ཀྲུང་གོ་ན་ཆུང་གདོང་ལེན་རུ་ཁག
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཀྲུང་གོ་ན་ཆུང་གདོང་ལེན་རུ་ཁག
ཀྲུང་གོ་ན་ཆུང་གདོང་ལེན་རུ་ཁག་ནི་ཀྲུང་གོ་ན་ཆུང་བྱིས་པའི་མང་ཚོགས་ཀྱི་རྩ་འཛུགས་ཤིག་ཡིན་པ་དང་ན་ཆུང་བྱིས་པས་གུང་ཁྲན་རིང་ལུགས་སློབ་སྦྱོང་བྱེད་སའི་གནས་ཡིན་ལ། སྤྱི་ཚོགས་རིང་ལུགས་དང་གུང་ཁྲན་རིང་ལུགས་འཛུགས་སྐྲུན་བྱེད་པའི་གྲྭ་སྒྲིག་རུ་ཁག་ཡིན། སྤྱི་ལོ1949ལོའི་ཟླ10བའི་ཚེས13ཉིན་ནི་ཀྲུང་གོ་ན་ཆུང་གདོང་ལེན་རུ་ཁག་གསར་འཛུགས་བྱས་པའི་ཉིན་མོ་ཡིན་པ་དང་སློབ་གྲྭ་སོ་སོའི་གདོང་ལེན་རུ་མི་གསར་བ་འདེམས་སྒྲུག་བྱེད་པའི་ཉིན་མོའང་ཡིན།
གཞི་རྩའི་གནས་ཚུལ།

རྒྱ་ཡིག་གི་མིང་།
中国少年先锋队
ཕྱི་ཡིག་གི་མིང་།
the Young Pioneers of China
གསར་འཛུགས་མཁན།
ཀྲུང་གོ་གུང་ཁྲན་ཏང་།
གསར་འཛུགས་དུས་ཚོད།
སྤྱི་ལོ1949ལོའི་ཟླ10བའི་ཚེས13ཉིན།
1 ངོ་སྤྲོད།

ཀྲུང་གོ་ན་ཆུང་གདོང་ལེན་རུ་ཁག་ནི་ཀྲུང་གོ་ན་ཆུང་བྱིས་པའི་མང་ཚོགས་ཀྱི་རྩ་འཛུགས་ཤིག་ཡིན་པ་དང་ན་ཆུང་བྱིས་པས་གུང་ཁྲན་རིང་ལུགས་སློབ་སྦྱོང་བྱེད་སའི་གནས་ཡིན་ལ།  སྤྱི་ཚོགས་རིང་ལུགས་དང་གུང་ཁྲན་རིང་ལུགས་འཛུགས་སྐྲུན་བྱེད་པའི་གྲྭ་སྒྲིག་རུ་ཁག་ཡིན། སྤྱི་ལོ1949ལོའི་ཟླ10བའི་ཚེས13ཉིན་ནི་ཀྲུང་གོ་ན་ཆུང་གདོང་ལེན་རུ་ཁག་གསར་འཛུགས་བྱས་པའི་ཉིན་མོ་ཡིན་པ་དང་སློབ་གྲྭ་སོ་སོའི་གདོང་ལེན་རུ་མི་གསར་བ་འདེམས་སྒྲུག་བྱེད་པའི་ཉིན་མོའང་ཡིན།

ཀྲུང་གོ་ན་ཆུང་གདོང་ལེན་རུ་ཁག་གསར་འཛུགས་བྱེད་མཁན་ནི་ཀྲུང་གོ་གུང་ཁྲན་ཏང་ཡིན།  ཀྲུང་གོ་གུང་ཁྲན་ཏང་ཨུ་ཡིས་ཀྲུང་གོ་གུང་ཁྲན་རིང་ལུགས་ན་གཞོན་ཚོགས་པར་མངགས་བཅོལ་བྱས་ནས་ཐད་ཀར་ཀྲུང་གོ་ན་ཆུང་གདོང་ལེན་རུ་ཁག་ལ་དབུ་ཁྲིད་མཛད་པ་ཡིན། ཀྲུང་གོ་ན་ཆུང་གདོང་ལེན་རུ་ཁག་གིས་ལོ་རེར་ན་ཆུང་གདོང་ལེན་རུ་ཁག་འཐུས་མི་ཚོགས་ཆེན་འཚོགས་པར་མ་ཟད་ཆེ་འབྲིང་ཆུང་གསུམ་གྱི་ལས་བྱེད་པ་འདེམས་པ་ཡིན།

