དྲོད་རྒྱུད་རྒྱ་མཚོའི་ནམ་ཟླ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

དྲོད་རྒྱུད་རྒྱ་མཚོའི་ནམ་ཟླ།
དྲོད་རྒྱུད་རྒྱ་མཚོའི་རང་བཞིན་གྱི་ནམ་ཟླ་ནི་ལོ་ཧྲིལ་བོར་དྲོད་གྲང་སྙོམས་པ་དང་རླན་གཤེར་ལྡན་པའི་ནམ་ཟླ་ཡིན་ལ། འཕྲེད་ཐིག་གི་ཏུའུ་བཞི་བཅུ་ནས་དྲུག་ཅུ་རེ་ལྔའི་བར་གྱི་སྐམ་ས་ཆེན་པོའི་ནུབ་འགྲམ་དུ་ཁྱབ་ཡོད་ཅིང་། ནམ་ཟླ་འདིའི་རིགས་ལོ་ཧྲིལ་བོའི་ནང་ནུབ་རླུང་གི་ཤུགས་རྐྱེན་འོག ལོ་རེའི་ཆར་ཆུ་འབབ་ཚད་ཧའོ་སྨི་ལྔ་བརྒྱ་ནས་བདུན་བརྒྱའི་བར་ཡིན། ཡང་ཧ་ཅང་འཁྱག་པའི་ཟླ་དེའི་ཆ་སྙོམས་ཀྱི་དྲོད་ཚད་ནི་ཧྲེ་ཧྲིའི་དྲོད་ཚད་ཀླད་ཀོར(0℃)གྱི་ཡན་ཡིན་ལ། ཧ་ཅང་དྲོ་བའི་ཟླ་དེར་ཧྲེ་ཧྲིའི་དྲོད་ཚད་ཉི་ཤུ་ཉེར་གཉིས(22℃)ལས་ཀྱང་དམའ་བ་ཡིན་ཞིང་། ནམ་ཟླ་འདིའི་རིགས་ལ་གཏོགས་པ་ནི་ཡོ་རོབ་གླིང་གི་ནུབ་བྱང་དང་ཁ་ན་ཏ་རྒྱ་མཚོ་ཆེན་པོའི་འགྲམ་ངོགས། ཀྲི་ལིའི་ལྷོ་རྒྱུད། ཨ་ཧྥེ་རི་ཁ་ལྷོ་མ། ཨོ་སི་ཁྲུ་ལི་ཡའི་ལྷོ་ཤར་གྱི་རྒྱུད་བཅས་ཡིན།
གཞི་རྩའི་གནས་ཚུལ།

རྒྱ་ཡིག་གི་མིང་།
温带海洋性气候
ཕྱི་ཡིག་གི་མིང་།
Temperate marine climate
ཁྱད་ཆོས།
དགུན་དུས་དྲོ་ཞིང་རླན་གཤེར་ལྡན་པ་དང་དབྱར་དུས་ཚ་བ་ཅུང་ཆེ་ཞིང་རླན་གཤེར་དང་ལྡན་པ་ཡིན་པས་ཆར་ཆུའི་འབབ་ཚད་སྙོམས་པ་ཡིན།
ས་ཁུལ།
སྐམ་ས་ཆེན་པོའི་ནུབ་འགྲམ་དུ་ཡོད་པ་དང་། འཕྲེད་ཐིག་ལྷོ་མ་དང་འཕྲེད་ཐིག་བྱང་མའི་ཏུའུ་བཞི་བཅུ་དང་དྲུག་ཅུའི་མཚམས་སུ་ཡོད།
ཁྱབ་སའི་གླིང་།
རྒྱ་མཚོ་ཆེན་པོའི་གླིང་དང་མེ་གླིང་བྱང་མ། ཡོ་རོབ་གླིང་བཅས་ཡིན།
སྔོ་ཁེབས་ཀྱི་རིགས།
དྲོད་རྒྱུད་གྱི་རྒྱུན་ལྗང་ལོ་མ་ཆེ་བའི་ནགས་ཚལ་དང་དྲོད་རྒྱུད་རྒྱུན་ལྗང་མ་ཡིན་པའི་ལོ་མ་ཆེ་བའི་ནགས་ཚལ།
1 ངོ་སྤྲོད།

དྲོད་རྒྱུད་རྒྱ་མཚོའི་རང་བཞིན་གྱི་ནམ་ཟླ་ནི་ལོ་ཧྲིལ་བོར་དྲོད་གྲང་སྙོམས་པ་དང་རླན་གཤེར་ལྡན་པའི་ནམ་ཟླ་ཡིན་ལ།     འཕྲེད་ཐིག་གི་ཏུའུ་བཞི་བཅུ་ནས་དྲུག་ཅུ་རེ་ལྔའི་བར་གྱི་སྐམ་ས་ཆེན་པོའི་ནུབ་འགྲམ་དུ་ཁྱབ་ཡོད་ཅིང་།    ནམ་ཟླ་འདིའི་རིགས་ལོ་ཧྲིལ་བོའི་ནང་ནུབ་རླུང་གི་ཤུགས་རྐྱེན་འོག     ལོ་རེའི་ཆར་ཆུ་འབབ་ཚད་ཧའོ་སྨི་ལྔ་བརྒྱ་ནས་བདུན་བརྒྱའི་བར་ཡིན།   ཡང་ཧ་ཅང་འཁྱག་པའི་ཟླ་དེའི་ཆ་སྙོམས་ཀྱི་དྲོད་ཚད་ནི་ཧྲེ་ཧྲིའི་དྲོད་ཚད་ཀླད་ཀོར(0℃)གྱི་ཡན་ཡིན་ལ།    ཧ་ཅང་དྲོ་བའི་ཟླ་དེར་ཧྲེ་ཧྲིའི་དྲོད་ཚད་ཉི་ཤུ་ཉེར་གཉིས(22℃)ལས་ཀྱང་དམའ་བ་ཡིན་ཞིང་།     ནམ་ཟླ་འདིའི་རིགས་ལ་གཏོགས་པ་ནི་ཡོ་རོབ་གླིང་གི་ནུབ་བྱང་དང་ཁ་ན་ཏ་རྒྱ་མཚོ་ཆེན་པོའི་འགྲམ་ངོགས།    ཀྲི་ལིའི་ལྷོ་རྒྱུད།    ཨ་ཧྥེ་རི་ཁ་ལྷོ་མ།   ཨོ་སི་ཁྲུ་ལི་ཡའི་ལྷོ་ཤར་གྱི་རྒྱུད་བཅས་ཡིན།

