དབྱི་ཐ་ལིའི་མི། ནི་མིང་གཅིག་དོན་མང་ལ་འཇུག་སྟེ། དེར་དོན་གྱི་འཇུག་ཚུལ2ཡོད།

དབྱི་ཐ་ལིའི་མི།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།
(གློག་བརྙན་བརྩམས་ཆོས།)

དབྱི་ཐ་ལིའི་མི།
《དབྱི་ཐ་ལིའི་མི》ཞེས་པའི་གློག་བརྙན་འདིའི་འཁྲབ་ཁྲིད་པ་ནི་ཨན་ཏུ་ལི•ཁུ་ལཱ་ཧྥུའུ་ཧྥོ་ཁུའུ་ཁུ་ཡིན་པ་དང་། གཙོ་འཁྲབ་པ་ནི་ཧུ་ལི་ཡཱ•ཧྲི་པེ་ལི་ཏོའུ་ནོའུ་ཧྥུའུ་ཡིན། གློག་བརྙན་འདི་ལ་སྐབས55བའི་པོ་ལིན་རྒྱལ་སྤྱི་གློག་བརྙན་དུས་སྟོན་དང་སྐབས28པའི་བྱིས་པའི་གློག་བརྙན་དུས་ཆེན་གྱི་བྱིས་པའི་གློག་བརྙན་རྩེ་གྲས་དང་བྱིས་པའི་དཔྱད་སྡུར་ཚོགས་པའི་བྱ་དགའ་ཐོབ། སྐབས13པའི་ཧྲིན་ཕེ་ཏུ་པའོ་རྒྱལ་སྤྱིའི་གློག་བརྙན་དུས་སྟོན་ཐོག་ལྟ་མཁན་ཀྱིས་འདེམས་ཤོག་འཕངས་པའི་གློག་བརྙན་རྩེ་གྲས། སྤྱི་ལོ2005ཨ་མུའུ་སི་ཐུ་ཏན་རྒྱལ་སྤྱིའི་གློག་བརྙན་དུས་སྟོན་གྱི་ཐོག་མའི་བྱ་དགའ་སོགས་བྱ་དགའ་མང་པོ་ཐོབ།
གཞི་རྩའི་གནས་ཚུལ།

བོད་འགྱུར་མིང་།
དབྱི་ཐ་ལིའི་མི།
མ་བརྙན་མིང་།
The Italian
རྒྱ་འགྱུར་མིང་།
寻找幸福的起点
རྒྱལ་ཁབ།
ཨུ་རུ་སུ།
སྐད་རིགས།
ཨུ་རུ་སུའི་སྐད།
འཁྲབ་ཁྲིད་པ།
ཨན་ཏུ་ལི•ཁུ་ལཱ་ཧྥུའུ་ཧྥོ་ཁུའུ་ཁུ།
གཙོ་འཁྲབ་པ།
ཧུ་ལི་ཡཱ•ཧྲི་པེ་ལི་ཏོའུ་ནོའུ་ཧྥུའུ།
འགྲེམ་དུས།
2007-02-14
བརྙན་རིགས།
གཏམ་རྒྱུད། ཁྱིམ་ཚང་།
ཡུན་ཚད།
སྐར་མ90
བྱ་དགའ་གཙོ་བོ།
སྐབས55བའི་པོ་ལིན་རྒྱལ་སྤྱི་གློག་བརྙན་དུས་སྟོན་དང་སྐབས28པའི་བྱིས་པའི་གློག་བརྙན་དུས་ཆེན་གྱི་བྱིས་པའི་གློག་བརྙན་རྩེ་གྲས་དང་བྱིས་པའི་དཔྱད་སྡུར་ཚོགས་པའི་བྱ་དགའ། སྐབས13པའི་ཧྲིན་ཕེ་ཏུ་པའོ་རྒྱལ་སྤྱིའི་གློག་བརྙན་དུས་སྟོན་ཐོག་ལྟ་མཁན་ཀྱིས་འདེམས་ཤོག་འཕངས་པའི་གློག་བརྙན་རྩེ་གྲས། སྤྱི་ལོ2005ཨ་མུའུ་སི་ཐུ་ཏན་རྒྱལ་སྤྱིའི་གློག་བརྙན་དུས་སྟོན་གྱི་ཐོག་མའི་བྱ་དགའ་སོགས།
1 ནང་དོན་མདོར་བསྡུས།

