སྲིད་ཏང་།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

སྲིད་ཏང་ཞེས་པ་ནི་དེང་དུས་འཛམ་གླིང་རྒྱལ་ཁབ་ཁག་ལ་སྤྱི་ཁྱབ་ཏུ་གནས་པའི་སྤྱི་ཚོགས་ཆབ་སྲིད་ཀྱི་སྣང་ཚུལ་ཞིག་ཡིན་ཞིང་། དེང་དུས་རྒྱལ་ཁབ་ཀྱི་ཆབ་སྲིད་འཚོ་བའི་སྟོབས་ཤུགས་གལ་ཆེན་ཞིག་ཀྱང་ཡིན། དེང་རབས་རྒྱལ་ཁབ་ཏུ་སྤྱིར་བཏང་བྱས་ན་སྲིད་ཏང་གཅིག་གིས་རྒྱལ་ཁབ་ཀྱི་སྲིད་དབང་འཛིན་བཞིན་ཡོད་པ་དང་། སྲིད་ཏང་གིས་གྲལ་རིམ་དང་རིམ་གྲས། སྤྱི་ཚོགས་ཚོགས་པ་ངེས་ཅན་གྱི་ཁེ་ཕན་གྱི་ཚབ་བྱེད་བཞིན་ཡོད་པ་ཞིག་ཡིན། དེས་རྒྱལ་ཁབ་ཀྱི་དབང་ཆ་བཟུང་ནས་རང་ཉིད་ཀྱི་ཆབ་སྲིད་རྩ་འཛིན་མངོན་འགྱུར་བྱེད་བྱ་ཆེད་ཏང་དུ་ཞུགས་མཁན་གྱི་ཆབ་སྲིད་རྩ་འཛུགས་ཤིག་རེད། སྲིད་ཏང་དང་རྒྱལ་ཁབ་ཀྱི་སྲིད་དབང་བར་ལ་འབྲེལ་བ་དམ་ཟབ་ཡོད་ཅིང་། སྲིད་ཏང་ནི་ཆབ་སྲིད་རང་བཞིན་ལྡན་པའི་སྤྱི་ཚོགས་ཀྱི་ཚོགས་པ་གཞན་པ་དང་ཁྱད་པར་འབྱེད་པའི་རྩ་བའི་མཚོན་རྟགས་ཤིག་ཀྱང་ཡིན།
1 ​བྱུང་ཚུལ།

སྲིད་ཏང་ནི་ཉེ་དུས་མ་རྩ་རིང་ལུགས་ཀྱི་ལམ་ལུགས་ནས་བྱུང་བ་ཞིག་ཡིན། བཀས་བཀོད་རྒྱུད་འཛིན་སྲིད་དབང་སྒེར་འཛིན་ལ་ངོ་རྒོལ་བྱེད་པའི་གསར་བརྗེ་ནང་སྔོན་ལ་འབྱོར་ལྡན་གྲལ་རིམ་གྱི་སྲིད་ཏང་བྱུང་བ་དང་། སྔ་ཤོས་དེ་དུས་རབས 17 པའི་ལོ་རབས 70 བར་དབྱིན་ཇིར་བྱུང་བའི་ཧའེ་ཀེ་ཏང་དང་ཐོ་ལི་ཏང་གཉིས་ཡིན་པ་དང་། དེ་རྗེས་འབྱོར་ལྡན་གྲལ་རིམ་ལ་ངོ་རྒོལ་བྱེད་པའི་འཐབ་རྩོད་ནང་དུ་འབྱོར་མེད་གྲལ་རིམ་གྱི་སྲིད་ཏང་བྱུང་བ་དང་། 1847 ལོར་བྱུང་བའི་གུང་ཁྲན་རིང་ལུགས་ཀྱི་མནའ་མཐུན་རྩ་འཛུགས་དེ་འཛམ་གླིང་ཐོག་འབྱོར་མེད་གྲལ་རིམ་གྱི་སྲིད་ཏང་ཐོག་མ་དེ་ཡིན། 1894 ལོའི་ཟླ 11 པར་སུན་ཀྲུང་ཧྲན་གྱིས་ཨ་རིའི་ཙན་དན་རི་བོར་ཀྲུང་དར་ལྷན་ཚོགས་བཙུགས་པ་དེ་ནི་ཀྲུང་གོའི་ལོ་རྒྱུས་ཐོག་དངོས་སུ་བཙུགས་པའི་འབྱོར་ལྡན་གྲལ་རིམ་གྱི་གསར་བརྗེའི་ཤོག་ཁའི་སྲིད་ཏང་ཐོག་མ་དེ་ཡིན། ཀྲུང་གོའི་འབྱོར་མེད་གྲལ་རིམ་གྱི་སྲིད་ཏང་སྟེ་གུང་ཁྲན་ཏང་ནི 1921 ལོའི་ཟླ 7པར་བཙུགས་པ་ཞིག་ཡིན།

