སྤྱི་ཚོགས་ས་ཁམས་རིག་པ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

སྤྱི་ཚོགས་ས་ཁམས་རིག་པ།
སྤྱི་ཚོགས་ས་ཁམས་རིག་པ་ནི་རིགས་སོ་སོའི་ཚོགས་ཁག་གི་ས་ཁུལ་ཁྱབ་ཁོངས་དང་། བར་སྟོང་གི་བེད་སྤྱོད་རྣམ་པ། དེའི་ས་ཁུལ་དང་རྣམ་པ་གྲུབ་པའི་བརྒྱུད་རིམ་ལ་ཞིབ་འཇུག་བྱེད་པའི་རིག་ཚན་ཞིག་ཡིན། སྤྱི་ཚོགས་ཚོགས་ཁག་ལ་རིགས་མི་འདྲ་བ་ཡོད་ཅིང་། དམིགས་བསལ་གྱི་དངོས་པོ་དང་རིག་གནས་འཚོ་བའི་རྣམ་པ་ལས་བྱུང་བ་ཡིན། འཚོ་བའི་རྣམ་པ་དེ་དག་གིས་རིགས་མི་གཅིག་པའི་སྤྱི་ཚོགས་ཚོགས་ཁག་གིས་རིགས་མི་གཅིག་པའི་རང་བྱུང་ཁོར་ཡུག་ལ་བཟོས་པའི་འགྱུར་བྱུང་མཚོན་ཞིང་། དེ་ལ་ངེས་གཏན་གྱི་བར་སྟོང་ཁྱབ་ཁོངས་ལྡན། སའི་གོ་ལའི་སྟེང་འཚོ་སྡོད་བྱས་ཡོད་པའི་མི་རྣམས་ཀྱིས་རྣམ་པ་མི་འདྲ་བའི་སྒོ་ནས་འཚོ་བ་རོལ་བཞིན་ཡོད་དེ། ཁོ་ཚོའི་མི་རིགས་ཀྱི་མེས་པོ་དང་། རིག་གནས་གོམས་སྲོལ། ཆོས་ལུགས་དད་མོས། སྐད་ཡིག སྤྱི་ཚོགས་ལམ་ལུགས། དཔལ་འབྱོར་འཕེལ་རྒྱས་ཆུ་ཚད་སོགས་ལ་ཁྱད་པར་ཆེན་པོ་ཡོད་པ་རེད། དེ་བས་རིགས་མི་འདྲ་བའི་སྤྱི་ཚོགས་ཚོགས་ཁག་དགར་བ་རེད། སྤྱི་ཚོགས་ཚོགས་ཁག་དེ་ཆེ་ཆུང་གང་ཡིན་རུང་ཚང་མས་གོ་ལའི་ངོས་ཀྱི་ཆ་ཤས་རེ་བཟུང་ཡོད་ཅིང་། ཚང་མས་ཚད་མི་འདྲ་བའི་ཐད་ནས་རང་བྱུང་ཁོར་ཡུག་དང་ཐོན་ཁུངས་གསར་སྤེལ་བྱས་ཏེ། རིགས་མི་འདྲ་བའི་བར་སྟོང་འགྲེམ་ཚུལ་ཞིག་གྲུབ་ཡོད་པ་རེད།
གཞི་རྩའི་གནས་ཚུལ།

རྒྱ་ཡིག་གི་མིང་།
社会地理学
རིག་ཚན།
ས་ཁམས་རིག་པ།
དབྱེ་བ།
མི་ཆོས་ས་ཁམས།
རྨང་འདིང་མཁན།
ཝེ་ཏ་ཨེར་པའེ་ལན་ཧྲི།
ཞིབ་འཇུག་བྱ་ཡུལ།
སྤྱི་ཚོགས་ཚོགས་ཁག་ཀྱི་ས་ཁོངས་སམ་བར་སྟོང་གི་ཁྱབ་ཚུལ།
ནང་དོན།
མི་གྲངས་དང་སྡེ་བ། གྲོང་ཁྱེར་སོགས་ཀྱི་ས་ཁམས་དབྱེ་ཞིབ།
1 འབྱུང་ཁུངས།

