ཆུ་འཐུང་བ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཆུ་འཐུང་བ་ནི་ཚེ་སྲོག་གི་ཕུང་བོ་ཁ་སྦུག་བརྒྱུད་ནས་ཆུ་རྡུལ་བསྡུ་ལེན་བྱེད་པའི་ཐབས་ཤིག་ཡིན་ལ། མིའི་ལུས་པོའི་ཉིན་རེར་ཁ་སྦུག་བརྒྱུད་ནས་ཧ་ལམ2Lཡི་གཤེར་གཟུགས་བསྡུ་ལེན་བྱེད་བཞིན་ཡོད་པ་དང་། ཆུ་ནི་གཙོ་བོ་ཕོ་བས་བསྡུ་ལེན་བྱེད་པ་ཡིན་ལ། མིའི་ཁོག་ཏུ་ཞུགས་རྗེས། ཆུ་རྡུལ་ནི་གཙོ་བོར་ཕྲ་ཕུང་ནང་གཤེར་དང་ཕྲ་ཕུང་ཕྱི་གཤེར་ཁ་གསབ་བྱེད་པར་སྤྱོད་པ་དང་། མིའི་ལུས་ཕུང་སོ་སོའི་སྐྱེ་ལུགས་འགུལ་སྐྱོད་སྣ་ཚོགས་ལ་ཞུགས་པ་ཡིན་ལ། དེ་བས། ཆུ་འཐུང་བ་ནི་ཚེ་སྲོག་གི་ཕུང་བོ་རྒྱུན་སྲིང་བྱེད་པའི་རྙིང་ཚབ་གསར་བརྗེ་ཀྱི་ལྷུ་ལག་གལ་ཆེན་ཞིག་ཡིན་ནོ།།
གཞི་རྩའི་གནས་ཚུལ།

རྒྱ་ཡིག་གི་མིང་།
喝水
ཕྱི་ཡིག་གི་མིང་།
Drink water
ངོ་བོ།
ཚེ་སྲོག་གི་ཕུང་བོའི་རྒྱུན་ལྡན་གྱི་རྙིང་ཚབ་གསར་བརྗེ་བྱེད་པར་རྒྱུན་སྲིང་བྱེད་པ།
སྤྱོད་སྒོ།
ཚེ་སྲོག་གི་ཕུང་བོའི་ཆུ་རྡུལ་ཁ་གསབ་བྱེད་པ།
1 ཕན་ནུས།