འདི་ནི་ཆེས་སྟབས་བདེ་ཞིང་ཧ་ཅང་སེམས་འགུལ་ཐེབས་པར་བྱེད་པའི་གཏམ་རྒྱུད་ཅིག་སྟེ། གློག་བརྙན་ནང་ཨི་ཐ་ལིའི་བཟའ་ཚོ་གཉིས་ཀྱིས་གསོ་སྐྱོང་བྱེད་རྩིས་ཡོད་པའི་ཨུ་རུ་སུའི་བུ་ཆུང་ཅི་ཡ་མ་འོངས་པའི་འཚོ་བ་ལ་རེ་བཅོལ་དེ་ཙམ་གྱི་ཆེན་པོ་མེད་པར། དེ་ལས་ལྡོག་སྟེ་རང་ཉིད་ཕ་ཡུལ་དང་ཁ་བྲལ་ཚེ། ཨ་མས་རང་ཉིད་འཚོལ་བར་ཡོངས་སྐབས་མ་རྙེད་པའི་སེམས་ཁྲལ་བྱེད་ཀྱི་ཡོད། དེ་ན་ཨི་ཐ་ལིའི་བཟའ་ཚོ་གཉིས་སླེབས་ལ་ཉེ་བ་དང་། ཁོའི་ཨ་མས་ད་དུང་ཁོ་འཚོལ་བར་སླེབས་མེད། དེ་འདྲའི་འོག་ཁོས་རང་ཉིད་ཀྱིས་ཨ་མ་འཚོལ་བར་འགྲོ་རྒྱུའི་ཐག་བཅད། ལོ་ན་དྲུག་ལས་མིན་པའི་བུ་ཆུང་ཅི་ཡས་དོན་ཆེན་དེ་སྒྲུབ་པའི་ཆེད་ཡི་གེ་སྦྱངས་འགོ་ཚུགས་པ་དང་། རང་ཉིད་ཀྱི་མེ་འཁོར་བསྡད་པ། ཡང་བྱིས་པ་གཞན་གྱིས་བརྙས་བཅོས་ལ་སོགས་སྡུག་བསྔལ་གང་ལས་མང་བ་ཞིག་མྱངས།

2 དཔྱད་གཏམ།

《དབྱི་ཐ་ལིའི་མི》མིང་གཞན་ལ《བདེ་སྐྱིད་ཀྱི་སྣེ་མོ་འཚོལ་བ》ཡང་ཟེར། འདི་ནི་ཨུ་རུ་སུའི་མི་རིགས་ཀྱི་ལྕོང་མོས་ཨ་མ་འཚོལ་བའི་སྒྲུང་གཏམ་ཞིག་རེད། དོན་དངོས་ཐོག་འདི་ནི་ཆེས་སྤྱིར་བཏང་གི་གཏམ་རྒྱུད་ཞིག་རེད། དེ་ཡང་དྭ་ཕྲུག་ཁང་ནང་འཚར་ལོངས་བྱུང་བའི་བུ་ཆུང་ཅི་ཡ་མགྱོགས་མྱུར་ཨི་ཐ་ལིའི་བཟའ་ཚོ་གཉིས་ཀྱི་གསོ་སྐྱོང་བྱེད་རྩིས་ཡོད་པས། ཁོས་རང་ཉིད་གཞན་ཡུལ་དུ་ཕྱིན་ཚེ་ཨ་མས་རང་ཉིད་འཚོལ་བའི་སྐབས། རྙེད་མི་ཐུབ་སྙམ་པའི་སེམས་ཁྲལ་བྱེད་ཀྱི་ཡོད། དེ་འདྲའི་གནས་ཚུལ་འོག ཁོ་རང་ཉིད་ཀྱི་ཕར་ཨ་མ་འཚོལ་བར་བསྐྱོད་རྒྱུའི་ཐག་བཅད། མ་གཞིར་ཁོ་བོ་འཚོ་གནས་བྱེད་སའི་དྭ་ཕྲུག་ཁང་དེའང་དོན་དངོས་ཐོག་བྱིས་འཚོང་རྒྱག་མཁན་ཞིག་དང་གཉིས་སུ་མ་མཆིས། ཁོས་རང་ཉིད་ཀྱི་ཡིག་ཚགས་ལྟ་ཐུབ་པའི་ཆེད་ཡི་གེ་སྦྱངས་ཐུབ་པ་བྱས་པ་དང་། རང་ཉིད་ཀྱི་མེ་འཁོར་སྡད་པ་མ་ཟད། ད་དུང་འགྲན་ཟླ་བྲལ་བའི་རིག་པ་ལ་བརྟེན་ནས་མེ་འཁོར་ནང་གི་ངོ་མི་ཤེས་པའི་མི་དང་ཞི་མཐུན་བྱུང་བ་དང་། བྱིས་པ་གཞན་གྱི་ཐུབ་ཚོད་ལས་ཐར་བ་བྱས། མཇུག་མཐར་དྭ་ཕྲུག་ཁང་གི་ཁ་ལོ་བས་མཐོང་བ་དང་། དེ་འཕྲལ་ཁོ་པས་ཤེལ་དམ་ཆག་རོ་རང་ཉིད་ཀྱི་ལག་པའི་སྟེང་ཤུགས་ཀྱིས་བསྣུན་པས། དེ་འདྲའི་འོག་མཐའ་མ་ཁ་ལོ་བ་ཡང་སེམས་འགུལ་མི་ཐེབས་ཀ་མེད་བྱུང་། ཅི་ཡ་ཨ་མའི་དྲུང་དུ་སླེབས་སོང་། འོན་ཀྱང་ཁྱོད་ཀྱིས་ཤེས་སམ། འདིའི་བརྒྱུད་རིམ་ནི་བདེ་བ་དང་སྤྲོ་བས་ཁེངས་པ་ཞིག་ནི་ག་ལ་ཡིན།

