མཐའ་དཔྱོད་གསར་མ་པ།སྔ་མའི་པར་གཞི་དེ དགྲ་ལྷ་བཀྲ་ཤིས།11 ནས 2024-04-26 17:47ལ་འགྲུབ།
མཐའ་དཔྱོད་གསར་མ་པས་བསྟན་བཅོས་ཀྱི་རང་གཟུགས་ཀྱི་ཞིབ་འཇུག་ལ་མཐོང་ཆེན་བྱེད་པ་དང་། སྒྱུ་རྩལ་གྱི་ནང་རྐྱེན་བྱེ་བྲག་པར་ཡང་དབྱེ་་འབྱེད་ཕྲ་ཞིབ་བྱེད་པའི་ལུགས་གསར་འདིས་ཡུན་རིང་དུ་དར་བའི་ལོ་རྒྱུས་ཀྱི་རྐྱེན་ཁོ་ནའི་ཞིབ་འཇུག་ལ་མཐོང་ཆེན་བྱས་པ་དེ་ལས་བསྟན་བཅོས་རང་གཟུགས་ཀྱི་ཞིབ་འཇུག་ལ་སྣང་མེད་བྱེད་པ་དང་། བརྗོད་བྱའི་བསམ་དོན་ལ་དབྱེ་ཞིབ་བྱེད་པ་ལས་སྒྱུ་རྩལ་རྣམ་པ་ལ་དབྱེ་ཞིབ་མི་བྱེད་པའི་སྲོལ་རྒྱུན་གྱི་མཐའ་དཔྱོད་བྱེད་སྟངས་ལ་བཅོས་སྒྱུར་བྱེད་པར་དཔྱད་གཞིའི་མེ་ལོང་ལྟ་བུའི་ལེགས་ཉེས་ཀྱི་དབྱེ་བ་འབྱེད་པའི་མཐའ་དཔྱོད་ཀྱི་རིག་སྒོ་ཕྱེས་ཡོད། འོན་ཏེ་ཁོ་ཚོས་བསྟན་བཅོས་དང་ཕྱི་རོལ་འཇིག་རྟེན་གྱི་འབྲེལ་ཐག་རྣམ་པར་བཅད་དེ་རྣམ་པའི་གལ་ཆེན་རང་བཞིན་ཁོ་ན་བརྗོད་པའི་ཕྱོགས་སུ་ལྷུང་བ་དང་དེ་མིན་ར་མགོ་ལུག་སྦྱར་ལྟ་བུའི་མཐའ་དཔྱོད་པའི་སྐྱོན་དེ་དག་རྩ་བ་ནས་བླང་བྱ་མ་ཡིན་པར་ཤེས་དགོས་སོ། །