དབོན་ཞང་རྡོ་རིང་གི་ཆིངས་ཡིག་རྡོ་བརྐོས་མ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

དབོན་ཞང་རྡོ་རིང་གི་ཆིངས་ཡིག་རྡོ་བརྐོས་མ།
རྒྱལ་བོ་ཁྲི་ལྡེ་སྲོང་བཙན་སད་ན་ལེགས་འཇིང་ཡོན་ལ་སྲས་གཙང་མ། དར་མ། རལ་བ་ཅན། ལྷ་རྗེ། ལྷུན་འགྲུབ་སྟེ་ལྔ་ལས་ཁྲི་གཙུག་ལྡེ་བཙན་རལ་བ་ཅན་རྒྱལ་སར་བཀོད། བཙུན་མོ་དཔལ་གྱི་ངང་ཚུལ་ཁབ་ཏུ་བཞེས། བྲན་ཁ་དཔལ་ཡོན་སོགས་ཀྱིས་བློན་པོ་བྱས་ཏེ། རྒྱལ་ཁམས་དབང་བསྒྱུར། འུ་ཤང་རྡོའི་དཔེ་མེད་བཀྲ་ཤིས་དགེ་འཕེལ་གྱི་གཙུག་ལག་ཁང་བཞེངས། པཎ་ཌི་ཏ་མང་བོ་སྤྱན་དྲངས་ཏེ་ལོ་པཎ་རྣམས་ཀྱིས་མདོ་རྒྱུད་བསྟན་བཅོས་མང་བོ་བསྒྱུར། ལོ་པཎ་རྣམས་ཀྱིས་སྔར་བསྒྱུར་པ་རྣམས་ལ་དག་བཅོས་དང་། སྐད་གསར་བཅད་ཀྱིས་གཏན་ལ་ཕབ་སྟེ། བྱེ་བྲག་རྟོགས་བྱེད་ཆེ་འབྲིང་ཆུང་གསུམ་མཛད། འབྲིང་བ་ལ་སྒྲ་སྦྱོར་བམ་གཉིས་ཟེར། འདིའི་དུས་སུ་ཡང་རྒྱ་དང་དབོན་ཞང་མ་མཐུན་པར། བོད་དམག་ཁྲི་ཚོ་མང་བོ་དྲངས་ཏེ། རྒྱ་ཡུལ་གྱི་མཁར་མང་བོ་བཅོམ་པའི་སྐབས། བོད་ཀྱི་དགེ་འདུན་པ་རྣམས་དང་། རྒྱའི་བཙུན་པ་རྣམས་ཀྱིས་བར་བྱས་ནས་བཀའ་མོལ་གྱི་མཚམས་སྦྱར་ཏེ་དབོན་ཞང་མཐུན་པར་མཛད། རྒྱའི་གུང་གུ་རྨེ་རུར་རྡོ་རིང་བཙུགས་ཏེ་རྒྱ་བོད་ཀྱི་ས་མཚམས་སུ་བཅད་ནས། ཕན་ཚུན་གཉིས་ཀས་ས་མཚམས་ལས་ཕྱི་རོལ་ཏུ་བརྒལ་ཏེ་དམག་གི་གཡུལ་བཤམས་པ་སོགས་མི་བྱེད་པའི་དཔང་དུ་ལྷ་ཀླུ་གཉན་པོ་བཞག་སྟེ་བྲོ་བོར་བའི་ཡི་གེ་ལྷ་ས་དང་། རྒྱ་རྗེའི་ཕོ་བྲང་། གུང་གུ་རྨེ་རུ་གསུམ་གྱི་རྡོ་རིང་ལ་བྲིས། དུས་དེར་རྒྱ་བོད་གཉིས་མཐུན་ཞིང་འབྲེལ་བ་བཟང་བས། གནམ་ལ་ཉི་ཟླ་ཟུང་གཅིག་དང་། ས་ལ་བཙན་པོ་དབོན་ཞང་ཞེས་གླེང་ངོ་།།
གཞི་རྩའི་གནས་ཚུལ།

རྒྱ་ཡིག་གི་མིང།
甥舅和盟碑碑文(长庆会盟碑碑文)
མིང་གཞན།
ཁྲང་ཆིང་མཐུན་འབྲེལ་རྡོ་རིང་གི་ཡི་གེའི་ངོ་བཤུས།
དུས་སྐབས།
སྤྱི་ལོ་བརྒྱད་བརྒྱ་ཉེར་གསུམ་ལོར།
མཚོན་དོན།
བོད་བཙན་པོའི་རྒྱལ་ཁབ་དང་ཐང་རྒྱལ་རབས་བར་གྱི་མཛའ་མཐུན་ནི་རྡོ་ཐོག་རི་མོ་བཞིན་ཡིན་པ་བསྟན།
1 རྡོ་རིང་ཡི་གེ་ཞལ་བཤུས།