ས་སྒང་འདིར་གནས་བའི་སྲོག་ཆགས་གང་ཡིན་རུང་མང་ཆེ་བའི་ཚེ་སྲོག་གི་གྲུབ་ཆ་ནི། དུས་ནམ་ཡང་རླན་དང་འབྲལ་མི་རུང་བས་ཆུ་ནི་ཚེ་སྲོག་གི་འབྱུང་ཁུངས་གཙོ་ཤོས་ཤིག་ཏུ་ཆགས་ཡོད། ལྷག་པར་དུ་མིའི་རིགས་ཀྱིས་དུས་རྒྱུན་ཆུ་མང་ཙམ་བཏུང་དགོས་པ་ཞིག་ཡིན་ལ། ང་ཚོའི་མིའི་ལུས་ཕུང་ནི་ཆུའི་སྐྱལ་བ་ཞིག་དང་འདྲ་བར་ལུས་ཀྱི་ཆ60ལྷག་རླན་གྱིས་བཟུང་ཡོད་པ་ཡིན། ད་དུང་རླངས་འཁོར་ནང་བཞིན་འགུལ་སྐྱོད་ཀྱི་ཆ་དག་ཀྱང་ཆུས་ནུས་པ་རྒྱུན་བསྲིངས་ནས་ཡོད་པས་མིའི་ལུས་ཁམས་ལ་མཚོན་ན། ཆུ་ནི་མེད་དུ་མི་རུང་བའི་ལུས་ཁམས་ཀྱི་གྲུབ་ཆ་གཙོ་བོ་ཞིག་ཡིན། ལུས་ཀྱི་ཆ་ཤས་མི་འདྲ་བ་དག་ལས་དུག་རིགས་དང་ནད་སོགས་འཇོམས་པའི་ནུས་པ་ཡོད་པ་དང་། ལུས་ཁམས་ཀྱི་སྔོན་འགོག་མ་ལག་གི་ནུས་པ་ཡང་མཐོར་འདེགས་ཐུབ་པ་རེད། མ་ཟད་བདེ་ཐང་སྲུང་སྐྱོབ་བྱ་བ། ཟས་འཇུ་བ་ལ་ཕན་པ། ལུས་ཀྱི་སྙིགས་མ་ཕྱིར་ཕུད་གཏོང་ཐུབ་པ། ལུས་དྲོད་ལ་སྙོམས་སྒྲིག་ཐུབ་པ། ཁྲག་དྭངས་སྙིགས་རྒྱུན་ལྡན་དུ་རྒྱུ་ཐུབ་པ་བཅས་ཀྱི་བྱེད་ལས་ལྡན། དེའི་ཕྱིར་ཞིབ་འཇུག་པ་དག་གིས་ཆུ་ལ་བསྐྱར་གསོའི་ལྷ་ཆུ་ཞེས་འབོད་ལ། རྒྱུན་པར་མིའི་ལུས་ཁམས་ལ་སྨན་མཆོག་ལས་ཀྱང་བསྐྱར་གསོའི་བྱེད་ནུས་ཡོད་པ་རྟོགས། ཉི་ཧོང་གི་གསོ་རིག་མཁས་པས་བརྟག་དཔྱད་ལས་ཤེས་གསལ་བྱུང་བ་ནི་ལོ65ཡན་ཟིན་པའི་རྒན་རྒོན460ཡིས་ལོ་ལྔའི་རིང་བདེ་ཐང་གི་བྱ་འགུལ་ལ་ཆེད་ཞུགས་བྱས་ཏེ། ཉིན་ལྟར་ཞོགས་པ་ཆུ་འཁོལ་བཏུང་རྒྱུའི་གོམས་གཤིས་རྒྱུན་འཁྱོངས་བྱས་ཡོད་སྟབས་ཁོ་ཚོའི་ནང་གི་བརྒྱ་ཆའི82% ཀྱི་མིའི་གདོང་གཤིས་ཇེ་ལེགས་སུ་སོང་བ་དང་། སེམས་ཤུགས་ཆེ་བ། སོ་གྲལ་འགྲིག་པ། རིགས་པ་གྲུང་བ། ནད་མི་སྡང་བ་བཅས་ཀྱི་ལུས་ཁམས་ལ་མངོན་སུམ་དུ་ཕན་ནུས་ཐོན། ཆེད་མཁས་པས་ཆུ་གཙང་བཏུང་མཁན་གྱི་ཁེ་ཕན་ལ་ཡང་བསྐྱར་ཞིབ་འཇུག་བྱས་མཐར། མི་རྣམས་མཚན་མོ་ཉལ་གཉིད་ཀྱི་གོ་རིམ་ཐེངས་གཅིག་བརྒྱུད་འོག མིའི་ཕོ་བའི་ནང་ཆའི་ཟས་ཞུ་རྗེས་སྙིགས་རོ་རྣམས་ལུས་ཀྱི་རྒྱུ་སྨད་སོགས་ན་འདུས་ཡོད་སྟབས། སྐབས་དེར་ཞོགས་པར་ཚྭ་ཆུ་དང་ཡང་ན་ཆུ་ཁོལ་ཕོར་གང་ཙམ་འཐུངས་ན་མགྱོགས་མྱུར་བསྡུ་ལེན་ངང་ལུས་ཁམས་ཀྱི་དབང་པོའི་གྲུབ་ཆ་ཁག་ལ་གཙང་འཁྲུད་ཐེངས་གཅིག་བྱས་ཏེ་སྙིགས་རོ་རྣམས་རྒྱང་ཕུད་གཏོང་ཐུབ་ཀྱིན་ཡོད། དེའི་ཕྱིར་ཆུ་འཐུངས་བ་ནི་སྨན་བཏུང་བ་ལས་ཀྱང་ལྷག་པ་ཡིན།

2 ཆུ་བསྟེན་ཚད།

ཉིན་གཅིག་ལ་རྒྱུན་ལྡན་གྱི་མི་ཞིག་གི་ཆུ་བསྟེན་ཚད་ནི། 1500mlསྟེ་རྒྱ་མ་གསུམ་ནས་བཞི་ཙམ་ཡིན། ཉིན་གང་ལ་ཆུ་ཕོར་བརྒྱད་ཙམ་ངེས་པར་དུ་བཏུང་དགོས།

3 ཆུ་བསྟེན་པའི་དུས།

སྔ་མོ་ཡར་བཞེངས་རྗེས་དང་། ཐུན་གསུམ་ལ་ཟས་མ་བསྟེན་པའི་ཡར་སྔོན། རྒྱུན་པར་ཚ་བ་ཆེ་དུས། ཟས་མི་བསྟེན་པའི་བར་གསེང་ཀུན་ཏུ་ཆུ་བཏུང་དགོས། དགོང་མོ་མ་ཉལ་བའི་ཡར་སྔོན་དུས་ཚོད་གཅིག་ཙམ་སྟེ་འདི་དག་ནི་རྒྱུན་པར་ཆུ་བསྟེན་པའི་དུ་ཚིགས་མ་ནོར་བ་སྟེ་ལུས་ཁམས་དང་འཚམ་པའི་དུས་ཡིན།

4 ཆུ་བཏུང་ལུགས།

དང་པོ་ཆུ་བཏུང་ཚད་ཉུང་དྲགས་མི་རུང་། གཉིས་པ་ཆུ་བཏུང་ཚད་མང་དྲགས་ཀྱང་མི་རུང་། གསུམ་པ་ཆུ་གཙང་མི་འཐུང་བར་སྐོམ་ཆུའི་རིགས་མང་པོ་བཏུང་མི་རུང་བ། བཞི་པ་ཆུ་གྲངས་མོ་དང་འཁྱགས་དར་ཅན་བཏུང་མི་རུང་། ལྔ་པ་ཐེངས་རེར་ཆུ་ཉུང་ཙམ་དང་། དུས་རྒྱུན་པར་བཏུང་བ་མཆོག་ཡིན་པའོ།།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-12-19

གསར་སྤེལ་མཁན། :ཚེ་རིང་འབུམ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།