ཝེ་ཏོ་ལི་ཡ་རྦབ་ཆུ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཝེ་ཏོ་ལི་ཡ་རྦབ་ཆུ།
ཙན་པི་ཆུ་བོ་ནུབ་མའི་སྟེང་དུ་ཡོད་པའི་ཝེ་ཏོ་ལི་ཡ་རྦབ་ཆུ་ནི་ཧྥེ་གླིང་ལྷོ་མའི་ཙན་པི་ཡ་རྒྱལ་ཁབ་དང་ཙམ་པབ་ཝེ་རྒྱལ་ཁབ་གཉིས་ཀྱི་འབྲེལ་མཚམས་སུ་ཡོད་པ་དང་། འཛམ་གླིང་སྟེང་གི་ཞེང་ཚད་ཆེས་ཆེ་ཞིང་བརྗིད་ཉམས་ལྡན་པའི་རྦབ་ཆུའི་གྲས་ཡིན།
གཞི་རྩའི་གནས་ཚུལ།

རྒྱ་ཡིག་གི་མིང་།
维多利亚瀑布
ཕྱི་ཡིག་གི་མིང་།
Victoria falls
གནས་ཡུལ།
ཧྥེ་གླིང་ལྷོ་མའི་ཙན་པི་ཡ་རྒྱལ་ཁབ་དང་ཙམ་པབ་ཝེ་རྒྱལ་ཁབ་གཉིས་ཀྱི་འབྲེལ་མཚམས།
1 ཡུལ་གྱི་བཀོད་པ་དང་གྲུབ་ཚུལ།

ཙན་པི་ཆུ་བོ་ནུབ་མའི་སྟེང་དུ་ཡོད་པའི་ཝེ་ཏོ་ལི་ཡ་རྦབ་ཆུ་ནི་ཧྥེ་གླིང་ལྷོ་མའི་ཙན་པི་ཡ་རྒྱལ་ཁབ་དང་ཙམ་པབ་ཝེ་རྒྱལ་ཁབ་གཉིས་ཀྱི་འབྲེལ་མཚམས་སུ་ཡོད་པ་དང་། འཛམ་གླིང་སྟེང་གི་ཞེང་ཚད་ཆེས་ཆེ་ཞིང་བརྗིད་ཉམས་ལྡན་པའི་རྦབ་ཆུའི་གྲས་ཡིན། རྦབ་ཆུ་འདིའི་ཞེང་ལ་སྨི1600ལྷག་དང་། གཟར་ཚད་ཆེས་ཆེ་བ་ཧ་ལམ་སྨི100ཡན་ཡོད། བར་སྣང་དུ་སྨི300ལྷག་ཟུག་ཅིང་། སྤྲིན་པ་ལྟར་འཐིབས་པའི་ཆུ་རྡུལ་སྟོང་སྨི10ཡི་ཕ་རོལ་དུ་མཐོང་ཐུབ། ཆར་དུས་སུ་རྦབ་ཆུའི་ཁུལ་དུ་སྨུག་ལོང་འཕྱུར་ཞིང་། ནམ་མཁའ་གཡའ་དག་དུས་ལྗོངས་དེའི་ག་ས་གང་དུ་མིག་འཕྲུལ་བར་བྱེད་པའི་འཇའ་ཚོན་གྱིས་བརྒྱན་པས་ཧ་ཅང་མཛེས་ཤིང་ཡིད་དུ་འོང་།

