ནང་གསོག
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ནང་གསོག
ནང་གསོག་ཞེས་པ་ནི་རྩིས་འཁོར་ཁྲོད་ཀྱི་ཅ་ལག་གསོག་འཇོག་བྱེད་སའི་གནས་དེར་གོ་ཞིང་། རྩིས་འཁོར་གྱི་མ་ལག་ཡོད་ཚད་ནང་གསོག་དང་སྡེབས་ནས་འཁོར་བསྐྱོད་བྱེད་པ་ཞིག་ཡིན་པས། ནང་གསོག་གི་ཆེ་ཆུང་དང་མགྱོགས་ཚད། དེའི་བརྟན་གཤིས་སོགས་ཐད་ཀར་རྩིས་འཁོར་དང་འབྲེལ་བ་གཏིང་ཟབ་ཡོད། གཤམ་དུ་དེའི་སྐོར་གྱི་ཤེས་བྱ་འགའ་ངོ་སྤྲོད་བྱ།
གཞི་རྩའི་གནས་ཚུལ།

རྒྱ་ཡིག་གི་མིང་།
内存
ཕྱི་ཡིག་གི་མིང་།
Memory
མིང་གཞན།
ནང་བྱང་།
ཁོངས་གཏོགས།
རྩིས་འཁོར།
1 དབྱེ་བ།

མིག་སྔར་ནང་གསོག་ལ་རིགས་མི་མཐུན་པ་གསུམ་ཡོད་དེ། དེ་དག་གི་བྱེད་ནུས་དང་བཟོ་རྩལ་ཡང་མི་འདྲ་བས་སྤྱི་ཚོགས་སྟེང་འདྲ་མིན་གྱི་གཏམ་གླེང་མང་པོ་ཞིག་ཡོད་མོད་ཡོངས་ཁྱབ་ཏུ་བཀོལ་ཆེ་པ་ནིDDR SDRAMདངDDR2 SDRAMགཉིས་ཡིན།

1.DDR SDRAM DDR SDRAMནི་ཆེས་དར་ཆེ་བའི་ནང་གསོག་ཅིག་ཡིན་ཏེ། དེ་ནི་དུས་ཚོད་ཕྲན་བུའི་ནང་ཀློག་འབྲི་སྦྱོར་གསུམ་གྱི་བྱེད་ནུས་ཤིན་ཏུ་མཐོ་བས་ཀུན་གྱིས་དགའ་བསུ་ཆེན་པོ་བྱེད་ཀྱིན་ཡོད། དེས་ན་དེའི་ཚད་གཞིའི་བརྡ་རྟགས་ལDD226དང་། DD333དངDD400བཅས་ཡོད་ལ། གསོག་འཇོག་བྱེད་པའི་ཚད་གཞི་ནི128MBདང256 MB 512 MB 1GMབཅས་ཡིན།

1.jpg.jpg

དཔེ་རིས1-1 DDR SDRAMནང་གསོག

2.DDR2 SDRAM DDR SDRAMནི་དེ་སྔ་གསར་དུ་བྱུང་བའི་ཚད་ལྡན་རང་བཞིན་གྱི་ནང་གསོག་ཅིག་ཡིན་ལ། དེ་ནིDDRSDRAMདང་བསྡུར་ན་ལྡབ་འགྱུར་གྱིས་འཕེལ་རྒྱས་ཕྱིན་ཡོད།

2.jpg.jpg

དཔེ་རིས1-2 DDR2 SDRAMནང་གསོག

2 ཚད་གཞི།

ནང་གསོག་ནི་རྩིས་འཁོར་གྱི་སྣོད་ལྟ་བུ་ཡིན་པས་དེ་ལ་ངེས་པར་དུ་ཚད་དང་མཐུན་པའི་འགྲོས་གཞི་ཞིག་ཡོད། དེས་ན་རྒྱུན་ལྡན་འཚོ་བའི་ཁྲོད་ནང་གསོག་གི་ཚད་གཞི་འཇལ་བྱེད་ནི་དབྱིན་ཡིག་ཡི་གེKBཡིན་ལ། Kཡི་དོན་ནི1024ཞེས་པ་དང་། Bནི་ཡིག་གྲངས་ཀྱི་མཚོན་རྟགས་ཡིན། དེ་བས་ནང་གསོག 64KBཅན་གྱི་རྩིས་འཁོར་ཞིག་ལ་མཚོན་ན་དེའི་ཡང་དག་པའི་ཚད་གཞི་ནི64×1024=65 536ཡིན་ལ། ང་ཚོས་གོ་རིམ་འདིའི་སྟེང་དུ་ནང་གསོག་སོ་སོའི་ཚད་གཞི་ལ་རྒྱུས་ལོན་དང་ངོས་འཛིན་བྱེད་ཆོག སྤྱིར་ནKBལས་ཆེ་བའི་མཚོན་རྟགས་ལ་ད་དུངMBདངGBསོགས་ཡོད་པས་གཤམ་དུ་དེའི་ཐད་ཀྱི་རེའུ་མིག་ཅིག་འགོད་པར་བྱ།

1024B=1KB=1024 

1024KB=1MB=1048576 

1024MB=1GB=1073741824 

1024GB=1TB=1099511627776 

1024TB=1PB=1125899906842624 

1024PB=1EB=1152921504606846976 

1024EB=1ZB=1180591620717411303424 

1024ZB=1YB=1208925819614629174706176

3 མགྱོགས་ཚད།

ནང་གསོག་གི་མགྱོགས་ཚད་ཞེས་པ་ནི་དུས་ཚོད་ངེས་གཏན་ཞིག་གི་ནང་རྩིས་འཁོར་གྱིས་ཡིག་ཆ་ག་ཚོད་ཀློག་འབྲི་བྱེད་ཐུབ་པའི་ཚད་གཞི་དེར་གོ་ལ། ནང་གསོག་འཁོར་སྐྱོད་ཀྱི་ཚད་གཞིས་ནང་གསོག་རང་ཉིད་ཀྱི་མགྱོགས་ཚད་གཏན་འཁེལ་བྱེད་པ་ཡིན་པས་དུས་རྒྱུན་ང་ཚོས་མཐོང་བའི་ནང་གསོག DDR400དངDDR2 533ལྟ་བུའི་མཇུག་གྲངས 400དང533ནི་ནང་གསོག་དེའི་ཆེས་མཐོ་བའི་འཁོར་རྒྱུགས་ཀྱི་ཚད་གཞི་ཡིན། དེས་ན་སྤྱིར་བཏང་དུ་ནང་གསོག་གི་ཚད་གཞི་ལnsརྩིས་རྒྱག་གིན་ཡོད་ལ། སྐར་ཆ་གཅིག་ནིnsའབུམ་བཅུ་ཡིན་པསnsཅི་འདྲའི་ཆུང་ན་ནང་གསོག་གི་མགྱོགས་ཚད་དེ་ལྟར་མཐོ་བ་ཞིག་ཡིན། གཤམ་དུ་ཚོང་རྟགས་ཅུང་བཟང་པའི་ནང་གསོག་འགའ་ངོ་སྤྲོད་བགྱིད་ན།

3.jpg.jpg

དཔེ་རིས1-3 Kingmaxནང་གསོག་ཐུར།

4.jpg.jpg

དཔེ་རིས1-4 Kingstonནང་གསོག་ཐུར།

5.jpg.jpg

དཔེ་རིས1-5 ཡུའུ་ཀྲན(宇瞻)ནང་གསོག་ཐུར།



སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-05-23

གསར་སྤེལ་མཁན། :ཚེ་རིང་འབུམ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།