རྒྱ་གར་འཕགས་པའི་ཡུལ་གྱི་རིག་གནས་བོད་གངས་ཅན་གྱི་རྩོམ་རིག་དང་ཇི་ལྟར་འབྲེལ་བའི་ཚུལ་ལ་དཔྱད་པ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

རྒྱ་གར་འཕགས་པའི་ཡུལ་གྱི་རིག་གནས་བོད་གངས་ཅན་གྱི་རྩོམ་རིག་དང་ཇི་ལྟར་འབྲེལ་བའི་ཚུལ་ལ་དཔྱད་པ།
རྒྱ་གར་འཕགས་པའི་ཡུལ་གྱི་རིག་གནས་བོད་གངས་ཅན་གྱི་རྩོམ་རིག་དང་ཇི་ལྟར་འབྲེལ་བའི་ཚུལ་ལ་དཔྱད་པ་དཔྱོད་ལྡན་ཡིད་ཀྱི་དགའ་སྟོན་ཞེས་བྱ་བ་འདི་ནི་མཚོ་སྔོན་དགེ་ཐོན་སློབ་ཆེན་གྱི་དགེ་རྒན་ཆེན་མོ་རྒྱ་ཡེ་བཀྲ་བྷོ་ལགས་ཀྱིས་འབུམ་རམས་པའི་ཞིབ་འཇུག་གི་འབྲས་རྟགས་སུ་བརྩམས་པ་ཞིག་ཡིན་ལ། འདིའི་ནང་རྒྱ་གར་གྱི་བྲམ་ཟེའི་ཆོས་ལུགས་ཀྱི་རིག་གནས་དང་སངས་རྒྱས་ཆོས་ལུགས་ཀྱི་རིག་གནས་གཉི་གས་བོད་ཀྱི་རྩོམ་རིག་ལ་ཤན་ཐེབས་པའི་ཚུལ་ལས་བརྩམས་ཏེ་རྒྱ་གར་དང་བོད་ཀྱི་རིག་གནས་ལ་གཤིབ་བསྡུར་གྱིས་དཔྱད་ཞིབ་བྱས་ཡོད། དེའང་གཙོ་བོ་བྲམ་ཟེའི་རིག་གནས་ཀྱིས་བོད་ཀྱི་རྩོམ་རིག་ལ་ཤན་ཐེབས་པའི་ཚུལ་ལས་བརྩམས་ཏེ་རྒྱ་གར་དང་བོད་ཀྱི་རིག་གནས་ཀྱི་འབྲེལ་བའི་མཐའ་ལ་བརྟགས་པ་ཞིག་ཡིན།
གཞི་རྩའི་གནས་ཚུལ།

རྒྱ་ཡིག་གི་མིང་།
《印度婆罗门文化与藏族古典文学》
རྩོམ་པ་པོ།
རྒྱ་ཡེ་བཀྲ་བྷོ།
དཔེ་སྐྲུན་ཁང་།
ཀྲུང་གོའི་བོད་རིག་པ་དཔེ་སྐྲུན་ཁང་།
པར་སྐྲུན་གྱི་ལོ།
སྤྱི་ལོ2015ལོའི་ཟླ12པ།
1 རྩོམ་པ་པོ།

རྒྱ་ཡེ་བཀྲ་བྷོ་ལགས་ནི་མཚོ་ལྷོ་བོད་རིགས་རང་སྐྱོང་ཁུལ་གསེར་ཆེན་རྫོང་རྒྱ་ཡེ་སྡེ་བའི་མི་ཡིན་པ་དང་སྤྱི་ལོ1987ལོར་མཚོ་སྔོན་མི་རིགས་སློབ་གྲྭ་ཆེན་མོའི་རམས་འབྱམས་པའི་མཚན་གནས་བླངས། དེའི་རྗེས་སུ་ཉི་ཧོང་རྒྱལ་ཁབ་ཏུ་ཕྱི་འགྲིམ་སློབ་མ་བྱས་པ་དང་སྤྱི་ལོ2002ལོའི་ཟླ་བ་དང་པོར་སློབ་དཔོན་ཆེན་མོའི་གོ་གནས་བླངས། སྤྱི་ལོ2004ལོར་ནུབ་བྱང་མི་རིགས་སློབ་གྲྭ་ཆེན་མོ་ནས་འབུམ་རམས་པའི་མཚན་གནས་བླངས། ཁོང་གིས་མཚོ་སྔོན་དགེ་ཐོན་སློབ་ཆེན་མདོ་དབུས་མཐོ་སྒང་རིག་གནས་ཞིབ་འཇུག་ཁང་གི་མགོ་གཙོ་དང་མཚོ་སྔོན་དགེ་ཐོན་སློབ་ཆེན་གྱི་སློབ་གཙོ་གཞོན་པ། མཚོ་སྔོན་དགེ་ཐོན་སློབ་ཆེན་གྱི་སློབ་དཔོན་ཆེན་མོ། འབུམ་རམས་ཞིབ་འཇུག་སློབ་མའི་མཛུབ་སྟོན་དགེ་རྒན། མཚོ་སྔོན་གྱི་ཞིང་ཆེན་རིམ་པའི་ཕུལ་བྱུང་ཤེས་ལྡན་མི་སྣ་བཅས་ཀྱི་འགན་གཅིག་ལྕོགས་སུ་བཞེས་ཡོད།

