ཕག་མོ་རི་དགོན་པ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཕག་མོ་རི་དགོན་པ།
ཕག་མོ་ཆོས་འཁོར་དར་རྒྱས་གླིང་ངམ་ཕག་མོ་རི་དགོན་པ་ཞེས་ཡོངས་སུ་གྲགས་པ་དེ། རབ་བྱུང་གསུམ་པའི་ཤིང་བྱི་ལོ་སྟེ་ཕྱི་ལོ1204ལ་གྲུབ་ཐོབ་ཞིག་པོ་གཉིས་མེད་རྡོ་རྗེས་གསར་དུ་ཕྱག་འདེབས་མཛད། ཐོག་མར་དགོན་འདིའི་ཆོས་གཞི་འབྲུག་པ་བཀའ་རྒྱུད་ཡིན་པ་ལ་རབ་བྱུང་བཅོ་ལྔ་བའི་དུས་དཀྱིལ་ཙམ་ལ་བྲག་མཁན་པོ་འདས་ནས་བླ་མ་ཚེ་རིང་གིས་ཆོས་རྒྱུད་ས་སྐྱའི་ལུགས་སུ་བསྒྱུར། དེ་རྗེས་སྤྲུལ་སྐུ་ཀུན་བཟང་གི་སྐུ་རིང་ལ་གྲུབ་མཐའ་སླར་ཡང་བཀའ་བརྒྱུད་པ་ལ་བསྒྱུར་ནས་ད་བར་བསྟན་གཏོར་བཟློག རྡོ་རྗེ་རྣལ་འབྱོར་བའི་ཆོ་ག མགོན་པོ་བེར་ནག་གི་གཏོར་བཟློག བདེ་ཆེན་ཞིང་སྒྲུབ། མགོན་པོའི་གར་འཆམ་སོགས་ཡོད།
གཞི་རྩའི་གནས་ཚུལ།

མིང་གཞན།
ཕག་མོ་ཆོས་འཁོར་དར་རྒྱས་གླིང་།
གསར་འདེབས་དུས།
རབ་བྱུང་གསུམ་པའི་ཤིང་བྱི་ལོ་སྟེ་ཕྱི་ལོ1204།
འདེབས་མཁན།
གྲུབ་ཐོབ་ཞིག་པོ་གཉིས་མེད་རྡོ་རྗེ།
གྲུབ་མཐའ།
འབྲུག་པ་བཀའ་རྒྱུད།
1 ངོ་སྤྲོད།

ཕག་མོ་ཆོས་འཁོར་དར་རྒྱས་གླིང་ངམ་ཕག་མོ་རི་དགོན་པ་ཞེས་ཡོངས་སུ་གྲགས་པ་དེ། རབ་བྱུང་གསུམ་པའི་ཤིང་བྱི་ལོ་སྟེ་ཕྱི་ལོ1204ལ་གྲུབ་ཐོབ་ཞིག་པོ་གཉིས་མེད་རྡོ་རྗེས་གསར་དུ་ཕྱག་འདེབས་མཛད། ཁོང་ཉིད་མགོ་ལོག་རྨ་ཆུ་ཁའི་ཡུལ་དུ་སྐུ་འཁྲུངས་ཤིང་ལྷ་ལུང་དཔལ་རྡོར་གྱི་རྣམ་སྤྲུལ་དུ་གྲགས། རི་བོ་རྩེ་ལྔ་སོགས་སུ་བཞུགས་ནས་སྒོམ་སྒྲུབ་མཛད་ནས་ཉམས་རྟོགས་ཀློང་དུ་བརྡོལ་ཞིང་གྲུབ་པའི་རྟགས་མཚན་རབ་དང་རིམ་པ་ཞིག་བཞག་པར་གྲགས། ཐོག་མར་དགོན་འདིའི་ཆོས་གཞི་འབྲུག་པ་བཀའ་རྒྱུད་ཡིན་པ་ལ་རབ་བྱུང་བཅོ་ལྔ་བའི་དུས་དཀྱིལ་ཙམ་ལ་བྲག་མཁན་པོ་འདས་ནས་བླ་མ་ཚེ་རིང་གིས་ཆོས་རྒྱུད་ས་སྐྱའི་ལུགས་སུ་བསྒྱུར། སྐབས་དེར་ལྕགས་ལ་རྒྱལ་པོས་མཐུན་རྐྱེན་སྦྱར་ཏེ་གཙུག་ལག་ཁང་ཀ་བ་བཅུ་དྲུག་ཅན་གཅིག་བཞེངས། སྤྲུལ་སྐུ་རིག་འཛིན་རྒྱ་མཚོ་དང་མཁ་པོ་གྲགས་པ་རབ་རྒྱན་གཉིས་དགོན་འདིར་བཞུགས་ནས་ཆོས་སྲིད་གཉིས་ཐུགས་ཁུར་རྒྱ་ཆེན་མཛད། དེ་རྗེས་སྤྲུལ་སྐུ་ཀུན་བཟང་གི་སྐུ་རིང་ལ་གྲུབ་མཐའ་སླར་ཡང་བཀའ་བརྒྱུད་པ་ལ་བསྒྱུར་ནས་ད་བར་བསྟན་པ་དར་ཞིང་རྒྱས། དགོན་འདིའི་གྲྭ་བའི་ཞལ་གྲངས་བརྒྱ་དང་ཉི་ཤུ་ལྷག་བཞུགས། དུས་མཆོད་དང་འབག་འཆམ་གྱི་སྐོར་ནི་མགོན་པོ་ཕྱག་བཞིའི་གཏོར་བཟློག རྡོ་རྗེ་རྣལ་འབྱོར་བའི་ཆོ་ག མགོན་པོ་བེར་ནག་གི་གཏོར་བཟློག བདེ་ཆེན་ཞིང་སྒྲུབ། མགོན་པོའི་གར་འཆམ་སོགས་ཡོད། དུས་འགྱུར་གྱི་དབང་གིས་དགོན་འདི་བཅོམ་བརླག་ཏུ་བཏང་བའི་རྗེས་སུ་སླར་ཡང་མཁན་པོ་རོང་བ་ཕུན་ཚོགས་ནོར་བུ་དང་རོང་བ་ཕུན་ཚོགས་དར་རྒྱས་སོགས་ཀྱིས་འགན་ཁུར་ཏེ་གཙུག་ལག་ཁང་སོགས་གསར་དུ་བཞེངས་ཤིང་མི་ཉག་མཁན་པོ་ཆོས་གྲགས་གདན་དྲངས་ནས་འདུལ་བ་གཞི་གསུམ་གྱི་ཆོ་ག་གསར་དུ་བཙུགས་སོ།། 