(སྤྱི་ལོ་བརྒྱད་བརྒྱ་ཉེར་གསུམ་ལོར་རྡོ་རིང་འདི་ལྷ་སའི་གཙུག་ལག་ཁང་གི་མདུན་གྱི་ཇོ་བོའི་དབུ་སྐྲ་ཟེར་བའི་རྒྱ་ལྕང་གི་འཁྲིས་སུ་བཙུགས་ཏེ་བོད་བཙན་པོའི་རྒྱལ་ཁབ་དང་ཐང་རྒྱལ་རབས་བར་གྱི་མཛའ་མཐུན་ཆེ་བའི་འབྲེལ་བ་སྔར་ལས་ཆེ་བ་རྡོ་ཐོག་རི་མོ་བྲིས་པ་བཞིན་འགྱུར་རོ)

(ནུབ་ངོས་ཀྱི་གཡོན་ཕྱོགས)

ུ །། བོད་ཀྱི་རྒྱལ་པོ་ཆེན་པ་འཕྲུལ་གྱྀ་ལྷ་བཙན་པོ་དང་།། རྒྱའི་རྒྱལ་པོ་ཆེན་པོ་རྒྱ་རྗེ་ཧྭང་ཏི། དབོན་ཞང་གཉིས།། ཆབ་སྲིད་གཅྀག་དུ་མོལ་ནས། མཇལ་དུམ་ཆེན་པོ་མཛད་དེ་གཙྀགས་བཅས་པ། ནམ་ཞར་ཡང་མྱྀ་འགྱུར་པར། ལྷ་མྱྀ་ཀུན་གྱིས་ཤེས་ཤིང་དཔང་བྱས་ཏེ་ཚེ་ཚེ་རབས་རབས་སུ་གཏམ་བརྗོད་དུ་ཡོད་པའྀ་ཕྱིར།། གཙྀགས་ཀྱྀ་མདོ་རྡོ་རིངས་ལ་བྲིས་པའོ།