ཁོང་གི་ལོ་དུ་མའི་རིང་དུ་བོད་ཀྱི་རྩོམ་རིག་ལོ་རྒྱུས་དང་བོད་སྐད་ཡིག་ལ་ཞིབ་འཇུག་བྱས་ཏེ་གྲུབ་འབྲས་བཟང་བོ་བླངས་ཡོད་པར་མ་ཟད། བོད་ཀྱི་ཤེས་རིག་གི་གར་སྟེགས་སུ་གོ་གནས་ངེས་ཅན་ཟིན་ཡོད་པའི་བོད་ཀྱི་སློབ་གསོ་བ་ཞིག་ཀྱང་རེད། ཁོང་གིས་གཙོ་སྒྲིག་འགན་ཁུར་གནང་བའི《བོད་ཀྱི་རྩོམ་རིག་ལོ་རྒྱུས་སྐལ་བཟང་མིག་སྒྲོན》དང《ལེགས་བཤད་ཟླ་བའི་སྣང་བ》《བོད་ཀྱི་གནའ་རབས་རྩོམ་རིགས་ཀྱི་རིགས་དང་ལུས་ཀྱི་རྣམ་བཞག་ཚངས་པའི་ཚད་ཡིག》《སློབ་ཆེན་བོད་ཀྱི་སྐད་ཡིག》《ཚད་ལྡན་ཉི་ཧོང་སྐད་ཡིག》གཙོ་བྱས་པའི་བརྩམས་ཆོས་མང་པོ་པར་སྐྲུན་བྱས་པ་དང་།《ཀྲུང་གོའི་བོད་རིག་པ》སོགས་རྒྱལ་ཁབ་རིམ་པའི་དུས་དེབ་སྟེང《རོ་སྒྲུང་ཉེར་ལྔའི་ཞིབ་འཇུག》དང《བོད་ཀྱི་གཏེར་མའི་རྣམ་བཤད》སོགས་དཔྱད་རྩོམ་བཅུ་ཕྲག་སྤེལ་མྱོང་།《བོད་ཀྱི་རྩོམ་རིག་ལོ་རྒྱུས་སྐལ་བཟང་མིག་སྒྲོན》སྤྱི་ལོ2003ལོར་མཚོ་སྔོན་ཞིང་ཆེན་གྱི་སྐབས་དྲུག་པའི་མཚན་ཉིད་སྤྱི་ཚོགས་ཚན་རིག་གླིང་གི་ཨང་གསུམ་པའི་བྱ་དགའ་གནང་བ་དང《བོད་ཀྱི་གནའ་རབས་རྩོམ་རིགས་ཀྱི་རིགས་དང་ལུས་ཀྱི་རྣམ་བཞག་ཚངས་པའི་ཚད་ཡིག》ལ་རྒྱལ་ཡོངས་མཐོ་རིམ་སློབ་གྲྭའི་མི་གཞུང་ཚན་རིག་གླིང་གི་ཨང་གསུམ་པའི་བྱ་དགའ་ཐོབ།《ཚད་ལྡན་གྱི་ཉི་ཧོང་སྐད་ཡིག》ཅེས་པ་བོད་ཡིག་ཏུ་བསྒྱུར་ཏེ་པར་སྐྲུན་བྱས། ཁོང་གིས་རིག་གཞུང་ཐད་ཞིབ་འཇུག་བྱས་པའི་གྲུབ་འབྲས་མང་བོར་རྒྱལ་ཁབ་མི་གཞུང་སྤྱི་ཚོགས་ཚན་རིག་གླིང་གིས་གནང་བའི་བྱ་དགའ་ཐེངས་མང་ཐོབ་མྱོང་།

