འོམ་བུ་གདོང་སྣ།སྔ་མའི་པར་གཞི་དེ གཡུ་འབྲུག ནས 2016-09-12 09:07ལ་འགྲུབ།
འོམ་བུ་གདོང་སྣ་ཞེས་པ་ནི་མཚོ་ལྷོ་ཁུལ་ཁྲི་ཀ་རྫོང་རྨ་སྲིབ་གྲོང་རྡལ་སྲིད་གཞུང་གི་ལྷོ་ཕྱོགས་སུ་སྤྱི་ལེ2ཙམ་གྱིས་ཆོད་པའི་མི་རྩེ་སྒང་ཟེར་བའི་ཉེ་ཕྱོགས་སུ་ཡོད། འདི་ནི་ཁྲི་ཀའི་ས་ཆའི་གཉན་པོ་གདོང་གསུམ་དུ་གྲགས་པའི་ནང་གི་གཅིག་ཡིན། ཡུལ་འདིའི་རྒན་པོ་རྣམས་ཀྱི་ངག་རྒྱུན་ལ། སྔོན་གྱི་དུས་སུ་གདོང་སྣ་འདིའི་ཉེ་འཁོར་ནི་ཤིང་འོམ་བུའི་ནགས་ཚལ་ཚང་ཚིང་དུ་འཁྲིགས་པའི་གནས་ཤིག་ཡིན་པའི་རྒྱུ་མཚན་གྱིས། གནས་འདི་ལ་འོམ་བུ་གདོང་སྣ་རུ་འབོད་པའམ་འབྲི་བ་ཡིན་ཡང་། ཡུལ་འདིའི་ཁ་སྐད་ཀྱི་དབང་གིས་འོམ་བུ་ཞེས་པའི་མིང་མཐའི་བུ་ཡིག་ལ་སྔོན་འཇུག་གི་འ་ཡིག་ཡོད་པ་ལྟར་འོམ་འབུ་གདོང་སྣ་རུ་འབོད་པ་ད་ལྟའི་བར་རྒྱུན་འབྱམས་སུ་གྱུར་ཡོད་པས། དེང་སང་ཁ་ཅིག་གིས་གནས་འདི་ལ་བོན་པོ་གདོང་སྣ་རུ་འབོད་པ་ནི། འོམ་བུ་གདོང་སྣའམ་འོམ་འབུ་གདོང་སྣའི་སྒྲ་ཟུར་རིམ་གྱིས་ཉམས་པའི་འབོད་སྟངས་ཤིག་ཡིན་ནོ།།