ུ།། འཕྲུལ་གྱྀ་ལྷ་བཙན་པོ་ཁྲི་གཙུག་ལྡེ་བརྩན་གྱྀ་ཞ་སྔ་ནས། རྒྱ་རྗེ་བྰུན་བྰུ་ཧེའུ་ཏིག་ཧྭང་ཏེ་དང་།། དབོན་ཞང་གཉིས། སྒམ་དཀྱེལ་ཆེན་པོས་ནི། འཕྲལ་ཡུན་ཡུལ་གྱྀ་ལེགས་ཉེས་ཅྀ་ཡང་བསྲུང་སྟེ།། ཐུགས་རྗེ་ཆེན་པོས་ནི།། བཀའ་དྲྀན་གྱིས་དགབ་པ་ལ་ཕྱྀ་ནང་མེད་པར། མང་པོ་ཀུན་བདེ་སྐྱིད་པར་བྱ་བ་ལ་ནྀ་དགོངས་པ་གཅྀག ཡུན་རྀང་པོར་ལེགས་པའྀ་དོན་ཆེན་པོ་ལ་ནི་བཀའ་གྲོས་མཐུན་ཏེ།། གཉེན་རྙིང་པའི་སྲི་ཞུ་ནྀ་དང་སྔའི་ཁྱྀམ་ཚེས་དགྱེས་པའི་ཚུལ་སླར་དུ་བརྩེགས་པར་མོལ་ནས།། འཇལ་དུམ་ཆེན་པོ་ནི་མཛད་དེ།། བོད་རྒྱ་གཉིས།། ད་ལྟར་དུ་མངའ་བའྀ་ཡུལ་དང་མཚམས་སྲུང་ཞིང་། དེའི་ཤར་ཕྱོགས་ཐམས་ཅད་ནྀ་རྒྱ་ཆེན་པོའི་ཡུལ།། ནུབ་ཕྱོགས་ཐམས་ཅད་ནྀ་ཡང་དག་པར་བོད་ཆེན་པོའི་ཡུལ་ཏེ།། དེ་ནས་ཕན་ཚུན་དགྲར་མྱྀ་འཐབ།། དམག་མྱྀ་དྲང་། ཡུལ་མྱྀ་མརྣམ། ཡྀད་མ་ཆེས་པ་ཞྀག་ཡོད་ན།། མྱྀ་བཟུང་ཞིང་གཏམ་དྲྀས་ཏེ།། བརྫངས་ནས་ཕྱྀར་གཏང་ངོ་།། ད་ཆབ་སྲིད་གཅྀག་ཅིང་།། མཇལ་དུམ་ཆེན་པོ་འདྀ་ལྟར་མཛད་པས།། དབོན་ཞང་དགྱེས་པའི་བཀའ་ཕྲིནད་སྙན་པས་ཀྱང་འདྲུལ་དགོས་ཏེ།། ཕན་ཆུན་གྱྀ་ཕོ་ཉ་འདོང་བ་ཡང་།། ལམ་རྙིང་པར་བྱུང་ནས།། སྔ་ལུགས་བཞིན་བོད་རྒྱ་གཉིས་ཀྱྀ་བར།། ཙང་ཀུན་ཡོག་ཏུ་རྟ་བརྗེས་ལ།། སྩོ་ཞུང་ཆེག་དུ་རྒྱ་དང་ཕྲད་པ་མ་ཅད་ནྀ་རྒྱས་ཕུ་དུད་བྱ།། ཙེང་ཤུ་ཧྱཱན་དུ་བོད་དང་ཕྲད་པ་ཡན་ཅད་ནྀ་བོད་ཀྱིས་ཕུ་དུད་བྱ་སྟེ།། དབེན་ཞང་ཉེ་ཞྀང་གཉེན་པའྀ་ཚུལ་བཞིན་དུ།། སྲྀ་ཞུ་དང་བཀུར་སྟྀའི་ལུགས་ཡོད་པར་སྦྱར་ཏེ།། ཡུལ་གཉིས་ཀྱི་བར་ན་དུད་རྡུལ་ནྀ་མྱི་སྣང་། གློ་བུར་དུ་སྡང་བ་དང་དགྲའི་མྱྀང་ནྀ་མྱི་གྲག་སྟེ་ས་མཚམས་སྲུང་བའྀ་མྱི་ཡན་ཅད་ཀྱང་དོགས་ཤིང་འཇིགས་པ་མྱེད་པར་ས་ས་མལ་མལ་ན་བག་བརྐྱང་སྟེ།། བདེ་བར་འཁོད་ཅྀང་།། སྐྱིད་པའྀ་བཀའ་དྲྀན་ནི་རབས་ཁྲྀའི་བར་དུ་ཐོབ།། སྙན་པའི་སྒྲ་སྐད་ནྀ་གཉི་ཟླས་སླེབས་སོ་ཆོག་ཏུ་ཁྱབ་སྟེ།། བོད་བོད་ཡུལ་ན་སྐྱིད་རྒྱ་རྒྱ་ཡུལ་ན་སྐྱིད་པའྀ་སྲིད་ཆེན་པོ་སྦྱར་ནས་གཙྀགས་བཅས་པ་འདི།། ནམ་ཞར་མྱྀ་འགྱུར་བར།། དཀོན་མཆོག་གསུམ་དང་། འཕགས་པའྀ་རྣམས་དང་གཉྀ་ཟླ་དང་གཟ་སྐར་ལ་ཡང་དཔང་དུ་གསོལ་ཏེ། ཐ་ཚྀག་གྀ་རྣམས་པས་ཀྱང་བཤད།། སྲོག་ཆགས་བསད་དེ་མནའ་ཡང་བོར་ནས།། གཙིགས་བཅས་སོ།། གཙྀགས་འདི་བཞིན་དུ་མ་བྱས་སམ།། གཤྀག་ན།། བོད་རྒྱ་གཉིས་གང་གིས་སྔར་ཉེས་པ་ལ་སྡིག་ཅིང་།། ལན་དུ་དཀྲུ་སྒྱུ་ཅྀ་བྱས་ཀྱང་གཙྀགས་བཤྀག་པ་ལ་མ་གཏོགས་སོ།། འདྀ་ལྟར་བོད་རྒྱ་གཉིས་ཀྱྀ་རྗེ་བློན་གྱི་ཞལ་གྱྀས་བཤགས་མནའ་བོར་ཏེ།། གཙྀགས་ཀྱྀ་ཡྀ་གེ་ཞྀབ་མོར་བྲིས་ནན།། རྒྱལ་པོ་ཆེན་པོ་གཉྀས་ཀྱྀ་ནི་ཕྱག་རྒྱས་བཏབ། བློན་པོ་གཙྀགས་འཛིན་པ་ལ་གཏོགས་པ་རྣམས་ཀྱྀ་ནི་ལག་ཡྀག་ཏུ་བྲིས་ཏེ། གཙྀགས་ཀྱི་ཡྀ་གེ་ཡང་སོ་སོའྀ་ཕྱག་སྦལ་དུ་བཞག་གོ།། (ནུབ་ངོས་ཀྱི་གཡས་ཕྱོགས་སུ་རྒྱ་ཡིག་ཡིག་ཕྲེང་དྲུག་ཡོད་དོ)

(ཤར་ངོས་སུ)

