔྱད་གཏམ།

གློག་བརྙན་འདི་ནི་འཛམ་གླིང་སྒྲ་མེད་གློག་བརྙན་གྱི་དུས་སྐབས་སུ་དཔེ་མཚོན་རང་བཞིན་དུ་གྱུར་བའི་སྒྲ་མེད་གློག་བརྙན་ཞིག་ཡིན། གློག་བརྙན་འདིའི་བརྗོད་དོན་ནི་ཨ་རིའི་དཔལ་འབྱོར་སྤྱི་ཚོགས་ཉམས་རྒུད་ཅན་དང་བཟོ་ལས་སྒེར་སྡོམ་རིང་ལུགས་ཀྱི་དུས་སྐབས་ཤིག་གི་ངོ་གདོང་མཚོན་པའི་གནས་བབ་དང་དུས་བབ་ཞིག་ཡིན་པས། འཁྲབ་ཁྲིད་པ་ཁོང་གིས་ཉམས་བརྒྱད་ཀྱི་རྣམ་པ་དང་སྣང་བརྙན་སྒྱུ་རྩལ་གྱི་ལམ་ནས་མཚོན་ཡོད། དེང་གི་དུས་རབས་ཞེས་པའི་ནང་དུ་དཔལ་འབྱོར་གྱི་ཐོལ་བརྒལ་དང་དངོས་གཙོའི་ཐོལ་བརྒལ་ངང་གིས་མཐོང་ཐུབ་པ་རེད། རྒྱུ་མཚན་ནི་བཟོ་ལས་ངལ་རྩོལ་ཐོན་སྐྱེད་ཀྱི་སླད་དུ་མིའི་མི་གཞི་བོར་ཞིང་མིའི་མི་ཚུགས་མེད་པས། རྒྱུ་ནོར་རམ་དཔལ་འབྱོར་གྱི་བྲན་གཡོག་རྐྱང་རྐྱང་དུ་གྱུར་བས། མིའི་ལས་དབང་དང་མིའི་ཐོབ་ཐང་། མིའི་རང་དབང་དང་མིའི་རྩིས་ཐང་ནི་བཟོ་ལས་ངལ་རྩོལ་ལ་བརྒྱུས་ནས་བཟོ་ལས་པ་རྣམས་ནི་དཔལ་འབྱོར་གྱི་ནད་ཡམས་དང་དངོས་གཙོ་རིང་ལུགས་ཀྱི་བསམ་བློའི་འགོས་ནད་ཤུགས་དྲགས་སྟབས། ནང་སེམས་ཀྱི་བདེ་བ་ལས་ཕྱིའི་མཐུན་རྐྱེན་དང་དགོས་མཁོ་ལ་དམིགས་ནས་བཟོ་ལས་བའི་ཐམས་ཅད་བཟོ་ལས་དཔལ་འབྱོར་ལ་འཐིམས་པ་བསྟན་ཡོད།

དེ་མིན། བཟོ་ལས་བྱ་བའི་སྐབས་གླགས་དམན་པ་མ་ཟད། སྒེར་སྡོམ་རིང་ལུགས་ཀྱི་སྤྱི་ཚོགས་གནས་བབ་ཐོལ་བརྒལ་ཅན་དུ་གྱུར་བས། འཁྲབ་ཁྲིད་པ་ཁོང་གིས་དགའ་སྐྱོ་ཟུང་ལྡན་གྱི་འགྱུར་བ་རེ་རེ་བརྙན་གཟུགས་སྒྱུ་རྩལ་ལམ་ནས་སྐབས་དེའི་སྤྱི་ཚོགས་ཀྱི་གནས་སྟངས་ལ་སུན་འབྱིན་དང་དུས་སྐབས་ལ་ལྟ་གྲུབ་ལ་ཟུར་ཟ་བྱས་ཡོད། རྒྱལ་ཁབ་དང་མི་རིགས་གང་ལའང་འདས་པའི་ལོ་རྒྱུས་ལ་མུན་ནག་གི་དུས་སྐབས་ཡོད་ལ། དར་རྒུད་ཀྱི་བཞུད་ལམ་ཡང་ཡོད་སྲིད། གློག་བརྙན་འདིའི་ནང་དུ་ཁྲ་ལའེ་ཁོང་གིས་སྐབས་དེའི་སྤྱི་ཚོགས་ཀྱི་གནས་སྟངས་ལ་བརྩོན་ལེན་དང་འགལ་འདུ་ཤུགས་དྲགས་པ་མཚོན་ཐུབ།

འཛམ་གླིང་ཧྲིལ་བོའི་དཔལ་འབྱོར་གྱི་ཟུར་ཚད་ནས་བལྟས་ན། འདས་པའི་དཔལ་འབྱོར་གྱི་སྐྱོམ་འགུལ་ནི་ལོ་རྒྱུས་ཀྱི་སྙིང་སྟོབས་དང་ཚན་རིག་གི་ལག་རྩལ་ཟུང་འབྲེལ་གྱི་ངང་ནས་བསྐྲུན་པ་ཞིག་ཡིན། ཨ་རིའི་དཔལ་འབྱོར་ཉམས་རྒུད་དུ་གྱུར་བའི་གནས་བབ་དང་བཟོ་ལས་པའི་ལས་ཤོར་གྱི་རིམ་ཚད་དམའ་བའི་དབང་གིས། སྤྱི་ཚོགས་ཐོན་སྐྱེད་ཀྱི་ལས་གཞི་དངོས་ཐོག་ཏུ་སྐོང་མ་ཐུབ་པ་དང་མིའི་འཚོ་གནས་ཀྱི་གནད་དོན་བརྡར་ཤ་གཅོད་མ་ཐུབ་པའི་རྒྱབ་ལྗོངས་རིང་མོ་ཞིག་ནས། འཁྲབ་ཁྲིད་པའི་སྒྱུ་རྩལ་གྱི་དམིགས་ཚད་ནི་ཐད་ཀར་ཨ་རིའི་དཔལ་འབྱོར་གྱི་ཉམས་རྒུད་གནས་སྟངས་དང་མི་གཞི་བོར་བའི་མིའི་གཤིས་སྤྱོད། མིའི་གོམས་ལུགས། མིའི་བསམ་བློ། མིའི་འདུ་ཤེས་ནི་དཔལ་འབྱོར་གྱི་ནད་ཡམས་དང་བཟོ་ལས་ཀྱི་འགོས་ནད་ཀྱི་དབང་གིས། མི་ནི་མིའི་ལྟ་བ་དང་རང་ཚུགས། མིའི་ཚུལ་ལུགས་དང་གཤིས་ལུགས། མིའི་འདུ་ཤེས་དང་ཤེས་རྟོགས་ནི་རྒྱུན་ལྡན་མ་ཡིན་པའི་མི་ཞིག་ཏུ་གྱུར་དང་འགྱུར་བཞིན་ཡོད། དེ་ལ་མཐོ་ཚད་ཞིག་ནས་བརྗོད་ན། དཔལ་འབྱོར་རྐྱང་རྐྱང་གི་བྲན་གཤིས་འཛིན་པའི་མི་ནི་མིའི་ལས་དབང་དང་དར་རྒུད། མིའི་འཚོ་གནས་ནི་ཕྱིའི་རྣམ་པ་ཙམ་དུ་ཟད། 

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2017-01-19

གསར་སྤེལ་མཁན། :དཔལ་མགོན་ཚེ་རིང་།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།