ཝེ་ཏོ་ལི་ཡ་རྦབ་ཆུ་ནི་རྦབ་ཆུ་དུ་མ་ལས་གྲུབ་པ་ཡིན་ཏེ། བྲག་རྡོས་ཁག་བགོས་པ་ལས་རྦབ་ཆུ་ཁག་ལྔ་རུ་གྱེས་ཤིང་། དེ་དག་ནུབ་ནས་ཤར་དུ་གདོན་འདྲེའི་རྦབ་ཆུ་དང་། རྦབ་ཆུའི་གཞུང་།  རྦབ་ཆུ་རྟ་རྨིག་མ། རྦབ་ཆུ་འཇའ་ཚོན་མ། རྦབ་ཆུ་ཤར་མ་བཅས་ཡོད་པ་དང་། དེ་དག་ལས་རྦབ་ཆུ་འཇའ་ཚོན་མ་ནི་རྦབ་ཆུ་ཡོངས་ཀྱི་གཟར་ཚད་ཆེས་མཐོ་ཞིང་ངོ་མཚར་བའི་ཁག་ཡིན།  བཞུར་ཆུ་གཅིག་ལངས་གཅིག་འཇགས་དང་། ཟླ་གམ་དབྱིབས་ཀྱི་འཇའ་ཚོན་གྱིས་བསྐོར་བས་ལྷ་ཡུལ་དུ་བསླེབས་པ་ལྟ་བུའི་ཚོར་སྣང་སྦྱིན་ཡོང་། གོ་ཐོས་སུ་ཟླ་བ་ཉ་གང་དུས་སྐུ་བསོད་ཆེ་བའི་མི་རྣམས་ཀྱིས་ངོ་མཚར་བའི་ཟླ་བའི་འཇའ་ཚོན་ཡང་མཐོང་ཐུབ་ཅེས་གྲགས།

རྦབ་ཆུ་ཡི་གྲུབ་ཚུལ་ཏག་ཏག་གནས་དེའི་ས་གཤིས་ཀྱི་གྲུབ་ཚུལ་དང་འབྲེལ་བ་དམ་ཟབ་ཡོད་པ་དང་། ཝེ་ཏོ་ལི་ཡ་རྦབ་ཆུ་ཡང་དེ་ལས་མ་འདས་པ་རེད། ཙན་པིའི་ཆུ་བོ་ནུབ་མ་འབབ་ཡུལ་གྱི་སྟོད་རྒྱུད་དང་བར་རྒྱུད་ཀྱི་འབྲེལ་མཚམས་སུ། བྲག་རྡོ་གས་ཆད་ཁྲོད་བྱུང་བའི་གྲོག་རོང་ཞིག་འཕྲེད་བཅད་དུ་ཡོད་པས། ད་གཟོད་བརྗིད་ཉམས་ལྡན་པའི་ཝེ་ཏོ་ལི་ཡ་རྦབ་ཆུ་གྲུབ་པ་རེད། ཆུ་བོའི་རྒྱུན་ནི་གཞོགས་གཉིས་ཀྱི་ཁ་སྤྲོད་དུ་རྨིད75ཡོད་པའི་གཡང་ས་ནས་ཐུར་དུ་བབས་པས་གུ་དོག་པའི་གྲོག་རོང་ནི་ལྷོག་ལྷོག་དུ་འཁོལ་བའི་སླ་ང་ཞིག་མཚུངས་པར་ཆུ་འཁོར་ཆེན་པོ་ཞིག་ཏུ་གྲུབ་པ་དང་། དེའི་རྗེས་རིང་ཚད་ལ་སྟོང་སྨི72ལྷག་ཡོད་པའི་གྲོག་རོང་བརྒྱུད་དེ་འབབ་བཞིན་ཡོད། སྤྱི་ལོ1989ལོར་མཉམ་འབྲེལ་རྒྱལ་ཚོགས་སློབ་གསོ་དང་ཚན་རིག  རིག་གནས་ལྷན་ཚོགས་ཀྱིས་ཝེ་ཏོ་ལི་ཡ་རྦབ་ཆུ་འཛམ་གླིང་རང་བྱུང་ཤུལ་བཞག་མིང་ཐོའི་ཁོངས་སུ་བཞག་གོ།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2016-01-25

གསར་སྤེལ་མཁན། :ཨ་རྡོ

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།