མཁར་སྟོང་བས་བསླུ་ཐབས།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

མཁར་སྟོང་བས་བསླུ་ཐབས།
དམག་ཤུགས་ཞན་པ་ཡིན་པ་ལ་ཞན་པ་ཡིན་ཚུལ་བསམ་བཞིན་དུ་ཕྱི་ལ་མངོན་ན། གནས་ཚུལ་མི་ཤེས་པའི་ཕ་རོལ་བ་ལྷག་པར་དོགས་པ་ཇེ་ཆེར་འགྲོའོ། །དགྲ་རང་སྟོབས་ཤུགས་ལ་ཁྱད་པར་ཆེ་བ་ན། ངོ་མ་ཡིན་མིན་ཐག་གཅོད་མི་ཐུབ་པའི་ཇུས་བློ་སྤྱད་དེ་དམག་བཀོལ་བ་ངོ་མཚར་དཔོག་མི་ཤེས་པ་བྱའོ། །
གཞི་རྩའི་གནས་ཚུལ།

རྒྱ་ཡིག་གི་མིང་།
空城计
ཕྱི་ཡིག་གི་མིང་།
presenting a bold front to conceal a weak defence
འབྱུང་ཁུངས།
《ཇུས་བློའི་ཁུག་པ་སོ་དྲུག》
1 བསྡུས་འགྲེལ།

མཁར་སྟོང་གིས་བསླུ་ཐབས་ཞེས་པ་ནི་བསམ་བཞིན་དུ་གཡུལ་ས་སྟོང་ལ་དམག་མེད་པ་ལྟར་བྱས་དེ་ཕ་རོལ་བར་དོགས་པ་ཟ་བར་འཇུག་པ་དང་།   གབ་དམག་ཡོད་པར་འཇིགས་ཏེ་དམག་ཕྱི་ལ་འཐེན་པའོ། །

འདི་ནི་ཡིན་མིན་རྟོགས་དཀའ་བའི་བྱེད་ཐབས་བཀོལ་ནས་འཕྲད་པའི་གནད་དོན་ཛ་དྲག་ཅན་ཐག་གཅོད་བྱེད་ཐབས་ཆེས་ཉེན་ཁ་ཅན་དང་།   དམག་འཁྲུག་འགྱང་ཐབས་ཀྱི་ཇུས་བློ་ཞིག་གོ །

2 གནའ་མིའི་དཔྱད་གཏམ།

དམག་བཀོལ་བ་ལ་དངོས་ཡིན་དངོས་མིན་སྣ་ཚོགས་སྤྱད་པ་ལས།   འདི་ལྟར་རོ་ཞེས་ལམ་ལུགས་འགྱུར་མེད་ཅིག་མེད་དོ། །དམག་ཤུགས་ཞན་ལ་སྟོབས་ཆུང་བས་བསམ་བཞིན་དུ་ཞན་པའི་ཕྱོགས་དེ་ཕྱི་ལ་མངོན་པ་ནི།   ཀྲུའུ་ཀའོ་ལིའང་གི་རྗེས་སུ་ཐབས་འདི་སྤྱད་མཁན་མང་ངོ་། །