༄།། འཕྲུལ་གྱྀ་ལྷ་བཙན་པོ་ཁྲི་གཙུག་ལྡེ་བརྩན་དང་།། རྒྱ་རྗེ་བྰུན་བྰུ་ཧེའུ་ཏིག་ཧྭང་ཏེ་གཉྀས།། ཆབ་སྲྀད་གཅྀག་དུ་མོལ་ཏེ་མཇལ་དུམ་མཛད་པའི་དབོན་ཞང་གཉྀས་ཀྱི་ཚུལ་ཅི་འདྲ་བ་དང་། མཇལ་དུམ་མཛད་པའི་གཏན་ཚིགས་རྡོ་རིང་ལ་བྲིས་པའོ།།

༄།། འཕྲུལ་གྱྀ་ལྷ་བཙན་པོ་འོ་ལྡེ་སྤུ་རྒྱལ།། ཡུལ་བྱུང་ས་དོད་ཚུན་ཆད་འུང་ནས་མྱིའི་རྗེར།། བོད་ཀྱྀ་རྒྱལ་པོ་ཆེན་པོ་མཛད་པ་ཡང་།། གངས་རི་མཐོན་པོའི་ནི་དབུས།། ཆུ་བོ་ཆེན་པོའི་ནི་མགོ། ཡུལ་མཐོ་ས་གཙང་བ་ལ་གནམ་གྱྀ་ལྷ་ལས།། མྱྀའི་རྒྱལ་པོར་གཤེགས་ཏེ།། གཙུག་ལན་ཆེན་པོས་ནྀ་ཡུནད་ཀྱི་སྲིད་བཙུགས། ཆོས་ཁྲིམས་བཟང་པོས་ནི་ཚུལ་གནང་།། བྱམས་པའྀ་བཀའ་དྲྀན་གྱྀས་ནྀ་ནང་གྀ་ཚེས་སྦྱརད།། དགྲ་ཐབས་མཁས་ནས།། ཕྱྀའི་དགྲ་བཏུལ་ཏེ།། ཆབ་སྲྀད་ནྀ་ཕྱིར་ཞིང་ཆེ་དབུ་རྨོག་ནྀ་སླར་ཞིང་བརྩན་པ(ཡང་ནམ)ནམ་ཞར(ཞར)མྱི་འགྱུར།། བྱིན་མྱི་ཉམས་པའྀ་གཡུང་དྲུང་གི་རྒྱལ་པོ་ཆེན་པོ་ནྀ་ཆེ།། དེའྀ་ཕྱིར།། ལྷོ་ཕྱོགས་ཀྱྀ་མོན་རྒྱ་གར་དང་། ནུབ་ཕྱོགས་ཀྱྀ་ཏ་ཟིག་དང་། བྱང་ཕྱོགས་ཀྱྀ་དྲུ་གུ་ནེ་སྨེལ་ལ་སྩོགས་པ། གཡུག××རྒྱལ་པོ་སྡོམ་ན××ར་བྱ་བ་ཀུན་ཀྱི(ཀྱིས་ཀྱང)འཕྲུལ་གྱྀ་ལྷ་བཙན་པོའི་དབུ་རྨོག་བརྩན་པོ་དང(བཀའ་དྲང)ང་བོར་ནྀ་ཕྱོགས་མྱྀ་གུས་པ་མྱེད་དེ། ཕན་ཚུན་དགྱེས་ཤིང་བཀའ་སྩལད་དོ་ཆོག་ཉན་པ་ཡིན།། ཤར་ཕྱོགས་ནྀ་རྒྱ་འདུག་པ།། མཚོ་ཆེན་པོའི་(ནང)ཉྀ་མ་ཤར་པ་ལོགས་ཀྱྀ་རྒྱལ་པོ་སྟེ།། ལྷོ་བལ་གཞན་དང་མྱྀ་འདྲ་བར(ལུགས)ཆོས་བཟང་།། གཙུག་ལག་ཆེ་བས།། བོད་དང་ཡང་།། འཐབ་ཀྱྀ་ཟླ(དང་གྲོགས)ཀྱྀ་དོ་སྟེ། དང་པོ་རྒྱ་རྗེ་ལྀ་རྒྱལ་སར་ཞུགས་ནས།། དེའི་ཏང་གི་སྲིད་ལོ་ཉི་ཤུ་རྩ་གསུམ་ལོན།། རྒྱལ་རབས་གཅྀག་གི་འོག་ཏུ།། འཕྲུལ་གྱྀ་ལྷ་བཙན་པོ་ཁྲི་སྲོང་བརྩན་དང་།། རྒྱ་རྗེ་ཐེའི་ཙོང་བྰུན་བུ་ཞེང་ཧྭང་ཏེ་གཉྀས།། ཆབ་སྲིད་གཅྀག་དུ་མོལ་ནས། ཅེང་ཀྭན་གྱྀ་ལོ་ལ། མུན་ཤེང་ཀོང་ཅོ།། བཙན་པོའི་ཁབ་དུ་བླངས།། ཕྱིས་འཕྲུལ་གྱྀ་ལྷ་བཙན་པོ་ཁྲི་ལྡེ་གཙུག་བརྩན་དང་རྒྱ་རྗེ་སམ་ལང་ཁའེ་འགཱན་ཤེང་བྰུན་ཤྀན་བྰུན་ཧྭང་ཏེ་གཉིས། ཆབ་སྲིད་གཅྀག་དུ་མོལ་ཏེ།། གཉེན་བརྩེགས་ནས།། ཀེང་ལུང་གྀ་ལོ་ལ་ཀྀམ་ཤེང་ཀོང་ཅོ།། བཙན་པོའྀ་ཁབ་དུ་བླངས་ནས།། དབོན་ཞང་དུ་འགྱུར་ཏེ་དགྱེས་པ་ལས།། བར་འགའ་ཕན་ཚུན་གྱྀ་སོའི་བློན་པོས་གནོད་པ་དག་རྡུལ་གྱྀས་ཀྱང་།། གཉེན་པའྀ་ཚབ་གང་དུ་བྱ་བ་ཐུགས་བྲེལ་ཆེན་པོའྀ་དག་གྀ་ཚེ།། དམག་སྟོངས་ཀྱྀས་ཕན་ཐོགས་པར་བྱས་པ་དང་། ཕན་ཚུན་ཐུགས་ནོངས་བྱུང་ངོ་ཆོག་ན།། དགྱེས་སྣང་དག་ཀྱང་མ་ཆད་པར་བསྲིས(བསྲིང)ཏེ་འདྀ་ལྟར་ཉེ་ཞྀང་གཉེན་བ་ཡྀན་ན།། དབོན་ཞང་གྀ་ཚུལ་ཁོ་ན་ལྟར།། ཐུགས་ཡྀ་དམ་ཕབས་པ་ལས།། བཙན་པོ་ཡབ་ལྷ་འཕྲུལ་ཁྲྀ་ལྡེ་སྲོང་བརྩན་གྱི་ཞ་སྔ་ནས།། སྒམ་དཀྱེལ་ཆེན་པོས་ནྀ།། ཆོས་སྲིད་ཅི་ལ་ཡང་མཁས་ཤྀང་གསལ་བྱམས་པའྀ་བཀའ་དྲིན་གྱིས་ནྀ།། མྱི་ནང་མྱེད་པར།། ཕྱོགས་བརྒྱད་དུ་ཁྱབ་སྟེ་མཐའ་བཞྀ་རྒྱལ་པོ་ཀུན་དང་ཡང་མཇལད་ཅྀང་འདུམ་བར་མཛད་ན།། རྒྱ་དང་ལྟ་ཞིག། གཉེན་རྩེག་མ།། ཡུལ་ཁྱྀམ་ཚེས་ཡིན་པས།། ལྷག་པར་ཆབ་སྲིད་གཅྀག་དུ་དགྱེས་ཏེ།། ཕན་ཚུན་དབེན་ཞང་དགོངས་པ་མཐུན་ནས།། རྒྱ་རྗེ་ཞེང་ཤྀན་བྰུན་བྰུ་ཧང་ཏེ་དང་། མཇལ་དུམ་དུ་མོལ་ཏེ།། བཀའ་འཁོན་རྙིང་པ་ནི། སྤྱངས་ཤིང་གསལད། དགྱེས་པ་གསར་ནྀ་བསླས་ཤྀང་བསྟུད་ནས།། དེ་ཚུན་ཆད།། བཙན་པོ་དབོན་ནྀ་སྐུ་ཚེ་གཅྀག། རྒྱ་རྗེ་ཞང་ནྀ་གདུང་རབས་གསུམ་གྱྀ་བར་དུ།། བཀའ་ཁོན་གྱི་གཅུགས་ནྀ་མ་བྱུང་།། དགྱེས་པའྀ་སྲི་ཞུ་ནྀ་ཕར་ཚུན་ཕྱང་དེ། ཕོ་ཉ་གཅེས་པ་ལས།། བཀའ་ཕྲིན་སྙན་པ་དང་།། དཀོར་ནོར་བཟང་པོ་ནྀ། རྒྱུན་དུ་འདྲུལ་ན།། མཇལ་དུམ་གྱི་མདོ་ཆན་པོ་གཙིགས་བཅ་བ་ལྟ་བུ་ཡང་མ་གྲུབ།། དབོན་ཞང་མོལད་པའྀ་རྗེས་ཀྱང་ཚར་མ་ཕྱིན་པར་ཐུགས་ནོངས་ཀྱིས་བརྩལ་ཏེ།། བར་གྱི་གཅུགས་རྙིང་པ་ཕྲན་ཚེགས་ཀྱི་དོགས་ཕྲིག་གྀས།། ལེགས་པ་ཆེན་