ཨའོ་ཏི་ཞིའུ་སི།
མཉམ་སྤྱོད། QQབར་སྟོང་། སིན་ནཱ་ཟིན་ཕྲན། ཐིན་ཞུན་ཟིན་ཕྲན། སྐད་འཕྲིན།

ཨའོ་ཏི་ཞིའུ་སི།
ཨའོ་ཏི་ཞིའུ་སི་ནི་ཀེ་རི་སེའི་ལྷ་སྒྲུང་ངག་རྒྱུན་ཁྲོད་ཀྱི་མི་སྣ་ཞིག་ཡིན་ཞིང་། རོ་མའི་ལྷ་སྒྲུང་ངག་རྒྱུན་ཁྲོད་ཡིའུ་ལི་ཞི་སིའམ་ཡང་ན་ཡིའུ་ལི་ཁོ་སའེ་སི་ཟེར། ཨའོ་ཏི་ཞིའུ་སི་ཀེ་རི་སེའི་ནུབ་རྒྱུད་ཀྱི་དབྱི་ཐ་ཁ་ཏའོ་ཡི་རྒྱལ་བོ་ཡིན་ཞིང་། སྔོན་ཐའེ་ལོ་ཡེ་དམག་འཁྲུག་ལ་ཞུགས། དམག་མ་བསྐྱོད་སྔོན་ལ་ཀེ་རི་སེའི་ཕོ་ཉ་དང་འགྲོགས་ཏེ་ཐའེ་ལོ་ཡེ་རྒྱལ་བོ་ཕུའུ་ལི་ཨ་མོ་སི་ལ་མཇལ་ནས། ཞི་བདེ་ཡི་ངང་ནས་ཕ་ལི་སིས་ཧའེ་ལུན་འཕྲོག་པའི་རྩོད་གཞི་ཞི་ཐབས་བྱ་བའི་རེ་བ་བཏོན་མོད། འོན་ཀྱང་མཐར་འབྲས་བུ་ལེགས་པོ་མ་བྱུང་།
གཞི་རྩའི་གནས་ཚུལ།

རྒྱ་ཡིག་གི་མིང་།
奥德修斯
ཕྱི་ཡིག་གི་མིང་།
Odysseus
མིང་གཞན།
ཡིའུ་ལི་ཞི་སིའམ་ཡང་ན་ཡིའུ་ལི་ཁོ་སའེ་སི།
རྩོམ་ཁུངས།
《ཨའོ་ཏི་སའེ》
རྩོམ་པ་པོ།
ཧོ་མ།
1 ངོ་སྤྲོད།

ཨའོ་ཏི་ཞིའུ་སི་ནི་ཀེ་རི་སེའི་ལྷ་སྒྲུང་ངག་རྒྱུན་ཁྲོད་ཀྱི་མི་སྣ་ཞིག་ཡིན་ཞིང་།   རོ་མའི་ལྷ་སྒྲུང་ངག་རྒྱུན་ཁྲོད་ཡིའུ་ལི་ཞི་སིའམ་ཡང་ན་ཡིའུ་ལི་ཁོ་སའེ་སི་ཟེར།   ཨའོ་ཏི་ཞིའུ་སི་ཀེ་རི་སེའི་ནུབ་རྒྱུད་ཀྱི་དབྱི་ཐ་ཁ་ཏའོ་ཡི་རྒྱལ་བོ་ཡིན་ཞིང་།   སྔོན་ཐའེ་ལོ་ཡེ་དམག་འཁྲུག་ལ་ཞུགས།   དམག་མ་བསྐྱོད་སྔོན་ལ་ཀེ་རི་སེའི་ཕོ་ཉ་དང་འགྲོགས་ཏེ་ཐའེ་ལོ་ཡེ་རྒྱལ་བོ་ཕུའུ་ལི་ཨ་མོ་སི་ལ་མཇལ་ནས།   ཞི་བདེ་ཡི་ངང་ནས་ཕ་ལི་སིས་ཧའེ་ལུན་འཕྲོག་པའི་རྩོད་གཞི་ཞི་ཐབས་བྱ་བའི་རེ་བ་བཏོན་མོད།   འོན་ཀྱང་མཐར་འབྲས་བུ་ལེགས་པོ་མ་བྱུང་།

