ཟངས་ཡག་ནམ་མཁའ་རྫོང་དགོན།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

མཚན་རྒྱས་པར་བྲག་དམར་ཟངས་ཡག་ནམ་མཁའ་རྫོང་ངམ་བོད་ཀྱི་རི་བོ་རྩེ་ལྔའི་མགུལ་བྲག་དམར་ཟངས་ཡག་ནམ་མཁའ་རྫོང་ཞེས་ཞུ་ཞིང་། བདེ་ཆེན་ཆོས་འཁོར་གྱི་ཡོངས་འཛིན་སྐུ་ཐོག་བདུན་པ་ངག་དབང་འཇིགས་བྲལ་གྱིས་དགོན་དེའི་རྩ་བའི་བླ་མ་གནང་བ་ནས་བཟུང་འབྲུག་པ་བཀའ་བརྒྱུད་ཕྱག་བཞེད་མཛད།
གཞི་རྩའི་གནས་ཚུལ།

མཚན་རྒྱས་པ།
བྲག་དམར་ཟངས་ཡག་ནམ་མཁའ་རྫོང་ངམ་བོད་ཀྱི་རི་བོ་རྩེ་ལྔའི་མགུལ་བྲག་དམར་ཟངས་ཡག་ནམ་མཁའ་རྫོང་།
གྲུབ་མཐའ།
བཀའ་བརྒྱུད་པ།
ཆགས་ཡུལ།
ལྷ་ས་གྲོང་ཁྱེར་ཆུ་ཤུར་རྫོང་།
1 མིང་ཐོགས་ཚུལ།

མཚན་རྒྱས་པར་བྲག་དམར་ཟངས་ཡག་ནམ་མཁའ་རྫོང་ངམ་བོད་ཀྱི་རི་བོ་རྩེ་ལྔའི་མགུལ་བྲག་དམར་ཟངས་ཡག་ནམ་མཁའ་རྫོང་ཞེས་ཞུ།འུར་ཞང་ནས་ནུབ་ངོས་སུ་སྤྱི་ལེ་བརྒྱད་ཙམ་སོང་ན་དགོན་དེ་མཇལ་རྒྱུ་ཡོད། ཟངས་ཡག་ཅེས་པ་ནི་དགོན་དེའི་གནས་ཡུལ་དུ་བྲག་དམར་ཟངས་ཀྱི་མདོག་འདྲས་བསྐོར་ཡོད་པས་ཟངས་ཡག་བྲག་ཅེས་ཞུ།  

2 ཆགས་ཚུལ།

ཐོག་མར་གནས་དེར་གུ་རུས་ཟླ་གསུམ་སྒྲུབ་པ་བསྐྱོན་པའི་སྒྲུབ་ཕུག་དང་།སྟེང་དུ་མཁའ་འགྲོ་ཡེ་ཤེས་མཚོ་རྒྱལ་གྱི་གཟིམ་ཕུག   ཤར་ངོས་སུ་གུ་རུ་ཇོ་རྩེའི་གཟིམ་ཕུག་ཅེས་པ་སོགས་ཡོད།སྐུ་ཚབ་སྡེ་ལྔ་ཞེས་བྱེ་མ་ཨ་ཀྲོང(བྱེ་མ་ཨ་འཁྲུངས་ཡང་ཟེར)ནང་གུ་རུའི་ཤངས་ཁྲག་ཐིག་པ་ནས་འཁྲུངས་པའི་གུ་རུའི་སྐུ་བརྙན་གཏེར་མ།གུ་རུ་ཇོ་རྩེས་གཏེར་ལས་བཞེས་པའི་གཏེར་ཁུངས་ཡེ་ཤེས་མཚོ་རྒྱལ་གྱི་གཟིམ་ཕུག་ནང་དུ་ཡོད།གུ་རུ་ཇོ་རྩེས་གནས་དེར་ཡུན་རིང་བཞུགས་པ་དང་།དེ་ནས་བདེ་ཆེན་ཆོས་འཁོར་གྱི་ཡོངས་འཛིན་སྐུ་ཐོག་བདུན་པ་ངག་དབང་འཇིགས་བྲལ་གྱིས་དགོན་དེའི་རྩ་བའི་བླ་མ་གནང་བ་ནས་བཟུང་འབྲུག་པ་བཀའ་བརྒྱུད་ཕྱག་བཞེད་མཛད།

3 ནང་རྟེན།

སྔོན་འདུ་ཁང་ཀ་བ་གཉིས་ལྡན་ནང་གི་རྟེན་གཙོ་འཇིམ་གྱི་གུ་རུའི་སྐུ་བརྙན་མི་ཚད་ཙམ་གྱི་ཐུགས་ཀར་གོང་གསལ་སྐུ་ཚབ་གཏེར་མ་བཞུགས་སུ་གསོལ་བ་དང་།རྒྱལ་བ་སྐལ་བཟང་རྒྱ་མཚོ་དང་། བླ་མ་གཞན་ཕན་མཐའ་ཡས་ཀྱི་སྐུ་བརྙན།མཁའ་འགྲོ་ཡེ་ཤེས་མཚོ་རྒྱལ་གྱི་སྒྲུབ་ཕུག་ནང་དུ་གུ་རུ་གཙོ་འཁོར་གསུམ།གུ་རུ་ཇོ་རྩེའི་སྐུ་རྗེས་གཏེར་ཁུངས་སོགས་མཇལ་རྒྱུ་ཡོད།ད་ལྟ་སྔོན་གྱི་འདུ་ཁང་གསར་བཞེངས་གནང་བའི་ནང་རྟེན་གཙོ་འཇིམ་གྱི་གུ་རུ་སྣང་སྲིད་ཟིལ་གནོན་དང་།མཚོ་སྐྱེས་རྡོ་རྗེ་གསར་བཞེངས་གནང་བ་དང་།རིན་ཆེན་གཏེར་མཛོད་གསར་བླུས་གནང་བ་སོགས་མཇལ་རྒྱུ་ཡོད།

སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-06-16

གསར་སྤེལ་མཁན། :གངསསྨྱུག་སྲས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།