པོའི་སྐུ་དོན།། ཕྱི་ལྕིགས་ཤེ་དག་དུ་གྱུར་ནས།། དགྲ་ཆོས་ཀྱྀ་ཐབས་དང་། དམག་བཙན་པོ་དག་ཀྱང་མྱྀ་རྡུལ་དུ་མ་རུང་སྟེ།། དགྲ་ཟུན་གྱི་ཚུལ་དུ་གྱུནད་གྱྀས་ཀྱང་།། ཡོང་ཉེ་ཞིང་གཉེན་ལ་འཕྲུལ་གྱྀ་ལྷ་བཙན་པོ་ཁྲི་གཙུག་ལྡེ་བརྩན་གྱི་ཞ་སྔ་ནས།། མཁྱེན་པ་ནི།། འཕྲུལ་གྱི་ཚུལ་ཆགས།། མཛད་པ་ནྀ་ལྷའི་ལུགས་དང་མཐུན་ཏེ།། བཀཱ་དྲིན་ཆེན་པོས།། ཕྱྀ་ནང་གཉིས་སུ་སྙོམས་ཤིང་།། དབུ་རྨོག་བརྩན།། བཀའ་ལུང་གཉན་ཏེ།། རྒྱ་རྗེ་ན་བྰུ་ཧེའུ་ཏིག་ཧང་ཏེ་དང་དབོན་ཞང་གཉིས་འཕྲུལ་གྱི་དགོངས་པ་ནྀ་མཐུན་ཏེ། བོད་རྒྱའྀ་ཆབ་སྲྀད་ནྀ་གཅྀག་སྟེ།། བོད་རྒྱ་གཉྀས།། རབས་ཁྲྀར་བདེ་སྐྱིད་པའྀ་མཇལ་དུམ་ཆེན་པོ་མཛད་ནས་རྒྱ་ཡུལ་དུ་ནྀ།། ཀེང་ཤྀའི་ནུབ་ཕྱོགས་ཤེག་སང་སྀའི་དྲུང་དུ།། བོད་ཆེན་པོའི་ལོའི་མྱིང་ནྀ་སྐྱིད་རྟག་ལོ་བདུན།། རྒྱ་ཆེན་པོའི་ལོའི་མྱིང་ནྀ།། ཅང་ཀེང་ལོ་དང་པོ་ལྕགས་མོ་གླང་གྀ་ལོའི་དགུན་ཟླ་ར་བ་ཚེས་བཅུ་ལ་དཀྱྀལ་འཁོར་ལ་འཛེགས་ནས།། རྒྱ་ཡིས་གཙྀགས་བཟུང་ངོ་།། བོད་ཡུལ་དུ་ནྀ།། ཕོ་བྲང་ལྷ་སའྀ་ཤར་ཕྱོགས་སྦྲ་སྟོད་ཚལ་དུ།། བོད་ཆེན་པོའི་ལོའི་མྱྀང་སྐྱྀད་རྟག་ལོ་བརྒྱད།། རྒྱ་ཆེན་པོའི་ལོའི་མྱིང་ཅང་ཀེང་ལོ་གཉིས།། ཆུ་ཕོ་སྟག་གྀ་ལོའི་དབྱང་ཟླ་འབྲྀང་པོ་ཚེས་དྲུག་ལ། དཀྱིལ་འཁོར་ལ་འཛེགས་ཏེ།། བོད་ཀྱྀ་གཙྀགས་བཟུང་ངོ་།། གཙྀགས་ཀྱྀ་མདོ་རྡོ་རིངས་ལ་བྲིས་པ་འདི་ཡང་། བོད་ཆེན་པོའི་ལོའྀ་མྱིང་སྐྱིད་རྟག་ལོ་དགུ རྒྱ་ཆེན་པོའི་ལོའྀ་མྱིང་ཅང་ཀེང་ལོ་གསུམ།། ཆུ་མོ་ཡོས་བུ་ལོའི་དཔྱྀད་ཟླ་འབྲིང་པོ་ཚེས་བཅུ་བཞྀ་ལ། རྡོ་རིངས་ལ་ཡི་གེ་བྲིས་སོ།། རྡོ་རིངས་འདི་འདྲྀ་བའྀ་སྤྱན་ཡང་།། རྒྱའྀ་ཕོ་ཉ་ཐབས།། འགུ་ཤེའུ་ཞང་ཤིང་ཡོད་པ།། དོ་ཙེའེ་དང་། ཐབས་ཙན་ཤན་དེ་བྰུ་ཡོད་པ། ××ཀཱུ་ལ་སྩོགས་པས་བྱས་སོ།། གཙིགས་ཀྱི་མདོ་རྡོ་རིངས་ལ་བྲིས་པ་འདི་དང་འདྲ་བ་གཅིག། རྒྱའྀ་ཡུལ་ཀེང་ཤྀར་ཡང་གཙུགས་སོ།།