2 འབྲེལ་ཡོད་གཏམ་རྒྱུད།

ཨའོ་ཏི་ཞིའུ་སི་ནི་ཧོ་མའི་ལོ་རྒྱུས་སྙན་རྩོམ《ཨའོ་ཏི་སའེ》ནང་གི་མི་སྣ་གཙོ་བོ་ཡིན་ལ།  《ཨའོ་ཏི་སའེ》ཞེས་པ་ལས་ཀེ་རི་སེའི་དཔའ་བོ་ཨའོ་ཏི་ཞིའུ་སི་ཉིད་ཐའེ་ལོ་ཡེའི་འཐབ་འཁྲུག་མཇུག་རྫོགས་རྗེས་ཕྱིར་ཡུལ་དུ་ལོག་པའི་གཏམ་རྒྱུད་ཡིན། ཧོ་ཁི་ཐའོ་ཨེར་ཤི་བའི་རྗེས་སུའང་ཡེ་ལི་འང་རྫོང་གི་འཐབ་འཁྲུག་དེ་མུ་མཐུད་ནས་ཡུན་རིང་ཞིག་ལ་བརྒྱབ།       ཕྱིས་སུ་ཨ་ཁ་ལིག་སི་ཕ་ལི་སིས་མདས་བཀྲོངས།    ཀེ་རི་སེའི་དཔའ་བོ་ཨའོ་ཏི་ཞིའུ་སིས་བློ་བཏོན་ནས་ཤིང་ལས་བྱས་པའི་རྟ་ཆེན་པོ་ཁོག་སྟོང་ཞིག་བཟོས་ཏེ་ནང་དུ་དམག་བསྐུངས་ཤིང་།     ཕམ་པར་བྱས་ཁུལ་དུ་ཤིང་ལས་བྱས་པའི་རྟ་ཆེན་པོ་དེ་བསྐྱུར་ནས་ཕྱིར་བྲོས་པ་ན།         ཐའེ་ལོ་ཡེ་པ་རྣམས་ཀྱིས་རྒྱལ་ཁ་ལོན་པའི་རྟགས་སུ་གསོབ་རྟ་དེ་རྫོང་མཁར་ནང་དུ་དྲུད།        མཐར་ཀེ་རི་སེ་པ་རྣམས་ཀྱིས་ཕྱི་ནང་ཁ་སྤྲད་དེ་ཡེ་ལི་འང་རྫོང་གཏོར་ཅིང་།      ལོ་བཅུའི་རིང་ལ་བརྒྱབ་པའི་འཐབ་འཁྲུག་དེ་མཇུག་བསྡུས།    ཨའོ་ཏི་ཞིའུ་སིས་སྡོངས་གྲོགས་རྣམས་ཁྲིད་དེ་གྲུར་བསྡད་ནས་ཕྱིར་རང་ཡུལ་དུ་ཆས་མོད།    འོན་ཀྱང་ཕྱིར་ལོག་པའི་ལམ་བར་དུ་དཀའ་ཁག་རབ་དང་རིམ་པ་ཞིག་མྱངས།         《ཨའོ་ཏི་སའེ》ཡི་སྔོན་མའི་པོ་ཏི་བཅུ་གསུམ་ནི་ལྡོག་འབྲིའི་རྣམ་པ་བཀོལ་ནས་ཨའོ་ཏི་ཞིའུ་སི་ཧྥེ་འད་ཁི་སི་གླིང་ཕྲན་དུ་བསླེབས་རྗེས་རྒྱལ་པོ་ཨ་འར་ཅི་ནོ་སི་ཉིད་ལ་རང་གིས་དཀའ་ཐུབ་མྱངས་ཚུལ་ཞུས།     ཨའོ་ཏི་ཞིའུ་སི་འཁོར་དང་བཅས་པ་ཐོག་མར་ཁ་ཁུང་ནི་སི་པ་དག་གི་གནས་སུ་ཆས་ཏེ་དེ་དག་གི་རྒྱལ་ས་གཏོར། དེ་ནས་དྲན་ཉམས་པད་མ་ཟས་སུ་བྱེད་པའི་གནས་ཤིག་ཏུ་ཆས་ནས་ཁོ་ཚོས་ཀྱང་པད་མ་དེ་ཟས་སུ་སྤྱད་པས་དྲན་པ་ཉམས་ནས་ཕ་ཡུལ་བརྗེད།   ཕྱིས་སུ་གྱད་ཆེན་མིག་གཅིག་པས་ཁོ་ཚོ་བཟུང་ནས་གླིང་ཕྲན་དེའི་བྲག་ཁུང་ཞིག་ཏུ་བཅུག    