2 ​གསར་བཞེངས་མཁན་པོ།

མཁན་པོ་ཁོང་ནི་ཕྱི་ལོ1916ལ་བཞག་བྲ་ལྷ་རྩེའི་ཉེ་འདབས་དགུ་འབྲུག་སུམ་མདོ་ཞེས་པར་སྐུ་བལྟམས། སྐུ་ན་རིམ་གྱིས་ནར་སོན་ཞིང་རྒྱལ་བའི་བསྟན་པ་རབ་ཏུ་བྱུང་སྟེ་མདོ་ཕྱོགས་བཀའ་པོད་ལྔ་དང་སྔགས་རྒྱུད་བཞི་ལ་ཐོས་བསམ་ཕུལ་དུ་ཕྱིན་པ་གནང་ཞིང་ལྷག་པར་དུ་ཚེ་རབས་ལས་ཀྱི་བླ་མ་རྫོགས་ཆེན་ཨ་བུ་ལྷ་སྒང་དང་མཁན་པོ་པདྨ་ཚེ་དབང་ཞེ་ཆེན་ཀོང་སྤྲུལ་པདྨ་དྲི་མེད་མཆོག་སོགས་ཀྱི་མདུན་ནས་འོད་གསལ་རྫོགས་པ་ཆེན་པོའི་ཆོས་སྐོར་ལ་བཤད་ཁྲིད་དང་ཚིག་ཁྲིད་འབོག་ཁྲིད་དམར་ཁྲིད་ཀྱི་སྒོ་ནས་གསན་བསམ་མཐའ་ཆོད་པར་བྱས་པ་མ་ཟད། ཉམས་བཞེས་གནད་དུ་བསྣུན་ནས་མཁས་དང་གྲུབ་པའི་གོ་འཕང་མཐོན་པོ་གཤེགས། ཕྱིས་དགོན་སྡེ་དང་སློབ་གླིང་མང་པོར་ཆེད་ཞུས་ཀྱིས་ཕེབས་ཏེ་ནང་བསྟན་གྱི་གཙོས་རིག་གནས་སྣ་ཚོགས་འཆད་ཉན་ཟབ་མོ་གནང་སྟེ་བུ་སློབ་མཁས་པ་བརྒྱ་ཕྲག་མང་པོ་སྐྱེད་སྲིང་བྱས་པ་སོགས་རང་དོན་ཉམས་ལེན་དང་གཞན་དོན་འཆད་ཉན་གྱི་སྒོ་ནས་རྒྱལ་སྲས་ཀྱི་སྤྱོད་པ་རླབས་པོ་ཆེ་ཕྱག་བཞེས་གནང་བཞིན་དགུང་གྲངས་གོ་གཅིག་པ་སྟེ་སྤྱི་ལོ2005ལོར་གཟུགས་སྐུའི་བཀོད་པ་ཆོས་ཀྱི་དབྱིངས་སུ་བསྡུས་སོ།།

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-11-30

གསར་སྤེལ་མཁན། :འབྲུག་བྱམས་རྒྱལ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།