གློག་བརྙན་ནང་གི་ཅི་ཡ་ལ་སྐབས་དེར་ལོ་དྲུག་ལས་མིན། ལོ་དྲུག་གི་སྐབས་ང་ཚོ་ནི་ཅི་ཞིག་བྱས་ནས་བསྡད་ཡོད། ཕལ་ཆེར་རང་གཤིས་ཧ་ཅང་རྒོད་པའི་བྱིས་པ་ཞིག་རེད། འོན་ཏེ་ཅི་ཡ་ནི། དོན་དངོས་ཐོག་ཁོའི་གཟུགས་པོ་ལས་མངོན་པ་ནི་རང་གི་ལོ་ཚོད་དང་མ་མཉམ་པའི་མི་དར་མ་ཞིག་གི་བྱ་ལུགས་རེད། ཁོས་ཛ་དྲག་ཆེ་བའི་གནས་ཚུལ་ལ་གང་འདྲ་བྱས་ཏེ་ཁ་གཏད་གཅོག་དགོས་པ་ཤེས་ལ། གང་འདྲ་བྱས་ཏེ་མི་དར་མ་དང་འབྲེལ་འདྲིས་བྱེད་དགོས་པའང་ཤེས། ཁོས་རང་ཉིད་ཀྱི་གྲོགས་པོ་ཡིན་ནའང་འདྲ། ཡང་ན་སེམས་བཟང་ཆེ་བའི་བགྲེས་སོན་ཡིན་ནའང་འདྲ། གང་བྱུང་དུ་ཡིད་ཆེས་ནི་གཏན་ནས་བྱེད་ཀྱི་མེད། མཐའ་མར་ཁོས་ཤེལ་དམ་ཆག་རོ་དེ་རང་གི་ལག་པའི་སྟེང་འཛེར་པའི་སྐབས། ངའི་བསམ་པར་བྱིས་པ་འདིས་རྙོག་འཛིང་དང་སྡུག་རྩུབ་ཆེ་བའི་དོན་དངོས་ཀྱི་འཇིག་རྟེན་དེ་མཐོང་སོང་སྙམ།

དུས་རྒྱུན་དུ་ངེད་ཚོའི་བསམ་པར། བྱིས་པ་ནི་ནམ་ཡིན་ཡང་བྱིས་པ་ཡིན་པས། གང་ཡིན་ཡང་མི་ཤེས་ལ་གང་ལའང་ཡིད་ཆེས་བྱེད། མ་ཟད་བྱིས་པའི་ཁང་ཁྱིམ་ནི་ནམ་ཡང་དྭངས་གཙང་ལྷད་མེད་ཞིག་རེད། དོན་དངོས་ཐོག་འདི་ནི་ང་ཚོ་འཚར་ལོངས་བྱུང་རྗེས་རང་ཉིད་ཀྱིས་བཟོས་པའི་རྨི་ལམ་ཞིག་རེད། ལོ་དྲུག་གི་སྐབས། ང་ཚོས་རང་གི་ཕ་མའི་སྐད་ཆར་དོགས་པ་བྱེད་མྱོང་མེད་དམ། ང་ཚོས་ཕྱི་རོལ་རྒྱུས་མེད་ཀྱི་ཁོར་ཡུག་དེར་ཞེད་སྣང་བྱེད་མ་མྱོང་ངམ། འདི་ནི་མ་སྲིད་པ་ཞིག་ནི་མ་རེད། འོན་ཏེ་ཕལ་ཆེར་ངེད་ཚོས་བརྗེད་སོང་བ་ཡིན་ངེས་ལ། ཡང་གཅིག་བྱས་ན་འདི་ནི་བསམ་པའི་ནང་ངེས་དགོས་པ་ཞིག་ནི་ག་ལ་ཡིན། དོན་དངོས་ཐོག་ང་ཚོ་འཚར་ལོངས་བྱུང་ཏེ་རྙོག་བཙོག་གིས་ཁེངས་པའི་འཇིག་རྟེན་དེར་ངོ་འཕྲད་ཞིག་བྱུང་རྗེས། བསམ་བློའི་ནང་བྱིས་པའི་སྐབས་ཀྱི་འཚོ་བ་ནི་ཧ་ཅང་གི་མཛེས་སྡུག་ལྡན་པ་ཞིག་རེད་སྙམ་གིན་ཡོད། འོན་ཏེ་ཅི་ཡ་ལྟ་བུར་མཚོན་ན། ཁོས་རང་ལོ་ཆུང་ཆུང་སྐབས་ནས་འཇིག་རྟེན་འདི་ཇི་འདྲ་ཞིག་ཡིན་པ་རྟོགས་ཡོད། དེར་རྟེན་ཁོས་ཤེལ་དམ་ཆག་རོ་ཤུགས་ཀྱིས་རང་ལག་པར་འཛེར་ཤིང་། འདི་ནི་འུ་ཐུག་གི་ངོ་རྒོལ་རེད་ལ། ཡང་འཇིག་རྟེན་དེའི་ཆ་ཞིག་ཀྱང་རེད།