3 དམག་འཐབ་ཀྱི་དཔེར་མཚོན།

ཐང་ཞོན་ཙུང་གི་སྐབས་སུ།   བོད་དམག་གིས་ཀྭ་ཀྲིག་བླངས་ཤིང་ས་སྲུང་དམག་དཔོན་ཝང་ཅིན་ཧོན་འཁྲུག་པ་ལས་ཤི་བ་དང་།   རྨ་ཆུའི་ནུབ་ཕྱོགས་ཀྱི་མི་སེར་ལ་འཇིགས་སྣང་ཆེན་པོ་སྐྱེས་སོ། །གོང་མའི་སྲིད་གཞུང་གིས་ཀྲང་ཧྲོའུ་བཀས་མངགས་ཏེ་ཀྭ་ཀྲིག་གི་ཚི་ཧྲི་ཡི་འགན་སྤྲད་དོ། །ཀྲང་ཧྲོའུ་བཀས་དེར་སླེབས་མ་ཁད་དཔོན་དམག་དང་མི་སེར་ཁྲིད་དེ་མཁར་ཧྲུལ་ཞིག་གསོ་བྱེད་འགོ་བརྩམས།   མཁར་གྱང་རྡུང་བའི་ཀ་བ་བརྡབ་པ་དང་གྱང་ཤིང་བཞག་པའི་སྐབས་སུ་དགྲ་བོ་སླར་ཡང་རྒོལ་བར་འོངས།  མཁར་ནང་དུ་ཕྱི་ལ་རྒོལ་བའི་ལག་ཆ་མེད་པས་དཔོན་དམག་རྣམས་རྟབ་རྟབ་པོར་གྱུར་བའི་ཕན་ཚུན་ལ་བལྟ་རེས་བྱས།   དེར་ཀྲང་ཧྲོའུ་བཀས་ན་རེ།   དགྲ་ཟླ་དཔུང་ཆེ་ལ་དམག་མང་བ་དང་རང་སྡེ་དེ་ལས་ལྡོག་པ་དང་།   དམག་འཁྲུག་གིས་གཏོར་བརླག་བྱས་པའང་སླར་གསོ་ཚར་མེད་པས་རང་རེས་མདའ་དང་སྒྱོགས་རྡོ་ཡིས་དགྲ་དང་འཐབ་མི་ནུས་པས་དེ་བས་བློ་གྲོས་ཀྱིས་འཐབ་བོ་ཞེས་སོ། །དེས་མཁར་གྱང་ཐོག་ཏུ་གསོལ་སྟོན་བསྒྲིགས་ཏེ་དཔོན་དམག་རྣམས་མཉམ་སྤྲོ་བྱེད་པའི་བཀའ་ཕབ་བོ། །བོད་དམག་གིས་མཐོང་རྗེས་མཁར་ནང་དུ་གབ་དམག་ཡོད་པར་དོགས་པ་ཟོས་ཏེ་རྒོལ་མ་ཕོད་པར་ཕྱིར་འཐེན་བྱས་སོ། །ཡང་དཔེར་ན།  པའེ་ཆི་དུས་སུ།   ཙུའུ་ཐེན་ཟེར་བ་ཞིག་པའེ་ཞུས་ཀྲིག་གི་ཚི་ཧྲི་ལ་བསྐོས།   དེ་ས་དེར་སླེབས་མ་ཁད།   ནན་ཁྲེན་གྱི་དམག་གིས་རྒོལ་བས་མི་སེར་རྣམས་སྐབས་དེར་བསྟུན་ནས་གྱེན་ལོག་བྱེད་བཞིན་མཆིས།   ཙུའུ་ཐེན་གྱིས་བཀའ་ཕབ་ནས་མཁར་སྟེང་གི་དམག་རྣམས་མར་བབས་ནས་སྲང་ལམ་དུ་འཚང་དུ་བཅུག་པ་དང་།   སྲང་ལམ་དུ་མི་འགྲོ་འོང་མི་ཆོག་པ་དང་མཁར་སྒོ་ཡང་རྒྱུན་དུ་ཕྱེ་བར་བཅུག   མཁར་ནང་མི་གྲགས་ཁྱི་གྲགས་མེད་པར་འཇམ་ཐེར་ངེར་སོང་ངོ་། །སྐབས་དེར་ནན་ཁྲེན་དམག་གིས་ཅི་ཡང་མི་མཐོང་ལ་གང་ཡང་མི་གོ་བས་མཁར་ནང་གི་གནས་ཚུལ་དངོས་ནི་ཤེས་ཐབས་བྲལ་ལོ། །ཕ་རོལ་བས་བརྟག་ན་མཁར་ནང་དུ་མི་མེད་པའི་མཁར་སྟོང་བ་རེད་སྙམ་ནས་མཁར་ནང་དུ་འཛུལ་བ་ན།   ཙུའུ་ཐེན་གྱིས་དམག་མིས་ཀི་སྒྲ་ས་གནམ་ལྡིར་བ་བཏབ་པའི་བཀའ་ཕབ་པ་ན་ནན་ཁྲེན་དམག་ལ་འཇིགས་སྣང་ཆེན་པོ་སྐྱེས་ཏེ་མྱུར་བར་ཕྱིར་བྲོས་སོ། །