2 གྲུབ་རྐྱེན།   

1.དགུན་དུས་དྲོ་བ་དང་དབྱར་དུས་བསིལ་བ།  ལོ་ཧྲིལ་བོའི་དྲོད་ཚད་ཀྱི་བར་ཁྱད་ཆུང་བ།

2.ལོ་ཧྲིལ་བོར་ཆར་ཆུ་མོད་པ་དང་དགུན་དུས་ཆར་འབབ་ཚད་ཅུང་ཉུང་།

3.ལོ་ཧྲིལ་བོའི་ནང་གི་དྲོད་གྲང་དང་ཉིན་ཧྲིལ་བོའི་ནང་གི་དྲོད་གྲང་ལ་འགྱུར་བ་ཆེན་པོ་མེད་པ།

4.ཆར་ཆུ་འབབ་ཚད་ཀྱི་དུས་ཚིགས་ཅུང་སྙོམས་པ།

5.ཚ་ཁུལ་གྱི་རྒྱ་མཚོར་རླུང་དམར་དྲག་པོ་ཡིན།

6.སྤྲིན་སྨུག་མང་བ་དང་རླན་གཤེར་ཆེ་བའི་ནམ་ཟླ།

3 ཤུགས་རྐྱེན།

དྲོད་རྒྱུད་རྒྱ་མཚོའི་རང་བཞིན་གྱི་ནམ་ཟླའི་འཕྲེད་ཐིག་ཅུང་མཐོ་བ་དང་།     གནམ་རུབ་པའི་དུས་ཀྱི་ནམ་ཟླ་མང་ལ།     ཚ་བའི་ཆེ་ཆུང་དང་ཉི་མའི་འོད་ཀྱི་ཆ་རྐྱེན་ནི་འདེབས་འཛུགས་རིགས་ཀྱི་ལས་ལ་མི་ཕན་ཞིང་།    མང་ཆེ་བ་ནི་གཙོ་བོ་ཕྱུགས་ལས་དང་མེ་ཏོག་འདེབས་འཛུགས་ཀྱི་ལས་སོགས་ཚ་བ་ཆེ་ཆུང་གི་ཆ་རྐྱེན་ཚང་མི་དགོས་པའི་ཞིང་ལས་རིགས་ཀྱི་ལས་ཀ་ཡིན།   

ཞིང་ལས་ཀྱི་ཕྱོགས་ནས་གཙོ་བོ་གྲོ་དང་ཕྱུགས་ལས་ཡིན་ལ།     རྒྱུ་མཚན་ནི་ནམ་ཟླ་འདིའི་རིགས་ནི་བཟའ་འབྲུ་དང་བཟའ་སྣུམ་རིགས་ཀྱི་འབྲུ་རིགས་སྐྱེ་བར་ཕན་པ་མེད་མོད།     འོན་ཀྱང་རྩྭ་བཅུད་ཅན་སྐྱེ་བར་ཤིན་ཏུ་ཕན།

འཚོ་བའི་ཐད་ནས་དྲོ་གྲང་སྙོམས་པ་དང་སྤྲིན་ཚོགས་འདུ་བ།    རླན་གཤེར་ཆེ་བའི་རྒྱ་མཚོ་རང་བཞིན་གྱི་ནམ་ཟླ་ཡིས་མི་རྣམས་ལ་བདེ་སྣང་གི་ཚོར་བ་སྟེར་ཐུབ་མོད།    འོན་ཀྱང་གནམ་རུབ་པ་དང་ཆར་ཆུ་མོད་པའི་ནམ་ཟླ་ནི་མིའི་སེམས་ཁམས་བདེ་ཐང་གི་ཕྱོགས་ལ་མི་ཕན།

4 འབྲེལ་ཡོད་ཀྱི་ནམ་ཟླ།

1.དྲོད་རྒྱུད་སྐམ་སའི་བཞའ་ཚན་ནམ་ཟླ།

2.དྲོད་རྒྱུད་སྐམ་སའི་ཐན་པ་དང་ཐན་པ་མ་ཡིན་པའི་ནམ་ཟླ།

3.དྲོད་རྒྱུད་དུས་རླུང་གི་ནམ་ཟླ།


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:2  སྔ་མའི་པར་གཞི།

ཉེ་ཆར་དག་བཅོས།:2016-01-11

གསར་སྤེལ་མཁན། :ཨ་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།