(བྱང་ངོས་སུ)

ུ།། བོད་ཆེན་པོའྀ་བློན་པོ་ཆེ་ཕྲ་མཇལ་དུམ་གྱྀ་གཙིགས་འཛིན་པ་ལ་གཏོགས་པའི་ཐབས་དང་མྱྀང་རུས་ལ།།

ུ།། བོད་ཆེན་པོའྀ་ཆབ་སྲིད་ཀྱྀ་བློན་པོ་ཆེན་པོ་བཀའ་ལ་གཏོགས་པའྀ་ཐབས་དང་མྱྀང་རུས།

ུ།། བཀའ་ཆེན་པོ་ལ་གཏོག་ཏེ་ཕྱྀ་ནང་གཉིསས་ལ་དབང་ཞིང་ཆབ་སྲིད་འཛིན་པ་བན་དེ་ཆེན་པོ་དཔལ་ཆེན་པོ་ཡོན་ཏན།

××××དམག་གོ་ཆོག་གྀ་བློན་ཞང་ཁྲྀ་སུམ་རྗེ་སྦེག་ལྷ།།

ུ།། ××བློན་ཆེན་པོ་བློན་ལྷོ་××

ུ།། གུང་བློན་ཆེན་པོ་དཔོན་དམག་××××××བཟང་×

༄།། ཆབ་སྲྀད་ཀྱི་བློན་པོ་ཆེན་པོ་བློན་རྒྱལ་ཁྲི་མདོ་གཟིགས།།

×××××××××××××××

༄།། ཆབ་སྲིད་ཀྱྀ་བློན་པོ་ཆེན་པོ་བློན་མཆྀམས་ཞང་རྒྱལ་བཙན་བཞེར།།

༄།། ཆབ་སྲྀད་ཀྱྀ་བློན་པོ་ཆེན་པོ་ཞང་ཁྲྀ་བཙན་ཁོད་ནེ་སྟང་།།

༄།། ཆབ་སྲྀད་ཀྱྀ་བློན་པོ་ཆེན་པོ་ཞང་ཁྲྀ་བཞེར་ལྷ་མཐོང་།།

༄།། ཆབ་སྲྀད་ཀྱྀ་བློན་པོ་བློན་རྒྱལ་བཟང་འདུས་ཀོང་།།

༄།། བོད་ཆེན་པོའྀ་བློན་པོ་ཕལ་གྱི་ཐབས་དང་མྱྀང་རུས།།

༄།། ནང་བློན་མཆྀམས་ཞང་རྒྱལ་བཞེར་བཱོ་ཁོད་ནེ་བརྩན།།

༄།། ཕྱི་བློན་བཀའ་ལ་གཏོགས་པ་ཅོག་རོ་བློན་བཙན་བཞེར་ལྷོ་གོང་།།

༄།། སྣམ་ཕྱི་པ་མཆྀམས་ཞང་བརྟན་བཞེར་སྟག་ཙབ།།

༄།། མངན་པོན་ཁབ་སོ་འོ་ཆོག་གྀ་བླ་འབལ་བློན་ཀླུ་བཟང་མྱེས་རྨ།།

༄།། བཀའྀ་ཕྱིན་བློན་བྲན་ཀ་བློན་སྟག་བཞེར་ཧབ་ཀེན།།

༄།། རྩིས་པ་ཆེན་པོ་རྔེགས་བློན་སྟག་ཟྀགས་རྒན་ཁོལ།།

༄།། ཕྱྀ་བློན་འབྲོ་ཞང་ཀླུ་བཟང་ལྷ་བོ་བརྩན། 

༄།། ཞལ་ཅེ་པ་ཆེན་པོ་ཞལ་ཅེ་འོ་ཆོག་གྀ(བློན)།། མྱང་བློན་རྒྱལ་གེན་ལེགས་ཙན།།

(ལྷོ་ངོས་སུ)

༄།། རྒྱ་ཆེན་པོའྀ་བློན་པོ་ཆེ་ཕྲ་མཇལ་དུམ་གྱྀ་གཙྀགས་འཛྀན་པ་ལ་གཏོགས་པའི་ཐབས་དང་མྱྀང་རུས་ལ།།

༄།། རྒྱ་ཆེན་པོའྀ་ཆབ་སྲྀད་ཀྱྀ་བློན་པོ་ཆེན་པོ་བཀའ་ལ་གཏོགས་པའྀ་ཐབས་དང་མྱྀང་རུས།།

༄།། ཇེང་འགྀ་དའེ་པུ་ཞྀའུ་མུན་ཧ་ཤི་ལང་གི་ཐབས་ཡོད་པ་བཀའ་ཆེན་པོ་ལ་གཏོགས་པ་××××××

༄།། ×××དའེ་བུ་ཞྀའུ་ཅུང་ཤུ་ཞི་ལང་གི་ཐབས་ཡོད་པ་བཀའ་ཆེན་པོ་ལ་གཏོགས་པ་××××

༄།། ཐའེ་ཅཱུང་དའེ་པུ་ཅུང་ཤུ་ཤི་ལང་གྀ་ཐབས་ཡོད་པ་བཀའ་ཆེན་པོ་ལ་གཏོགས་པ་འྭང་ཕ།།

༄།། ཅཱུང་དའྀ་བཱུ་ཞྀའུ་ཞང་ཤུ་ཧོ་བཱོ་ཞི་ལང་གི་ཐབས་ཡོད་པ་བཀའ་ཆེན་པོ་ལ་གཏོགས་པ་དཱོ་འགྭན་ང་།།

