མཁྲིས་པའི་རྡོ་སྐྲན་གྱི་སྔོན་འགོག
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

མཁྲིས་པའི་རྡོ་སྐྲན་གྱི་སྔོན་འགོག
མཁྲིས་པའི་རྡོ་སྐྲན་ཞེས་པ་ནི་ནད་ཀྱི་དྭངས་མ་མ་ཞུ་བར་སྣོད་མཁྲིས་སུ་སྙིགས་རོ་བབས་ཏེ། དེར་མཁྲིས་པར་རྩི་ཆགས་ནས་རིམ་བཞིན་ཆེར་རྒྱས་པའི་ནད་ཅིག་རེད།
གཞི་རྩའི་གནས་ཚུལ།

རྒྱ་ཡིག་གི་མིང་།
胆结石的预防
ཁོངས་གཏོགས།
སྨན་བཅོས་འཕྲོད་བསྟེན།
1 ངོ་སྤྲོད།   

མཁྲིས་པའི་རྡོ་སྐྲན་ཞེས་པ་ནི་ནད་ཀྱི་དྭངས་མ་མ་ཞུ་བར་སྣོད་མཁྲིས་སུ་སྙིགས་རོ་བབས་ཏེ། དེར་མཁྲིས་པར་རྩི་ཆགས་ནས་རིམ་བཞིན་ཆེར་རྒྱས་པའི་ནད་ཅིག་རེད། དེ་ཕོ་བའི་མེ་དྲོད་ལ་གནོད་པའི་ཟས་དང་སྤྱོད་ལམ། སྨན་ལོག་གིས་ཟས་ཀྱི་དྭངས་མ་མ་ཞུ་བ་གང་རུང་དང་བད་ཀན་ཁྲག་མཁྲིས་རླུང་སྲིན་ཆུ་སེར་བཅས་མཁྲིས་པ་དང་མཁྲིས་སྦུབས་ཀྱི་རྩ་ལམ། མཆིན་པའི་རྩ་ལམ་ལ་མཁྲིས་ཁུ་ཅན་དང་། ཚིལ་ཞག འབྱར་བག་ཅན་གྱི་མཁྲིས་ཁུ་སོགས་རྡོ་ལ་ཆུ་དྲེགས་ཆགས་པ་ལྟར་རིམ་གྱིས་གོང་བུར་འདྲིལ་བ་ལ་མཁྲིས་པའི་རྡོ་སྐྲན་ཟེར་བ་ཡིན།

2 ནད་རྟགས།

ནད་རྟགས་ལ་རྡོ་སྐྲན་དེ་སྣོད་ཀྱི་མཁྲིས་པ་དང་མཁྲིས་སྦུབས་ཀྱི་རྩ་ལམ་དུ་གནས་པའི་རྟགས་ལ་དུས་སྔ་མ་དང་། བར་མ། ཕྱི་མ་གསུམ་དུ་དབྱེ་ཆོག་ལ་དུས་སྔ་མའི་རྟགས་ནི་ནད་གཞི་ཅུང་ཟད་ཡང་བ་ཞིག་རེད། ཡིན་ནའང་གསུས་པའི་གཡས་གཡོན་སྟོད་ན་བ་དང་ཟུག་གཟེར་ལངས་པ། ལྷག་པར་དུ་གསུས་པ་སྦོས་པ་དང་མདུན་རྒྱབ་གཟེར་བ། རྡེའུ་དེ་མཁྲིས་སྦུབས་དང་མཁྲིས་པའི་རྩ་ལམ་དུ་ཤོར་ནས་འགགས་ན་དེའི་རྟགས་ནི་མཁྲིས་པའི་གཉན་ཚད་ནད་དང་འདྲ་ལ། མཁྲིས་སྟེང་ལ་མནན་ན་ཟུག་གཟེར་ཡོད་པ་ཞིག་རེད། སྐབས་འགར་གསུས་པའི་གཡས་སྟོད་མི་བདེ་བ་དང་ཚ་བ་རྒྱག་པ་བཅས་རེད།      