ཨའོ་ཏི་ཞིའུ་སིས་བློ་བག་ཕབ་ཞོར་གྱད་ཆེན་ཆང་གིས་བཟི་རུ་བཅུག་ནས་མེར་བསྒྲོན་པའི་ཤིང་དུམ་གྱིས་གྱད་ཆེན་དེའི་མིག་གཅིག་པུ་རྨས་ཏེ་ཕྱིར་ཐལ།  དེའི་རྗེས་ནས་ལྷ་མོ་ཁ་འར་ཁིས་ཁོ་རང་གླིང་ཕྲན་ཞིག་གི་སྟེང་དུ་བཀག་པ་ལས་གཞན་ཁོའི་གྲོགས་པོ་ཚང་མ་རྫུ་འཕྲུལ་ལ་བརྟེན་ནས་ཕག་ཏུ་བསྒྱུར།  ཁོ་རང་ད་དུང་བདུད་མོའི་བསླུ་གླུ་དང་བདུད་རྒན་ཁ་ལི་པི་ཏི་སི།  སི་ཁའོ་ལ་བཅས་ལས་ཐར་ཏེ་དཀའ་ཐུབ་གང་མང་མྱངས་མཐར་ཕྱིར་ཕ་ཡུལ་དུ་འབྱོར།   དེ་དང་མཉམ་དུ་ཨའོ་ཏི་ཞིའུ་སིའི་ཆུང་མ་ཕའོ་ཉི་ལོ་ཕའོ་ཡིས་རང་ཡུལ་དུ་མིག་ཞར་རག་བར་དུ་བཟའ་ཟླར་སྒུག་ཡོད།   གཉིས་ཀའི་བུ་ཐེ་ལི་མ་ཁི་སི་ཡང་ནར་སོན་ཏེ་སྒོ་ཕྱི་རུ་གར་སོང་མི་ཤེས་པའི་ཨ་ཕ་བཙལ་དུ་ཕྱིན།  མི་ངན་གང་མང་ཞིག་གིས་ཨའོ་ཏི་ཞིའུ་སོ་ཤི་སོང་བར་བསམ་བཞིན་དེའི་རྒྱུ་ནོར་འཕྲོག་པར་ཨའོ་ཏི་ཞིའུ་སིའི་ཆུང་མ་ལ་གཉེན་བསླངས་གང་ཐུབ་བྱས་མོད། མོས་དེ་དག་ཡོད་ཚད་ལ་ཁ་ཡ་མ་བྱས་པར་ཨའོ་ཏི་ཞིའུ་སི་ལ་སྒུག      ཨའོ་ཏི་ཞིའུ་སི་ཡང་ལོ་བཅུའི་རིང་ལ་ཕྱོགས་ཡར་མར་དུ་དཀའ་སྡུག་གང་མང་མྱངས་མྱངས་མཐར་ཕྱིར་རང་ཡུལ་ལ་གཞི་ནས་བསླེབས་ཐུབ་པ་བྱུང་། ཁོ་རང་སྤྲང་པོ་ཞིག་ཏུ་བརྫུས་ནས་རྒྱལ་པོའི་ཕོ་བྲང་དུ་སོང་སྟེ་བུ་དང་མཉམ་དུ་གཉེན་སློང་མཁན་ཡོད་ཚད་ལྔ་ལམ་དུ་བརྫངས་པར་མ་ཟད།    དེ་དག་ལ་རོགས་བྱེད་མཁན་གྱི་གཡོག་པོ་ཡང་གཅིག་ཀྱང་ལུས་སུ་མ་བཅུག་པར་བསད།   མཐར་ཁྱིམ་གང་བོ་གཞིས་བྱེས་ལྷན་འཛོམས་བྱུང་ཞིང་ཨའོ་ཏི་ཞིག་སི་ཡང་བསྐྱར་རྒྱལ་སར་འཁོད་དེ་འབངས་ཡོངས་ལ་བདེ་སྐྱིད་ཀྱི་དྲོད་ཁོལ་བསྩལ་ཏོ། །


སྡུད་པ། འགྲེམ་པ།
འབྲེལ་ཡོད་འོས་སྦྱོར།
བརྡ་འགྲེལ་སྡོམ་རྩིས།

ཀློག་གྲངས། : 0

རྩོམ་སྒྲིག་ཁ་གྲངས།:3  སྔ་མའི་པར་གཞི།

ཉེ་ཆར་དག་བཅོས།:2016-01-18

གསར་སྤེལ་མཁན། :

བརྡ་འགྲེལ་འདིའི་རྩོམ་སྒྲིག་པ།
རིགས་འགྲེ་བརྡ་འགྲེལ།