༄།། ཇེས་འགྀ་དའེ་པུ་པེང་བོ་ཞང་ཤུ་ཐབས་ཡོད་པ་བཀའ་ཆེན་པོ་ལ་གཏོགས་པ་སེའུ་འབཱེན།།

༄།། རྒྱ་ཆེན་པོའི་བློན་པོ་ཕལ་གྱི་ཐབས་དང་མྱྀང་རུས།།

༄།། ཀྀམ་ཙཱྀ་ཀྭང་ལོག་དའེ་ཕུ་ཞང་ཤུ་ཛ་བཱོག་ཡ་འི་ཐབས་ཡོད་པ་ཧན་ཀའུ།།

༄།། ཇེའུ་འགྀ་ལང་འགུ་ཤི་ཅུང་ཤྀང་གི་ཐབས་ཡོད་པ་འགྀའུ་སིང་ཞུ།།

༄།། ཐའྀ་ཅུང་དའྀ་པུ་ཀཱེམ་ཀེའུ་ཞིང་ཤུ་ཙ་བོག་ཡ་ལི་བོ་ཞང་ཤུ་ཐབས་ཡོད་པ་ལི་ཀྭང་།།

༄།། འགྀན་ཚེང་ཀྭང་ལོག་དའྀ་ཕཱུ་ཧོ་བོ་ཞལ་ཤུ་ཐབས་ཡོད་པ་ཡང་ཨུ་ལིང་།།

༄།། ཐོང་འགཱྀ་དའེ་པཱུ་ཤཱྀའུ་ལཱེའི་བོ་ཞང་ཤུ་ཐབས་ཡོད་པ་འུའྀ་ཞྀའུ།།

༄།། འགྀན་ཚེང་ཀྭང་ལོག་དའེ་པུ་ཀེམ་ཀེའུ་ཞང་ཤུ་ཙ་བཱོག་ཡ་ཀྱམ་ཐའི་ཤང་ཀེང་གྀ་ཐབས་ཡོད་པ་ཅའུ་ཙོང་ཞུ།།

༄།། ཐའི་ཅུང་དའི་པཱུ་ལེའི་བཱོག་ཞང་ཤུ་ཀྱམ(སྀ་ནོང)ཀེང་གྀ་ཐབས་ཡོད་པ་བཱེའུ་བུ།།

༄།། ཇེང་འགྀ་དའེ་པཱུ་ཞྀའུ་ཀེང་ཅེའུ་ཡུན་ཀྱམ་འགུ་ཤི་དའེ་པཱུ་ཐབས་ཡོད་པ་ལྀའུ་ཀོང་ཅགྣ།

༄།། འགིན་ཚེང་ཀྭང་ལོག་དའེ་པཱུ་ཀེམ་ཀེའུ་ཀོང་བོ་ཞང་ཤུ་ཀྱམ་ཙ་ཀྀམ་འགོ་འྀ་དའྀ་ཙང་ཀུན་གྱི་ཐབས་ཡོད་པ་ཀྭག་ཚུང་།།

ཛའུ་ཅིང་དའེ་པུ་ཤཱྀའུ་དའྀ་ལི་ཀེང་ཀྱམ་འགུ་ཤི་དའི་པཱུ་ཐབས་ཡོད་པ་ལིའུ་འགྭན་ཏེང་།།

༄།། ཇེའུ་འགི་ལང་ཞིའུ་ཞང་ཤུ་ཛ་སཱི་ལང་ཅུང་ཀྱམ་འགུ་ཤི་ཅུང་ཤིང་གི་ཐབས་ཡོད་པ་ལྀའུ་ཤི་ལའུ།།

༄།། ཅྀང་ཞྀ་དེའི་ཅུང་ཀེང་ཞང་ཤུ་ཀྭག་ལོང་××ཞྀ××ཅང××དེའི་པཱུ་ཐབས་ཡོད་པ་ལི་××××××།།

༄།། ཇེའུ་སན་ལང་ཀེང་ཅེའུ་××ཞེང་××××××ཀོ་××ཀྱམ་××××།།



སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:2  སྔ་མའི་པར་གཞི།

ཉེ་ཆར་དག་བཅོས།:2016-06-29

གསར་སྤེལ་མཁན། :ཚེ་རིང་འབུམ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།