ས་ཀ་ལ་པ།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ས་ཀ་ལ་པ།
གྲུབ་ཐོབ་བརྒྱད་ཅུ་རྩ་བཞིའི་ཡ་གྱལ་ཡིན། ཡོངས་གྲགས་སུ་གྲུབ་ཐོབ་བརྒྱད་ཅུ་རྩ་བཞིའམ་བརྒྱད་ཅུ་ཞེས་གྲགས་པ་ནི་བླ་མ་རྡོ་རྗེ་གདན་པས་ཚོགས་འཁོར་མཛད་པའི་དུས་སྐབས་སུ་བྱོན་པའི་གྲུབ་ཐོབ་གྲངས་ལ་བརྒྱད་ཅུ་བྱུང་བར་བརྟེན་ནས་དེ་ལྟར་གྲགས་པ་ཡིན། གྲུབ་ཆེན་བརྒྱད་ཅུ་རྩ་བཞི་དེ་དག་ནི་སྤྱི་ལོའི་དུས་རབས་བདུན་པ་ནས་སྤྱི་ལོའི་དུས་རབས་བཅུ་གཉིས་པའི་མཇུག་བར་ལོ་ངོ་དྲུག་བརྒྱའི་རིང་བྱོན་པའི་སྙན་གྲགས་ཆེ་ཤོས་ཀྱི་གྲུབ་ཐོབ་ཤ་སྟག་ཡིན།
གཞི་རྩའི་གནས་ཚུལ།

ལེགས་སྦྱར་གྱི་སྐད།
སློབ་དཔོན་པ་ཀ་ལ་པ། ས་ཀ་ལ་པ། ཀ་ལ་པ།
བོད་སྐད།
སྨྱོན་པ།
ཡུལ།
ར་ཛ་པུ་ར།
བླ་མ།
མཚན་མེད་པའི་རྣལ་འབྱོར་པ།
དངོས་གྲུབ་ཀྱི་རྟེན།
བདག་གཞན་གཉིས་མེད་ཀྱི་གདམས་པ།
གྲུབ་པ་གང་ཐོབ།
མཁའ་སྤྱོད་དུ་གཤེགས་པ།
སྤྱོད་པ།
དུར་ཁྲོད་དུ་གབ་ནས་སྡོད་པ།
ཆ་བྱད།
རལ་པའི་ཐོར་ཚུགས་ཅུང་ཟད་ཙམ་གཟུགས་མཛེས་པ། ཕྱག་མཉམ་བཞག་མཛད་ཅིང་དུར་ཁྲོད་ན་གནས་པའོ། །
1 རྣམ་ཐར་མདོར་བསྡུས།

སློབ་དཔོན་ས་ཀ་ལ་པའི(སྨྱོན་པ)ལོ་རྒྱུས་ནི།      ཡུལ་རཱ་ཛ་པུ་ར།      བླ་མ་རྣལ་འབྱོར་པ་ཞིག་ཡིན།      དེ་ཡང་ས་ཀ་ལ་པ་དེ་སྔོན་བཟོད་པ་བསྒོམས་པའི་འབྲས་བུས་གཟུགས་བྱད་བཟང་ཞིང་ཡིད་དུ་འོང་བས་རཱ་ཛ་པུ་རའི་སྐྱེ་བོའི་ཚོགས་ཀུན་བལྟ་ཞིང་ཕྱིར་འབྲངས་པས་དེ་སྐྱོ་ནས།      དུར་ཁྲོད་དུ་ཕྱིན་དེ་བསྡད་པས།      རྣལ་འབྱོར་པ་ཞིག་ན་རེ།    ཁྱོད་འདི་ན་ཅི་བྱེད་ཟེར།      བདག་མི་ཀུན་གྱིས་འདུག་ཏུ་མ་སྟེར་ནས་འདིར་གབ་པ་ཡིན་ཟེར།    འོ་ན་ཁྱོད་ཆོས་མི་བྱེད་དམ་བྱས་པས་བྱེད་དེ་བདག་ལ་ཆོས་སུས་སྟེར་ཟེར།     རྣལ་འབྱོར་པས་བདག་གིས་སྦྱིན་གྱི་གསུངས་ནས་འཁོར་ལོ་བདེ་མཆོག་གི་དཀྱིལ་འཁོར་དུ་དབང་བསྐུར།    བསྐྱེད་རྫོགས་ཀྱི་དོན་བསྒོམ་དུ་བཅུག་པས་བསྐྱེད་རྫོགས་ཟུང་འཇུག་གི་རྟོགས་པའི་ངང་དུ་བདག་གཞན་གཉིས་ཀྱི་དམིགས་པ་སྟོར་ནས།   ཤུགས་འབྱུང་ལྷུག་པའི་ངང་དུ་གྲོལ་ཏེ་སྤྱོད་པ་ལ་གནས་པས་རཱ་ཛ་པུ་རིའི་མི་ཀུན་ན་རེ།   འདིར་སྨྱོན་པ་ཞིག་འདུག་ཟེར་བ་ལ།  རྟོགས་པ་བརྗོད་ནས་ཤིང་ཏ་ལ་བདུན་ཙམ་ནམ་མཁའ་ལ་འཕགས་ཏེ་ཆོ་འཕྲུལ་སྣ་ཚོགས་བསྟན་ནས་མཁའ་སྤྱོད་དུ་གཤེགས་སོ།   །སློབ་དཔོན་ས་ཀ་ལ་པའི་རྟོགས་བརྗོད་ནི།    འགྲོ་བ་འདི་དག་ཐོགས་མེད་དུས་ནས་འཁྲུལ།   །འཁྲུལ་པའི་རང་བཞིན་འཇིག་རྟེན་སྨྱོན་པར་གྲགས།   །བླ་མའི་མན་ངག་བདུད་རྩི་སྨན་གྱིས་ནི།   །འཁྲུལ་པའི་ནད་རྣམས་སྐད་ཅིག་གཅིག་ལ་བསྲེགས།   །ཞེས་གསུངས་སོ།   །སློབ་དཔོན་ས་ཀ་ལ་པའི་རྣམ་ཐར་དང་ལོ་རྒྱུས་རྫོགས་སོ།   །


བརྡ་འགྲེལ་གདོང་འཛར།

ཆོས་ལུགས།
སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:1  སྔ་མའི་པར་གཞི།

ཉེ་ཆར་དག་བཅོས།:2015-10-12

གསར་སྤེལ་མཁན། :ལོ་མི་ཆུང་།

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།