2 འབྱུང་ཁུངས།

སྤྱི་ལོ1922ལོའི་ཟླ2པའི་ཚེས13ཉིན།  འཛམ་གླིང་ཁྲོད་ཐོག་དང་པོའི་བཟོ་བའི་གྲལ་རིམ་གྱི་སྲིད་ཏང་གིས་དབུ་ཁྲིད་མཛད་པའི་ན་ཆུང་གདོང་ལེན་རུ་མིའི་རྩ་འཛུགས་ནི་སུའུ་ལེན་མོ་སི་ཁོ་རུ་འཚར་ལོངས་བྱུང་། དང་ཐོག་འཚར་ལོངས་བྱུང་བའི་ན་ཆུང་གདོང་ལེན་རུ་ཁག་ལ་ཁྱད་པར་ཅན་གྱི་མཚོན་རྟགས་མེད།  གདོང་ལེན་རུ་མི་གསར་བ་འདེམས་སྒྲུག་བྱེད་པའི་ཚོགས་འདུའི་ཁྲོད།  ཚོགས་འདུ་ལ་ཞུགས་པའི་སྔོན་ཐོན་གྱི་བུད་མེད་ཅིག་གིས་རང་ཉིད་ཀྱི་ཟུར་གསུམ་ཅན་གྱི་མགོ་རས་དམར་པོ་སྟེ་ན་ཆུང་གདོང་ལེན་རུ་མིའི་སྐེ་ལ་བཏེགས་པས།  སྐེ་རས་དམར་པོ་ནི་འདི་ལྟར་འཚར་ལོངས་བྱུང་བ་ཡིན།  སྤྱི་ལོ1949ལོའི་ཟླ10བའི་ཚེས13ཉིན། ཀྲུང་གོ་ན་ཆུང་བྱིས་པའི་གདོང་ལེན་རུ་མི་ཡིས་མཚོན་རྟགས་འདི་བཀོལ་སྤྱོད་བྱས་པ་ཡིན།

3 དམིགས་ཡུལ།

ན་ཆུང་བྱིས་པར་ཏང་གི་བཀའ་ལ་ཉན་པ་དང་མེས་རྒྱལ་ལ་དགའ་བ།  མི་དམངས་ལ་དགའ་བ། ངལ་རྩོལ་ལ་དགའ་བ། ཚན་རིག་ལ་དགའ་བ། སྤྱི་བའི་རྒྱུ་ནོར་ལ་གཅེས་སྤྲས་བྱེད་པ།  སློབ་སྦྱོང་ལ་ཧུར་བརྩོན་བྱེད་པ།  ལུས་ཕུང་སྦྱོང་བརྡར་བྱེད་པ། ལག་ལེན་ལ་ཞུགས་པ།  ནུས་པ་གསོ་སྐྱོང་བྱེད་པ། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་སྟོབས་ལྡན་རྒྱལ་ཁབ་ཏུ་འགྱུར་བར་བྱས་རྗེས་འཇོག་པ། གུང་ཁྲན་རིང་ལུགས་ལས་དོན་གྱི་རྒྱུན་འཛིན་པ་བྱེད་པར་སློབ་གསོ་གཏོང་བ། ན་ཆུང་བྱིས་པའི་ཁྲིམས་མཐུན་ཁེ་དབང་ལ་སྲུང་སྐྱོང་བྱས་ཏེ་བྱིས་པ་རྣམས་ལ་སློབ་སྦྱོང་བྱེད་དུ་བཅུག་ནས་མ་འོངས་བར་སྤྱི་ཚོགས་ལ་མཁོ་བའི་ཤེས་ལྡན་མི་སྣ་སྐྱེད་སྲིང་བྱེད་པ་སོགས་ཡིན།

4 མཚོན་རྟགས།

སྐེ་རས་དམར་པོ་ནི་ན་ཆུང་གདོང་ལེན་རུ་མིའི་མཚོན་རྟགས་ཡིན་ཞིང་། དེ་ནི་དར་དམར་གྱི་ཟུར་གཅིག་ཡིན་ལ།  དེ་ནི་སྔོན་གཤེགས་དཔའ་བོའི་ཁྲག་ལས་གྲུབ་པ་ཡིན་པས། གདོང་ལེན་རུ་མི་སུ་ཡིན་རུང་དེ་འདོགས་དགོས་པ་དང་དེ་ལ་གཅེས་སྤྲས་བྱེད་དགོས་པ་ཡིན། 

ཀྲུང་གོ་གུང་ཁྲན་ཏང་གི་དར་དམར་གྱི་ཟུར་གཅིག་ན་ཆུང་གདོང་ལེན་རུ་མིའི་མཚོན་རྟགས་བྱེད་པ་ནི་གདོང་ལེན་རུ་མི་རྣམས་ལ་སློབ་གསོ་བཏང་ནས་སྔོན་གཤེགས་དཔའ་བོའི་དྲང་བདེན་གྱི་ཆེད་དུ་ཧུར་བརྩོན་བྱས་པའི་སྙིང་སྟོབས་ལ་སློབ་སྦྱོང་བྱེད་དགོས་ཞེས་པ་དེ་ཡིན་པ་དང་།  གསར་བརྗེ་ལས་དོན་རྒྱུན་འཛིན་བྱས་ནས་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་སྟོབས་ལྡན་རྒྱལ་ཁབ་འཛུགས་སྐྲུན་བྱེད་པ་ཡིན། 


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-03-05

གསར་སྤེལ་མཁན། :ཨ་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།