རྒྱལ་ཁབ་གསུམ་གྱི་དུས་སུ།   ཀྲུའུ་ཀའོ་ལིའང་གིས་ཝེ་དམག་གིས་ཕྱོགས་གཉིས་ནས་འཐབ་པར་འོང་འདུག་པ་རྟོགས་པ་ན་བཀའ་ཕབ་པ།   དར་ཆ་ཡོད་དོ་ཅོག་མར་ཕབ་ལ་དམག་མི་ཐམས་ཅད་མཁར་ནང་དུ་སོ་ཁང་དུ་གབ་ལ་སྡོད་ཅེས་སོ། །དེ་ནས་སླར་ཡང་བཀའ་ཕབ་པ།   མཁར་སྒོ་རྣམས་ཕྱེས་ལ།   མཁར་སྒོ་རེ་ལ་དམག་མི་ཉི་ཤུ་ཙམ་མི་སེར་བརྫུས་ཏེ་ཐང་ཕྱགས་ཁུལ་དང་ཆུ་གཅོལ་ཁུལ་བྱོས་ལ་འཇིགས་སྐྲག་མི་དགོས་ཞེས་གོ ། བཀོད་འདོམས་བྱས་ཚར་རྗེས་ཀྲུའུ་ཀའོ་ལིའང་མཁར་ཐོག་ཏུ་བག་ཕེབས་ངང་བསྡད་དེ་རོལ་མོ་དཀྲོལ་བཞིན་བསྡད་དོ། །    

དེར་ཝེ་དམག་མདུན་སྐྱོད་དམག་དཔུང་སླེབས་པ་ན་མཁར་ནང་དུ་འཛུལ་མ་ཕོད་པར་སུ་མ་དབྱི་ལ་ཡར་ཞུ་བྱས་ཚེ་སུ་མ་དབྱི་ཧ་ཧ་ཞེས་དགོད་བཞིན་རང་ཉིད་དངོས་སུ་ལྟ་ཞིབ་བྱེད་པར་སོང་།   སུ་མ་དབྱི་མྱུར་བར་མཁར་ཕྱིར་སླེབས་ཏེ་བལྟས་པ་ན་ཀྲུའུ་ཀའོ་ལིའང་བག་ཕེབས་ངང་བྲེལ་ཚུབ་མེད་པར་བྱིས་པ་གཉིས་ཀྱིས་བསྙེན་བཀུར་བྱེད་བཞིན་རོལ་མོ་དཀྲོལ་བཞིན་མཆིས་སོ། །མཁར་ནང་དུ་བལྟས་པ་ན།   མཁར་སྒོར་མི་སེར་ཁ་ཤས་ཀྱིས་ཐང་ཕྱགས་འདུག་པ་མཐོང་ངོ་། །སུམ་ཀྲའོ་ཡིས་སུ་མ་དབྱི་ལ་སྨྲས་པ།   ཀྲུའུ་ཀའོ་ལིའང་ལ་དམག་མེས་པས་འདི་ལྟར་མི་བྱེད་ཁ་མེད་རེད་ཅེས་སོ། །སུ་མ་དབྱི་ན་རེ།   ཀྲུའུ་ཀའོ་ལིའང་ནི་དོན་དག་གང་བསྒྲུབ་ཀྱང་ཧ་ཅང་སེམས་ཆུང་ཡིན་པས།   ཉེན་ཁ་ཡོད་ས་ལ་བདེ་བར་འདུག་མི་སྲིད་པས་ངེས་པར་དུ་གབ་དམག་ཡོད་པ་རེད།   དེ་བས་མྱུར་མོར་དམག་ཕྱིར་དྲོངས་ཤིག་ཅེས་སོ། །དེར་མངའ་འོག་པ་རྣམས་ན་རེ།   བློན་པོ་སང་ནི་ཅི་འདྲའི་ངོ་མཚར་བའི་ཇུས་བློ་བ་ཞིག་རེད་ཨང་།    ངེད་ཅག་ཡིན་ན་བྲོས་པ་ལས་ཐབས་ཅི་ཞེས་པ་ན།   ཀྲུའུ་ཀའོ་ལིའང་ན་རེ་དགྲ་ཟླར་ཁྲི་ཉེར་ལྔ་ཡོད་པའི་དཔུང་ཆེན་པོ་དང་།   འུ་ཅག་ལ་ཉིས་སྟོང་ཉིས་བརྒྱ་ལས་མེད་པས་གལ་ཏེ་བྲོས་ན་མི་ཐར་བས་མཁར་སྟོང་བས་བསླུ་ཐབས་ཀྱི་ཇུས་འདི་ནི་མི་འཐེན་ཐབས་མེད་བྱུང་ངོ་ཞེས་སོ། །


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2015-12-07

གསར་སྤེལ་མཁན། :ཨ་སངས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།