སྤྱི་ཚོགས་ས་ཁམས་རིག་པ་ནི་གཙོ་བོ་འཛམ་གླིང་འཁྲུག་ཆེན་གཉིས་པའི་རྗེས་ནས་འཕེལ་རྒྱས་ཕྱིན་པ་ཡིན་མོད། འོན་ཀྱང་ཐོག་མ་ནི་དུས་རབས20པའི་དུས་འགོར་བྱུང་བ་རེད། ཧྥ་རན་སེའི་མི་ཆོས་ས་ཁམས་རིག་པ་བ་ཝེ་ཏ་ཨེར་པའེ་ལན་ཧྲི་ཡིས་སྔོན་མའི་ཡོད་སྲིད་སྨྲ་བའི་ལྟ་བ་ཡིས་སྤྱི་ཚོགས་ས་ཁམས་རིག་པ་ལ་གཞུང་ལུགས་ཀྱི་རྨང་བཏིངས་པ་རེད།

2 ཞིབ་འཇུག

ཞིབ་འཇུག་གི་ནང་དོན་ནི་མི་ཆོས་ས་ཁམས་རིག་པའི་གྲུབ་ཆ་ཡིན། ས་ཁམས་རིག་པའི་ཐད་ནས་མིའི་རིགས་ཀྱི་རིགས་སོ་སོའི་སྤྱི་ཚོགས་སྣང་ཚུལ་དང་སྤྱི་ཚོགས་ཁྱད་ཆོས། སྤྱི་ཚོགས་ཚོགས་ཁག་གི་ས་ཁོངས་ཁྱབ་ཚུལ་དང་ཁྱད་པར་ལ་ཞིབ་འཇུག་བྱེད་པ་ཡིན་པར་མ་ཟད། རིགས་སོ་སོའི་སྤྱི་ཚོགས་ཚོགས་ཁག་གི་རྣམ་པ་གྲུབ་པའི་བརྒྱུད་རིམ་དང་བར་སྟོང་གི་སྒྲིག་གཞི་ལའང་ཞིབ་འཇུག་བྱེད་པའི་རིག་ཚན་ཞིག་ཡིན། སྲོལ་རྒྱུན་གྱི་སྤྱི་ཚོགས་ས་ཁམས་རིག་པ་དེ་སྤྱི་ཚོགས་འཚོ་བའི་ཁྲོད་ཀྱི་མི་གྲངས་དང་ཚོ་བ། དཔལ་འབྱོར། འགྲིམ་འགྲུལ། ཆབ་སྲིད་རིག་གནས་གནད་དོན་སོགས་དང་འབྲེལ་ཆེ་བས། ཞིབ་འཇུག་གི་ནང་དོན་རྒྱ་ཆེན་པོ་འདུག་ཅིང་། དཔེར་ན་ཞིབ་འཇུག་པ་ཅི་ཨེར་པོ་ཐེ་སོགས་ཀྱི་ལྟ་ཚུལ་ལྟར་སྤྱི་ཚོགས་ས་ཁམས་རིག་པའི་ཁྲོད་གཤམ་གསལ་གྱི་ནང་དོན་ཁག་བཞི་འདུས་པ་སྟེ།

གཅིག ས་ངོས་མི་གྲངས་ཀྱི་ཁྱབ་སྟངས།

གཉིས། སྡེ་བའི་ཁྱབ་སྟངས་དང་དེའི་རྣམ་པ།

གསུམ། གྲོང་ཁྱེར་གྱི་ས་ཁམས།

བཞི། སྤྱི་ཚོགས་ཚོགས་སྤྱིའི་ཁྱབ་སྟངས་དང་ཁོར་ཡུག་མི་གཅིག་པའི་འོག་གི་འཚོ་སྟངས་ཀྱི་ས་ཁམས་དབྱེ་ཞིབ།

3 ཁྱད་ཆོས།

གཅིག  སྤྱི་ཚོགས་ཅན་རིམ་བཞིན་མི་ཆོས་ས་ཁམས་ཁྱབ་ཁོངས་སོ་སོར་འཐིམ་པ་ནས་བྱུང་བའི་སྤྱི་ཚོགས་ས་ཁམས་རིག་ཚན་གྱི་ཕྱོགས་ཐོར།

གཉིས། རིག་ཚན་གྱི་འཕེལ་རྒྱས་ཀྱིས་དངོས་ཡོད་གནད་དོན་ཐག་གཅོད་བྱེད་པའི་ཕྱོགས་གཙོར་འཛིན་པ།

གསུམ། ཞིབ་འཇུག་ཐབས་ལམ་དང་བྱེད་ཕྱོགས་ཐད་ཀྱི་གསར་བརྗེ།


དཔྱད་གཞིའི་ཡིག་ཆ།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2015-11-25

གསར་སྤེལ་མཁན། :བདེ་ཆེན་མཚོ།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།