2 དབྱེ་བ།

སྲིད་ཏང་ནི་གྲལ་རིམ་ངེས་ཀྱི་ཁེ་ཕན་གྱི་ཚབ་བྱེད་པའི་ཆབ་སྲིད་ཚོགས་པ་ཞིག་དང་། གྲལ་རིམ་འཐབ་རྩོད་ཀྱི་ལག་ཆ་ཞིག་ཡིན་པས། གྲལ་རིམ་རྨང་གཞིར་གཞིགས་ནས་འབྱོར་ལྡན་གྲལ་རིམ་གྱི་སྲིད་ཏང་དང་འབྱོར་མེད་གྲལ་རིམ་གྱི་སྲིད་ཏང་རིགས་གཉིས་སུ་དབྱེ་བ་དང་། ད་དུང་ས་བདག་གྲལ་རིམ་གྱི་སྲིད་ཏང་དང་འབྱོར་ཆུང་གྲལ་རིམ་གྱི་སྲིད་ཏང་གཉིས་སུ་དབྱེ་བ། འདུ་ཤེས་འཛིན་སྟངས་ལ་གཞིགས་ནས་དབྱེ་ན། མ་རྩ་རིང་ལུགས་ཀྱི་སྲིད་ཏང་དང་དམངས་གཙོ་སྤྱི་ཚོགས་རིང་ལུགས་ཀྱི་སྲིད་ཏང་། གུང་ཁྲན་རིང་ལུགས་ཀྱི་སྲིད་ཏང་། མི་རིགས་རིང་ལུགས་ཀྱི་སྲིད་ཏང་བཅས་ཀྱི་དབྱེ་བ་ཡོད་པ་ཡིན། ཆབ་སྲིད་ཀྱི་གནས་བབ་ལྟར་དབྱེ་ན། སྲིད་འཛིན་ཏང་དང་སྲིད་འཛིན་མ་ཡིན་པའི་ཏང་གི་དབྱེ་བ་ཡོད་ལ། ད་དུང་ཁྲིམས་མཐུན་ཏང་དང་ཁྲིམས་མཐུན་མ་ཡིན་པའི་ཏང་། གསང་བའི་ཏང་སོགས་ཀྱི་དབྱེ་བ་ཡོད་པ་ཡིན། 

3 རྩ་བའི་ཁྱད་ཆོས།

སྲིད་ཏང་གི་རྩ་བའི་ཁྱད་ཆོས་སམ་མཐུན་རྐྱེན། 

1  ཆབ་སྲིད་རྩ་འཛིན་གསལ་བོ་དང་ཞིབ་ཕྲ་ཡོད་པ།

2  ཀྲུང་དབྱང་ནས་གཞི་རིམ་བར་རྩ་འཛུགས་ཀྱི་མ་ལག་ཆ་ཚང་ཡོད་པ།

3  ཏང་ཡོན་དང་རིམ་པ་ཁག་གི་འགོ་ཁྲིད་མི་སྣའི་གྲང་འབོར་ངེས་ཅན་ཡོད་པ།

4  ཏང་ཡོན་གྱི་བྱ་སྤྱོད་གཅུན་བྱེད་སྒྲིག་ཁྲིམས་ཡོད་པ།

5 ཆབ་སྲིད་རྩ་འཛིན་མངོན་དུ་འགྱུར་སླད་ནུས་ཤུགས་གང་ཡོད་ཀྱིས་རྒྱལ་ཁབ་ཀྱི་སྲིད་དབང་བརྩོན་ལེན་དང་ཐེ་ཞུགས་བྱེད་པའི་བྱེད་སྒོ་ཡོད་པ་བཅས་ཡིན།  


བརྡ་འགྲེལ་གདོང་འཛར།

ཚན་རིག། ཆབ་སྲིད་རིག་པ། སྲིད་ཏང་།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2015-11-11

གསར་སྤེལ་མཁན། :གངསསྨྱུག་སྲས།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།