ལོ་དྲུག་གི་སྐབས། འཇིག་རྟེན་དེ་ནི་རྣམ་པ་དེ་འདྲ་ཞིག་རང་རེད། ང་ཚོས་ལོ་དྲུག་གི་སྐབས་མིག་ཆུང་དེ་ཁྱེར་ནས་རང་གི་རིག་ཐུབ་པའི་འཛམ་གླིང་དེའི་ནང་རང་གིས་རང་ལ་སྲུང་སྐྱོབ་བྱེད་འགོ་བརྩམས། འདི་ནི་ཕལ་ཆེར་ང་ཚོས་ཐེངས་ཐོག་མར་གང་འདྲ་བྱས་ནས་འཚོ་སྡོད་བྱེད་དགོས་པ་ཤེས་པ་དང་གཅིག་མཚུངས་ཡིན།

ང་ཚོས་འཇིག་རྟེན་དེ་ཧ་ཅང་གི་མཛེས་སྡུག་ལྡན་པ་ཞིག་དུ་འཛིན་རྒྱུ་མེད་ལ། དེ་བས་ང་ཚོས་རང་ཉིད་ཧ་ཅང་གི་ལྷད་མེད་ཞིག་དུ་འཛིན་མི་ཉན། གློག་བརྙན་ལ་མནོ་བསམ་ཞིག་བྱེད་སྐབས། དེའི་ནང་གི་འཁྲབ་སྟོན་པ་བྱིས་པ་ཆུང་ཆུང་འདི་ནི་ངོ་མ་ལྷན་སྐྱེས་ཀྱི་ཤེས་རབ་ཕྱུག་པ་ཞིག་རེད། ཁོས་རང་བཞིན་ངང་མི་སེམས་འགུལ་ཐུབ་པ་དེ་འདྲ་འཁྲབ་པ་ངོ་མ་ལས་སླ་པོ་ཞིག་མ་རེད།

གློག་བརྙན་འདི་ནི་ཕལ་ཆེར་བྱིས་སྒྲུང་ལྟ་བུ་ཞིག་ཡིན་ཡང་འདིའི་ནང་ནས་སྟོན་པ་ནི་བྱིས་སྒྲུང་གི་འཇིག་རྟེན་ཞིག་ག་ལ་ཡིན། གློག་བརྙན་ནང་གི་འཇིག་རྟེན་འདི་ནི་དོན་དངོས་ཀྱི་སྤྱི་ཚོགས་ཞིག་རེད། གདུག་རྩུབ་དང་། རྒྱུ་ནོར། དབང་ཆ། དྲག་ཤུགས་ལ་སོགས་ལས་གྲུབ་པ་ཞིག་རེད། དེས་ན། ང་ཚོ་གནས་སའི་མིག་མདུན་གྱི་སྤྱི་ཚོགས་འདི་ནི། ནམ་ཡང་གློག་བརྙན་ནང་གི་འཇིག་རྟེན་ལས་གདུག་རྩུབ་ཆེ་བ་ང་ཚོ་ཚང་མས་ཤེས་གསལ་རེད། 

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2017-01-19

གསར་སྤེལ་མཁན། :དཔལ་མགོན་ཚེ་རིང་།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།