2 ནང་དོན་མདོར་བསྡུས།

དཔྱད་རྩོམ་འདིར་ཁྱོན་བསྡོམས་ལེའུ་དགུ་ཡོད་ཅིང་། ལེའུ་དང་པོར་རྒྱ་གར་གྱི་ཡུལ་དང་། མི་དང་། རིག་གནས་ཀྱི་གནས་ཚུལ་དང་། རྒྱ་གར་གྱི་རིག་གནས་འཛམ་གླིང་དུ་ཇི་ལྟར་དར་བ། རྒྱ་གར་དང་བོད་ཀྱི་གནའ་བོའི་རིག་གནས་ཀྱི་འབྲེལ་བ་བཅས་ཀྱི་ཚུལ་ལས་བརྩམས་ཏེ་གླེང་བསླངས་ཡོད། ལེའུ་གཉིས་པ་ནས་ལེའུ་བརྒྱད་པར་གཙོ་བོ་གནའ་བོའི་རྒྱ་གར་གྱི་བྲམ་ཟེའི་རིག་གནས་དང་བོད་ཀྱི་རྩོམ་རིག་གི་འབྲེལ་བའི་ཆ་དུ་མ་ལ་ཟུར་མང་པོ་ནས་བརྟག་གཞིག་དང་དཔྱད་ཞིབ་བྱས་ཏེ། རྒྱ་གར་གྱི་བྲམ་ཟེའི་རིག་གནས་ཀྱང་བོད་ཀྱི་རིག་གནས་ཀྱི་འབྱུང་ཁུངས་དང་གྲུབ་ཆ་གལ་ཆེན་གྱི་གྲས་ཤིག་ཡིན་པ་བསྟན། ལེའུ་དགུ་པར་སློབ་དཔོན་རྟ་དབྱངས་དང་ཁོང་པའི་གསུང་གི་འཕྲིན་ལས་བོད་དུ་ཇི་ལྟར་རྒྱས་པའི་སྐོར་ལ་དཔྱད་ཡོད། སློབ་དཔོན་འདི་ནི་སྟོན་པ་བཅོམ་ལྡན་འདས་ཀྱིས་ལུང་བསྟན་པའི་སྙན་ངག་མཁན་ཡིན་ཞིང་། རྒྱ་གར་གྱི་ནང་པའི་སློབ་དཔོན་ཞིག་ལ་འདི་པ་ལས་ལྷག་པའི་སྙན་ངག་མཁན་མེད་པ་དང་། བོད་ཀྱི་མཁས་པས་མཛད་པའི་སྐྱེས་རབས་དང་། རྣམ་ཐར། བསྟོད་པ། སྙན་ངག་ཆེན་པོ་སོགས་ནི་འདི་པའི་བརྩམས་ཆོས་ཀྱི་འཕྲིན་ལས་བོད་དུ་རྒྱས་པ་ལས་བྱུང་པའི་ཚུལ་ལ་ཞིབ་ཏུ་དཔྱད་པའི་སྒོ་ནས་རྒྱ་གར་གྱི་ནང་པའི་རིག་གནས་དང་བོད་ཀྱི་རྩོམ་རིག་གི་འབྲེལ་བ་ལ་ཞིབ་འཇུག་བྱས་ཡོད།

3 དཀར་ཆག

ལེའུ་དང་པོ། སྔོན་འགྲོ།

ལེའུ་གཉིས་པ། རྒྱ་གར་གྱི་བྲམ་ཟེའི་རིག་གནས་དང་དེ་བོད་ཀྱི་རིག་གནས་དང་ཇི་ལྟར་འབྲེལ་བའི་ཚུལ་ཆེ་ལོང་དུ་བཤད་པ།

ལེའུ་གསུམ་པ། རིག་བྱེད་ཀྱི་གཏམ་རྒྱུད་དང་བོད་ཀྱི་ལྷ་སྒྲུང་།

ལེའུ་བཞི་བ། རྒྱ་གར་གྱི་སྒྲུང་རབས་ཆེན་མོ་དང་བོད་ཀྱི་རྩོམ་རིག

ལེའུ་ལྔ་པ། སློབ་དཔོན་ནག་མོ་ཁོལ་དང་བོད་ཀྱི་རྩོམ་རིག

ལེའུ་དྲུག་པ། རོ་ལངས་ཀྱི་སྒྲུང་ཉེར་ལྔ་པ་དང་བོད་ཀྱི་རོ་སྒྲུང་།

ལེའུ་བདུན་པ། རྒྱ་གར་གྱི་སྲིད་ལུགས་ཀྱི་རིག་གནས་དང་བོད་ཀྱི་རྩོམ་རིག

ལེའུ་བརྒྱད་པ། རྒྱ་གར་གྱི་འདོད་པའི་རིག་གནས་དང་བོད་ཀྱི་རྩོམ་རིག

ལེའུ་དགུ་པ། སློབ་དཔོན་རྟ་དབྱངས་དང་བོད་ཀྱི་རྩོམ་རིག

དོན་སྡུད།

དང་པོ། ཟུར་བལྟའི་ཡིག་ཆ།

གཉིས་པ། ལྷ་དང་། མི། ཡུལ། བརྩམས་ཆོས་སོགས་ཀྱི་མིང་ཤན་སྦྱར།

གསུམ་པ། གནའ་བོའི་རྒྱ་གར་དང་དེའི་མཐའ་འཁོར་གྱི་ཡུལ་གྲུ་ཁག་གི་ས་ཁྲ།

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:3  སྔ་མའི་པར་གཞི།

ཉེ་ཆར་དག་བཅོས།:2016-11-28

གསར་སྤེལ་མཁན། :དཔལ་མགོན་ཚེ་རིང་།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།