དུས་བར་མའི་རྟགས་ལ་མཁྲིས་མིག་སེར་བོར་གྱུར་པ་དང་། ཞེན་པ་ལོག་པ་སྐྱུགས་མེར་ལངས་པ། དྲི་ཆེན་གྱི་མདོག་དཀར་སྐྱར་འགྱུར་བ། ཕྲག་གཡས་དང་སོག་པའི་མེ་ལོང་ལྷག་པར་ན་བ་ཡིན། བུད་མེད་ལྟ་བུ་ལ་ཁྱད་པར་དུ་སྙིང་མི་བདེ་བ་དང་། དང་ག་འགགས་པའམ་ཟས་ཟོས་པ་ཙམ་གྱིས་འགྲང་བར་སྣང་བ་དང་ལུས་ཤེད་ཉམས་པ། ཤ་མདོག་ཀྱང་སྔོ་ལ་སྐམ་པ། ཁམས་མི་བདེ་བ། སྐབས་འགར་རྡོ་སྐྲན་ཆེ་རུ་སོང་བ་དང་། མཁྲིས་པར་གཉན་ཚད་རྒྱས་པའི་དབང་གིས་མཁྲིས་པ་ཆེ་རུ་སོང་ནས་ལག་པས་རེག་ཐུབ་པའང་ཡོད།       

དུས་མཐའ་མར་གོང་གསལ་གྱི་ནད་རྟགས་ལས་གཞན་སྐབས་འགར་ལུས་པོར་ཟ་འཕྲུག་ཆེན་པོ་ལངས་པ་དང་། གསུས་སྟོད་དུ་བཟོད་མི་ཐུབ་པའི་ན་ཟུག་ཡོད་པ། མཁྲིས་ཁུའི་ནང་དུ་རྡོ་མང་བ་དང་། མཁྲིས་པ་ཆེ་བའི་རྐྱེན་གྱིས་མཁྲིས་ཁུ་བཞུར་བ་ཕན་ཚུན་འབྱར་བའི་སྐབས་དེར། མཁྲིས་སྟེང་གི་ན་ཟུག་སྔར་ལས་ཆེ་བ་དང་ཆུ་མདོག་དམར་སྨུག་འབྱུང་བ། མཁྲིས་པར་གཉན་ཚད་རྒྱས་པ། ཚ་བ་ཆེ་རུ་འགྱུར་བ། ཐ་ན་རྣག་གསོག་ཅན་གྱི་མཁྲིས་སྐྱིའི་གཉན་ཚད་ཡང་འབྱུང་། དེ་ལྟ་བུ་ལ་གཤགས་བཅོས་བྱ་རྒྱུ་ལས་ཐབས་གཞན་མ་མཐོང་ལ། དེ་ལས་ཀྱང་མཁྲིས་པའི་རྩ་སྦུབས་སུ་རྡོ་སྐྲན་ཆགས་པ་དང་། རྩ་ལམ་ཕྲ་མོ་རྣམས་སུ་རྡེའུས་ཁྱབ་པར་གྱུར་ཡོད་པའི་ནད་པའི་མཆིན་གསེབ་ཀྱི་རྩ་ལམ་རྣམས་འགགས་ནས་མཁྲིས་ཁུ་རྒྱུ་བའི་ལམ་ཆད། དེའི་དབང་གིས་མཁྲིས་པ་ཆེ་རུ་འགྱུར་བ་དང་མཁྲིས་རྩ་སོ་སོར་རྣག་གསོག་རང་བཞིན་གྱིས་མཁྲིས་པའི་ནད་ཚབས་ཆེན་དུ་གྱུར་ནས་གཤགས་བཅོས་བྱས་ཀྱང་ཕན་པ་ཆུང་བ་དང་། བཅོས་སྐྱོན་མེད་པ་མན་ངག་རྒྱུན་ལས། སྣོད་ཀྱི་མཁྲིས་སྐྲན་ཚེ་རབས་ལས་ནད་ཡིན། ཞེས་གསུངས་པ་ལྟར་བཅོས་དཀའ་བར་འགྱུར།     

དེ་བས་ནད་གཞི་གང་ཡང་སྔོན་འགོག་གལ་ཆེ་བས། མཁྲིས་པའི་རྡོ་སྐྲན་གྱི་ནད་ནི་སྣུམ་བཅུད་དང་ཚིལ་ཞག་ཆེ་བ། ཚ་སྐྱུར་རིགས་བསྟེན་པ་མང་དྲགས་པས་ནད་འདི་སློང་གི་ཡོད་པ་རེད། དེ་བས་མི་འཕྲོད་ཟས་དང་སྤྱོད་ལམ། སྣུམ་དང་ཚ་སྐྱུར། ཆང་དཀར་དང་ལྦུ་རག་སོགས་ལ་འཛེམ་པ་དང་། དུས་ལྟར་སྨན་ཁང་ལ་སོང་ནས་སྨན་བཅོས་བྱེད་རྒྱུ་གལ་ཆེའོ།།

དཔྱད་གཞིའི་ཡིག་ཆ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-11-10

གསར་སྤེལ་མཁན། :ཚེ་རིང་འབུམ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།